يا أهل القصيم الفزعه

[ابو حسام]

السلام عليكمخ ورحمة الله وبركاته

أخواني أهل القصيم
سمعت ان عندكم افضل محلات للتجهيزات البريه.
لدي سياره لاندكروزر 2003 واريد تركيب خزان مائي بها فبماذا تنصحون وماهي الاسعار وماهي المحلات ذات الجوده العاليه؟

وبارك الل فيكم.

[دله وفنجال]

السلام عليكم ...


اخوي ابو فيصل المحلات واجد بلقصيم ولاكن اشهر محل السنيدي ببريدة بسوق( الجردة)
وعندة جميع انواع ولوازم الرحلات تفصيل ولا جاهز على حسب الطلب والتفصيل على حسب الزيادات الي انت طالبه منه يزود السعر هذا بنسبة لتكميل الموتر من تلبيس سدو او غير ذالك .
اما بنسبة للتوانك سلمك الله يابو فيصل انا امفصل تانكي ماء داخلي والموتر لاندكروزر vxr لان الموتر خلفية لكزس والي انا امركبة المنيوم والحقيقة ممتاز ممتاز ولة سنة معي ماتغير طعم الماء فية ومواصفاته طال عمرك هي :
1: اسمك من الستيل واخف منه بلوزن بحيث انك تشيلة انت بنفسك من غير مساعدة احد .
2: اذا صار الستيل داخل الموتر يقال انه يخور والطعم يتغير لاكن الالمنيوم يضل على حاله مايتغير .
3: الستيل اغلى من الالمنيوم بسعر .
على فكرة التانكي الي عندي 120 لتر والسعر 1000 ريال مع ضمان 10 سنوات .

محل التانكي الي ركبت عنده موجود في مدينة الرس بصناعية وسم المحل الضويان وعلى ما اعتقد انة هو الوحيد بمنطقة القصيم الي يركب المنيوم وانا والله انصح بل المنيوم لانة الحقيقة ممتاز مرة اذا كانك تبي اتركبه داخل الموتر اما خارجي لا مايصلح الا الستيل لانة اقوا منة ويتحمل الصدمات .

ومن محلات الستيل المشهورة بلقصيم الصقعبي بلرس . وهنالك محلات واجد لاكن هذا الي انا اعرف .

على فكرة اذا انك واحد تبي اتحافض على موترك من الوصخ وتحافض على مراتبك من التربات ورجلين البزارين ويكرم من يقرا لازم تزور الشلال بعنيزة حقين تلبيس السيارات وترا تلبيسهم ممتاز مرة وماتفرق عن حق الوكالة وشغلهم متعوب علية من تلبيسة الارضية الى الدركسون شغل سنع ويستاهل . ولاهوب غالين بلحيل لاكن سعرهم بشغلهم .

ارجو اني افدتك وني ما طولت عليك وعذرن ان كاني قصرت ابشي او سهيت عن شي .
هذا الي عندي والله ولي التوفيق ....

اخوك الاستبنه ...

[ابو حسام]

بيض الله وجهك وماقصرت وجعلك ذخر :)
بالنسبة للتلبيس كم يكلف؟؟؟

وجزاك الله خير

[الباهي]

[HR]الاستبنه

ياليت توضح لي وين التانكي مركب بالظبط لاني انا راح اركب واحد
داخلي في الشنطه يعني بالارضيه تبع الشنطه
هل انت مركبه بالشنطه ورا السيت الخلفي وهل هومركب على ارضيه الشنطه
يعني مغطي الشنطه كلها وايش قد ارتفاعه عن الارضيه

ياليتك توضحلي بالظبط كيف مركب لاني بركب واحد سعه 45 لتر تقريبا
وما تلاحظ ان 120 لتر مويه بتثقل عللا السياره وخاصه انه ليس شاص
يعني السياره بتنزل كثير اذا عبيته وبعد بتحط بعض الاغراض بيصير ثقيل مره
ارجو منك توضيح الامر لي وذلك للاهميه
بارك الله فيك
اخوك الباهي

[الباهي]

الاستينه

وينك انتظر رد منك وتوضيح اذا ماعليك امر

وذلك للاهميه القصوى:alarm: :alarm:

[دله وفنجال]

السلام عليكم ...


معليش ياخوي الباهي على التأخير لاني ما دخلت الى متأخر اشوي .

هذا سلمك الله مفروش فرش على الارضية ولا ياخذ محل واجد لان ماشاء الله الشنطة وسيعة وتضف اغراض واجدوعلى فكرة التانكي الي عندي مغطي كل الارضية تقريبأ
وحسب طال عمرك من المرتبة الوسطية الى قبل الباب بنص شبر ومن الجنب للجنب .
ورتفاعة تقريباً من 8 سم الى 10 سم . اخوي الباهي ان كانك تبي اتركب 40 لتر مايحتاج تفك المراتب الخلفية وخلة خلف المراتب بلجزء المتبقي من الشنطة لان مقاس الاربعين لتر مقاس صغير ولا ياخذ حيز كبير . اما بنسبة لي فأنا فاك المراتب الخلفية .


اخوي ابو فيصل انا لبست موتري من الى بـ 1600 ريال ويتضمن الاتي :

1: عوازل ارضية .
2: تلبيس المراتب على نفس نقشة المراتب تقريباً .
3: تلبيس الفرشة بلاستيك للحفاض عليها من الطين وغير ذالك .
4: تلبيس الطبلون (التبلون) .
5: تلبيس الدركسون .
والصراحة كل من ركب مايتوقع انه تلبسه .

انصحك به .


هذا الي عندي وارجو اني افدتكم وما طولت عليكم ...

[ابو حسام]

مشكور أخوي ألاستبنه
اللي اعرفه في الخزانات انها تركب تحت الموتر بجانب كفر الاستبنه. لكن ما هو الافضل من الداخل ام الخارج؟

وشكرا

[الباهي]

الاستبنه
مشكور وماقصرت على الشرح انا راح اركب نفس اللي انت مركبه
وسيارتي الان بالامارات لتركيب التوانكي وبعض النواقص
بالنسبه تقول مايحتاج اشيل الكراسي الخلفيه انا شايلهم من زمان
وراح اركب التانكي على الارضيه بالكامل لانه بالفعل 40لتر لاكنه
تانكيين 40 مويه و40 بنزين وبيكونون مفروشين على الارضيه بالكامل
ومصنوعه من الالمونيوم في ورشه متخصصه......


عندي لك نصيحه عساك سويتها وهي ان يكون التانكي مقسم من الداخل
علشان اذا بقى فيه مويه ومع المطبات مايطلع صوت وازعاج
(وهذي الحركه ضروريه)

مع تحيات اخوك
الباهي

[الباهي]

ابوفيصل
بعد اذن الاستبنه ارد عليك
داخل السياره احسن له واحفظ له من الحصى يعني احتمال تضرب فيه
حصاه وانت ماشي او اي شي تمر عليه يضرب فيه احتمال انه يشقه
وداخل احفظ له من تقلبات الجومن مطر وطين ووسخ علشان مايحلي

وبس

[ابو حسام]

مشكور اخوي الباهي
لكني اتمنى لو احد عنده صور للتانكي من الداخل
لآني مو متخيل انه مختفي على الاضيه ومهوب شاغل مساحه من الداخل وخاصة اني ماشلت المقاعد الخلفيه

[دله وفنجال]

السلام عليكم ...


اخوي الباهي القواطع الداخلية هي اهم مافي التانكي ووضيفته ماتقتصر على تخفيف الازعاج الناتج من ارتداد الماء داخل التانكي بس وتلعب دور في تحمل التانكي للحمل الي يوضع علية اذا كان مفروش على الارضية ولنصيحة بعد لبس التانكي طربال على شان يختفي صوت الماء نهائيً تقريباً .(عازل ).

اما بنسبه ان الداخلي افضل فهو في نضري الافضل لاكن عيبه انه في بعض الاحيان يغفل الشخص عن تسكير غطا التانكي ومن ثم تشوف الدنيا اتخرخر مع كل جهه الا في حاله وحدة وهي اذا مديتلة حنفية خارج الموتر وهي من حدر عن طريق الفتحات الي تحت الفرشة لاكن هذي الطريقه الصراحة ماسويته لاكن اذا اقبل الشتا نبي انباشر بلموضوع . والخارجي زين اذا كان الكفر علوي (على الباب ) .

اما بنسبة للصور يابو فيصل يمكن ماتبيلك الوضع الحقيقي والمشكلة اني الى الان ما اعرف وشلون انزل صور ولأ عندي عزاير بقعا ولا ادري وشلون وصور اتهول لاكن الشكوى لله .
ونا ابحاول انزل الصور لك يابو فيصل .( على فكره ترا التانكي الداخلي مايحتاج اتربطه ابمسامير يعني لو خليته كذا ازين لك على شان كل ماطرالك طاري الااك ماتلعوز بشيلتة .

[الباهي]

يبض الله وجهك يالاستبنه وماقصرت

اجل التوانكي اللي بركبها نفس توانكيك
وهذي اعتقد انها افضل شي على الاطلاق


وتقبل تحياتي
الباهي

[ابو حسام]

لا هنت اخوي استبنه وخل الموضوع على راحتك لا تتعب نفسك :)