حبل قوي

[ساكن البياصي]

يالربع السلام عليكم

من يقولي عن احسن حبل

أبيه بهذي المميزات :

طويل ,,,,,,, قوي ,,,,,,,, سهل الربط والفك ,,,,,,,, سهل الوضع بالسيارة

[ساكن البياصي]

.

يعني لازم الواحد يتزيعط على شان تردون عليه

.

[هولوكس2005]

وشبك زعل


بعدين وش تقصد بحبل؟؟

تبي تسحب فيه سيارات ولا دركترات ولا تبي تربط فيه أغراضك

حدد

[ساكن البياصي]

يا حبني لك إيه أبا اسحب به السيارات

يعني فزعة إذا لقيت واحد مغرز

[سداااااح]

ان كان تدور الزين حتى لوكان غالي تلقاه عند الرمايه يجر الى 8000 كيلو والطول 9 متروالسعر 270 الى 280اما تبي الرخص مافيه غير السلسله

[ساكن البياصي]

ان كان تدور الزين حتى لوكان غالي تلقاه عند الرمايه يجر الى 8000 كيلو والطول 9 متروالسعر 270 الى 280اما تبي الرخص مافيه غير السلسله

.

والله إنك جبتها بس ما ينقطع ويفشلنا

.

[سداااااح]

اخوي بعد عندهم واير ثاني يجر 12000 والسعر قريب 170
ايه قريب 170
بس الطول 3 متر

[سداااااح]

انا ماتل جمس ولا انقطع ولا شي ابو 9 متر

[ساكن البياصي]

انا ماتل جمس ولا انقطع ولا شي ابو 9 متر

اسمعه يذن قل آمين مع هالاذان الله يعطيك العافية ويرزقك ويوفقك

[سداااااح]

طبعن الوايرات اللي تكلمت عنها هي من شركة arp الامريكيه

[سداااااح]

وياك اخوي ساكن البياصي

[الداعم]

الحبل القوي ولا ينقطع ابداً
مر اي عمارة تعمر وخذ سيخ 8مم وله ضمان لمدة 50سنه
تقبل مروري وتعليقي

[ساكن البياصي]

الداعم انت تحسب العماير سبل وفرضا يعني

اقول سهل الحمل بالسيارة بالجيب

عموما شاكر لك يا خفيف الظل

[ساكن البياصي]

طبعن الوايرات اللي تكلمت عنها هي من شركة arp الامريكيه

سدااااح حبيب قلبي يعني الاسم مكتوب على الحبل و الا ستيكر وال كيس

على شان ما يلعبون علي بس :D

[رجل كريم]

يوجد لدى محلات زينة السيارات سلك للسحب بطول 4 امتار وقوة سحب 7 اطنان بثلاثين ريال وله معي اكثر من ثلاث سنوات وسحبت فيه اكثر من 40 سيارة ولله ا لحمد والمنة وصناعته صيني بس مش اي صيني جودة عالية 7 اطنان وزن دينا كبيرة محملة ماظن انك بتاخذه لاجل الدينا . . يعني لك وللزمن ..


تحياتي ..

[عاشق وادي الدواسر]

بسم الله الرحمن الرحيم


اسمع وانا اخوك في طريقه انا ابتكرتها بفسي وهي شراء سلسله من محلات الادوات الكهربائيه بس تكون عريضه
ووضع شنكار من كلا الطرفين او كما تفضل اخوي داكار بشراء حبل من محلات الزينه وهو عندي من 6شهور هو والسلسله و اذكر اني سحبت فيها كذا مره جموس وجيوب متعلقين بالصمان حول خبة العمود ومحلات ثانيه غيرها ولا انقطعت ولله الحمد

[ساكن البياصي]

.
داكار مشكور يعني لو تخليهن اثنين

احسن اهم شي طول الحبل على شان ترتاح و أنت تسححب العالم

نشوف إن شاء الله وش نرسي عليه
.

[ساكن البياصي]

وادي الدواسر يا حبني لك

أما السلسلة صراحة تخليك تسحب و أنت متطمن بعد عون الله

عندي سلسلة لكنه قصيرة وفكرة الشناكير جميلة

[هولوكس2005]

سلسله هههههههههههههههههههه

اذا كنت ماتبي نفسك ومسرتخص سيارك اشر لك سلسله



فيه واحد اعرفه معه جيب 2006 بوقفته سحب له واحد وانقطعت السلسله واعدم باب الشنطه

[كانو1]

[با اخوان السلسلة للسحب في الإسفلت للسيارات المتعطلة علشان لاحتكت بالاسفلت ما تنقطع والحبل للرمل علشان لو انقطع ما يضر السيارة وتقدر تحط بطانية في وسط السلسلة وقت السحب من الرمل لو انقطعت ما تضر السيارة أما الحبل ما تقدر تستعمله في الاسفلت لأنه يتقطع مع الارتخاء في الاسفلت هذي معلومة أتمنى الاستفاده منها وشكراً .

[ساكن البياصي]

سلسله هههههههههههههههههههه

اذا كنت ماتبي نفسك ومسرتخص سيارك اشر لك سلسله

فيه واحد اعرفه معه جيب 2006 بوقفته سحب له واحد وانقطعت السلسله واعدم باب الشنطه

عجيب أخوي هولكس 2005 شكرا لك على الفائدة
.
و إثراء الموضوع

[الدحبول]

يوجد لدى محلات زينة السيارات سلك للسحب بطول 4 امتار وقوة سحب 7 اطنان بثلاثين ريال وله معي اكثر من ثلاث سنوات وسحبت فيه اكثر من 40 سيارة ولله ا لحمد والمنة وصناعته صيني بس مش اي صيني جودة عالية 7 اطنان وزن دينا كبيرة محملة ماظن انك بتاخذه لاجل الدينا . . يعني لك وللزمن ..




تحياتي ..


يمكن نفس يلي معي
سحبت علية صوالين ونيتات ومرة دينة محملة كانت متعطلة على الازفلت ( مخالف النظام ):D
انا بصور الحبل سعرة 30 إذا كنت ذيب 25 ريال سعودي

[ساكن البياصي]

[با اخوان السلسلة للسحب في الإسفلت للسيارات المتعطلة علشان لاحتكت بالاسفلت ما تنقطع والحبل للرمل علشان لو انقطع ما يضر السيارة وتقدر تحط بطانية في وسط السلسلة وقت السحب من الرمل لو انقطعت ما تضر السيارة أما الحبل ما تقدر تستعمله في الاسفلت لأنه يتقطع مع الارتخاء في الاسفلت هذي معلومة أتمنى الاستفاده منها وشكراً .

.
مشكور أخوي كاو1 على الفائدة بل الفوائد والمعلوملت القيمة

[ساكن البياصي]

يمكن نفس يلي معي
سحبت علية صوالين ونيتات ومرة دينة محملة كانت متعطلة على الازفلت ( مخالف النظام ):D
انا بصور الحبل سعرة 30 إذا كنت ذيب 25 ريال سعودي

حبيب قلبي يا الدحبول ما دام الحبل زين قوي ناخذ 8 متر 4 *2 يعني دبل

والسعر مناسب بلحيل

[روافد]

اخوي فيه حزام ممتاز في شارع الريل يستعمل للكرينات ركب عليه هوك من الجهتين و لو تسحب طيارة ما ينقطع يبيض الوجه و ليس غالي

[الدحبول]

http://www.mekshat.com/pix/upload/images44/mk36065_xxcda.jpg

[ساكن البياصي]

اخوي فيه حزام ممتاز في شارع الريل يستعمل للكرينات ركب عليه هوك من الجهتين و لو تسحب طيارة ما ينقطع يبيض الوجه و ليس غالي

الله يبيض وجهك أخوي في الدنيا والآخرة

[ساكن البياصي]

http://www.mekshat.com/pix/upload/images44/mk36065_xxcda.jpg


الدحبول عشت ولبست البشت والله يعافيك ويوفقك مجهود تشكر عليه

عساك ما تشوف شر طول عمرك

[الدحبول]

ماقمت إلا بالواجب
وفي حبل سميك جدا ينباع في البقالة الكبيرة ب 30 ريال
بس إنصحك بلخبطة يلي في الصورة
لاني مجربة ونخوك
وشور الاول والخير لك
ونصيحة خله حلق في إذنك إنتبه !!!!!!!!!!! تشتري السبتة يلي لونة برتقالي وتجي أصفر

[طحنون]

احسن واير قلص اللي هو الاسترالي الصنع ويتمطط على شان ما ياثر على السيارتين وقوي جدا وسعره فيه
وتقريبا سعره حول 270 واامن من السلسه

[ساكن البياصي]

الدحبول أضحك الله سنك والله ضحكتن بالنصيحة الي أحطة حلق باذني
.
الله يسلمك من كل شر

[ساكن البياصي]

احسن واير قلص اللي هو الاسترالي الصنع ويتمطط على شان ما ياثر على السيارتين وقوي جدا وسعره فيه
وتقريبا سعره حول 270 واامن من السلسه

مشكور أخوي طحنون
.
والله إنكم أخوة ينشد بكم الساعد :D جملة احس انه امتلخبصة

[مدير العمليات]

استاذي الكريم : مافية زي واير انا استخدمه الآن صناعتة نيوزلندي طوله 6متر وقيمته 90 ريال يباع عند محل بالقصيم لااتذكر اسمه ويستخدم خاص للبواخر لتحميل البضائع من الميناء للسفينة دليل على قوة تحمله ( عطني عنوانك وانا ارسلك واحد ولايهمك) وغير هذاالنوع لايهمك اجود نوع على الاطلاق سهل الحمل
خفيف الوزن .... انتهى

[الفيافي]

السلام عليكم / يخوي اذا تبي حبل قوي وطيب اسأل عن الحبل مصنوع من الحرير انا مجربه وهو مقاسات وأنا اخذت نحيف شوي متره بريالين فقط والله ياهو حبل ينفع لكل شي سحب وغيرة وياما طلعت ناس فيه ويجي نوع امتن منه ونفس الخامه بس متين بالحيل وهي على العموم احجام وبعدين ملمسه على اليد بارد لأنه مصنوع من الحرير وشيله بالسياره ممتاز واذا اخذته ان شاء الله غير تدعيلي والتجربه خير برهان

[VTC]

السلام عليكم ورحمة الله وبركاته

من خلال تجربه لعدة وايرات للسحب اليك مايلي:
1 الواير الحديد المعروف جيد وقوي التحمل ولا ينقطع بسهوله واذا بغى ينقطع يبدى يتقطع شوي شوي وتتنبه له وترخي السحب ولاكن بعد عدة سحبات ينعفل ويصير صعب اللف والتحميل ويغثك الين تنطله باقرب زباله
2 السلسه وهي قويه وسهلة الحمل وسهله الفك والتركيب في الشنكار ولاكن اذا انقطعت تنقطع فجأة بدون سابق انذار واذا سلم شخصك واخويك ماسلم منها السيارات
3 وهو في نظري الافضل والاجود وسعره مناسب الى وهو السبته ولاكن هناك انواع فعليك بالكبير منها والي يتحمل 6طن انا عندي وحده رصاصية طولها 8 متر ومن الاطراف مخيوطة خياطه محكمة وتتحمل 5 طن وهنالك وحدة مدبله سبتتين مخيوطه ببعض وتتحمل 10 طن وفي غالب السبته انها ماتنقطع فجأة بل تبدء بالتمزق ثم تنقطع واذا لاقدر الله وانقطعت فأن تأثيرها يكون بسيط


وعفوا على الاطاله

[ساكن البياصي]

استاذي الكريم : ( عطني عنوانك وانا ارسلك واحد ولايهمك)
خفيف الوزن .... انتهى
.
أخوي مدير العمليات جزاك الله خيرا
.
خدمك المال والبنون والحور في جنات النعيم هل الحبل لين يعني اطويه واحطه بكرتون
.
وهل اقول لهم واير ونش الي يرفع البضايع

[ساكن البياصي]

السلام عليكم / يخوي اذا تبي حبل قوي وطيب اسأل عن الحبل مصنوع من الحرير انا مجربه وهو مقاسات وأنا اخذت نحيف شوي متره بريالين فقط والله ياهو حبل ينفع لكل شي سحب
.
أخوي الفيافي وفقك الله من الحرير وقوي يبدو إنه مطعم بمواد قوية
.
وهو راح نضعه في قائمة الخيارات الي سأضعها في نهاية الموضوع

[ساكن البياصي]

السلام عليكم ورحمة الله وبركاته

من خلال تجربه لعدة وايرات للسحب اليك مايلي:
وعفوا على الاطاله
.
أخوي vtc وفقك الله وشكرا على إثرائك الموضوع
.
وهو راح نضعه في قائمة الخيارات الي سأضعها في نهاية الموضوع

http://www.mekshat.com/vb/images/misc/progress.gif

[s3ed]

السلام عليكم


انا ولله الحمد استعمل هذا النوع من الحبال -القلص- من مدة طويلة


هذا النوع من شركة arb مبالغ في سعرة بس اعتقد لو دورت في محلات الشاحنات وقطع الغيار بتلقا انواع هولندية قوية وعليها شهادة ضمان حكومية بأوزان وقوى مختلفة حتى 10 طن واكثر بسعر ارخص


في ابوظبي اشتريتة من شركة ابكس في المنطقة الصناعية-مصفح- بحدود ال 100 درهم


انا اللي عندي طولة 6 امتار


المشكلة اذا ربطة صعب ينفتح لازم تستعمل خطاف او شالكة بالانجليزي او ادخل طرف الحبل في الفتحة المخصصة للسحب وتحط وتعكسها بحديدة او مفك العجلات




http://www.mekshat.com/pix/upload/images44/mk11661_40.jpg.jpg



هذا الحبل نفس النوع








http://www.mekshat.com/pix/upload/images44/mk11661_shackle.jpg




الشالكة




http://www.mekshat.com/pix/upload/images44/mk11661_arge.jpg

[مطحن]

السلام عليكم ورحمة الله وبركاته

تبي علاجك ...... رح لمحل المحيميد بشارع الريل عنده نون وما يعلمون من عدة السحب والرفع واسعاره معقوله والمقاسات اللي عنده شي يوحش

اخوك عبدالرحمن

[مدير العمليات]

.
أخوي مدير العمليات جزاك الله خيرا
.
خدمك المال والبنون والحور في جنات النعيم هل الحبل لين يعني اطويه واحطه بكرتون
.
وهل اقول لهم واير ونش الي يرفع البضايع

استاذي العزيز :الحبل يتم طويه بسهولة وممكن تفصله جراب على مزاجك

وبالنسبة للمحل بجانب البنك العربي ببريدة اول ماتدخل تحصل الوايرات معروضة قدامك... وخذ الي صناعتة

نيوزلندي .... تحياتي

[كانو1]

.
مشكور أخوي كاو1 على الفائدة بل الفوائد والمعلوملت القيمة
لا شكر على واجب .
الله يجعل عملي وعملك خالصة لوجهه الكريم ويرزقنا الجنة
اللي عنده معلومه ويبخل بها على الناس مسكين تموت معه ومحروم من أجرها .
الله لا يحرمنا واياك الأجر .

[القاموس]

( السبتة اللي ما مثلها ) موجودة في محل العوشن في البديعة في الرياض
تسحب 6000 ك وطولها 5م وسعرها في حدود 80 ريال قبل غلا الرز

تحياتي