المساعد الشخصي الرقمي

مشاهدة النسخة كاملة : ..... مايدخل الا بس اللي معه لاند كروزر ... بس بس..... راعي التفك يحولون


كشتة عزاب
12/08/2007, 07:33 PM
السلام عليكم ورحمة الله وبركاته

ياشباب اللي معه لاند كروزر وخاصة من موديل 99 وفوق


كثيرا منا يحس بعد فتره يحس باصوات تحت السيارة ( تضيق الصدر) :mad:


وخاصة اذا رقيت مطب او رقيت فوق عيون القطط

تسمع الصوت بالظبط عند الكفرات

والي معه لاند يعرف هالصوت


هل فيه حل ... ؟


هل المشكلة من العكوس او المقصات .. ؟
فتى شنه
12/08/2007, 08:08 PM
شيك عليها كلها وياكثر الاندات اللي تطلع كفرته بمقصه كامله تطلع برى والسياره تمشي

فانتبه من هالصوت وشيك على سيارتك

سبق وان طلعت الكفره بمقصها عند قريب لي والحمدلله لم يصب بمكروه لكن السياره حصل تلافيات فيها
بدوي جنوبي
12/08/2007, 08:12 PM
عليكم السلام ورحمة الله وبركاته
لم توفق في العنوان اخي كشته
الدحبول
12/08/2007, 08:15 PM
من وين تسمعة من الكفرات الخلفية أو الامامية
القرناس المهاجر
12/08/2007, 08:17 PM
دخــلها ميزان ممتـاز وخـله يشيك على الجوزات تراها تروح في اللاند بسـرعه 00 وأكيد ان الصوت منها

اخوك00 القرناس المهاجر
كشتة عزاب
12/08/2007, 08:43 PM
يعطيكم العافية

وياليت اللي صارت معه هالمشكلة وحلها يقولنا
جرب حظك
13/08/2007, 01:17 AM
ربلات الشيال ياخوي بدلهم بس ماجي ربل لوحده ينباع شيال كامل وأكثر شي يتلف إلي في الأعلى
نجم الوادي
13/08/2007, 01:34 AM
اخي كشتة عزاب عند الوالد الله يحفظه نفس المشكلة
وسيارته vxrموديل 2004 عبد اللطيف فل
يقولي عفت اللاند سبة هذي الاصوات
مع العلم انه من محبيها
افيدونا يالربع تكفون
M o b d a
13/08/2007, 06:54 AM
الله والعالم إنها

من المقصات

لان أذكر واحد نزل موضوع نفس طريقتك لاكن حلها غير فيها أشياء ويقول راحت لاكن والله ماني متأكد منها بالضبط

طيب شف جلب الموتر تلقاها متقطعه تصير بالتويوتا كله ..

والله يعينك وأنا معي 2006 ما فيه شيء للحين الحمد لله يا رب

علمني وش يصير لك ..
البريداوي 872
13/08/2007, 09:33 AM
اتوقع والله اعلم ان المشكلة من الجلب حقت المقصات وللمعلوميه من 98 الى2007 مايجي دفرنس امامي يجي مقصات واتوقع المشكلة منهن
القرناس المهاجر
13/08/2007, 10:02 AM
ياخوي هالمشكله صارت معي بس إني خسرت واجد
طبعا السياره أول مايمسح الكفر 00 وتضعف او تتلف المساعدات يكون الحمل على المقصات وجوزاتها بالتالي تخرب ويجيك الطقطقه 00 وعشان كذا أنا عملت التالي حتى ترتفع الساره وتنشد شدة بلدها 00
1- طقم كفر
2- اربع مساعدات
3- مقصات أو جوزات الأسماء كثيره المهم انها نهاية المقص من توالي الكفر وهي متحركه ولكن مالها مشاحم هي اللي غيرتها
والحمد لله ارتحت من الصوت نهائياً 00 وموتري 2002
إذا نجحت الطريق ادعيلي 00 :D
بن محفوظ
13/08/2007, 10:10 AM
إذا كان الصوت الي تقصده هو قرقشه

يعني تحس ان فيه صحن صغير يلعب تحت الموتر .. وخصوص عند المطبات و عند عيون القطط

الي عند الاشارات .. فهذه حديده مثل الصيخ توجد داخل الهوب حجمها يكون صغير ..

لكن اصبر علي وابستفسر من واحد من الشباب صلحها ..
وين يبون بنا
13/08/2007, 10:43 AM
السلام عليكم ورحمة الله وبركاته ...

المشكلة هذي صارت معي , واذا كان الاخ كشته يقصد صوت يطلع عند الكفرات الخلفيه يشبه صوت خشخشة المفاتيح ,, انا عانيت منها كثير وموتري في اكس ار 2001 واكتشفت ان الصوت يطلع من فحمات الجلنط وغيرتها ووزنتها وراح الصوت ولله الحمد , وهو بالفعل يطلع اذا وطيت عيون القطط او المطبات او البطناج , على ما اذكر ان الشغله كلها كلفتني بحدود 150 ريال .. اتمنى لك التوفيق وللقراء الكرام ..;)
كشتة عزاب
13/08/2007, 01:06 PM
الله يسلمكم وماقصرتوا

وان شاء الله اذا زبطت معي نخبركم يالنشاما
abufahad2008
13/08/2007, 02:00 PM
اخي شيك على الموتر

((بيني وبينك الموضوع عاجبني ))
ابن ضعيان
15/08/2007, 03:07 AM
أنا عندي لاند كروزر 2000 وطالع صوت من الكفر الأمامي طقطقة بصوت عالي
ويتبين الصوت عند الإلتفاف لليمين أو الشمال بسرعة بطيئة جدا وخاصة بجانب جدار حيث الصدى يملأ المكان

والله يستر
bobnan
15/08/2007, 03:21 AM
السلام عليكم
اخي الحبيب شيك الركب حقت السياره
كان عندي لاند موديل 99 ووديته لمغسلة سيارات وغسلته بستم وشق علي بلاستيكات الركب
وغيرته وصوتها مع المطاب والحفر يكون قوي مره
والله اعلم
يوسف نت
15/08/2007, 03:44 AM
الله يستر والله كل هاللي تقولون بسيارتي 2001
سيف111
15/08/2007, 09:01 AM
المقصات والاذرعه