ماهي افضل الفحول المجاهيم في السعوديه

[فنجون]

اللي عنده صور يتحفنا بها

[ضدا]

افضل الفحول المجاهيم هو الفحل مشعوفان
ومالك الفحل هو عبدالله فهاد الفصام الدوسري

[راعي جملا]

أخوي ضدا مشكور على المشاركه ولكن فيه فحول أهلها ما يبونها تنشهر حتى متجيها عين ومشعوفان عزلله من أطيب الفحول في الخليج يمكن

[شبيه سهيل]

اشهر الفحول المجاهم عند

المره والدواسر هذا من قبل اما الان الفحول الطيبه

انتقلت للتجار اللي شروها بفلوسهم من احدى القبيلتين

على سبيل المثال :

قعودان بعير صالع العرق المري اللي شراه

رامس المنهالي وانتاجه طيب

ومسربلان من ابل ال سكيني الدواسر

ومافيه كلام وانتاجه طيب

ومن الفحول الطيبه المنتجه واللي لازالت عند اصحابها

الوافي بعير ابن قروش انتاجه يباع بميات الاؤلوف

حرصان بعير ابن الاخن العرجاني وانتاجه طيب

وان شاالله لي تكمله في ذكر الفحو ل الطيبه

[راعي العريف]

من أطيب فحول المجاهيم في الجزيره العربيه الفحل ( وحيدان ) ملك ابن جهيم وشاره الأمير متعب, بـ 12 مليون

[محمد الظاهري]

حياك الله يا اخي الغالي
سؤال يدل على اهل النظر
سلاله مسربلان والوافي والدواسر هي التي تشدد المحافظه على السلاله النادره
والتي اشتهرت في ميدان ام رقيبه وهاذا ما شاهدة عيناي

[SS1]

رقم 1 في السعودية الان

هو الوافي بعير ابن قروش العجمي

[بازار شريف]

جميع ماذكر اعلاه فحول اصلها من نجران ابل ال دمنان واللي مايشتركون لا في ام رقيبه ولا غيرها
ومازالوا يملكون الاصول اللي عليها الكلام ..

[خالدالراشد92]

جميع ماذكر اعلاه فحول اصلها من نجران ابل ال دمنان واللي مايشتركون لا في ام رقيبه ولا غيرها
ومازالوا يملكون الاصول اللي عليها الكلام ..

ماشاءالله تبارك الله

[ابومحمد71]

خنوفا الكربي من اندر السلالات
واغلب البعارين الزينه ترجع لسلالته

[سالم بن عبيد]

بعير ابن زومان الهاجري ماعليه كلام
وبعير حمد بن عوضه المري

[ساحووق]

ماقصروووا الربع

[التركوازي]

حسب علمي افضل من يملك اطيب سلالة المجاهيم
هم الدواسر وال مره

اما الأن بدئت تنتشر افضل السلالات مع غيرهم

[naif]

عندي ان شاء الله فحل يبيض الوجه توه رايح ثني وانتاجه خلال ثلاثة اشهر
والفحل ابوه الفحل المشهور خدران لمسفر العصلب والله يرزقنا منه ويرزق جميع من يضرب منه الخير الوفير

[abu hlal]

اشهر الفحول المجاهم عند

المره والدواسر هذا من قبل اما الان الفحول الطيبه

انتقلت للتجار اللي شروها بفلوسهم من احدى القبيلتين

على سبيل المثال :

قعودان بعير صالع العرق المري اللي شراه

رامس المنهالي وانتاجه طيب

ومسربلان من ابل ال سكيني الدواسر

ومافيه كلام وانتاجه طيب

ومن الفحول الطيبه المنتجه واللي لازالت عند اصحابها

الوافي بعير ابن قروش انتاجه يباع بميات الاؤلوف

حرصان بعير ابن الاخن العرجاني وانتاجه طيب

وان شاالله لي تكمله في ذكر الفحو ل الطيبه

دامك جبت تاريخ الفحول ......ليه ماجبت طاري .....وحيدان ...ومن قبله عسران

وكذلك.....حجاب...والطعم اعتقد هاذي من اشهر الفحول في المملكه من غير قصور في اللي ذكرتهم ولا اصحابها!

[شعب الحلاه]

جميع ماذكر اعلاه فحول اصلها من نجران ابل ال دمنان واللي مايشتركون لا في ام رقيبه ولا غيرها
ومازالوا يملكون الاصول اللي عليها الكلام ..

فيه دليل على كلامك واِلا كلام بس .....ماخبرنا جنوب الجزيزه عندهم مجهم اِلا تالي...وجهة نظر شخصيه

[سراب قطر]

الفحول المجاهيم كثيرة وذكرو الشباب جز منهاا وباقي ركاب كثيرة ومنتجة وطيبة

حبيت اعقب على كلام اخوي SS1 (http://www.mekshat.com/vb/member.php?u=52481) بعير ابن قروش وافي ومافية كلام موب مجهم مهجن وفية الي ازين منة واطيب

[المهمري]

لا يهمنك المجاهيم لا وجه ولا حليب ومايكفيها بااليوم هي وحوارها لبنتين

[م العجمي]

انا اشوف انه من الصعب حصر الفحول الطيبه فالوقت الحالي

لان الزين انتشر والركاب الطيبه انتشرة سلالتها لتوجه الناس لها

لكن على ما قالو البدو الرمح من اول ركزه

السلالات النادره تبقى فا البال وما تغيب حتى لو جاء اطيب منها

والله يوفق الجميع

[ديم الوسم]

لا يهمنك المجاهيم لا وجه ولا حليب ومايكفيها بااليوم هي وحوارها لبنتين


الشكل واللون كل له وجه نظر بس الحليب بهاذي جانبت الصواب
يقول الشاعر
مير تدري أزهم الراعي وعجل بالحليب
خلنا ندهن سواد القلب والا ندمره
ناقتن ماهيب ملحا لاتهمك يالصحيب
إن ماوفت بالحلاوة بالجزالة تجبرة


اما بالنسبة للفحول الطيبة فأغلبها عند الدواسر ثم المرة اذا تكلمنا عن سلالات والان تم تطعيم كثير من السلالات ببعضها وأهتمت الناس بالزين أكثر من قبل علما ان الزين فالابل ماهوب وليد الامس فهو عند العرب من قديم يقول شاعر الدواسر الدندان الرجباني رحمه الله متغزلا بالمجاهيم وهي كانت إبله التي عاش معها بعد وفاة زوجته وهي شابه ولم يتزوج بعدها:
تفرح به الي لشيل الصوت مطفوقه
خطوات سواد سناد حجزها بادي
أثفانها ماتحس البطن مفهوقة
مثل الفحل عينها في كل منقادي
خطلا من الرجل سودا اللون معنوقة
كن راسها بادي فالرجم يبي ينادي

[SS1]

الفحول المجاهيم كثيرة وذكرو الشباب جز منهاا وباقي ركاب كثيرة ومنتجة وطيبة

حبيت اعقب على كلام اخوي SS1 (http://www.mekshat.com/vb/member.php?u=52481) بعير ابن قروش وافي ومافية كلام موب مجهم مهجن وفية الي ازين منة واطيب


سفلت للبعير واخرتها تقول مافيه كلام ههههه
طيب ليه تقول مهجن ولاهو مجهم وفيه اللي احسن منه ههههههههههه

انا اقولك ليه قلت انه رقم واحد البعير وصل سومة 25 مليون على كلام صاحبة
انتاجة فااااااااااخر جدا اهل المجاهيم ماسكن عليه سرا من اول الهداد الى نهايته
وهذا دليل انه مجهم واتوقع ان ابوه من فحول العذبه المرة

[مجاهيم]

جميع ماذكر اعلاه فحول اصلها من نجران ابل ال دمنان واللي مايشتركون لا في ام رقيبه ولا غيرها
ومازالوا يملكون الاصول اللي عليها الكلام ..

نحتاج أثبات لكلامك ... والا مهوب صحيح

[Saad M]

جميع ماذكر اعلاه فحول اصلها من نجران ابل ال دمنان واللي مايشتركون لا في ام رقيبه ولا غيرها
ومازالوا يملكون الاصول اللي عليها الكلام ..

اللي نعرفه من قديم ان المجاهيم عند الدواسر و آل مره وتكاد تكون هي اللون السائد لديهم مع وجود بعض المغاتير اما قبائل نجران فابلهم في الماضي هي الحمر الاوارك عدا قليل من الافخاذ اما الآن فقد انتشرت المجاهيم مع كثير من القبائل التي لم تكن تمتلك المجاهيم بشكل واسع من قبل كما هو الآن
من ذلك يتضح ان اصول فحول المجاهيم اما دوسريه او مريه حتى وان امتلكها غيرهم