الى خبراءا لدفع الرباعبي فقط

[sami2003]

السلام عليكم ورحمة اللة وبركاتة
اود ان اشكر اعضاء هذا المنتدى على حسن تجاوبهم اولا وعلى موضوعيتهم ثانياً
اود ان الا اطيل عليكم .
لدي رغبة في شراء جيب ولكن محتار في امو كثير وهي :
1- نوع الجيب ( تويوتا - نيسان - شيروكي )
2- اسعار هذة الجيوب جديدة او مستخدمة ---- من موديل 2000 الى 2003
3- فكرة التقسيط ( تؤيد او لاتؤيد )
4 كيف اعرف نظافة الجيب من حيث الماكينة -- الجيربوكس -- كلتشات الدبل -- التربيط .
وشكر اً لتجاوبكم ...:(

[Bader-M]

هذا يحتاج موضوع كامل
ولكن تدري
.........
مافيه زي التويوتا
1- توفر قطع الغيار
2- يمسك سعره عند البيع
3- قوة التحمل
............
وسعر 2003 جي اس ار فل كامل 145 الف ريال
هذا الي اقدر افيدك فيه
تقبل تحياتي

[دله وفنجال]

السلام عليكم ...


اخوي سامي من الصعب ان تختار بهذة الطريقة لان كل شخص يبي يمدح الموتر الي يجوزلة وبكذا راح تحتار وش تبي تختار ....


لاكن اسمع <=== حلوة اسمع .

1: الاند كروزر ... موتر الصراحة قوي ولك ولزمن وكاش اذا جيت تبيع وقطعه وحدة ما يتفكك زي غيرة ونظرة وهيبة ون بغيتة خط يجي ون بغيتة جلد يجي ون بغيتة نفود يجي وموتر ينغزابو والله وماتخاف ان كشت علية المسافات طويلة .
لاكن عيبة السعر غويلي اشوي وعلى شان سعرة تحسف انك تجلدة بلبر لان اقل نوع منة ما يعادل 90000 ريال سعودي هذا الكحيان الي مافية الى مراتب ومحركات .
طبعن الكلام على الصوالين . اما الشاصي انا اقولك خذ موتر ولاتحتار بس يبياك موتر معه للديرة لانك تبي تمل منة بوقت القيض ... هذ لتايوتا ...

2: النيسان ... موتر قوي قوي خاصة الجديد cc 4800 وسعرة معقول اشوي ويعني مافيه فرق بينة وبين الاندكروزر براحة لاكن ان شريتة 100000 تبيعة بخسارة كبيرة وهو الموتر جديد وعمومن اغلب المواتر كذا لاكن الباترول بزود وصرف البانزين .
والحقيقة ان النيسان ما يطول زي التايوتا يعني ما يعمر مثلة ولا يصبر وي صبر التايوتا .

3: الشروكي خذ قوة ونشاط وطيران بلمراقا بنفود لاكنة صغير لابغيت تركب فيه كود تصفط لين تركب وعيوبة واجد والله ومشاكلة كثيرة خاصة ان الدفرنسات حقاتة كلتشات يعني بأي شدة علية يمكن يطقطقن عليك وما يرجعك الى سطحة وبعدين هلموتر زين اذا كانك منتب راعي خليان ولنتب راعي مكاشيت واجد ولا ظرب صحاري وجلد يعني موتر ديرة ونا ما أيدة لان ماهوب راعي مكاشيت وراعي خليان انصحة لا يشتر اربعة بربعة ويتعب نفسة ....



هذا طال عمرك الي عندي ويمكني بالغت بشي ولا نقصت بحق شي لاكن هذي خبرتي بلمواتر الي انا سقت وتملكت وسئلت ....


ارجو اني افدتك واسفيت على الاطالة ....

[sami2003]

الى الاخوين العزيزين شكرا على المدخلات الجميلة والمفيدة وجزاكم اللة خير
ولكن فية ملاحظة وهي ----
كيف اعرف نظافة الجيب من حيث :الماكينة - الجير بوكس - كلاتشات الدبل