يا جماعه اليوم جنني الباترول والله مشكله ..

[ملك_النيسان]

مرحبا بالربع

اليوم وانا جاي من المجمعه على باترول 2007 وماشي 160 لكن المشكله اني ارجع اخفف السرعه الى 100 للأجل تنزل الحراره .....

والله جنني الحراره توصل نص وزياده والتكييف الخلفي يصير حار ولا يبرد ابد .... ومرات احول التكييف الى خارجي وتطلع ريحة بنزين تفجر الراس .....

والله اني متعجب مع انه جديد لكن ليش كل العيوب الشينه فيه ؟؟؟ والله ان ال 2002 و 2003 و 2004 احسن منه واطيب منه ...

ياجماعه الجاء منكم اعطائي الحلول المناسبه لأني دايم السفر على الموتر لكن اذا المشاكل موجوده الله يستر من الدروب

[ABO AL-HESH]

والله بعذره كم درجة الحراره؟؟؟؟؟؟

[أبووليد..]

حياك الله أخوي ..

والموتر معذور لان الهواء الي يدخل لللديتر حار يزيد حراره ماء اللديتر والمروحه ماتفيد..
وبالنسبه للمكيف حاول تشيك على الفريون ..

والله يطعمك خيرها ويكفيك شرها ..

أبووليد ..

[الدحبول]

مرحبا بالربع

اليوم وانا جاي من المجمعه على باترول 2007 وماشي 160 لكن المشكله اني ارجع اخفف السرعه الى 100 للأجل تنزل الحراره .....

والله جنني الحراره توصل نص وزياده والتكييف الخلفي يصير حار ولا يبرد ابد .... ومرات احول التكييف الى خارجي وتطلع ريحة بنزين تفجر الراس .....

والله اني متعجب مع انه جديد لكن ليش كل العيوب الشينه فيه ؟؟؟ والله ان ال 2002 و 2003 و 2004 احسن منه واطيب منه ...

ياجماعه الجاء منكم اعطائي الحلول المناسبه لأني دايم السفر على الموتر لكن اذا المشاكل موجوده الله يستر من الدروب
كم ماشي موترك ؟؟؟؟؟؟

وده الوكالة على الضمان

[المميـز]

انا اقول الموتر مافيه شيء

بس حرارة الجو هي اللي ذبحته

وشلون تبيه يبرد والهواء اللي يدخل عليه مثل حرارة النار ؟؟؟

[مقهوي الذيب]

السلام عليكم الموتر فيه بلا انا معي2005 ماصار من الي تقوله شي ووووووووووووووووووووده الوكاله الموتر اذا ارتفعت حرارته يا تلحق يا ماتلحق ورح لواحد اسم عبدالمجيد في الوكاله الي على اليمن سعودي بيسنعك يداوم الصباح ولا رح للوكاله الي جمب فورد فيه واحد اسمه محمد مواه فلبيني اجود ناس شفتهم في نيسان انشألله ولا ترح للسوداني غثيث

[shaheenshah]

قبل ما توديه الوكالة انا اقول شف لك واحد معه زي موترك وانشده اذا كان موتره نفس المشكلة اللي في موترك وجربه في الليل وشف
يمكن موترك ما فيه شي الجو الله ينجينا واياكم من جهنم حار جدا وشي طبيعي انها ترتفع الحرارة عن المعدل الطبيعي مع السرعة والمكيف شغال والجو الزين اقصد الحار

انا اقول وانا اخوك الموتر جديد ولا توديه الوكالة يلعبون فيه الركاده زينه وتأكد من مروحة المكيف شغالة والا لا

[ســـرحـــان]

السلام عليكم ورحمة الله وبركاته ... ياملك النيسان الامر عادي بهالموتر http://www.mekshat.com/vb/images/icons/icon9.gif.. انا عندي ولله الحمد 2007 وما كمل الــ 15000 كيلو ومسافر عليه من الكويت الى القصيم قبل اسبوعين حزة الظهر تقريبا وامشي نفس ممشاك ان عديت الـ 150 او الـ 160 ارتفعت الحراره والمكيف يجيب هواء ما اقول حار ولكن ماهو بارد الامامي والخلفي ولازم انزل السرعه علشان يبرد وتقل الحرارة ... وحتى عند الاشارات او بالازدحام ان وقفت حتى لو ماتزيد عن 5 دقايق قام يدفي هواء التكييف http://www.mekshat.com/vb/images/icons/icon13.gif ... هل هذي العيوب موجوده في النياسين السابقة لهاالوديل ... مع العلم اني وديته للوكاله للفحص الدوري وقلت لهم عن الملاحظات دون فائدة .... والاخوان اللي يقولون عن ان الجو والهواء حار بره ... صحيح واحترم رايهم لكن ماتصير مع سيارات ثانية واخص بالذكر الشاصي وهذي عن تجربة ... اسف على الاطالة ودمتم

[الماجد9]

بالتسبة للحرارة ما ترتفع مهما كان اولا الساره جديده وانا فني اعرف ان الباترول مزود بسائل تبريد في المكينه انا عندي 2006 ربع امشي في عز الظهر طبلونه ولا يرتفع سيارتك فيها شي ناظر وشو اتصل راسلني لو بغيت على
abn_n@hotmail.com

[الباثفايندر3]

بالتسبة للحرارة ما ترتفع مهما كان اولا الساره جديده وانا فني اعرف ان الباترول مزود بسائل تبريد في المكينه انا عندي 2006 ربع امشي في عز الظهر طبلونه ولا يرتفع سيارتك فيها شي ناظر وشو اتصل راسلني لو بغيت على
abn_n@hotmail.com يجيب الله مطر :D وشلون ما ترتفع الحراره مهما كان وتقول انك فني الله يهديك حرارة الموتر الساعه 12 الضهر هي حرارته الساعه 12 باليل طبعا الجواب بالتاكيد لا ياخي الجو عندنا نار نااااااااار:o ترتفع حرارة الانسان كيف الحديد مع احترمي لشخصك ولشهادتك الفنيه مع العلم بان الدراسه الفنيه تقول التبريد من الهواء الخارجي حار كان او بارد له تاثيره برفع الحراره او خفضها

[ابواسامه 2007]

انا عندي نفس المشكلة باترول 98 اذا شغلت المكيف والسيارة تمشي الحرارة على الربع واذا وقفت عند الإشارة في اقل من دقيقة تبداء الحرارة بالأرتفاع واول وا احرك تبداء بالنزول تتريجياً وعلى هذا الحال المروحة حقت المكيف شغالة مع المكيف والمروحة الثانية ما تشتغل الا اذا تعدت الحرارة النص وسألت اكثر من واحد معه باترول ويقول طبيعي .
قبل يومين كنت جاي من خارج الرياض على طريق الشرقية بعد العشاء كانت درجة الحرارة 44 في الليل والمكيفين شغالة والحراره ممتازه (ممشاي 130) اول ما وقفت عند الإشاره وتبدى الحراره بالأرتفاع ويوم حركت نزلت وبعد الوصول الى البيت طفيت السياره وأول ما نزلت واسمع صوت الماء في الرديتر يغلي والله انه تقول بريق على نار واشغل السيارابشوف الحراره والله انها فوق النص طفيت السياره وجبت مويه ورشيت الرديتر من برى عشان يبرد شوي وبعد ربع ساعة اشيك على المويه القاها ممتازه وراكده ولونها طبيعي اخضر .

المعذره على الإطاله لكني محتار وش السوات

[ذيب عتيبه]

السلام عليكم ورحمه الله
بالنسبه للك يابو اسامه فمشكلتك وانا خوك في تصييخ الاديتر
صيخ الاديتر وانشاء الله بتدعيلي أنا قد صارلي نفس مشكلتك
لكن صيخه وبأذن الله بتدعيلي
)
(
)
والله يعطيك خيره ويكفيك شره
تقبل مروري

[ابو فاطمه]

كم سعر الباترول الجديد 2007

[ملك_النيسان]

شكرا على الردود .... ولكن ابغا الحل المجرب والمريح .... لأن الكل عنده راي

[باترول 4×4]

أعتقد السيارة فيها شيء
أولا : السيارة جديدة ، كيف ما يبرد المكيف ؟ وتصير الحرارة عالية كذا
ثانيا : مايمنع انك تروح للوكالة لأن السيارة لازالت تحت الضمان ، وتصليح أي قطعة عليهم ( هذا من حقك )
ومسببات الحرارة كثيرة لا يمكن أن تشخص عبر النت فقد تكون من الاديتر أو الخراطيش أو تماتيك المروحة أو المروحة نفسها أو وزن الديلكو أو راس الماكينة أو حساس الحراة (الانبير) لكن أستبعد كثير من هذه الأمور لأن السيارة 2007 .
باختصار رح للوكالة وسيارتك تحت ضمانهم ( من حقك ماتدفع ولاريال ) .

[باترول 4×4]

انا عندي نفس المشكلة باترول 98 اذا شغلت المكيف والسيارة تمشي الحرارة على الربع واذا وقفت عند الإشارة في اقل من دقيقة تبداء الحرارة بالأرتفاع واول وا احرك تبداء بالنزول تتريجياً وعلى هذا الحال المروحة حقت المكيف شغالة مع المكيف والمروحة الثانية ما تشتغل الا اذا تعدت الحرارة النص وسألت اكثر من واحد معه باترول ويقول طبيعي .
قبل يومين كنت جاي من خارج الرياض على طريق الشرقية بعد العشاء كانت درجة الحرارة 44 في الليل والمكيفين شغالة والحراره ممتازه (ممشاي 130) اول ما وقفت عند الإشاره وتبدى الحراره بالأرتفاع ويوم حركت نزلت وبعد الوصول الى البيت طفيت السياره وأول ما نزلت واسمع صوت الماء في الرديتر يغلي والله انه تقول بريق على نار واشغل السيارابشوف الحراره والله انها فوق النص طفيت السياره وجبت مويه ورشيت الرديتر من برى عشان يبرد شوي وبعد ربع ساعة اشيك على المويه القاها ممتازه وراكده ولونها طبيعي اخضر .

المعذره على الإطاله لكني محتار وش السوات

أبو أسامة معي مثل موترك 99و صارت لي مثل هذي المشكلة إذا وقفت ترتفع الحرارة وإذا مشيت تنزل الحرارة لأن السيارة تعرض للهوا ، سيخت الاديتر وغيرت تماتيك مروحة (سعره تقريبا أقل من 240) ما أدري بالضبط لكن ما يتجاوز هذا السعر والآن ولله الحمد الحرارة من الربع إلى الثلث في عز الظهر في زحمة الرياض )لكن أهم شيء أبعد عن القطع التجارية خصوصا فيما يتعلق بالحرارة
لا تشري إلا وكالة .
كيف تعرف ان التماتيك خربان طف السيارة وناظر للمروحة إذا كملت أكثر من دورة بعد ماتطفي السيارة يعني خربان واذا وقفت على طول يعني ما هو خربان .
وفيه احتمال ثاني ان ضخ طرمبة الماء ضعيف .وكذلك البلف هالأيام ماله سنع لو تشيله أفضل وخله عندك لين يجي البرد .
عموما لا تغير أي قطعة إلا بعد ما تتأكد من الورشة انها غير صالحة .
نصيحة : لاترش الماء على الاديتر وهو حار لأنه يسبب شعر للاديتر اتركها لين تبرد من نفسها لأنك إذا طفيت السيارة حتى لو الحرارة فوق النصف تنزل الحراة بشرط تصبر عليها عدة ساعات ما تشغلها
(وهذا أفضل للسيارة )

[مقهوي الذيب]

يا خي موترك جديد وعلي الظمان رح وده الوكاله
يصلحون الضمان يكفيك هذا قصدي يوم اقول وده الوكاله ولاتوجع راسك ولاتسأل

[غضنفر]

مدري
لكن بعض السيارات اذا تعديت سرعة معينة
يفصل الكمبرسر لحماية المكينة

[هاوي الله]

!!! طيب ! والباترول يجنن !!؟ الحمدلله على نعمة العقل الله يشفيك

[.أبوعبدالرحمن]

عندي باث فندر ترتفع حرارته


والكلام هذا يمكن قبل شهر تقريبا ورحت للوكالة غيروا لي رديتر كاااااااااااااااااااااااااااامل وببلاااااااااااااااااااااااااااش


ولكن بعد ما طلعت روح المصري نشبت في حلقه


وركب معي يبي يشوف الحرارة هي بترتفع ولا لا قمت العب فيه من بين التريلات ومشيت به الطبلون منه حتى بلع العافية وكتب تقرير طولي او اطول مني بشوي ههههههههههه وركبوا لي رديتر جدييييييييييييييييييييييييييييييييييد

طبعا وكالة الرياض طريق خريص بجوار توكيلات الجزيرة فورد

[غضنفر]

!!! طيب ! والباترول يجنن !!؟ الحمدلله على نعمة العقل الله يشفيك
!!!!!!!!!!!!!
:confused: :confused: :confused: :confused: :confused:

[ملك_النيسان]

!!! طيب ! والباترول يجنن !!؟ الحمدلله على نعمة العقل الله يشفيك

ويشفي الجميع يا هاوي ..... واذا ماعندك رد يفيدنا ويفيد الجميع خل هرجك لنفسك ولاتدعيلي بالشفاء وانا غني عن دعوتك ... والموضوع واضح عن الموتر ماطلبت منك الدعوه

[ســـرحـــان]

الدعوه بالشفا لك ياهاوي ... ترى ماله داعي الكلام هذا

[قرناس خلوي]

السلام عليكم

أنا عانيت من نفس المشكله بالنسبه لحرارة السيارة ،،، لاكن لو تتصل علي راح افيدك أكثر ،،،، أما التكييف المركزي أو الخلفي للسيارة فالسبب يكون عادةً من البلف تغيرة وإنشاءالله يزين التكييف ،،،،
وللإستفسارة ولاجل أفيدك أكثر هذا رقمي 0555280803

[هاوي الله]

يعني أنت غني عن شفاء الله !! إتق الله يجعل لك مخرجاً ... وعلى نياتكم ترزقون على نياتكم ... لكن الشكوى لله وحسبي الله ونعم الوكيل على الجميع حتى أنا معكم

[الذيب مصلوخ]

السلام عليكم ورحمة الله وبركاته
فائدة بسيطة عسى الله ينفعبها: الياباني "نيسان, تيوتا" حرارتة يجب أن ماتتعدا الثلث في أقصى الظروف مهما كانت الأجواء والسرعة, ومع العلم أن الحرارة مع الخط تنزل على الربع (الجو ماله دخل), يعني إذا شغلت الدبل ومشيت ثمانين بتأتش الحرارة, إذا المشكلة قد تكون بالتالي:
1-نقص الماء واستخدام ماء عادي 2-"أتوماتيك" المروحة 3-حساس الحرارة 4-تجير في المواصير النحاسية اسفل الثلاجة مما يقلل إنسيابية الماء 5-((الله لايقوله ولايقدره على أحد من الشباب الطيبين)) شعر براس المكينة.
أما المكيف فلابد أن يكون ثلاجة بمعنا الكلمة والله أعلم نقص بالفريون .. وعسى الله ينفع بنا

[سنجااار]

سيارك وده للوكاله الجو ماله دخل
تقبل مروري

[هاوي الله]

سيارك وده للوكاله الجو ماله دخل >>> حكمه

[أبونواف42]

أخوي ياليت اذا وديته الوكاله تعلمنا وش صار عليك وشكرآ

[هاوي الله]

أخوي ياليت اذا وديته الوكاله تعلمنا وش صار عليك وشكرآ >>> عاقل

[هاوي الله]

انا الحكيم واللي ينصر الحكيم الله ينصره والشاهد الله

[مقهوي الذيب]

الله يهديك يالهاوي دخلتك ماله داعي احرجت نفسك على الفاظي!!!!!!!!!!!!!!!!!!!!!!!!!!!!!!!!!!!!!!!!!

[هاوي الله]

ههههههه صدق إنك مجنون

[هاوي الله]

الله يعرف نيتك مهوب انا ههههههه

[بن محفوظ]

فيه ناس ماودك يردون على المواضيع ابد ..

ودك يقراء الموضوع واذا خلص يقول ..

(( سبحان الله و الحمد لله ولا إله إلا الله .. والله اكبر ))

تجيه حسنه ويفتك من الناس

[أبونواف42]

هاوي الله .....واذا خاطبهم الجاهلووووووووون قالوا سلاما............................

[imas200]

طيب ليش الاند تمشي عليه الظهر ذالأيام على الفصله ولا ترتفع ولايحتر المكيف

أتوقع لو توديه الوكاله احسن
ومملاحظ أنا ان النيسان ترتفع حرارته في الصيف

نفس الكلام على الباثفندر مع واحد من الربع يقول انه ترتفع حرارته
الله يسهل أمرك

[منصور ع]

يااخوان فيه واحد داخل المنتدى بالغلط مادري مهبول او خفة دم ردود مخيسه وغير مفهومه قريت له اكثر من مشاركة ماتدري وش يبي
وله اكثر من رد في هذا الموضوع .. اظنكم عرفتوه
لاخيره ولا كفاية شره