المساعد الشخصي الرقمي

مشاهدة النسخة كاملة : معارض الامارات


الماستر
28/07/2007, 01:24 PM
السلام عليكم
يا ريت حد من هل الامارات يفيدني عن اماكن معارض السيارات لاني جاي للامارات ادور سياره جمس او شفر بيك اب حجم صغير رفرف قير عادي دبل من موديل 2003 فما فوق كابينه واحده
والشكر للجميع
لاندكروزر
28/07/2007, 03:47 PM
السلام عليكم
الي في خاطرك تحصله في دبي مجمع معارض السيارات
علشان توصل المكان تعال على شارع الامارات في دبي واتبع اللوحات مكتوب عليها مجمع معارض السيارات. العوير. حتا.عمان
الضاري
28/07/2007, 04:38 PM
أيضاً هناك معارض الشارقه وتعتبر من المعارض الكبيره في الامارات
عاشق سفر
28/07/2007, 07:22 PM
اول شيء درب السلامة يالغالي...

ثاني شيء خلك حريص وفطين وانتبه من اللي يخلون الكلام احلى من السكر ويقولك هذ السيارة مابعدها وطبعا هالشيء موجود عند كل الشريطيين سواء اهل السعودية او غيرها بس بصراحة في الامارات انا رحت وشفت بعيني واشوى رحت استطلع وما كان عندي دراهم والا لو كان معاي كان ضحكوا علي العراقيين واشتريت....

فانا اقولك انتبه منهم كلهم وخصوصا العراقيين وانت بتلقى اغلبهم عراقيين وسوريين ويمانيين وفي اماراتيين بس قليل...

ثالث شيء لا تنسى ان وراك جمارك يالغالي 5% يعني السيارة اللي تشتريها ب 50 الف ريال وتجي للجمارك ويقدرون سعرها بــ 100 االف اكيد انك بتدفع لهم 5000 ريال....

طبعا في سيارات تكون مجمركة وخالصة واذا مشيت للحدود الجمارك ماياخذون عليك دراهم وهي السيارات اللي تكون داخلة الامارات ولم تستخدم ولازالت بلوحاتها الاصلية وهي سيارات امريكية او المانية....

بالنسبة للمعارض اللي رحتها واللي امدحوها الناس هي معارض الشارقة وطبعا الشارقة جارة دبي ومابينهم مسافة كلها 16 كيلو تقريبا ومتلاصقات...

بالنسبة لاسم الحي اللي تقع فيه هو حي اسمه ابو شغارة بالشارقة وبالظبط على شارع الملك عبدالعزيز القريب من دوار الكويت....

ووصفها هو انك اول ماتدخل الشارقة راح يقابلك اشارة انت ادخل من عندها يسار وامش سيييييييييدة بيجيك كم دوار واشارة وبعدها بتكون قريب من حي بو شغارة....

اتمنى اني افدتك واني ما اخطيت لاني رايحها من سنة تقريبا...

وسلامتك....
برق الحيا 55
28/07/2007, 09:33 PM
الله يوفقك لما فيه الخير
ابن غالب
28/07/2007, 09:45 PM
بسم الله الرحمن الرحيم

السلام عليكم ورحمة الله تعالى وبركاته

الله يوفقك وتاخذ الموتر اللي في خاطرك يالماستر

لكن تحذر من اصحاب المعارظ وتحذر من المواتر اللي يقولك وارد المانيا ووارد امريكا ترا معظم هالمواتر غرقانات بسيول شيك عدل

وحاذر من معارظ الشارقه بالذات تراهم ينزلون كيلوات المواتر يعني سبحان الله تدخل معرظ تلاقي كل المواتر ماشيات نفس الكيلوات

تروح وترجع بالسلامه
الماستر
29/07/2007, 12:10 AM
الله يرحم والديكم ويجزيكم خير على المعلومات الى فعلا استفد منها
بو بندر
29/07/2007, 07:03 AM
هلا اخوي كيف الحال ماطول عليك ......هذي تقريبن كل معارض الامارات تفضل
http://www.usedcars.ae/Arabic/Showrooms/