عند تغير الزيت من نوع لآخر - ماذا يلزم ؟

[وسيـع البـنايد]

السلام عليكم ورحمة الله وبركـاته ..

أخواني المكشاتيين ..الحـقيقة عـندي سؤال حول تـغير زيت المكينة إذا رغبت في التغير
من نوع ( ---- ) إلى نوع ( ---- ) وش يلزم علي بحـيث مايكون تأثير على الماكينة
أو حتى أجزاء ثانية ما يلحقها ضرر

كل الشكر مقدماً .. وعلى طريقـكم رشحوّا لنا أفضل زيت يتـحمل مع الأجواء اللي عندنا

:)

[غالي]

يلزمك طال عمرك
فلتر الزيت تغيره

وانصحك في سوبر شل الذهبي مع الاسود
الماني

والله اعلم

[salehhd]

السلام عليكم

كما تفضل الاخ غلي فقط تغيير الفلتر

[وسيـع البـنايد]

أشـكركم يا أخـوان ..

يـعني مايـحتاج لها غـسيل للمكينة و هالسوالف .. الله يجزاكم خـير

[مدور ربيع]

مثل ماقالو الاخوان (( سيفون اصلي ))

وانتبه لسالفه غسيل المكينه ... ترى تدمر عندك الصوف الداخليه

[الدحبول]

انصح تغير سيفون بواحد أصلي
وتروح وسيارة حارة يعني طلعت عليه مشوار أكثر من نص ساعة علشان ما يبقي الزيت دخل المكينة

لاتغير نوعية الزيت دائم تره يخرب عزم الموتر

[القناص]

كثرة تغيير انواع الزيوت مضره للمحرك

كل زيت له خواص معينه

التزم بالزيت الذي يوصي به الوكيل

بالتوفيق

[السنع كله]

كل الزيوت اولاد عم مثل الحليب المجفف الوان العلب مختلفه والداخل حليب صح بعض الزيةت احسن من بعض لكن عند التغيير من زيت لاخر ترى مزاج السيارة واحد او تطيح كبدها زالله ماتدري انك غيرت زيتها اهم شيء لا تترك الزيت بعد ذهاب اللزوجة ولا تتركه ينقص وان نقص زده ولا تغيره

[محتري السيل]

سيفون اصلي

وأتبع كتيب التعليمات عن الزيت المناسب للمكينة

[وسيـع البـنايد]

أشـكركم يا أخـوان ..

بـصراحة استـفدت من ردودكم الشيء الكـثير ..
وكل الشكر لكم فرداً فرداً

[ابوريناد1979]

وازيد على كلام الشباب
اذا فكيت الزبت ونزل كله خل العامل ينفخ المكينه بهوا من فتحة الزيت من فوق عشان يطلع الزيت القديم كله

[غالي]

معليش او ريناد
بس ترا ماخبرناهم ينفخون المكينه :(

ولا انصح فيها
لاقدر الله طاح فيها وصخ او شيء بتطلع انواع المشاكل

والله اعلم