.:::الوحرة::.

[Alhzzen]

السلام عليكم ورحمة الله وبركاته

كيفكم انشاء الله بخير

اتوقع كلكم تعروفون الوحره
http://www.arb-up.com/get-7-2007-yiduh6ys.jpg (http://www.arb-up.com)
البعض منهم مايحبها من اول ماتتعلق في السنارة يكره نفسه
والبعض منهم الوضع عنده عادي يقول اقطع راسها واكلها
ونبي ردودكم الحين

ويليت الي جرب طعمها يقول لنا وشنهي طريقة الطبخه
يعطيكم العافيه
وعساااااااااااكم على القوه

ورونا الردود

[احمدوعبود]

اصبر لا أحد يجاوب اول علمنا وش الوحرة عندنا بالشمال اول مرة اسمع فيها حط صورة رسمة شوقتني اعرفها

[Alhzzen]

ابشر اخوي احمد وعبود

[عاشق تالا]

حياك الله اخوي الحزين

انا بالنسبة لي من الناس اللي اذا ضربت معي يضيق خلقي وما ادانيها مع العلم اني ما جربت اكلها

لاكن انا عندي نص المال نظره وبكل صراحة استغفر الله العظيم شكلها ما يعجبني


طبعا هذي تتواجد في الاماكن الطينية (الوحل) وترى ضربتها سامة على شاكلت الصافي


عموما ما قصرت على الصوره

تحياتي لك



عاشق تالا

[أبو صندوق]

أخي الكريم : Alhzzen
وعليكم السلام ورحمة الله وبركاته
اسمها عندنا ( الرقدة ) لأنها ترقد على الأرض ونضرب بها المثل في الكسول اللي يحب النوم نقول له : ( قم يالرقدة ) ..
وليست سامة لكن فيها شوكتين في جانبي الرأس لذلك تمسك من أعلى الرأس ومن أسفله ( من الأمام ) ولا تمسك من الجانب ..
ولحمها أبيض طيب ( غير مميز ) وأفضل طبخة لها ( المطفي )

حياك ربي
أبو صندوق

[التام]

والله بسلامتها ماعمري اكلتها

لاكن على قول الاخوان دايمن في الطين

هيه ورقيطه خويات في الطين

تقبل تحياتي..........

[( ابو تركي )]

أخوي الحزين
السلام عليكم ورحمة الله وبركاته
الوحرة سمها قليل جداً لا يستدعي الذهاب إلى المستشفى و طعمها لذيذ والقليل يعرف ذلك وأفضل طبخه لها الصالونة مع الصبار واليمون الأسود إضافة إلى الرز الابيض وذلك بعد قطع الرأس
والسبب بكره صيدها
1 - شكلها الغير مقبول
1 - تبدأ الرعي مع الجزر ( الثبر ) وهذا دليل على عدم وجود أسماك أخرى

وشكراً

[شلال البحر]

بسم الله الرحمن الرحيم
اخي العزيز
السلام عليكم ورحمة الله وبركاته
يعطيك الف عافية على انك فتحت هذا الموضوع حيث ان كثير من الصيادين يكرهون الوحرة ولو تعرف ان الوحرة ترى لحمها طيب وزين بس عند اللي يعرف يسويها وعادة ما تضرب عندي بس صغار واقطع راسها واستعمل الباقي طعم اي اللعف بعد سلخ جلدها ويضرب عليها السبيطي بشكل رهيب ونسمي لحمها لانه ابيض حلقوم السبيطي
وتقبل مروري وتحياتي
اخوك
شلال البحر

[شعور]

برضو ماعرفتها

يمكن قصدكم سمكة موسى

[Abdullatif]

أول سمكة أصيدها كانت وحرة صغيرة

و يوم جيت أفكها من السنارة صارت تصدر صوت أليم و حزين, كأنها تبكي و تتألم و تقول لي: يا قاتلي!

والله إنها قطعت قلبي يومها و كانت الدموع على وشك أنها تنزل :D



و الوحرة تغشك لأنها تقاوم بقوة, يومها ظنيت إني صدت دلفين :eek:

و بعد الشد و الجذب طلعت وحرة أبو نص شبر:p

[الصياد2222]

الله يعطيك العافيه على الموضوع

وهذا ما يبيله كلام اكلها حلو والطبخه الحلوه المرق
جربها على ضمانتي
مشكووووووور

[( برى بحرى)]

http://www.yy44.net/up4/0704e39180.jpg (http://www.yy44.net/)

الوحره اكلها جدا حلو وخاصه مرق

وهى غير سامه كما تفضل بعض الاخوان لان ببساطه ليس بها غدد سميه

ولكن لها شوكتان بجانب الرأس الواحد ياخذ الحذر منها

وتنصاد عندنا بالكويت اما بالخيط او قمبار

القمبار هو عندما تكون البحر جزر تلبس خذاء ويكون معاك لوكس ( اضاءه) + سيف بحرى + صيخ حديد مثل السهم

تتمشى على السيف الماى يكون ربع او نص متر تحصل الوحر تضربه بالسيف على رأسه او بالصيخ الحديد تغرسه

فى رأسه وتاخذه وبس

وهذه الصوره من تصويرى للوحره وهى تحت الماى قبل الصيد بلحظات

تحياتى لكم وللموضوع الشيق ولصاحب الموضوع

[شعور]

هذى تشبه سمكة المكرونه او الجوبي

اصيدها دايما

[السنام]

يغطيك العافيه

[Alhzzen]

يعطييييييييييييكم العااااااااااااااافيه ماقصرتوو اخواني على الردووووود

ياجماااعه لا يتشأئم منهااا
جربوهااااااا الحيااااه تجارب
ماقصرتو على المرور والردود الحلوة

شكرا

[صياد متهور]

والله اني ماجريتها بس اول سمكة صتها الوحرة (الزبالة) يقلون حلوة وانا عن نفسي طلعت منها النص متر وأكبر بقليل.
يقولون انه في شوكة في ضهرها سامة بس انا مادري ....

[دمي بحر]

الوحرة
اقطع راسها وحطها في الفرن ولحمها ابيض طيب بس المشكلة في شكلها
وانت تاكل حط في في بالك انها سمك ثاني ولاتفكر فيها الا بعد الاكل

[Alhzzen]

يعطيكم الف عافيه ماقصرتووو

يسلمو

شكر على مروركم وردوكم

[طحنون]

مثل ماقالو الاخوان
صالونه مابعدها واذا على الشكل
مثل مايقولون ونت تاكلها تخيل انها هامور وصدقني راح تمشي الامور

[Alhzzen]

ههههههههههههه
يعطيك الف عافيه اخو طحنون


شكرا

[( برى بحرى)]

اخوانى

الوحره لا يوجد بها اى شوكه سامه

يوجد شوكتين بجانب الرأس فقط حادين حالها حال اى سمكه لها شوك حاد على الظهر الوحره شوكها على جنب

[Alhzzen]

مشكور اخوي بري بحري

على تفصيل الشوكتين لان الاغلبية يقولون انها سامه

يعطيك الف عافيه


شكرا

[الهجري]

http://www.uae.gov.ae/uaeagricent/photofish/platycephalus%20indicus.jpg

صاحبك مجنون وحر

البارحة أصطدت اربع أحداهن ضربتني و ما زال الأنتفاخ بادي على أصبعي
لكن طعمها رائع جدا جدا و لحمها لا يدل على شكلها (سبحان الله)

أحلا طبختين اعملها صالونة(مطفي)
أو تقطعها قطعتين و تشويها على الصاج مثل الميد

و أتوقع فيها قيمة غذائية عالية حسب تجربتي لكن
أترك هذا للمختصين

للمفاهمة و التأكيد

[طحنون]

الزبــــــــــــــــــده اللي مايبها اومستغني عنها يتصل على الرقم المجاني
800200400500
واذا الخطوط مشغوله تركها بثلاجه خاصه عند اشاره جامع الفرقان

[الهجري]

طحنون

أي و الله أنك صادق الي ما يعرف الوحر يرميه

ههه على وزن الي ما يعرف الصقر يشويه


ملاحظة امنية:

عندما تصطاد الوحر خذ معك قطعة قماش بسماكة الشماغ على الأقل

ثم امسك بها و أثنها من ناحية الرقبة حتى تنكسر و ترتاح في فكها

لأن غضروفها واحد مثل الكنعد

[العررراب]

شكرا لك

بارك الله فيك ويعطيك العافيه.

[Alhzzen]

ماقصرتو يعطيك الف عافيه ماقصرتوووو

الهجري شكل لك معرفه مع الوحرة مشكور ماقصرت يالغالي
بردان يعطيك الف عافيه اخوي


شكرا