من عنده بمعلومات عن باث فانيدر

[الزعيم]

السلام عليكم ورحمة الله وبركاته

سؤالي عن هذا النوع من السيارات نيسان باث فانيدر وكم سعره ومواصفاته وكل ما يتعلق بهذه السيارات ومادري تنصحون به عن غيره من سيارات الدفع الرباعي

شاكرا للجميع التجاوب

[mohamad1121]

الزعيم مع التحيه

سعر السياره مناسب بالريال السعودي 80525 وهي سياره تعتبر خفيفه كوزن ولكن هي سياره صغيره من الداخل والمظهر الخارجي جميل وهي تعتبر سيره عائليه لعائله صغيره وعمليه جدا لها محرك يتسع ل 3،3ليتر وست اسطوانات و185 حصان وتتوفر بخمس سرعات للقير العادي واربع سرعات للقير الاوتوماتيك اما من ناحية استهلاك البنزين فحسب الاستخدام ولا تتطلب زيارة الوكاله بل حافظ على استخدام واضرب مشاوير ولايهمك ، اما بالنسبه الى سؤالك الثاني لغيرها من السيارت فالدفع الرباعي انواعه كثيره جدا ولها اسعار متفاوته .


اخوك ابوكاسر

[الفجر]

اما بعد
موديل 2003
نزل مكينة مختلفة

3500س س
القوة بالحصان
250حصان للقير العادي
240حصان للقير الذاتي(التماتيك)



السيارة عملية جدا وانتشرت بشكل منقطع النظير


الشباب الذين يملكون السيارة يمدحونها في البر وفي الطريق


سيارة لخمسة اشخاص


الآن زادت قوة المكينة انا الصراحة افكر فيها


السعر للقير العادي طراز SE بدون فتحة تقريبا 79000 مع الفتحة زود 4000 ريال
طبعا السعر متغير طلوعا ونزولا ومن منطقة الى أخرى ولكنه تقريبي
فيه طراز اقل منSE وهذا الطراز نفس المكينة والقير ولكن المواصفات الأخرى تختلف
مثل الجنوط وغيرها هذا الطراز تأخذه الشركات غالبا الصراحة ما اعرف سعره



يقولون ان صرفيتها عالية

والله اعلم

ارجو المشاركة من الجميع وخصوصا الذين يملكون الباث فايندر

[نجمة سهيل]

الباثفايندر مع اخوي وممتاز بالحيل من حيث الشكل والقوه ،،

وبالنسبه لاستهلاكه للبنزين يقول اخوي انه كل 520تقريبا يعبيه فل ب60ريال او 65ريال،،

والسياره عمليه جدا وخفيفه ،،

فتحه ومخشب وجنوط كروم وسيدي موديل2003 شارينه بـ83الف ريال ،،

من عند معرض الفلاح ،،

وللمعلوميه مكينة الـ2003 مكينة جيب انفينتني ،،

[بـــدر]

الموتر طيب باالحيل:good: :good: :good: بس انا انصحك تشتريه من (البريمي) يطيح حوالي 4000 ريال ، ويجي نظام ABS ودبل ايرباك (سائق مع الراكب ألامامي).

[الفجر]

السلام عليكم



وين الشباب الي عندهم باث فايندر

[جلوبلستار]

معي باثفندر 2002شريتها من معرض الفلاح بـ78 والسياره عمليه وقويه ومتازه جدا في البر والنفود والديره والخط وبعض الأصدقاء معهم باثفندر من أيام موديل 98ويمدحونها وما ذكروا فيها أي عيب وبالنسبه لسيارتي قوة مكينتها 185حصان واعبيها بـ 63 ريال وتمشي 490 كيلو (فيها ديره وخط ) . وموديل 2003 اول ما نزل كان سعره 86 الف والوكيل ياخذ الشبك الي فوق التنده ( وهو ضروري لمظهر السياره )واذا قلت ابغا الشبك قال لك ا دفع الفين وثمان !!!! يعني يطلع السعر تقريبا 89 لكن المكينه زادوا احصنتها250 حصان وزاد صرف البنزيم شوي وبالنسبه للسعر في الوقت الحالي ما عندي معلومات عنه يمكن يكون نزل واي استفسار انا في الخدمة