يا شباب أيهما أفضل ؟؟؟

[سفير الجزيرة]

السلام عليكم ورحمة الله وبركاته

وبعد :

إخواني فيه أحد الشباب يشاورني يبي يشري له موتر ( ومن شاور ما خسر )

الإستفسار يقول :

أيهما أشتري أحسن جيب باثفندر 2005 مستعمل وقيمته من السبعين وفيها .

أو أشتري هايلكس دفرنسين 2007 من الوكالة جديد ( بس مدري كم قيمته ) بس أكيد في السبعين


عطوني أرائكم يالنشاما

[أبـوالوليد]

الله البافندر أحسن

[الرساوي999]

السلام عليكم
حبيبي سيف والله رايي لك الباث خاصة إذا صار نظيف لأن الهايلوكس أنا جربته فيها ثقل شوي وبالنفود ما تمشي إلا بالدوس غير إنها تويوتا ونفسها نفس شيخ على ما يقولون.....

[فهد 1426]

لا طبعا الباث ا حسن واللي احسن منه الباترول

[مكحل الحنشان]

نصحه بالباث

وشوكرنن

[سفير الجزيرة]

الاخوان
أبو الوليد
الرساوي
فهد
مكحل الحنشان

مشكورين على الأراء والله يسلمكم من كل مكروه
.
.
.

[.أبوعبدالرحمن]

انصحك


بالهايلكس اذا كان جديد

ولا تنسى الاستخارة

[الدحبول]

الهايلوكس جديد
مريح
أقتصادي
دفع رباعي
قطع غيار متوفرة
أسعارها معقولة
عزم
ماليصرف زيت مثل الباثفيندر

[ابوجعفر]

الباث احسن اكيد

[alkongrs]

الباث أزين

[غالي]

معليش اخوي لكن انت غريب :(
فيه فرق بين السيارتين
الباث جيب قد يكون عائلي
والهايلوكس حوض يستخدم بالغالب للكشتات والحموله
فا سؤالك راجع لك انت شخصيا
وليس التعصب بما ردوا عليك اخواني مع احترامي لهم الشديد

لكن
انت وش تبي حوض نقول خذ الهايلوكس او دور لك جمس ونيت مستعمل ونظيف
او تبي جيب نقول خذ باث او برادو او باترول اوربع تايوتا .........الخ

اتمنى قصدي مفهوم
واسف على الازعاج :)

[فهاد بن محمد]

انصحه بالهايلوكس اذا كان وكاله احسن له
ياخذ موتر على يده احسن من انه ياخذ موتر مستعمل
وتقبل مروري

[مفتاح الفرج]

الدفع الرباعي حق الهاي .... مش ولا بد

[alkongrs]

شف اذاكنت تبي هايلوكي حق تحميل وتركيب وبر تلقى هايلوكسات 2004 و2005 اصفار مامشى شي امكة المكرمة

[winchester]

الهايلوكس من 2006 وطالع ماتنفع بريـال من أستخدام أو أذا بغيت تبيع

لكن الهايلوكس من 2005 وتحت خذ سياره

الباث ماعندي خلفيه عنه لكن ضيق وش كثر ورعانه ويقيس أيهم أوسع...

دمت بود

[taag1]

شوري عليك وانا اخوك انحش عن الباثفندرقطع غياره
نااااار وقبل كل شي استخر ربك والله يرزقنا وياكم
من واااااااااااسع رزقه

[فهاد بن محمد]

الهايلوكس من 2006 وطالع ماتنفع بريـال من أستخدام أو أذا بغيت تبيع

لكن الهايلوكس من 2005 وتحت خذ سياره

الباث ماعندي خلفيه عنه لكن ضيق وش كثر ورعانه ويقيس أيهم أوسع...

دمت بود


:no2: :no2: انا ضد اخوي بوتركي الهايلوكس 2006 وطالع ممشاه اقوى من 2005 ونازل واذا بغيت تتأكد اخذلك واحد اجار وجربه ;) ;) وعطني رايك فيه :j واذا كنت تبيه للبر راح يمشي معك من احسن مايكون واذا تبيه للطريق هم يقولك روووح والبافباندر ثقيل بممشاه وحساس واقل خراب يصيده راح تصلح كل شي فيه

[winchester]

أنـا معك أخوي فهاد بن محمد لان الحصانات من 2006 وطالع أكثر من الموديلات اللي قبله لكن موتر ماينفع لعدة أسباب

1. شكله اللي يسد النفس.
2. مايمسك سعره ولاأحد يسومه غير الشريطي يعني بيجي واحد متعني يبغى يستخدم الا ماقل.
3. الصدام الامام رد جداً جداً.
4. اللي شفت يمكن خمس هايلوكسات محترقات يقال أنه عيب بالشكمان.
5. غير مرغوبه عند شريحه كبيره من الناس المثل يقول (أشتر تبيع).
6. دمت بود.

[سفير الجزيرة]

الأخ

أبو عبدالرحمن

الإستخارة خير وإن شاء الله ما أخيلها

مشكووووووووووووور


الأخ الدحبول

هذا اللي محيرني واللي يرغبني في الهايلكس أكثر من الباث

[سفير الجزيرة]

الأخ أبو جعفر
الأخ ولد العمده
مشكوووووورين على الرأي

[سفير الجزيرة]

الأخ مشعل
شكراً لملاحظتك وأباخذها في الحسبان

الأخ تاج
مشكور على الملاحظة

[سفير الجزيرة]

الاخ فهاد بن محمد


صدقت مافيه غير الإستجار

أبجرب وأشوف

الاخ مشعل

مشكور على الملاحظة وله عندي مكانه