وش رايكم بالناتيفيا من ميتسوبيشي؟؟؟(صور)

[.أبوعبدالرحمن]

بسم الله الرحمن الرحيم


http://www.m5zn.com/uploads/cb5f892e33.jpg






http://www.m5zn.com/uploads/6862c18404.jpg


الاخوة الافاضل السلام عليكم ورحمة الله وبركاته



ابغا رايكم في هذا الجيب من شركة ميتسوبيشي واسم الجيب ناتيفيا

السيارة تأتي بمحرك 6 سلندر بسعة 3.0 لتر 24 صمام يولد 188 حصان عند 5000 دورة في الدقيقة

بعزم 2700 عند 4500 دورة في الدقيقة

الدبل عصا



ابغا رايكم من جميع النواحي وانا اشوفه بادي ينتشر في هذه الايام


والله يجزاكم خير

[عاشق الGXR]

تبي رايي الموتر حليوي إذا سعره معقول لاكن إذا سعره سعر الباث 2007 او البرادو

فهم أفضل من حيث الانتشار والرغبه وقطع الغيار،،،،

[.أبوعبدالرحمن]

لا والله ارخص بكثيييييييييييييييييييييييييييييييييييييير من الباث والبرادو



الفل اوبشن منه بـ 78000 الف ريال تقريبا

ومن الوكيل نفسه

[المميـز]

ممتاز

توكل على الله وبدأ ينتشر بعد ماتغير شكل الباثفندر الناس توجهوا له

لان سعره رخيص وفل كامل وعزمه حليل

وعليك
بالاستخاره بعد الاستشاره

[ع.ف.الدرويش]

الموتر هذا عجيب.. ما شفت مثله بالبر ممشاه ولا أحلى من كذا (عزم ونشاط)
وبالنسبة لإستهلاكه فعادي جداً وإقتصادي بشكل كبير.. مقارنة مع الباث والبرادو
أما الصيانة والوكيل فما عندي علم عنهما.. وكل هذا بحكم تجربة عن بعد (واحد من الشباب)
لديه ناتيفا موديل 2004 قير أوتوماتيك وما شاء الله تبارك الله موتر.. موتر.. موتر..

لكن ومع ذلك.. ما أقول إلا عليك بالإستخارة والله يوفقنا وإياك لكل خير

[abu rana]

أنا اشوف ان تصميمه قديم كأنه من موديلات التسعينات لامن برا ولامن داخل.

وبعدين مكينته 3000 سي سي بس ولو كان 3500 كان مايحتاج من ناحية العزم.

أما المميزات اللي فية جودة القطع ومتانة التصنيع والسعر المعقول.

يعني للناس اللي مايهمهم الشكل يعتبر خيار مناسب جداً.

[شبح الصحراء]

ابو رنا التصميم لا يهم لأنه بالنهاية جيب وعشاق الجيوب لا يهمهم المظهر بل يهمهم القوة والمتانة والتحمل والناتيفا من شركة عريقة وهي ميتسوبيشي كما انه قوي بما فيه الكفاية ولكن مشكلته الأساسية انه غير منتشر عند الناس لذلك قد لا تظهر عيوبه بعكس البرادو فهو معروف ومنتشر ومعروفه مميزاته وعيوبه وأرى التريث قبل شراء جيب غير معروف مثل ناتيفا .

[.أبوعبدالرحمن]

الله يجزاكم خير اخواني


على المعلومات الرائعة


ونتمى المزيد للفائدة للجميع

[راعي الركيات]

بالنسبه للناتيفيا جيب ممتاز جدآ وفيه قوه علي حجمه تعتبر جيده بس غلا قطع الغيار يعيب السياره في بعض الاحيان يعني تخيل الصدام الامامي يمكن يوصل سعره الي ثلاث الاف ريال ولا تلقاه الا عند الوكيل ويطلبه من جده بعد مايوفره في نفس الوقت ولا السياره روعه بس الوكيل سئي جدآ جدآ

[فهد 1426]

سيارة رائعه وممتازه وعمليه اذا انت ما فكرت في سعر البيع مستقلا بس على ما اعتقد انه ما يجئ الا صفين ومكيف واحد فقط علشان كذا

اذا تبي شوري زودها شوي وخذ اخوه الباجيرو ـ ثلاث مراتب ومكيفين وشكل افضل

[.أبوعبدالرحمن]

الله يعطيكم العافية



والله يجزاكم خير

[abo_Leen]

السلام عليكم
اخوي ابو عبد الرحمن الصفيان واخواني المشاركين في الموضوع

من ناحيتي جلست كم شهر وانا الف على الوكالات اقارن بين الجيوب من نفس الفئه

لقيت ان الناتيفا من ناحية السعر افضل شي على الاطلاق يكفي ان سعره اقل من سعر السياحي او النص فل في اكثر السيارات وهو يعتبر من فئة النصف فل وهو يأتي فئه واحده بالسعوديه فقط ولكن بدول الخليج ياتي بثلاث فئات

من ناحية الصناعة فهو ياباني ياباني صناعة وتجميع

من ناحية الدبل الثقيل فهو قير واكثر السيارات الدبل دفع رباعي مستمر

من ناحية صلابة البدي وقوة الحديد فهو اقوا من جميع فئاته

هذا اهم حاجات تفرق الناتيفا عن باقي فئاته من الدفع الرباعي

هذا ليس تحيز للناتيفا ولكن هذا ما لقيته من المقارنه بينه وبين جميع فئاته من الوكالات الاخرى

وتقبلوا تحياتي

[صدام]

هل هو ياباني ياباني؟

أم أمريكي كأللاندكروزر الجديد؟

يعيبه إنه مايجي إلا جير اوتوماتيك

مايجي عايدي

[abo_Leen]

السلام عليكم
اخوي ابو عبد الرحمن الصفيان واخواني المشاركين في الموضوع

من ناحيتي جلست كم شهر وانا الف على الوكالات اقارن بين الجيوب من نفس الفئه

لقيت ان الناتيفا من ناحية السعر افضل شي على الاطلاق يكفي ان سعره اقل من سعر السياحي او النص فل في اكثر السيارات
وهو يعتبر من فئة النصف فل وهو يأتي فئه واحده بالسعوديه فقط ولكن بدول الخليج ياتي بثلاث فئات

من ناحية الصناعة فهو ياباني ياباني صناعة وتجميع

من ناحية الدبل الثقيل فهو قير واكثر السيارات الدبل دفع رباعي مستمر

من ناحية صلابة البدي وقوة الحديد فهو اقوا من جميع فئاته

هذا اهم حاجات تفرق الناتيفا عن باقي فئاته من الدفع الرباعي

هذا ليس تحيز للناتيفا ولكن هذا ما لقيته من المقارنه بينه وبين جميع فئاته من الوكالات الاخرى

وتقبلوا تحياتي
................

[.أبوعبدالرحمن]

الله يعطيك العافية

[مكشات الغضا]

سيارة متماسكه كتلة واحده كأنك تقود سيارة المانيه 0000 لكن عيبها ديكورها الداخلي شبه قديم 0000 وقطع غيارها نااااار.

[salehhd]

السلام عليكم

الموتر سعرة رخيص وجودة عالية وتقنية يابانية
ومايعيبة الا التصميم القديم

اسخير ربك وتوكل على الله
بالتوفيق