بعد كم من كيلو تقربع السياره؟؟ (( موضوع للنقاش ))

[beznas]

السلام عليــكم ورحمه الله ...
احبابي وأخواني اهل مكشات نمسي أو نصبح :) على بعضكم بالخيــر ...
انا اليوم جايبلكم موضووع للنقااااش وللأخذ والعطا :good: والموضوع هو متى تقربع السياره ؟؟؟
بعض الناس يقولون بعد 300 الف كيلو خلاص ما عاد تنفع للاستخدام :(
والبعض قالو بعد 250 الف !!
وناس قالو بعد 500 الف ((هذول ماشاء الله متفائليـن)) :D
ونبي منكم ارائكم وتجاربكم وخبراتكم :) :) لتعم الفائده ان شاءالله (( ولا مانع من ذكر نووع السيــاره )) مثلاً تايوتا لاند كرووزر يقربع بعد 300 الف و الكامري بعد 400 الف و الباترول بعد 500 الف :no:
وياليــت تذكروون نوع القربعه الي ممكن تحصل يعني في البدي او المكيـنه او الليـات .. الخ ..
والسلام خيــر ختام

[فهد 1426]

أنا اقول بالنسبة للسيارة الكوريه ـ حدها 4 سنوات وتبدا 0

[abo lafi]

السلام عليكم

شف يالحبيب السياره على مستخدمها الي يطامر ويناقز:mad: هذا قبل 100 الف وموتره متقربع اما الي يستخدمه استخدام هادئ وسنع :good: هذا الظاهر مهوب متقربع ابد ....:D

يعني الموتر على مستخدمه....

والغالب ان الجيوب تقربع قبل بحكم استخدامها في البران ...

واشكرك على الموضوع وتقبل مروري اخوك /ابو لافي

[ربيع الكشته]

اتفق مع الاخوان حسب الاستخدام
فيه سيارات لها عشر سنوات استخدام عادي وماشاء الله مابها الا العافيه
وسيارات موديل سنتها تشتكي من القربعه والجربعه ( بغض النظر عن نوع السياره )

ولكل شيء صلاحيه وعمر محدد في الدنيا .

[beznas]

الله لا يهيـــن الي ردو وشاركونا في هالموضوع ..
ونطمع بالمزيــد من الآراء والردود والمشكاركات.
والسلام

[بدوي جنوبي]

http://smiles.al-wed.com/smiles/60/top10.gif




عليكم السلام ورحمة الله وبركاته

لا ننسي ان الفرق في الصناعه يعني السيارات الحديثة تقربع بسرعه خلاف السيارات القديمة

وانتو عارفين جودة الصناعه القديمة قوة وصلابه ومتانه في التعليق الامامي واخلفي للسيارة

السيارات الحديثة صار البدي خفيف جداااااااا والسبب يعود لامرين مهمه
الاول: تقليل من وزن السيارة ،،، لكي يخف استهلاك الوقود تقريبا
الثاني: تكلفة مواد التصنيع اصبحت من نوع ردئ مثل اذرعه مقصات اعمدة توزان الديكور الداخلي والخ ...

ادري ان شطحت برا الموضوع :D لكن للعلم

بالتوفيق

[ساقان]

اعتقد ان عمل الصيانه الدوريه للسياره يطيل في عمرها ,,
ايضا قيادة الراكد تختلف عن قيادة العجل ..

[ضغط سحاب]

مرحبا...

والله موضوع جميل بس طويل..!!!!

لكن من واقع تجربة
السيارة على حسب الرجل طال عمرك فكلما تعددت الارجل على السيارة قربعت بسرعة والعكس صحيح.
-انا كان معي كامري مشت 333 الف كم لمدة سبع سنوات وبعتها والله تقل جديدة والله يعطي شاريها خيرها ويكفيه شرها

ولك تحياتي....:cool:

[شبح الموت]

العامل الاول هو الاستخدام

ثانيا اغلب السيارات الحديثة من 1998 ومافوق

اصبحت ناعمة ولينة لابعد الحدود والجودة ردئية في جميع السيارت بلا استثناء

[abufahad2008]

التايوتا لك وللزمن ماراح يتقربع


على مسعوليتي

[الدحبول]

ولد عمتي معة جيب 1991 فيكسار بعة وهو ماشي 600 الاف ب 30 الموتر نظيف ولا يطب بران إلا لضرورة
بعة قبل سنة
وهذه القرقعة بسب الاستخدام ولي مايصلح الاعطال
الوالد معة سوبربان دفرنش موديل 2003 ماشي 183 الاف ما في قرقعة ولا شي
وأنا عندي جيب كروزر 1997 ماشي 310 الاف مافي قرقعة ولاشي
هذا عن طريق الاستخدام

[شبح الصحراء]

http://smiles.al-wed.com/smiles/60/top10.gif




عليكم السلام ورحمة الله وبركاته

لا ننسي ان الفرق في الصناعه يعني السيارات الحديثة تقربع بسرعه خلاف السيارات القديمة

وانتو عارفين جودة الصناعه القديمة قوة وصلابه ومتانه في التعليق الامامي واخلفي للسيارة

السيارات الحديثة صار البدي خفيف جداااااااا والسبب يعود لامرين مهمه
الاول: تقليل من وزن السيارة ،،، لكي يخف استهلاك الوقود تقريبا
الثاني: تكلفة مواد التصنيع اصبحت من نوع ردئ مثل اذرعه مقصات اعمدة توزان الديكور الداخلي والخ ...

ادري ان شطحت برا الموضوع :D لكن للعلم

بالتوفيق
لا والله ما شطحت من الموضوع وكلامك سليم 100% سيارات أول أفضل بكثير من السيارات الحديثة وأظن أفضل موديلات طلعت هي موديلات الثمانينيات والتسعينيات أعتقد انها الفترة الذهبية للسيارات لأنها ذات جودة ومتانة عالية والسبب أن السيارات كانت تصنع في بلدها الأساس سواءً اليابان أو امريكا أو المانيا أما الآن اخذت هذه السيارات تصنع خارج بلدها الأم كالتي تصنع في تايلاندا أو استراليا أو كندا أو المكسيك بسبب إتفاقيات العولمة .
عموماً أي سيارة تعدي 250 الف في بلادنا قل عليها السلام بسبب الحرارة الشديدة والإهمال في الصيانة الدورية وردائة الطرق في بعض المناطق وطريقة القيادة . أما في الدول المتقدمة كبريطانيا مثلاً السيارات تعيش عندهم أضعاف هذه المسافة! .

[اسنافي]

على حسب الستعمال اى سياره استهبال من بكره مقربعه محافض لك ولزمن

[معدي المرقاب]

اكبر دليل ان المديل ليس له اي دور وانما عن طريق المستخدم مالفت انتباهكم سيارات اخواننا السوريين كيف تجوب انحاء المملكه قادمه من سوريا لو تشوفها واقفه كان قلت والله ماتوصلني كيلو...
اخوكم معدي المرقاب

[راعي القميري]

أنا مره ركبت مع ليموزين ابو لمبه يعني وسألته عن موتره والموتر كامري 2002 توقعون كم ماشي ماشي تسع مية الف كيلو وانا ماصدقت الا لين ناظرت بالعداد وسألته وهو طبعا من جنسيه باكستانية قلت هل الموتر يمشي مضبوط ومايقربع قال هذا كامري ميه ميه
أخوكم راعي القميري

[السهل 494]

اسال عن النوع لاتسال عن الكم

[beznas]

أنا مره ركبت مع ليموزين ابو لمبه يعني وسألته عن موتره والموتر كامري 2002 توقعون كم ماشي ماشي تسع مية الف كيلو وانا ماصدقت الا لين ناظرت بالعداد وسألته وهو طبعا من جنسيه باكستانية قلت هل الموتر يمشي مضبوط ومايقربع قال هذا كامري ميه ميه
أخوكم راعي القميري
ماشاء الله تبارك الله 900 الف كيلو !! والله انجاز وشهاده للكامري
وتسلم يا راعي القميـــري على هالمشااااااااااااركه والمعلوووووووومه الي اول مره تمر علي ..
وبالفعل ما دامك بالرياض بتحصل ناس ماشــن مشيــن يرووع مثل اخونا الباكستاني ..
وتسلم يا الغلا وجميــع الي شاركونا :)

[المميـز]

انا من وجهة نظري

بالنسبه للبدي اذا كان الواحد يبي يطلع البر ويطامر بالبر وبالديره المطبات سفري

واذا رجع من البر مايودي موتره ورشة تربيط

هذا قل على موتره السلام ماراح يطول الا وهو متقربع

اما اذا كان الواحد يطلع البر وبعد مايخلص الشتاء وتخلص الطلعات يمر على ورشة تربيط ويربط الموتر كامل

هذا موتره ان شاء الله يبي يعيش معه احلا عيشه

وبالنسبه للمشى

هذي تعتمد على السواق ومعاملته للسياره

يعني يغير الزيت قبل لا ينحرق بزياده

صيانه للموتر كل 10.000كم

اي مشكله تصير يعالجها بسرعه قبل لا تزيد وتأثر على شي ثاني

وهذا ان شاء الله ان موتره لو يمشي 500.000كم مهب جايه شي

ويامه شفنا مواتر مع ناس محافظين صاكين الـ 300.000كم وماشاء الله الموتر عزمه نشيط ولا تسمع اصوات بالمطبات وهذا كله يرحع للمحافظــــــــــــــــه على الموتر



وبالختام مشكووووووور اخوي على الفكره الممتازه

وننتظر جديدك وابداعك...