االغش في بيع الصقور

[الطبشي]

في بعض الاسواق من دون تحديد اوخارج الاسواق يكون هناك غش في البيع مثال الطير قرناس ذابح الحباري ذابح الارنب معلم علا الكراوين وفي الاصل الطير ماشاف الحباري ولا الارنب وعلا راس الزبون مثال الطير جير يرتفع وصايد وعلا الحمام ينزلها نجوم وفي الاصل مايرتفع يلحق الحمام مسوحل وش فايده هذا الغش علشان الف او الفين والزبو ن يخسر فلوس ووقت الله المستغان والله يهديهم انشا الله

[أخو وضحة]

صادق وترى هذا كله شغل شريطية لكن تبي تسكته اول شي اسئله عن الطير وعلومه وسوي نفسك ما تعرف في الصقور شي وبعد ما يقولك إن الطير سبوق وينزل الحمام وذابح للكراوين وصايد الحباري والدجاج الحبشي والبط ........الخ من البكش حقه
قله أنا شريت لكن على الشوف يعني نهده سوا إذا والله علوم الطير تونس ومثل ما قلت وذكرت أنا شريت وإذا ماش علوم فلوسي معي وطيرك معك ....................... بتلقاه يلف ويدور بالكلام والا يقول أنا مشغول وما يمديني لكن خلها بكرة في العصر وصدقني ما راح تشوف رقعت وجهه مرة ثانية
لكن أنا أعرف صقاقير كثر إذا غلق المقناص وجا وقت التقيض قطع سبوق الطير وفك برقعه وأطلقه لوجه الله ويقول أسأل الله إنه يرزقني من فروخها وهذا هو عين الصواب عشان نقهر الإنقراض ونفتك من الشريطية هههههههههههههههههههههههههههههههههههههههههههه

ومعليش على الإطالة
وشكرا............................................. .................................................. ...........................................

[بو غازي]

السلام عليكم ورحمه الله وبركاته
مرحبا اخوي الطبشي وجزاك الله خير على هالموضوع
اسال الله الخيرة وانا من ناحيتي ماشتري الا الطير الي اعرفه واشوف طياره او وحش او طير مجهول نصيحة يالربع لاحد يشتري على الشرط لانه هذا ريش ماتدري العام يصيد السنة مايصيد وبعض الصقاره الله يهديهم يستعجلون على الطير مشروط على الطير انه صايد وتحصله اول الوقت معشيه البارح والصبح يبي يهد على حباره لا لا يااخوان لازم الواحد يحط له اكثر من عذر وانا من ناحيتي ماأيد الطير المشروط لانه يسبب الحزازيات بينك وبين خويك الي انت شاريه منه ولا انت بايعه عليه لذا ابتعد عن القيل والقال او تشتري طير بشرط الشوف مثل ماتفضل اخوي اخو وضحة ,اما بالنسبة للغش هناك للاسف بعض الناس يعلم بعيوب الطير ولاكن مايعلم بها عسى الله يهديهم.
‏عن ‏ ‏عثمان بن عفان ‏ ‏قال ‏
‏قال رسول الله ‏ ‏صلى الله عليه وسلم ‏ (‏من غش ‏ ‏العرب ‏ ‏لم يدخل في شفاعتي ولم تنله مودتي)

[كامل الدسم]

يعطيك العافيه على الموضوع

[رفيق الطيبين]

اخوووي الطبيشي السلام عليكم ورحمة الله وبركاته.......

من ناحية الغش ماهو محصور على الطيور بس ان جيت

راعي المعارض لينه نصاب وان جيت العقارات تحصل

بعد فيها نصب وان جيت سوق الابل عينت والغنم مثل

حتى بياعين التمر والخضره والفواكه فيها نصب وغش

يعني با العربي صارت التجاره من مقوماتها الاساسيه

ونجاحها هو الغش والنصب والاحتيال الله لايؤكلنا الا

الحلال يارب ويبعد بينا وبين الحرام وياكم ويهدي جميع

الشريطيه في كل المجالات هذا والله الهادي الى السراط

المستقيم سبحانه جل جلاله..............................


وتقبل مروري اخوووووك//

رفيق الطيبين

[الوافي عزام]

الله المستعان

خلها على الله ( دامها تمشي مشها )

والله انها ظاهره غريبه على مجتمعنا خصوصا من 15 سنه وجاي وكل مالها وتزود في كل النشاطات التجاريه بشتى اشكالها
ومع الاسف اننا مجتمع اسلامي !!!

لاكن ارجوا من الله ان يغيروا الناس من تعاملاتهم مع بعض

وشكرا لك

[المري]

ماقصرو الربع اللي قدامي , كفو ووفو..

بس حاب ابين شغله الا وهي: ان الرجال اللي يكذب ينعرف ثاني سنه يعنى لو باع السنه هذي اطيور والسنه الجاي ماجاب على كلامه

تلقى العرب يقولون اذا جاء ذكره او قالو عنده طير يبى يبيعه : أنحش لايحوووشك , وتلقاه في النهايه مااحد يشري منه شي..

وهو الخسران..

اما الرجال الصدوق كلن يدور سلعته وكل وده بقربه وتلقاه ماشي والله رازقه الرزق الطيب..

وسلااااااااامتكم

اخوكم - المري

[ابرق العزاف]

الله يرحم الحال

ماعندهم الا دخله الفرامه

شغل الفرامه الزبون جاهز للفرم

افرررررررررمه

[ابرق العزاف]

الله يرحم الحال

ماعندهم الا دخله الفرامه

شغل الفرامه الزبون جاهز للفرم

افرررررررررمه

[حطاااااب]

السلام عليكم ورحمة الله وبركاته
الطبشي
بيض الله وجهك على الموضوع
الشباب ماقصرو
لاكن الطير المشروط طيب وخاصه المعروف من الرجال
اللي يخافون الله

[تواق]

اساس التجاره ....... السمعه ثم السمعه



اذا فقدها التاجر فقل على تجارته السلالالالالالالالالالام



سؤال لكل شريطي او تجار صقور هل تسوى سمعتك ومصدر رزقك الف او الفين تكسبها عن طريق الغش ؟


لو كل تاجر جلس مع نفسه وقعد بفكر ويتدبر في حديث رسولنا الكريم صلى الله عليه وسلم ( من غشنا فليس منا )


لوجد ان مكاسب الدنيا ماتسوى الخروج من مله سيدنا وحبينا محمد صلى الله عليه وسلم


ومثل ما قال اخوي ابو معيض وش اخر التاجر الغاش والكذاب بيضحك على الخلق سنه سنتين وبعدين مايدري انه هو المتضرر في


النهايه بتوقف تجارته نهائي وحتى لو استمر هل يقارن بمبيعات تاجر وضع مخافه الله بين عينيه

[باب هداج]

جزاك الله خير والغش الحين ياحيف في كل شيء والعياذ بالله

[قناص جبيل]

السلام عليكم ورحمة الله وبركاته


اخوي الطبشي
ما يغشك الا الشريطي ادفع الف اوالفين
فوق قيمة الشريطي واخذه على الشرط أفضل



اخوك قناص الجبيل

[مهاجر الخلان]

جزاك الله خير يا الطبشي على الموضوع الطيب والله يرزك الطير الي يطربك قول أمين