إنكســـــــــــرة قزازة الشـــــــــــــمعه وش الحل(زنون- فتــــك )

[ibrahim_isz]

الإخوه اعضاء مكشات وزواره
السلام عليكم
إنكســـــــــــرة قزازة شمعة الموترسوبر سفاري (فتـك) ورحت أسئل عنها حصلتها غاليه حدود 1800ريال في الوكاله ولا حصلت احد يبيعها غيرهم...... وش الحل يشباب

[فهد 1426]

اذا كان شعر بس ماأدري اذا دكتور الزجاج (( تلحيم الزجاج بالكمبيوتر )) بيضبطونها والا لا ــ مرهم وتأكد بس انتبه للسعر يمكن الشراء ارخص لك منهم 0
وألا مر التشليح ودور اكيد بتلقى بأرخص ـ بس دور زين ولا تشتري على طول ترى اسعار التشاليح متفاوته بشكل كبير 0

[مشراف]

الحل ؟؟؟؟؟؟؟

ما قول الا الله يعينك على دفع الدراهم

[أبو أسامة]

السلام عليكم ورحمة الله وبركاته

مثل ما قال أخوي فهد 1426 ........ يا دكتور الزجاج يلحمونه بالكمبيوتر أو التشليح .............. بس أنتبه لا تكون اللي بالتشليح تجاري ......أو مرمله ...........

بالمناسبه سعرها بالحيل غالي وحسبنا الله في هالوكلاء ............ وترى شمعة الفكس آر غاليه أيضاً 1400 ريال ........... الله يعينا عليهم .................

[راع الابل]

اخوي اذا كان الكسر في النصف فا يوجد تلصيقة تلاصقها على القزازه وتمشي الحال معك فترى حتى تنتهي مرة وهذي اللصقة خفيفة مرة وتعطيك نفس الضو الطبيعي وتحمي الشمعة القزازة من الداخل

الشكر وتحصلها عند حقين الزينات

[أبرق دمعة]

أخوي أنصح بالتشليح .. .. دورك واحد نظيف وممتاز .. .. أكيد بتلقاه أرخص من الوكاله .. ..
وأحذر أخوي أنك تركب شي مو أصلي .. .. لآنك بتتعب معه .. ..
،، تقبل تحيات أبرق دمعة ،،


http://www.mekshat.com/pix/upload/sign/images/mk39342.gif

[المميـز]

مالك الا التشليح

والله يعينك

[ولد وايل]

اخي الكريم التشاليح بالصناعيه تلقى منها واجد واختر اللي يجوز لك

[ابوحماد]

شف عندك م/ تشليح الرياض في حائر عندهم فتك 2004 م و2006 الشمعات فيها سليمه

[ابوريناد1979]

حط لزاق فلوس عليها , وش نسوي لك طيب هههههههههههه
امزح معك ;)
الله يكون بعونك واضح من سؤالك انك ميت قهر من الوكاله اللي ضاربينك بقيمتها 1800 $$$$
ما ألومك والله 1800 كايده على شمعه ,
هذي لعبة النيسان يرخص قيمة السياره جديده عن التويوتا ويضربك في قطع الغيار
والتويوتا العكس
ماكلينك ماكلينك :(
وان شالله ماتشوف شر بالسياره وتعيش معك سنين بدون مخش

[VTC]

حط لزاق فلوس عليها , وش نسوي لك طيب هههههههههههه


امزح معك ;)
الله يكون بعونك واضح من سؤالك انك ميت قهر من الوكاله اللي ضاربينك بقيمتها 1800 $$$$
ما ألومك والله 1800 كايده على شمعه ,
هذي لعبة النيسان يرخص قيمة السياره جديده عن التويوتا ويضربك في قطع الغيار
والتويوتا العكس
ماكلينك ماكلينك :(
وان شالله ماتشوف شر بالسياره وتعيش معك سنين بدون مخش

اخوي يكون بعلمك ان قيمة الشمعة الامامية للندكروزر الزنون بأكثر من 1500 بدون جهاز الزنون

[فايز العامر]

أنا سيارتي باترول سوبر سفاري 98
قبل حوالي سنتين انسلخ الكفر الأمامي الأيسر وضرب النور وانشعر.
تركته وبعد شهر بدأ يزود الشق حتى طاح غطا النور، وبقت الشمعة مكشوفة.. المهم لي حوالي سنتين وأنا أدور نور كامل ولا حصلت حتى في التشاليح (لأنهم مايبيعون الغطاء منفصل)، واكتشفت سبب عدم وجودها في سيارات التشليح أن كثير من الشباب يغير نور الباترول العادي إلى زنون عشان يكشخ. وحتى الآن سعر النور كامل حوالي 2500 ريال بعد الخصم وعند الوكالة أكثر.. ولا حول ولا قوة إلا بالله...

شمعة الزنون لازالت شغالة لكن شمعة النور العالي انكسرت من المطر والغبار والهواء...

[البديوي 2]

يا أخي

الظاهر فيه محلات تفصل قزاز للشمعات بشكل احترافي


والظاهر انهم بالصناعية القديمة أو الغرابي

رخيص وكويس

ومش الحال

يعني لازم تكشخ

كش ملك وانتهت اللعبة ههههههههههه

[مرقاب]

اخوي ابراهيم غرظك عند محلات العليان للزينه في الغرابي وطريق خريص بالرياض واظن الشمعه كامله 900 ريال .

[ibrahim_isz]

السلام عليكم
جزاء الله الجميع كل خير على التفاعل
الأخ رحت لتشليح الرياض ماحصلت (زنون)
الأخ مرقاب العليان ما عنده زنون

[marjoj]

الله يعين اللي يخرب عندة نور الزينون لباترول 98 والله دورت في تشليح جدة ملقيت الا اصطب واحد بس
ونور عادي واحد في حراج الصواريخ يعني ما عنا وعن الوكالة
(((((((( كاملة الأنوار الأمامية 5800 ريال )))))))))))))
حسبي الله على هالوكالة....................

[فهد 1426]

الاخ ابراهيم
الله يكون بعونك
عندي اقتراح من واقع تجربة سابقه بس ما هو مع الحمراني ـ مع الجميح
احجت لقطع غيار سيارتي واللي وكيلها الجميح وكان سعرها غالي ـ فوق الألف ريال ـ وطلعت للمدير المسئول في قطع الغيار ومعي التسعيره وقلت ان هذه القطعه سعرها غالي ـ وأرغب منكم الحصول على تخفيض ومن زي هالكلام ـ والله الرجال ما قصر سوى لي تخفيض طيب وخذتها وصلحتها ـ وبعت السيارة على طول 0
--------------------
حاول مع الحمراني لعل وعسى او اذا تعرف احد في الشركه يمكن يسهل امورك 0

[راعي كيف]

اخوي ابراهيم غرظك عند محلات العليان للزينه في الغرابي وطريق خريص بالرياض واظن الشمعه كامله 900 ريال .




شفتها عند العليان 1080 ريال الموجود في طريق خريص اصلي على الشرط انها وكاله .
وعندك تشليح الرقيبة ببريدة والعجلان :eek: ببريدة كانك عجلان ههههه :)

تحياتي واشواقي راعي كيف
ابو ناصر

[ألنشمي]

يا أخي

الظاهر فيه محلات تفصل قزاز للشمعات بشكل احترافي


والظاهر انهم بالصناعية القديمة أو الغرابي

رخيص وكويس

ومش الحال

يعني لازم تكشخ

كش ملك وانتهت اللعبة ههههههههههه

السلام عليكم ورحمة الله وبركاته

صدق أخوي البديوي ... فيه محل بالرياض ,الغرابي أسمه القحطاني يفصل غطاوي انوار حسب الطلب, رح له وانشاء الله يحل مشكلتك.

[ibrahim_isz]

[QUOTE=راعي كيف]شفتها عند العليان 1080 ريال الموجود في طريق خريص اصلي على الشرط انها وكاله .
وعندك تشليح الرقيبة ببريدة والعجلان :eek: ببريدة كانك عجلان ههههه :)


اخي راعي كيف
السلام عليكم
الموجود عند العليان عادي وليس (زنون)
امانشليح العجلان( فلا توصي حريص) ارسلت رجال شرواك ولا حصل المطلوب ومر على الرقيبه بعد

[رقبة حاشي]

السلام عليكم ورحمة الله وبركاته

صدق أخوي البديوي ... فيه محل بالرياض ,الغرابي أسمه القحطاني يفصل غطاوي انوار حسب الطلب, رح له وانشاء الله يحل مشكلتك.
ياليت ياخي العزيز توضح عنوان القحطاني هذا ابغى اروح عندي قزازة شمعة هوندا مكسوره وانت تعرف وش معنى هوندا ......... ارجو الرد سريعا مع الشكر ...