شوركم يالاخوان في الجمس الوانيت 2500 او 1500 2007

[ghamas30]

السلام عليكم والمعونه

ودي اشتريه للبر والرحلات والشد ولاللبيع يعني سياره بضيفها بالبطاقه

ابي شوركم عنها واحسن وكيل علما اني من ابها وترى عندنا خير وامطار وعز وسلامتكم

[أبو محمد2010]

أنصحك بالمكينة 2500 لانه أقوى...

إن شاء الله الشباب يفيدونك أكثر..

[بلاغة الحرف]

لا مقارنة بين السيارتين .. و 2500 مخصص أكثر لسحب المقطورات .. ونحن هنا لا نحتاجه كثيراً

أنصحك بـ 1500 أخف وأقل صرفية وأخفض سعر

هذا ما أعرف .. وخبراء الخيمة سيفيدونك بالتفصيل إن شاء الله

[هاوي الله]

أنصحك بــ 1500 ( شاص طويل ) دفرنشين(دبل) ..... لأنه أخف من الــ 2500 وأسهل صيانه وأفضل في الإستعمال

[قتال]

السلام عليكم ورحمة الله وبركاته ،،،

هلا بك أخي ghamas30 ..

أعتقد بأن الفرق بين 2500 و 1500 هو الحجم والاستعمال ..

حيث أن 2500 يعتبر للإستعمال الثقيل (الهفي ديوتي) حيث تجده خشن جداً ..

ويجي 8 صواميل للكفر .. وأرفع من 1500 .. وقوي للتحميل والسحب ..

أما 1500 فهو أنعم بكثير من الثاني وبصراحة كنك تسوق سيارة صغيرة ما هو وانيت ..

وطبعاً أسرع وأفخم ويجي 6 صواميل للكفر وكذلك مساعداته أنعم ..


ولكل واحد منهم إستخدام .. وأنا أنصحك تاخذ شاص دامك من أهل الجنوب إشتر تبيع ..

أما المكاين فتختلف وكل حجم فيه أكثر من ماكينة .. وكذلك القير فيه فرق بين الحجمين ..

وسلامتك .. حبيت أفيدك بالمعلومات اللي أعرفها ..

[سيف111]

اكيد اريح واوسع من الشاص...لكن الشاص افضل

[الدحبول]

2500
أفضل وإطلاق

[ghamas30]

السلام والمعونه

الاخوان ابومحمد 2010 وبلاغة الحرف وهاوي الله وقتال وسيف111 والدحبول ولايهنون القراء

جزاكم الله خير جميع والله يجمعنا وياكم ووالدينا ووالديكم في الجنه

الشاص خشن مره ولايهواني

وهل يجي 1500 8 سلندر وكم احصنته وكيفه في النفود والجبال

وسلامتكم

[قتال]

السلام والمعونه

الشاص خشن مره ولايهواني

وهل يجي 1500 8 سلندر وكم احصنته وكيفه في النفود والجبال

وسلامتكم

السلام عليكم ورحمة الله وبركاته ..

حياك الله يا الحبيب ..

طال عمرك كلها تجي 8 سلندر .. أما في النفود فـ 1500 أفضل ..

وهذا طال عمرك .. موقع الجمس .. فيه 1500 و 2500 HD و 3500 HD ..

http://www.gmc.com/sierra900/1500/index.jsp (http://www.gmc.com/sierra900/1500/index.jsp)

وللعلم بأن 2500 يطب بالمطبات وكثير الغراز .. بس ممتاز بالتحميل والسحب ..

أتمنى إني أفدتك ..

[ghamas30]

السلام والمعونه

وفيت وكفيت ياقتال وبيض الله وجهك

فيه مكاين كثيره بالموقع ايها عند ربعنا

الله يوفقكم

[قتال]

السلام والمعونه

وعليك السلام ورحمة الله وبركاته ،،،

أسمحلي يا الغالي هذا حد علمي .. بس اللي أعرفه أن الوكالة ما تجيب إلا 8 سلندر ..

ففيه سيارات تجي z71 وهذي مكاينها أقوى وأسرع من اللي تجي 4×4 أو العادي ..




بس أنا لي سؤال طال عمرك ..

في بداية مشاركتك كتبت السلام والمعونة ..

فالسلام معروف طبعاً .. بس وش هي المعونة ؟؟؟ .. بارك الله فيك ..

[بدوي جنوبي]

وعليك السلام ورحمة الله وبركاته ،،،

أسمحلي يا الغالي هذا حد علمي .. بس اللي أعرفه أن الوكالة ما تجيب إلا 8 سلندر ..

ففيه سيارات تجي z71 وهذي مكاينها أقوى وأسرع من اللي تجي 4×4 أو العادي ..




بس أنا لي سؤال طال عمرك ..

في بداية مشاركتك كتبت السلام والمعونة ..

فالسلام معروف طبعاً .. بس وش هي المعونة ؟؟؟ .. بارك الله فيك ..



انا اجاوبك طال عمرك اخي قتال

والله انا ما اعرف الاخ ghamas30 لكن يبدو لي انه من ابناء المنطقة الجنوبيه

طبعا عندنا في المنطقه بعد السلام نقول المعونه
والرد يكون: الله يعينك او اعانك الله الا تتفق معي اخي ghamas30

بالتوفيق للجميع ;)

[بالرمله قناص]

ghamas30 السوق يحكم

2500HD مطلوب طلب قوي خاصة العادي + دبل
1500 الطلب علية قليل جداً الا للشباب الي يبون الرزه
2500HD وحش له هيبتة من 78 الى 2007

تحياتي لك وبالتوفيق واذا شريت علمنا نبارك لك

[nashad]

z71بس 2007
الله يسعد امه والشكل ما شاء الله تبارك الله
فكيت معه

[شويح]

ghamas30 السوق يحكم

2500HD مطلوب طلب قوي خاصة العادي + دبل
1500 الطلب علية قليل جداً الا للشباب الي يبون الرزه
2500HD وحش له هيبتة من 78 الى 2007

تحياتي لك وبالتوفيق واذا شريت علمنا نبارك لك


هذا افضل رد قريته واللي يقولك 1500 افضل من ال2500 ما عنده سالفه لا من ناحية الراحه ولا في النفود وهذا الكلام من تجربه ونا عندي 2007م ومكينه 2500 بس الشكل القديم اما الجديد ما الشكل الجديد ما عندي خبر عنه

[قتال]

هذا افضل رد قريته واللي يقولك 1500 افضل من ال2500 ما عنده سالفه لا من ناحية الراحه ولا في النفود وهذا الكلام من تجربه ونا عندي 2007م ومكينه 2500 بس الشكل القديم اما الجديد ما الشكل الجديد ما عندي خبر عنه

أخي شويح .. مشكور طال عمرك .. أنت كريم وحنا نستاهل ..

[.أبوعبدالرحمن]

وان اخوك تبي العلم المظبوط





صل الاستخارة وبتلقى علمك طيب ان شاء الله

[ghamas30]

الاخوان شويح ونشد وبلرمله قناص وبدوي جنوبي وقتال بارك الله فيكم ومن يقراء

كنت افكر في 1500 ولكن بعد ماكتبتم رجعت لل2500 لكن الراحه مهمه وال2500 يقربع ابي شوركم واللي يعرف الاحصنه يسوي خير

اما بالنسبه للاخ السائل عن المعونه فابن عمي بدوي جنوبي بارك الله فيه وفيك والجميع رد عليك

وسلامتكم

[GMC79]

اصلا ما تحس انك راكب جمس الا على 2500
اما ال1500 تحس انه مسخ لاهو مع الكبار ولاهو مع الصغار

هناك اختلافات كبيرة وجوهريه بين 2500 و1500 ولاتقتصر على المحرك والحجم الخارجي

هناك الاذرعه والمقصات والعكوس والدفرنسات والقير والدبل والشاص والسست كلها لصالح 2500 اكبر وامتن واطول عمرا وان كانت اثقل

انا انصحك ب2500 وبس

[أخو أحمد]

السلام عليكم أخوي ال1500 2007 يجي 355 حصان وتغيرت المكينة عن 2006 صارت أقوى وأقل صرفية الميزة الي فيها إنك لما تمشي عادي تشتغل 4 سلندر بس وتصير صرفية إقتصادية مرة ولما تدعس تشغل الثمانية وقوة 355 حصان طبعا هذي مواصفات اليوكن وتأكد إذا السييرا تغيرت مكينتها مثل اليوكن لأن شكلها تغير ومكينة اليوكن هذي من الجيل الرابع قوة وأقل إستهلاك للبنزين أما إذا نفس المكاين القديمة نصيحة 2500 أفضل لك وإسأل الوكالة علشان تتأكد مظبوط
وهذا رابط بالعربي جي إم سي الشرق الأوسط http://www.gmcarabia.com/content_data/LAAM/ME/ar/GBPME/012/G1/4B/4B_dimensions.html?cntryCd=SA

[البّري]

يا اخوان نبي صور

[قتال]

يا اخوان نبي صور

http://www.gmc.com/modelSelector.jsp?vehicleName=Yukon

[ghamas30]

السلام عليكم أخوي ال1500 2007 يجي 355 حصان وتغيرت المكينة عن 2006 صارت أقوى وأقل صرفية الميزة الي فيها إنك لما تمشي عادي تشتغل 4 سلندر بس وتصير صرفية إقتصادية مرة ولما تدعس تشغل الثمانية وقوة 355 حصان طبعا هذي مواصفات اليوكن وتأكد إذا السييرا تغيرت مكينتها مثل اليوكن لأن شكلها تغير ومكينة اليوكن هذي من الجيل الرابع قوة وأقل إستهلاك للبنزين أما إذا نفس المكاين القديمة نصيحة 2500 أفضل لك وإسأل الوكالة علشان تتأكد مظبوط
وهذا رابط بالعربي جي إم سي الشرق الأوسط http://www.gmcarabia.com/content_data/LAAM/ME/ar/GBPME/012/G1/4B/4B_dimensions.html?cntryCd=SA


سلمت يا اخواحمد لاعدمناك ولايهنون الاخوان

المعونه والسلام