البعض من النصــائح

[ذيب عتيبه]

السلام عليكم ورحمه الله وبركاته
لاحضنا بالمهدات الاخيره الشكـاوي من بعض اصحاب السلق من الغش وأخر الشكاوي لأخونا الغالي بارك الله فيه صيـاد الوعل
ولكن انا بقول اللي منظم المهد ترى الحمل عليه والحمل هو تصحيح واعطاء من يستحق الفوز له بدون مجاملات
أتوقع الكل شاف والكل تابع ماصار
لكن أنا بعد الواضح واللي شفناه أبرسل هالكم نصيحه لعل وعسى يؤخذ بها لنخرج بمهد نضيف من الغش وغيره
أولا:
1_أشعار جميع المشاركين بالعقوبات المترتبه لمثل هذه الحالات ووضع عقوبات صارمه جداً على من يخالفها
ومن ضمن العقوبات
أشعاره اذا حصل منه المخالفه فيتحمل مايصيب السلوقي من مضره يكون هو يتحملها
ثانيا: يمنع نفس السلوقي من المشاركه في مهدات أخرى بناء على مابدر من صاحبه
2_تكون هناك كمرات فيديو وليس جوال تصور المهد من الاول الى الاخير بأناس مكلفه بذالك لمنع الغش كما بدا يظهر
3_ اشعار الجميع بمنع أن تتقدم السيارت على السلق لنتلافى الصدامات مع السلق لاسمح الله

والله الموافق
فكره بسيطه يمكن أن تساعد في هذه الاحراجات
((يكون هناك أستكر خاص يكون مع من هو منظم المهد ويوضع لكل سلوقي مشارك بالمهد يلف على أحد أرجله وبعد ماتكتمل الستكرات على السلق المشاركه جميعها تكون أمام ناظري الجميع وهي باالارض ومن ثم يبدأ المهد والحاصل على المراكز المتقدمه يتم معاينه الستكر هل هو موجود أم لا اذا موجود فهو الصحيح وان لم يوجد فهذا يعتبر غش))
والاستكرات تكون مع منظم المهد فقط

يااخوان أنتهبو لها الاشياء
وأترك الامر للاعضاء لأبداء نصائحهم لمهد خــالي من الغش

[راعي الفلوجه]

يعطيك العافيه على هالموضوع وهالنصايح الناااااافعه ........

[المواادع]

يعطيك العافيه على الموضوع

[صمود1]

يعطيك العافيه عالنصائح ويجزاك ربي خير وتقبل مروري

[عبودي 99]

اصلاً شنو المشكله فيها

ياما وياما مهدات صار فيه غش والعن من كذا بس ماصارت صجه نفس كذا ليش؟؟؟

بعدين في طريقه حلووووووووه اذا تبي تغش تعال جنب السلوقي وفض السياره وادعس بنزين لين تسمع صوت السفتي وبعدها بتشوف ان السلوقي يجفل ويرجع وانت خلك قريب من الظبي والله مايقدر يجيه وانت عنده....

ههههههههههههههههههههههههههههههههههههههههه

امزح معكم !

المهم والله يبيله نشوف صرفه لهذه المشكله ؟

انا عندي حل !!!

ان اللي يهدون سلقهم يوقفون ولا يروحون مع السلق بسيارات وبس اللجنه ترووووح على سياره وحده ويكون معهم كاميرا يصورون اللي يطرح الظبي ومن بعدها يجون اما السالفه انا امشي واحذف سلوقي في نص المهد هذي ماصارت على العموم هي فكره...

[الفيتو]

بسم الله الرحمن الرحيم

السلام عليكم ورحمة الله وبركاته

مساء الخير ياخوي العزيز / ذيب عتيبه

السارق بذ السلطان

في مهد عام الفين تم وضع علامه على السلق المشاركه لكن

السلوقي المنطول ما شارك فالسباق اكتفى بالوقوف على الصنقل وبعد

ما غارت السلق وراحوا الناس في جرتها الغشاش رد سلوقيه

فالموتر وبعد مسافة (2)كم فكه من خلاف سوى عجايب

مر الكلاب كنها واقفه والظبي كان من اقوى الظبى

و بغى يطرحه الا شي

نصايحك زينه

لكن السارق بذ السلطان

مشكور وماقصرت

والسلام

الفيتو

الحجاز

18/5/1428هـ

[صياد الوعل]

تحيه طيبه
اؤيد اي اقتراح فيه تنظيم ,,, وهناك افكار كثيره يمكن من خلالها تنظيم المهدات ,,
و لكن اتمنى ان يعي البعض انها هوايه و متعه ,,,,ليس :no2: الا !!!!!

[ابو صاالح]

فعلا كلام سليم ،، تشكر عليه اخوي ذيب عتيبه .;)لي اضافه وهي نشر المقاطع اللي تصيد الغشاشين عشان يتأدبون وش رايك ;) اجبرتك على الكلام .

[ذيب عتيبه]

راعي الفلوجه :عافاك الله وماقصرت والموضوع للفائده لنا ولكم

الموادع:يعافيك الرحمن من كل شر ويحفظك ومرورك رائع

صمود1:يعافيك الرحمن وماقصرت وأنت المبدع ومرورك مميز بارك الله فيك وكثر الله من أمثالك

عبودي99:مشكله والله لكن البركه أنشاء الله بالمنظمين والامل فيهم ومرورك شرف لي

الفيتو:بالنسبه لك يالفيتو يامبدع فشاهدتي فيك مجروحه وبيض الله وجهك وعافاك الرحمن من كل شر مرورك يعتبر وسام فخر للموضوع

صيـاد الوعل: الطيب انت بارك الله فيك والموضوع لوضع لو بعض الحد للغش اللي بدأ يظهر واللي مايطلق وجه من فعله

:::::::::::::::::::::::::::::::::::::::::
راس مال المواضيع :ردودكم عليها
بارك الله بكم ونفعنا واياكم
الى الامام

[ذيب عتيبه]

عافاك الله يابو صالح وبالنسبه للمقاطع فهي لاشك تفيد في وضع المهد على النور ليتسنى للجميع النظر لتفصيلات المهد
بارك الله فيك وماتقصر على مرورك

[الشمالي 5]

يعطيك العافيه على هالموضوع وهالنصايح


واللي يغشون مايستاهلون يشاركون في مهد مره ثانيه

[ذيب عتيبه]

الشمــالي5

بارك الله فيك وعساك عالقوه
بالنسبه للمشاركه فهو صدقت مايستحق المشاركه في مهدات أخرى

[سلطان العوني]

الله يعطيك العافيه اخوي ذيب عتيبه
فعلا اقتراح طيب من وجهه طيب


تشكر تشكر تشكر


تحياتي

[sasasasas]

يعطيك الف عافيه اخوي

ذيب عتيبه

المهددات اشوف انها غش من ناحية المنظمين

انا من ناحيتي اول شي اسال من الذي يبي يهد بعدين افكر اذا الرجال يستاهل نهد معه ولا لا

[ذيب عتيبه]

سلطـان العـوني: بارك الله فيك والطيب أنت يالغالي شعارنا مهد خالي من الغش مرورك فخر للموضوع
sasasasasas:بارك الله فيك وكثر الله من أمثالك منك نستفيد مرورك فخر للموضوع..................

[القحطاني505]

لاهنت اخوي ذيب عتيبه والله يطرح فيك البركه

[مورد القيفان]

صحيح كلامك اخوي ذيب عتيبه بس هل كل واحد بيمشي عليه

اتوقع صعبه شوي وبالنسبه للستكر اشوف انها ما تنفع لانها يمكن تطيح مع المركاض

واشوف ان الترقيم بالبخاخ اضمن

ومشكور اخوي على طرحك لهاذا الموضوع

[ذيب عتيبه]

القحطــاني505:بارك الله فيـك وكثـــر الله من أمثالك
مورد القيفان:العفو يامال الغناه وبالنسبه للبخاخ فهو طيب

[راعي طواش]

يعطيك العافيه علي الموضوع

[بن قضيب]

بيض الله وجهك يا ذيب عتيبه

[هيسوكا]

الحمدلله على العقل
نعمه القليل يحس بها
:::::::::::::
تقبل مروري

هذا ردك انت لكن ردي يعطيك العافيه على النصايح

[صمود1]

مبدع اخوي ذيب عتيبه ويعطيك العافيه ومجهود يحسبلك

[راعي شلاع]

عزالله انك ذيب ياذيب ويعطيك العافيه وماقصرت

وبصراحه اعجبني توقيعك وكفو يابن العم:good:

[ولد ال زايد]

مشكور أخوي ذيب عتيبة على موضوعك المهم والمميز فعلا
والغرض من المهد بشكل عام تمييز السلق الطيبة والمتعة
والمسالة ماتستاهل الغش أبدا
تقبل مروري

[بو هاشم]

الله يعطيك العافيه على الموضوع الحساس
وعسى منظمين المهدات يستفيدون ويطبقون

[نفيعي]

مشكور على الموضوع وماقصرت

[راعي طواش]

يعطيك العافيه

[(القناص)]

والله شي مفيد

[مهتوي]

بسم الله الرحمن الرحيم

السلام عليكم يالربع..

معليش بغيت اعرف وش تتكلمون عنه !

وش هي المهدات .. ووين تصير في أي منطقة ؟ وفي شهر تقام في السنة ؟

وشاكر لكم,,

[صياد الغزال]

يعطيك العافيه على الموضوع