هل تشتكي من نزول السياره مع التحميل وهل تعاني من المطبات . اذن انصحك بالبالونات

[مهيلان]

السلام عليكم
لاحظت في الاسابيع الاخيره كثرة الاسئله والشكاوى من نزول السياره بعد تحميلها
خاصة الجيب الصالون ...
فالى الاخوه الاعزاء هذه الطريقة التي اتت الينا منذ ما يزيد على السنتين
ولكن للاسف فالكثير لا يعرفها ..
هذا الابتكار يسمى البالون او الرافعه الهوائيه air lift
.................................................. .................................................. ......................................
ما هي البالون :
عباره عن ماده مصنوعه من المطاط صفراء اللون في الغالب ..
قابله للتمدد ..مجوفه وقابله للتعبئه بالهواء ..ارتفاعها 20سم حسب النوع ..
توضع وسط اليايات او السست سواء الخلفيه او الاماميه .
ويكون معها ليات هواء توصل بها وتعبأ بالهواء ..
http://www.mekshat.com/pix/upload/images/al1000kit.jpg
.................................................. .................................................. ......................................
وضيفتها ..
عندما تعبأ بالهواء تتمدد للاعلى وتمنع السياره من ان تنزل لمستوى غير مرغوب فيه ..
http://www.mekshat.com/pix/upload/images/258.jpg
.................................................. .................................................. ......................................
مميزاتها ..

اولا : تزيد في حمولة السيارة ما يقارب 1000 كلجم زياده على حمولة السياره .

ثانيا : ترفع السياره من 5 الى 8 سم .

ثالثا : المحافضه على يايات السياره من الليونه مع طول الاستعمال . كذالك المحافظه على
مساعدات السياره .

رابعا : سهلة الاستخدام .

خامسا : يمكن تركيبها في أي سياره حيث يمكن تركيبها في اليايات والسست
لا حظ الصوره
http://www.mekshat.com/pix/upload/images/2l.jpg

تركب للسيارات . الند كروزر
باترول سفاري
باثفندر
باجيرو
شروكي
اسوزو
جمس ونيت وصالون
جيب شاص
هايلكس
داتسون
...............الخ
سادسا : البعض يشتكي من مطبات السياره مثل الهايلكس والشاص.. والبالونات مفيده في هذه الحاله
حيث يمكن سحب اربع او خمس سست من الشاص وتقوم البالونات بوضيفتها
مكان السست المسحوبه بدون أي مطب ..

سابعا : يمكن تركيبها بدلا عن الياي الامامي وسط المساعد وتكون كانها هدروليك لرفع السيارها وتنزيلها
لاحظ الصوره
[img]http://www.mekshat.com/pix/upload/images/NeonFrontKit.jpg


.................................................. .................................................. ...............................
كيفية استخدامها :
بعد تركيبها تعباْ حيث ان لكل بالونه لي خاص . والتعبئه تكون
من 10 الى 15 اذا كان السياره غير محمله .
وقبل التحميل تعبئها الى 30 رطل ..

اسعارها :
النوع الذي يركب لليايات .: 940 ريال مع التركيب والضمان .
النوع الذي يركب للسست : 1400 ريال مع التركيب والضمان .

يمكن الحصول عليها من ..................... مقابل بوابة الفيصليه الجنوبيه .

امل ان يكون الموضوع مفيد ودمتم سالمين ...

[...الطوقي...]

الله يعطيك العافيه اخوي
موضوع بصراحه حلووووووووو
سلمت يمينك على الشرح والصور












تحياتي لك
...الطوقي...

[قتال]

السلام عليكم ورحمة الله وبركاته ،،،

أخي مهيلان .. يا مال العافية والله على هذا الموضوع الجديد والجميل ..

تسلم يا الغالي .. وننتظر جديدك أيضاً ..

[أيمن]

ما يجي من الزين إلا كل علم غانم ..
سلمت يمينك يا مهيلان على هالموضوع الرائع ..
وأصبحت مواضيعك - بحق - مرجع من مراجع مكشات المعتمدة في السيارات ..
متمنين لك مزيدًا من التوفيق والسداد .

تحيتي

[Y&Y_4X4]

انا والله اني اعاني من نزول الموتر الى حمل, ومن المهابد بالطعوس

ويبدولي انهن ارخص بالسعر واكثر عمليا من الاستراليات الهيدرولك ؟ واسهل بالتركيب.

شكرا لك..........

[الفرعاوي]

يمال للعافيه اخوي مهيلان
موضوع مفيد و انا عندي باثفايندر و اعاني من هالمشكلة ..

لكن فيه سؤال ..بل اسئلة و الله يعينك :-


ما هو احتمال الخطر من هذة البالونات لو نفقعت اثنا السير بسرعة عاليه ؟

و ما هو عمرها الافتراضي ؟

اخيرا .. ورا ما اخليهن دائما ماليانات سواء محمل و لا لا ؟

و هو الوقت اللازم للتركيب و هل هناك ضمان ؟

مرة اخرى مشكور و في انتظار ردك .. (تراي انشالله مسافر للطائف عقب اسبوعين .. يعني جزاك الله خير لا تأخر علينا).

[صالح السليمان]

سلمت يمينك والله انك ماقصرت
صالح السليمان

[مهيلان]

الطوقي
قتال
ايمن
صالح
Y&Y_4X4

شكرا لمروركم وتعليقكم

الفرعاوي حياك الله
واسئلتك اتشرف بالرد عليها على قدر معلوماتي ...
... احتمال الخطر لو انفجرت على السرعه العاليه
في تصوري انه احتمال ضعيف لان ارتفاعها من 3 الى 8 سم وان شاء الله لن يكون هناك خطر ..

عمرها الافتراضي لا ادري لكن بلا شك انها ستعمر ان شاء الله اكثر من سنتين .. لأن ضمانها سنتين ..
... اما انك ستخليهن مليانات فهذا شيء راجع لك . قد تكون انت تفضل السياره مرتفعه .
وهذا شيء يرجع لمزاجك كما قلت ...
الوقت اللازم للتركيب .. من الساعتين الى 3 ساعات تقريبا
حياك الله يا الفرعاوي وارجو ان اكون قد افدتك
ودمت سالما

[Bader-M]

مشكور يالذيب
الصراحه
كفيت ووفيت
تسلم اناملك
تقبل تحياتي

[ابوقاسم]

الموضوع زين بس في سؤال..............
ال940 ريال هي قيمة الاربع يعني قدام وورا او ..............
مو الطقم الاستراليات احسن خصوصا انه هيدروليك ولا يحتاج انك تروح للبنشر تنفخ كل شوي .
:cool:
:cool:
:cool:
:cool:
:cool:
تحياتي لك وللجميع

[مهيلان]

شكرا لك يا طاير بالعجه

اما اخوي الغضى فاقول
ان ال940 قيمة قطعتين مع التركيب والضمان
وان اردت انت تركيبها فتاخذها بـ 650 .. فقط
اما الاستراليه
فارجو ان تخبرني عنها
ما هي وضيفتها وفائدتها
وما آلية عملها
وما سعرها ؟؟؟؟؟؟؟؟؟؟؟؟؟؟؟؟؟؟
حتى نستطيع المقارنه
ودمتم سالمين

[Y&Y_4X4]

الاستراليات هيدروليك صحيح بس بضغط الهواء

يعني فيها بلف هواء تحته اسطوانه فيها زيت , الهواء يضغط الزيت والزيت يرفع البستم حق المساعدات مثل مغاسل السيارات البستم بالضبط, وكل مساعد له بلف هواء لحاله يعني تعاير الاربع زوايا , وسعر الوحدة على ما اذكر اكثر من 1200 ريال . بس كلهن فيهن نفس المشكلة حقت معاير الهواء كل مساعد لحالة الاستراليات والبالون الي ذكر حبيب الكل مهيلان وعلى حسب وصفه الله يعافية ويجزاه خير .

لاكن فيه حل للأستراليات لأن البولوف حديد تشال الابر من البلوف ويلحم بدالهن مواصير حقت تكييف ويجمعن في بلف واحد الي قدام لحال والي ورا لحال فني تكييف يسوي الحركة هذي اما البالونات مأدري عنهن لاكن اكيد لهن حل.



انتهى كلامه رحمه الله ( :D )

[صالح السليمان]

حيا الله مهيلان

اذا كنت مركبها تكفا أرسل صور للسيارة مرتفعة ونازلة والله يجزاك خير

صالح السليمان

[أيمن]

( لقد تم إضافة هذا الموضوع إلى المواضيع المميزة والشيقة في هذه الخيمة (http://www.mekshat.com/vb/showthread.php?s=&threadid=8666) )
مع الشكر للجميع ،،
http://www.mekshat.com/pix/upload/images/flow12.gif

مشرف الخيمة

[فيصل العتيبي]

بسم الله الرحمن الرحيم

شكري وتقديري للاخ : مهيلان على هذه المعلومات المفيده

أخواني : أن البالونات مفيده جدا وأن أستخدمها منذ 3 سنوات وليست هناك أي مشاكل منها, أنما لي
ملاحظتان مهمه جدا :

1 - يجب المحافظه على ضغط الهواء داخل البالونه عندما لا تكون السيارة محملة فيجب أن
يكون الهواء لا يقل عن 15 رطل مع الحذر الشديد أن لا تكون فارغة من الهواء تحت
أي ظرف من الظروف لأن ذلك سوف يعرضها للتلف .

2 -عند تركيب بلفي الهواء الخاص بالبالونات يفضل أن يركبا في رفرف السياره من جهة الكفر
الخلفي وذلك لسهولة التعامل مع البلف في حالة تعبئة البالونات بالهواء وليس كما يفعل
مهندسي الدفع الرباعي داخل غمارة السيارة لأن ذلك سوف يعدم عليك فرشة السيارة أضافة
أن موقعهما داخل الغماره غير مناسب من ناحية التحكم في بلفي البالوناتان.

* أخيرا أطمئنكم أنه ليس منها خطوره بأذن الله في حالة أنفجارها وهذا لن يحدث لا قدر الله
حيث أن موقع البالونه داخل السسته وهذا يجعلها اكثر أمان من أي موقع أخر في السياره.

والسلام عليكم ورحمة الله...............

[مهيلان]

مشكور اخوي فيصل على المشاركه والتعقيب
التي كانت بمثابة الاجابه على الكثير من تساؤلات الاخوه الاعضاء
ومعلومات مفيده لمن اراد استخدام هذا النوع من التقنيه
حياك الله وننتظر المزيد من مشاركاتك
ودمت سالما

[الفرعاوي]

اخوي مهيلان

بارك الله فيك كفيت ووفيت و الموضوع واضح

جزاك و الاخوان الله خير..

اخوكم الفرعاوي

[صالح السليمان]

مشكور مهيلان
مشكور فيصل وبــــــــــــــــــــــــــــــــــاقي الشباب

فيه رد صغير وهو اذا جيت تركب البلف أحسن لك تركب بلف واحد لكل البالونتين علشان توازن السيارة صح
مايكون فيه ميلان من أحد الجهتين

[مهيلان]

اهلا بك اخوي صالح
تقول ركب بلف واحد علشان توزن السياره !!
لكن انا ا قول ركب بلفين علشان توزن السياره
فلو حملت السياره حموله وكان اكثر الحمل جهة اليمين والبلف واحد كما ذكرت فما الذي سيحصل
سوف يخرج الهواء من البالون الايمن المضغوط ويتجه للبالون الايسر الذي سوف يرفع السياره من الجهه اليسرى اكثر
وتكون الجهه اليمنى نازله بسبب الحموله وبسبب فراغ البالون الايمن من الهواء
شكرا لك يا اخ صالح على المشاركه
ودمت سالما

[فيصل العتيبي]

بسم الله الرحمن الرحيم


ألأخ الكريم : صالح .............

أنا مع ألأخ مهيلان من الضروري جدا أن يكون هناك بلفين لكي تستطيع التحكم في عملية التوازن
عند تحميل السيارة......... وشكري للجميع.

[أيمن]

مازلنا ياجماعة بانتظار من يفيدنا بالصور الواقعية لهالبالونات بعد نفخها وقبل نفخها ..

تحيتي

[ابو عمر اللاحم]

مشكور والله يجزاك خير اخي مهيلان.

والله اذا كانت فعلاً الهبلونات آمنة وعملية في جداً مفيدة وضرورية خاصة للجيب الحوض .

تحياتي ،،،

[صالح السليمان]

مشكورين على المعلومه الغالية

يوم جيت اركبها شاورت واحد قالي ركب بلف واحد بس وازن الحمولة
البلف الواحد حتى مايكون ضغط هواء أعلى من الثاني


وانا مركب بلف واحد وان كان كذا ركبت بلف ثاني.

ومشكــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــورين

[المرجوج2003]

الله يعافيك يا مهيلان

ومشكور على هال موضوع

ولك خالص تحياتى

[Y&Y_4X4]

بلف واحدولا اثنين

انا اقول بلف واحد للمساعدات الي الي قدام اتوقع مافية مشاكل !

اما الخلفيات ففيها نظر كلام مهيلان زين وبعد كلام صالح السليمان زين !

وشرايكم يأخوان ؟

[akhan]

الله يعطيك العافيه

[الفرعاوي]

كاني فاهم زين ... اعتقد ان البلف الواحد ازين ...

لانه حتى لو كان فيه تحميل غير متساوي ..الهوى يبي يتوزع بين البالونات و بالتالي افترض انه يبي يوازن نفسه ؟

[ق ح ص 411]

ما قصرت اخوي مهيلان صرحتنا موضوع مفيد وقيم
وعساك على القوه

تحياتي ؛؛؛؛؛

[مهيلان]

حياك الله يا الفرعاوي وقحص
وننتضر منكم المزيد حول الموضوع
ودمتم سالمين

[فيصل العتيبي]

بسم الله الرحمن الرحيم



أخواني : بارك الله فيكم جميعا أنا أعتقد أن لكل شخص الحريه المطلقه في أن يركب بلف
أو بلفين ولكن نحن شاركنا بالرأي وذلك من واقع تجاربنا الشخصية مع البالونات
وأمل من الجميع ألأستفاده من تجارب ألأخرين .....والله يحفظكم.

[ولد روضة سدير]

الله يعطيك العافيه على الموضوع الممتاز بس ابي اسأل مافي مكان بالكويت تباع فيه ؟؟؟
وهل تأثر على السياره اذا كان الغرض رفع السياره فقط وليس للتحميل وهل يظهر ان السياره مرتفعه بوضوح ولك اجمل تحياتي...

[عاشق الصفاري]

مشكوررررر

[طيـــ بر ـــر]

ننتظر الصور ...



طيـــ بر ـــر

[العنكبوت]

مشكور مهيلان على الصور
بس في شي عجزت استوعبه!!!
شلون تركب على السست وان حصل صوره
معليش يا حيي ترا فهمي بطيييئ

ومن ناحيه بلف والا بلفين كلام الي قال ان بلف يبي يميل السياره سلييييم
بس انه بعد ما تميل بيكون الضغط على الكفرات متساوي

تحياتي

[مهيلان]

ولد روضة سدير
حياك الله وبياك
لست ادري هل تباع بالكويت ام لا لكن لازم تسال لتتاكد
ثانيا البالونات لا تؤثر على السياره حتى لو لم تحملها .. وشكل السياره لا بد ان يتغير اذا رفعتها ..
اخوي العنكبوت
وشلون تركب على السست هذي بسيطه
يجي لها قاعده تركب بالشاص وطريقة تركيبها سهله
وموجود صوره ببداية الموضوع ..

[مخاوي الصقور]

شباب اشكركم على هالفكره الي ماعرفتها الا منكم
بس عندي سؤال للأخ Y&Y_4X4
تعال يالحبيب ودي اسألك عن الهيدروليك الاسترالي وين احصله يعني بتويوتا والا وين
واذا ابي اركبه على موتري فكسار سبعه وتسعين بالوكاله والا وين
الله يعطيك العافيه

[راعي صنف]

السلام عليكم
حبيت ادلي بدلوي معكم
من واقع تجربة البالونات ممتازة للرجال الراكد اللي يخلي الضغط ماينزل عن 20PSI في كل بالون اذا كان فاصلهن.
بس الرجال راعي الطرد واكل الصليبات تراها ماتنفعة لأن الياي يقرص على البالون ويفقعة وتراة كد انفقع معنا اثنين وحنا قانصين الرملة.

تحياتي للجميع وأرجو انلااكون ضيف ثقيل

[صقر]

مشكور اخوي مهيلان

الموضوع رائع والشرح وافي ومنسق ومتعوب عليه ومفيد .

بس انا اقول هذه القطع عليه الغلاء ...

بارك الله فيك..

[مسري الشاص]

طيب وذا نفختها ونفقعت انفجرت وش اسوي اشري ثانيه
هههههههههههههههههه
يعطيك العافيه على المعلومه
مع خالص تــــــــــــــــــــــــــــــحياتي

[Y&Y_4X4]

اذا انت في الرياض

المحل الاول في الغرابي لوحتهم 4×4 ولهم ورشة في الصناعية القديمة هم يدلونك عليها

والثاني في شارع التخصصي من الجهه الشمالية اسمه عرب .او شي من هالقبيل .....

وكما ارجوا من الأخوة الأشاوس الي وده يضيف شي او يصحح معلومه الله لا يهينه ....... وشكرا للجميع

[ابوفدغوش]

السلام عليكم

يا الحبيب مدري الهدروليك الي تقول يركب على الكامري

ومدري السعر الي انت تقول 940 للياي اربع ولا اثنين وهل هو يركب على الباترول

ويعطيك الف عافيه على الموضوع المفيد

[القماري]

مشكور يامهيلان على الموضوع ولو إنها جت متأخره
لكن موضوع مفيد وناس كثير تدور عليه ، سلمت الأيادي
بس السؤال 940 ريال (أعتقد تساوي قيمة يايات جديدة هفي ديوتي ) وإلا أيش الراي؟

[الحاتمي]

الله يعطيك العافيه
اخوي مهيلان والله يسلمك
الحااااااااااااااااااااتمي

[srab]

اخواني ممكن تركب لسياره صغيره ؟؟؟ كابرس ؟؟

[عنبري تمير]

مشكروووووور اخوي بس
وين القاه فيه وهل يوجد في كل محل

[sss]

بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
السلام عليكم ورحمة الله وبركاته
الإخ
Y&Y_4X4


لم اجد

المحل الى لوحتهم 4×4 ولا لهم ورشة في الصناعية

معليش تاكد قبل تعط ايمعلومه تراك تعبتني
اليوم في الغرابي بين المحلإت ولاحد يعرف عن هل محل شي

الرجو من يعرف المحل والتليفون
وبسرعه ويكون متاكد من الوصف

تحياتي للجميع

[ابو سامر]

بسم الله الرحمن الرحيم
الاخ العزيز sss
بالنسبة للمحل 4×4 تراه مقفل من الغرابي ما ادري اذا كان نقل مكان ثاني والا لا
وشكراً لك

[الفهد454]

والله الحركة حلوة مشكور اخويي على هذي المعلومات وقدام

[القناص]

السلام عليكم
واحد من الشباب عنده تريل بليزر ووده يركب بالونات الترفيع
اللي يعرف موقع شغال الحين غير اللي سكروا يدلنا
وجزاكم الله خير

[محب الشمال]

الله يستر عليك ومشكور على هذا الموضوع الطيب
والله يوفقك ويرعاك

[f_15ss]

عاد تصدق سمعت عنه قبل ثلاث سنيييين ...وكل هالفتره وانا ابي اعرف تفاصيله ووين القاه.....وفرحت يوم شفت الموضوع لكن لو تكملون جميلكم ياشباب وتقولون لنا وييين نلقاه ......... تكونو سويتو فينا خير!!!!!!!!!!!!!!!

[الشقردي]

خذ رابط الموضوع وفيه الوصف ورقم التلفون

http://www.mekshat.com/vb/showthread.php?t=36296

[القناص]

مشكور يالشقردي
جزاك الله خير

[الشقردي]

واياك يالقناص
ولا شكر على واجب

[العساف]

الصراحه
:) الصراحه
كفيت ووفيت
الصراحه
كفيت ووفيت
الصراحه كفيت ووفيت

[عفنان]

انا _(واعوذ بالله من كلمة انا) راعي الجموس وش تبغى 454 حمرا زرقا ولا سودا او 511 المنقلة ولا العادية
انشد عن اخوك عفنان في عالم التهريب
اخرط المكينة اركب قيور حارة عشان الفزة
ازبط الدفرنسات عشان الممشى
اوزن الكلبريتر
افر الدلكو

[ابو فهد 911]

والله مدري وش اقول ياخوي مهيلان




لكن الله يجزاك اللللللللللللللللللللللللللللللللللف خير

[بيبسي]

يعطيك الف عافيه اخوي ... على الموضوع المميز

[بـلـيـهـان 1]

الله لا يهينك موضوع جميل و شي ماكنا نعرفه

شكرا

[شورت]

يعطيك الف عافيه اخوي ... على الموضوع المميز

[ملاحق السيول]

جزاك الله خير

[سيف الظفير]

مانبي هالاجهزة دام عطى الله ماجود

8100

Gmc 2500

[ابو فيصل 635]

السلام عليكم ورحمة الله وبركاتة


مشكور اخوي الف شكر والله اني معاني من هالموضوع وخاصه ان موتري فيه ونش

ومع الزمن يضغط على اليايات

بس اخوي اذا ماعليك امر ترل لي اسم المحل والبضبط موقعه لأني مو من الرياض
انا من حايل

وتقبل تحيات اخوك ابو فيصل 635

[السابر]

فكره حلوه وتشكر عليها

[ورشة بدر]

مقاطع لسيارات مركب عليها بلونات التحميل شغل ورشة بدر للهيدروليك

الاول
جمس حوض Z 71 موديل 2009

اضغط على الرابط لمشاهدة المقطع

http://www.youtube.com/watch?v=4ongFAFrt2o


الثاني
فورد شنر موديل 2008

اضغط على الرابط لمشاهدة المقطع

http://www.youtube.com/watch?v=6VI9knz-UoI

الثالث

جمس صلون موديل 2006 هيدروليك سريع

اضغط على الرابط لمشاهدة المقطع

http://www.youtube.com/watch?v=Vc72U...eature=related


الرابع

باثفندر موديل 2005

اضغط على الرابط لمشاهدة المقطع


http://www.youtube.com/watch?v=StOXQLvxPGA

الخامس

جمس صلون مود=يل 96

اضغط على الرابط لمشاهدة المقطع

http://www.youtube.com/watch?v=PasJ8WplKVE

السادس
دتسن موديل 2000

اضغط على الرابط لمشاهدة المقطع

http://www.youtube.com/watch?v=Re6YU3dEcTE

السابع
لندكروزر موديل 2008

اضغط على الرابط لمشاهدة المقطع

http://www.youtube. /watch?v=QDrp6S0nXVM&feat

[حموداا]

السلام عليكم مهيلان اعذرني اعرف انو الموضوع قديم شوي بس ابغى اطلبك انك تجدد الموضوع لانه عندي جيب فورتشنر وابغى انزلة واركب له بعد بالونات امامية وخلفية هل تنفع معي لتنزيل السيارة او لا
شكراً

[vxr99]

الموقع وين طال عمرك اخوي

[الدوادمي11]

الله يعطيك العافيه اخوي
موضوع بصراحه حلووووووووو
سلمت يمينك على الشرح والصور

[محمد 515]

نبي تجربه للشباب الي ركبوها

[وسيع الصدرر]

والله كلام جاامد بس وين احصلها ياليت يااااليت تفيدونا وين احصلها بضبط يالربع والله ياهي تفك ازمه بنسبه لي الله لايهينكم دلوني وين احصلها بضبط

[وسيع الصدرر]

ورشه بدر انا متصل عليها يقول ماعندي الا بالونات ورا وانا ابي امام وخلف افيدونا وين احصلها لاهنتو

[قناص2000]

الله يعطيك العافية يا مهيلان على موضوعك لكن كل له وجهة نظر انا ركبتها من زمان بس من ناحيتي ليست عمله زي اليايات الاستراليه بالتحميل العزب والمطامر بالنفوذ .
لانه مر انفجر مرة علينا واحد من هالبلونات من حصاه ضربة عليه من السرعه بس الحمد الله ربك لطيف بعباده مختصر الكلام انا افضل اليايات احسن بواااجد منها . وكلا له وجهة نظر
وتقبل مروري وانا اخوك

[kmn]

ضرب على واحد وانا واقف انفجار رهيب قنبله
لكن مفيد جداااااا وانا مركبه على قراند مركيز

[binobaid]

جزاك الله خير

[daiwi]

السلام عليكم
هل من جديد حول هذا الموضوع خاصة وانه أكمل 10 سنوات

[الاشهب 507]

فعلن الي يعرفون قليل

[الاشهب 507]

متعودين على الكعكات

[الاشهب 507]

لكن هاذي احلا منه

[الاشهب 507]

وحلى شيء انك تتحكم فيه

[القناص 2012]

السلام اخوي فيصل ممكن موقع المحل اللي يركب هالبالون لاهنت