صوت الهوب وانت تمشي [الأرشيف]

مشاهدة النسخة كاملة : صوت الهوب وانت تمشي

سوبر جارمن

30/05/2007, 12:31 AM

هاوي الله

30/05/2007, 12:37 AM

وعليكم السلام

فيه غطاء أسود على الهوب..... >>>> مُمكن يكون بداخله حصى صغير ( ناشب ) ويسبب صرصره + وسوسه ... ترى كلامي صحيح :D

تحياتي

سوبر جارمن

30/05/2007, 12:48 AM

هاوي الله شاكر لك مرورك

سوبر جارمن

30/05/2007, 12:49 AM

up....up....up

سوبر جارمن

30/05/2007, 12:57 AM

up....up....up

سوبر جارمن

30/05/2007, 01:10 AM

up....up....up

alkongrs

30/05/2007, 01:54 AM

وعليكم السلام شف أخوي عندك أخوي بدوي جنوبي اسئله وهويبي يجاوب عليك وال شي قبل ما تسئل رح وش كلام أخوي هاوي الله يمكن كلامه صحيح

غالي

30/05/2007, 02:30 AM

اخوي انت وده لورشه وخله يكشف على الفحمات والهوبات
اذا كانت سليمه
ترا داخل فيه حصى ويسبب احتكاك ويطلع هالصوت مثل ماقال اخوي ((.......)) مشاركه رقم 2

بدوي جنوبي

30/05/2007, 05:27 AM

الله يجزاك خير يا ولد العمدة ترا انا علي قد حالي

المهم حسب معلوماتي فيه قطعه حديد صغيره تمسك الفحمات مع كليبر الفرامل
اذا انكسرت او غيرت الفحمات وما ركبت الجديده ممكن يطلع الصوت
وفعلا الصوت يختفي مع كبس الفرامل
وممكن يكون الصوت من نفس الفحمه علي وشك النهايه
لان الفحمات اذا بدأت بظهور صوت هذا تحذير للسائق وتقول يا اخي غيرني ولا ترا بأعدم عليك الهوب هههههههههه

بالتوفيق للجميع

عاشق السيل

30/05/2007, 12:31 PM

أنا مع كلام أخوي بدوي جنوبي من ناحية استهلاك الفحمات ،،

والأكثر توقع إن هوباتك تبي نفخ هواء ويروح التراب اللي فيها وترتاح ،،

والله يوفقك ،،،،،

عاشـقhttp://www.mekshat.com/pix/upload/sign/images/mk49539.gifالسيل

سوبر جارمن

31/05/2007, 01:03 PM

ولد العمدة...
شاكر لك تعليقك...

سوبر جارمن

31/05/2007, 01:04 PM

غالي...
جزاك الله خير..

سوبر جارمن

31/05/2007, 01:06 PM

عاشق السيل..
.نفخت الهواء كلامك انت و ولد العمدة صحيح 100%

سوبر جارمن

31/05/2007, 01:07 PM

بدوي جنوبي...

مشرفنا العزيز اسعدني جدا مرورك الكريم...وانشاالله ابشركم وش يصير على الهوب.

عاشق VXR

31/05/2007, 01:19 PM

اتوقع احد امرين : علماً اني لست خبيراً في هذه الامور .
1- ان يكون داخلها تراب .
وهذه حلها انك اذا جيت تغسل سيارتك تدخل لي الماء مع فتحات الجنط لغسل الهوب ..
2- ان تكون الفحمات منتهية او ان تركيبها غلط فربما تحركت عن مكانها قليلا .
وهذه حلها انك تذهب لاقرب ورشة وتشوف اذا كانت منتهية تغيرها واذا كانت مايلة عن مكانها تركبها التركيب الصحيح ..

واعتقد 90% ان الفحمات منتهية او على وشك الانتهاء ... خصوصاً اذا كان في موترك اي بي اس ( مانع انزلاق ) ..
اتمنى لموترك الشفاء العاجل .
تقبل تحياتي ,,

عبدالله العمرو

31/05/2007, 02:36 PM

السلام عليكم ..
أنا عضو جديد.. وهذي اول مشاركة لي ..واتمنى القى الحل..!!؟؟

انا عندي مشكله اسمع صرصره في الهوب وانا امشي بسرعه بطيئه جداً يعني وانا طالع من الكراج او داخل مثلا..
يعني تخيل السرعه!!!!! ..الصوت يطلع بدون الضغط على الفرامل ..
سيارتي gxr 2006 ماشي 12000 يعني جديد
وهالصوت موبدايم يطلع
!!!!!!!!!!!!!!!!!!!!!!!!!!!!!!!!!!!
وش رايكم احد عنده حل ؟؟؟؟؟؟
ولا هذا الصوت عادي ؟؟؟

أخوي سوبر جارمن / لاعدمتك ...

شف أخوي :
حدّد نوع الصوت مثلاً :
خشخشة = احتكاك إما فحمات أو صاجة الهوب جايها دقّة ومنثنية على حفّة الهوب ..
طقطقة وقرض = رمّان بلّي ..
تصليبه متقطّعة = ناسي الدبل شغال .. تزيد إذا لفيت يمين أو يسار

وللتأكّد :
أولاً :إرفع السيارة من الأمام أو أحد الجهتين فك الكفر الأمامي المرفوع ...
دوّر الهوب بيدك وتسمّع الصوت وبإمكانك تحدد مكانه هل هو من الهوب والفحمات أو من داخل العكس ...
إذا كان من الهوب والفحمات بتشوف بودرة سوداء منثورة حول الهوب وهذا دليل واضح إن الفحمات هي اللي تصدر الصوت يعني منتهية .. غيرها بأسرع وقت وعليك بالأصلي مهما كان سعره ...

إذا الصوت من داخل العكس وكأنها يقرض حصى :) إلحق على رمّان البلّي ....

ثانياً عندي لك سؤال : خل أحد يساعدك ويلف لك الدركسون وأنت تلف الهوب ..
هل يزيد الصوت إذا لفّيت لأقصى اليمين أو اليسار ؟؟؟ أو تحس إن السيارة إذا لفيت كأنها تعض(( تصلّب تصليب متقطّع زتفك .. )) وتطحن شي ؟؟ تأكد من الدبل ممكن تكون اللمبة ما تشتغل والدبل شغال ..

اعمل هالأشياء وعلّمني ...

تمنياتي إنك موسوس ولا يكون بسيارتك شي :)

تحياتي

سوبر جارمن

02/06/2007, 05:25 PM

شاكرلك بس ماعتقد انه فحمات لان الصوت يطلع بون ربط الفرامل يرخص العلم وبخبرك بس خلني افضى

سوبر جارمن

02/06/2007, 05:33 PM

شاكر جميع الشروح والتفصيلات من الجميع العمرود+عاشق vxr

سائح نت

24/06/2007, 02:08 AM

الجواب عندي بإذن الله تعالى

حصلت معي نفس المشكلة

صرصرة عند تحرك السيارة بسرعة بطيئة جداً

وش السبب

وكالة تويوتا الغشيمة اذا دخلت السيارة عندهم للصيانة الدورية مايعرفون الا شي واحد

الشد على الجلنط بقوة

الحل مر اقرب ورشة وخله يرخي الجلنط شوي

ولا تنساني من الدعاء

صصعفق

25/06/2007, 09:01 PM

يــــــــــا خوي
فيه ورشه اسمها العضيب
للشغلات هذي ممتازين
فروعهم في كل محل
غالين بس يريحونك
ســـــــــــلام

سوبر جارمن

10/07/2007, 12:53 AM

سائح نت..
ألف ألف شكر ماتقصر ويقولون فيه ورشة البريدي عند معارض النسيم متخصصه بالجيوب انا بروح لها بإذن الله
صصعفق..
ماقصرت والعضيب معروفة جدا وبجرب البريدي وعلمك عليها