استشاره ياأخواني عن أفضل أنواع الكفرات ؟؟؟؟؟؟؟

[متفائل]

السلام عليكم

انا نويت اغير الكفرات

وابي استشيركم عن أفضل أنواع الكفرات بالنسبه للسيارات الصغيرة وبالتحديد للاكسنت :)

وش رايكم وش الزين ؟

المقاس طبعا تقريبا 185 والجنط 13 <<< ياحليلها الاكسنت هههههههه

انا مجرب في الماضي قبل 4 سنين بريجستون وماشاء الله ممتازه

لكن رايكم ياجماعة الخير يهمني ابي رايكم وتجربتكم !!!!

[هويدي]

وعليكم السلام ورحمه الله وبركاته


يالبى قلبيها الاكسنت 13 هههههههههههه

اشوف العالم طايحين بالتيو يمدحونه من ناحيه الليونه والتحمل

بس مدامه 13 افسق وركب ميشلان

[متفائل]

وعليكم السلام ورحمه الله وبركاته


يالبى قلبيها الاكسنت 13 هههههههههههه

اشوف العالم طايحين بالتيو يمدحونه من ناحيه الليونه والتحمل

بس مدامه 13 افسق وركب ميشلان

ههههههههههههههه هلا اخوي هويدي

ميشلان مره وحده ههههههه قووويه والله بكم يصير الكفر :confused: انا ماودي اتعدى 150 ريال للكفر الواحد :D

والتويو وشهو من لحيه ؟؟ ماقد جربته هل هو حق كررررررررف هذي اهم نقطه عندي

جزاك الله خير اخوي هويدي على الرد :j

[هاوي الله]

ركب بالون هههههههههههه .

عزيزي متفائل دور لك أرخص كفر ياباني وركبه .

تحياتي ,,,

[Abo Nader]

أخوي معه مازدا 323...

الشد بلد تويو ما أدري عنه...

لكنه ركب يوكوهاما...وعاش سنتين...لكنه راعي حنحنه و مزاعق...

و الصراحه شف بكم الميشلان..لو هو 170ركب سيدا..

وذا غالي...ترا البيرجستون ما مثله...

[متفائل]

هاااااوي هدد

هههههههه بالون اجل سيارتي بتصير مفوحشه ههههههههه يعطيك العافيه على الرد

اخوي ابو نادر

مشكور على الرد اخي الكريم وانا حاط عيني على البرجستون بس كم اسعاره هالايام ؟؟؟؟


ولازلت انتظر تجاربكم ياأعضاء مكشات ؟؟ <<< الي يشوفه يقول بيركب كفرات لجيب هدد ههههههههههه راس مالها اكسنت :p

الله يجزاكم خير في انتظاركم انا :D

[عرقوب]

بيرلي الألماني بالمركز الأول لايعلا عليه .. بس صناعة المانية وتاريخ نفس السنه .. بس مشكلته وكيله متخلف وباكستاني حرامي وتخزين زي الزفت اتكلم عن فرع الي مقابل مدينة الملك فهد الطبية في شارع الظباب

بعده ميشلان بس لازم يكون صناعة فرنسية مب تجميع وتاريخ السنه ووكيله ممتاز الصراحة

بعدين يجي اليبانيات برجستون وطقته

[هويدي]

هلابك متفائل

التويو مجربينه اثنين من الشباب على فكتوريا وكلهم راعين خطوط يمدحونها مره


بس قلبي حاس انك بتصمل على البرجستون ان صملت لا تركب الا عند وكيل برجستون بطريق خريص بجانب بنده

وحول دوار الاحسا <= والله من زين التوصيف

اضمن من ناحيه السعر وتاريخ الكفر وترصيصهم ممتاز

[متفائل]

اخوي عرقوب الله يجزاك خير على رد وماقصرت يالغالي


اخوي هويدي الله يعطيك العافيه على اهتمامك بالموضوع اسعدتني بالرد والله كأنك داري اني صامل على برجستون

الي بطريق خريص تقصد حول شارع الستين ؟؟؟؟ لاني اذا طلعت فوق جسر الخليج اشوف شعار برجستون هل هذا ال تقصده



الله يعطيكم العافيه جميعا

[وافي العوني]

السلام عليكــم جميع....

افضل لنواع الكفررات ؟ لاتدوور غير مشلاااان وبس

تحياتي ،،،

[وافي العوني]

ركب وانا اخووك مشلااان عالي ولى ارخيـــص ...

لان الكفر ( مشلاان ) كفر لين ومنااسب لاهل الطلعاات والخطووط ...

واذا داخل المنطقه ومنت راايح بعيد ..

برجستوون

ترااها مثل بعض بس برجستوون قااسيه شوي ومهي بطاالهع بس مشلان احسن نوووع ..


تحياتي,,,

[متفائل]

اخوي وافي العوني مشكور ويعطيك العافيه اخي الكريم بارك الله فيك

يعني اختصار للردود جميعها يكون الترتيب المبدئي للكفرات من حيث الجوده كالتالي :

1/ بيرلي الالمانية
2/ مشلان
3/ برجستون وتويو اليابانيه
4/
5/

وانا اميل للبرجستون من ناحية التحمل وهي حقت كررررررف وهذا الي يهمني
يعني اذا غيرت كفراتي هالسنه خلاص ماراح اغيرها الا عقب 6 سنين ههههههههههههههههههههههه انا الله احيانا

[KABAYAN]

دامك طلبت الرأي

أنصحك بكفرات تويو لانها 5 غاط و انا من اكثر من 10 سنوات ما استعمل الا هي

[الاعتدال]

بالنسبة لكفرات بريلي فلها اكثر من مصدر منها بريطانيا وعدد من الدول الاوربية بحكم ان اقتصادهم موحد

وكذلك هناك مصدر أخر وهو البرازيل وبصراحة يبدو لي من التجربة انها ممتازة وهي في المركز الاول وخاصة من حيث الجودة ...

اهم شيء في الكفرات الجودة ولايهمك السعر ...

تحياتي للجميع

[متفائل]

KABAYAN (http://www.mekshat.com/vb/member.php?u=51636) http://www.mekshat.com/vb/images/statusicon/user_online.gif vbmenu_register("postmenu_890444", true);
مكشاتي جديد




هلا فيك اخوي ويعطيك العافيه على الرد ورايك يهمني

اخوي الاعتدال ياهلا فيك وصدقت اهم شي الجوده في الكفراااااااات

[متفائل]

السلام عليكم




مريت اليوم كم محل من محلات الكفرات الي بالصناعية القديمه وشفت الاسعار لمقاس 185/70 جنط 13 :




1/ ميشلان ( تايلندي :( ) سعره 170 ريال ضمان مفتوح حتى تمسح الدعسه :confused:




2/ برجستون ( اندونيسي :( ) 145 ريال ضمان سنه . . . الياباني مايجي الا المقاسات الكبيره :mad:




3/ دانلوب ( ياباني ) 140 ريال ضمان سنه :) :j




4/ تويو ( ياباني ) 150 ريال ضمان سنه :)




5/ قـودير ( برازيلي ) 170 ريال ضمان مفتوح حتى تمسح الدعسه :confused:








وسلامتكم






وبعد هذي الجوله عيني على الدانلوب والتويو :rolleyes: وش رايكم

[متفائل]

وش دعووه ياجماعه عطونا رايكم النهااااائي تكفوون

يعني علشان موتري مهوب جيب طنشتوني هههههههه والله مسيكينه الاكسنت ماحد معطيها وجه :j


جواب نهائي ياشباب وش آخذ اي نوع واي صناعه من خلال التجربه ؟؟؟؟ :good:

[هاوي الله]

دانلوب أو تويو

[مخرب طلعات]

انا الله احيانا

هذي الكلمة مافهمتها وماهي داخله راسي :confused: :confused: إنت الله أحيانا ً :confused: :confused: !!!!


وخذلك تويو أحسن لك لأنه قوي :good:



































أو دانلوب أحسن لك لأنه قوي :D <<< ماسويت شي

[الاعتدال]

بريلي فقط

طع شوري

[الطير 241]

انا انصح بكفرات سموتومو

[هاوي الله]

هذي الكلمة مافهمتها وماهي داخله راسي :confused: :confused: إنت الله أحيانا ً :confused: :confused: !!!!



لا أنا بدخلها في راسك غصب :D يعني قصده : إن الله أحيانا , يعني إذا مامتنا أنا وأنت وجميع الناس وهذا بأمر الله سبحانه وتعالى .
وكلمة أحيانا ( بدون دبل فتحه :D ً ) هي كلمه جامعه , ولكن في الأصل يقصد نفسه .

يسلم راسك ,,

[برق الشرقية]

السلام عليكم ، تبيها مني خذ يوكوهاما ( A 300 )ونا مجرب ثلاث انواع على سيارتي الأكسنت كانت عندي ولقيت يوكوهاما الانسب من ناحية خفته على السيارة ولاياكل مطب ، اما البرجستون والميشلان زينه وضمانها احيانا" يوصل خمس سنوات لكن ماتصلح لغير الجيوب صدقني وخذها مني ، وأي كفرات عليها ضمان مدة طويلة ماينفع لان الكفرات قد استهلكت لاكثر من سنتين وهذا خطأ . والله يوفقك .

[متفائل]

هاوي هدد
و
مخرب طلعات
و
الاعتدال
و
الطير 241
و
برق الشرقيه

اخواني مشكورين والله على فزعتكم وكم اسعدتني ردودكم ومساعدتكم لي في اختيار النوع المناسب وهذا يدل على الأخوه ومحبة الخير والتعاون

اما جملة ان الله احيانا الي حصل فيها خلاف اعلاه هههههههه فقد اتفق العلماء انها تعني اذا كنا من الاحياء والمقصود بـ (كنا ) هو انا وانتم
فانا وأعوذ بالله من كلمة انا لاني صاحب الطلب وانتم لانكم اهل المشوره فإذا كنت حي وانتم احياء هاك الحين شاورنا بعض في الكفرات عرفتو ههههه <<<<< وش رايكم في التوضيح :D

جمعنا الله واياكم في الجنه . . . آمين

اخوي برق الشرقيه والله يوكوهاما راحت عن بالي وبعد كلامك وتجربتك لها في الاكسنت شكلي باتوكل على الله واخذها سعرها على ماعتقد 150 ريال

لكن ذكرتني وش معنا هالارقام والحروف الي على الكفرات بعض الاحيان تشوف H او A300 كما ذكرت وش فايدتها

[بواردي الدلم]

مع احترامي للجميع خذ العلم مني ركب
سومو تومو يابانيه وقويه ولا تزحلق ورخيصه
وتكد وتمد انا مجربها على كورولا سنتين امغطها للشرقيه طبعا من الخرج اسبوعيا ولا عمرها قالت اي او فكر كفر يخنبق او ينسم
وكذالك جربتها على مازدا 323 لمده عام الا اسبوع وبرضوه كل مالها وتزين

[بواردي الدلم]

بس يالربع ابشركم توني شاري باث فايندر
وكفراته بريجستون دولر
بس احس انها يابسه يعني لو توطا فصمه ارتج الموتر علما بان الهواء 35
وشتنصحوني به مع مراعاه الشكل انا مانيب راعي حصى وقصى يعني طلعات خفافيه وطعيسات وشعبان
بس مانيب راعي تكسير
هاه وش اركب

[هاوي الله]

الأخ بواردي الدلم
وكفراته بريجستون دولر
بس احس انها يابسه يعني لو توطا فصمه ارتج الموتر علما بان الهواء 35
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــ

يابسه .. كلامك صحيح .. ولكن الهواء كثير شوي .. يعني 30 كويس .

والله ياأعضاء مكشات لو نسوي تصويت للكفرات يكون أحسن ولا وش رايكم ؟

[بواردي الدلم]

يعني ياهاوي هدد اخليها على البرجستون وبس ولا فيه اطلق والين
وعلى فكره مشكور على التوضيح

[هاوي الله]

(((يمدحون الهانكوك ولا تركب إلا لين تتأكد عشان ترتاح)))

اخي متفائل ... ههههههههههههههه معليش خبصنا الموضوع خبص .. ردي هذا للأخ بواردي الدلم .. ههههه

بالنسبه للتصويت : يبيله والله شوية خبره لأنواع الكفرات المعروفه ومقاساتها .. ومحاكيك سلمك الله خبرته قليله لأسامي وأنواع ومقاسات الكفرات !.

لذلك بحاول وبشوف وليس أكيد .. مع العلم إن موضوع التصويت لازم يكون موضوع مُحترررم ومضبوط لكي يُضاف إلى المواضيع المُميزه لغرض الإستفاده .

تصبحون على خير ,,

[متفائل]

يمدحون الهانكوك ولا تركب إلا لين تتأكد عشان ترتاح

الهانكوك كوري وانا مانيب احب الكووري ههههه اعذرني ياهاوي

الكوري الي على موتري من الوكالة سيء ويتتفخ مع الحراره والكرف ومالها معي الا سنتين الا 3 اشهر موديل 2005

والله اعلم الياباني هو الي حق كررررف

اما كلام اخي بواردي الدلم عن البرجستون

حسب علمي ان البرجستون الياباني ممتااااز وعمره طويل والله اعلم وشف كلام اخوي هاوي خفف الهوى شوي :rolleyes:


واقتراحك اخوي هاوي رااائع من ناحية التصويت لاحسن نوع للكفرات

فإذا تقدر لاهنت تفتح موضوع مستقل وتختار لك كم نوع من افضل انواع الكفرات ونشوف التصويت من يكون نصيبه ؟؟ وياليت يكتب المصوت سبب تصويته للنوع في الردود . . .

[هاوي الله]

رد رقم 29 خبص × خبص هههههه

[متفائل]

السلام عليكم ياجماعة الخير

ياجماعة ان صملت على نوعين من الكفرااااات وهما :

1/ تويو 185/70 الجنط طبعا 13 سعرها بحدود 150 ريال

2/ دنلوب 185/70 13 سعرها 140 ريال وكلها يابانيه

والأقرب التويو لأني ماوجدت أحد ينتقدها وخاصة للسيارات الصغيره مناسبه لها

وش رايكم اتوكل على الله واركب التويو من الوكيل مباشرة

بس المشكلة اني ماعرف وين موقع الوكيل للتويو وهو (( العمودي )) الي يعرف الوصف يعلمني لاهنتو

شاكر ومقدر لكم

[متفائل]

ياخوان اليوم مريت الغرابي وللأسف ما حصلت تويو يركب على جنط 13 يقولون منقطع ولا راح تحصله في الوكاله لنفس المقاس

قلت وش السواة اجل ؟؟؟ ورد علي راعي المحل يقول فيه كفر اسمه نيتو يقول اخو التويو تماما والشركه المصنعه وحده بس الوكيل يختلف النيتو وكيله هو العيسائي ؟؟


وش رايكم في ((النيتو)) فيه احد جربه وهو ياباني واخو التويو كما شاهده مقارب لنقشة التويو

وسعره 135 ريال بعد المكاسر :d يعني 4 كفرات بـ 550 مع الترصيص ;)

طبعا هذا النيتو هو اسم الكفر ولا له دخل بحلف النيتو هههههههههه لا توهقونا بالسياسه ههههههه :D

[بواردي الدلم]

والله انا عجزت وانا اقول لك سومو تومو
بس ماأدري ليش منتب واثق

[متفائل]

والله انا عجزت وانا اقول لك سومو تومو
بس ماأدري ليش منتب واثق

وش دعوه يابواردي الدلم لا والله الا واثق فيك ونص

بس احترت من كثر انواع الكفرات

شكلي والحل الوحيد اني اخلي كل كفر نوع ههههههههه يعني اربع انواع وبس :d

السوموتوتو يمدحونه وجيد وشكلي باشريه واتوكل على الله

اهم شي يكووون ياباني هذا الي براسي دايم ارتاح للياباني لانه عملي وعمره طويل

اخوي البواردي ياليت تقولي عى اي سيارة جربت السومو تومو وكم قعد معك المده بدون مشاكل

[متفائل]

السلام عليكم

قولو لي مبروك أبشركم ياخوان شريت كفراااات اليوم نوعها (((( دنلوب )))) سعر الكفر 140

والاربع 550 ريال


تاريخ الصنع : 3606



الله يبارك لي فيها ويرزقني خيرها ويكفيني شرها . . . آمين