سوال يهل البل؟؟؟؟

[السرحال]

السلام عليكم

اخواني

بدخل فالسالفه عرررض


واحد من الربع اليوم العصريه

كلمني قالي تعال

عندي خلفتين بكار ( اول ولده لها )


خن نتحلب


والله ويوم جيته وتقهوينا

قال للراعي احلب


وهي بعد اول حلبه عنده

الا والله والناقة ترافس وتداوس

وبغت تذبح الراعي

ونفزع معه والله وانه ما يفيد فيها

والثانيه كذالك

وما عينا من الحليب غير ربع طاسه


ابي الحل يا اخوان

ولكم جزيل الشكر والامتنان

[سلطان العوني]

شي طبيعي طبيعي ان البكر ما تخليك تحلبها
لكن عليك بالحبل
خل الحبل على شكل دائره بين رجولها
وحط الين نصف فخوذها وشده مضبوط علشان ما ترافس واحكمه مضبوط
وعلى هالطريقه ما تقدر ترمح او ترفسك
وهذي الطريقه يستخدمها اكثر اهل الابل اللي نياقهم تخافهم في الحليب

واتمنى افدتك

[راع الابل]

هذي بكرة عجووووووووووووووووووووووور وكلام اخونا سلطان ما عليه اغبارررررررررر لكن نبي نضيف شوي على كلامه

اذا قيدة رجليها بحبل وجيت تحلب تق بكتفك على فخذهااااااااااا وادخل نص جنبك عشان تكي زين واحلب بالعافيه واذا تحركة ما عليك الا تعقل ايده مع كل اللي ذكرناه وانتبه لا تكسر الشبك انكان هي مجهم فسقانه

تحياتي

[السرحال]

ما قصرت اخوي سلطام



وبارك الله في اخوي راعي البل

لاكن هي سواحل ساحليه


حليبها زي السكر على قلته

[ابوحماد]

تبي ترويض لمده أسبوعين تروضها تحط عصى من جنبها وتربطه على رقبتها لا تلف يمين ولا شمال

وعطها خبز يابس ورطب هذا يساعدها على الترويض وتصير هديه

[ابو مساعد]

مساء الخير وهذي مشاركتي وانشاء الله انها تحل المشكله عندك الابل ما تبي القساوه تبي الحب والعطف مره اشترية خلفه وهي نفس ماقلت اصلا ماتدر وانت عندها لو تذبحه بدية معها بالعطف والحب والخبز العجيب لين حلبها الراعي لوحده في غضون اسبوعين تقريبا الاوله قيدها من رجليها واتركها مع الابل وعليك بالخبز وصوت لها وسمها ومسح عليها ولا تحلبها من البديه شوي شوي توصل اليها بالتمسيح وخلك واقف عندها اثناء رضاعت ولدها وشوي شوي لين تحس انك مو قاسي عليه والخيز شغال وتقريبا بعد خمس ايام ابداء تحلب منها شوي شوي وصاحبك الثاني يعطيها الخبز راح تشوفها يوم عن يوم تبيك عندها تقرب وبعدها احلب وخل صاحبك يعطيها خبز ويدك حنونه عليه اثناء الحلب وخلك على الشغله لين تشوفها طاوعت للحلب معاك وبعدها فك قيدها هذا الطريقه الامثل لانها اذا تعودة على الطبع تصعب علك بعدين بالولدات الثانيه كل ناقه الا اللى تبرك وانت تحلب مشكلتها عويصه .

متمنين لك النفع بحلبها والله يبارك لك بها .

[الدندون]

ما قصروا الشباب ..


بس توضيح صغير ما يخفاكم .. :)


الناقة ترمح (( ما ترفس ))

[ابونصوري]

رمح الناقه عند الحلب اهون من بركها

الرمح له عدة طرق لحلها منها اول شي ان لا يقرب الناقه غير واحد

يكثر لها في الخبز والعليق على شان ينحشر ديسها من الحليب

لمده اسبوع يروح لها شخص واحد بدون سحله ويحاول يحلبها بالارض حتى وهي ترمح

بعد الاسبوع راح يشوف فيه فرق بالطبع يدخل عليها بالسحله او الطاسه ما ادري كل واحد لها اسم يختلف عنده


طبعا طريقه حلب البكر معروفه عندالرعيان واهل البل

يحكلها من نحرها حتى يحلبها ما يجيها من خلفها

وان شاء الله يعين منها خير

[راعي الروضة]

الحقيقة كلام يعكس مدى الخبرة التي يتمتع بها المشاركين الله لايحرمنا منكم ولا خلا ولا عدم

[القميري هواي]

اخوي قد تكون الناقه هديه لكن الراعي عليمي يقبص الشطور تقبيص
لكن كلام اخوي سلطان ما عليه غبار

[123]

1-الناقه هي مريضه ولاحامل ؟
2-الناقه هي كانت لصاحب ثاني؟
@أبو نواف@

[أخو جوزاء]

ما قصروا النشاما عطوك الحلول والله يرزق راعيها من حليبها

ويكافيها شر من فيه شر

تقبل مروري ///////// أخو جوزاء