ممكن مساعده ياشباب السعوديه؟؟؟؟؟؟؟؟؟؟؟؟؟؟؟؟؟؟؟؟؟؟

[فكسه]

شباب عساكم بخير وبعد عندي موتر فاكه وكاله وتمام بس يوم غلاء الزيت صرت اغلق بس وبعد مرور 7 شهور وانا افلق صار يدخن دخان ازرق مع العلم انه ماينقص ولا ملي ماشاء الله وش منه هالدخان لايكون بسبب التغليق وايضا اذا دست الاحظ انه ينزل اشوي قطرات ماء مع زيت بسيط افيدوني ولكم مني جزيل الشكر والدعاء الله لايهينكم؟

[هاوي الله]

أغلق وأفلق !!!! مافهمت

[bmw_07450]

هههههههه

فكسه والله مافهمت من كلامك شي بس حلوه أغلق والثانيه أفلق

ياليت تعلمنا معناها وننتظر التوضيح.....

[DAWRD]

السلام عليكم ورحمة الله وبركاته
موترك جديد و وكالة و لك 7 شهور ما غيرت زيته ، هذي مشكلة
ما نقول غير زيت سيارتك على 3000 الأف بس على الأكثرغيرة على 6000 الأف كيلو و لا تعدى بعد كذا
المويه الي تطلع من الشكمان هي ما هي مشكل بالعكس هذا تكثيف بخار الموية الي ينتج عن الإحتراق و هذا في كل المواتر
أنت تقول بعد إرتفاع سعر الزيت صرت تغلق الزيت طيب وشلون تغلق الزيت و هو ما ينقص ( ما فهمتها ذي)
أنت تقول يطلع دخان أزرق لأزم تزرق للوكالة يفحصونة، و ممكن يكون كربون لا أكثر دامه ما ينقص الزيت

[الفردوس]

أفلق قصده أغلق لكن خطأ مطبعي ..
على العموم اعرض سيارتك على ميكانيكي
واذا الامور تمام راسلني على الخاص أدلك على الزيت الزين ورخيص .

[القويعي]

ترجم يا فكسه

[فكسه]

كفو ياعيال بعدي نسيت احسبي بموقف القلابات _لي تشيل التراب_لاتقلون مافهمنا قصدي اغلق اي بعد 4000 كيلو متر ينقص الموتر علبه واشتري علبه وافتحها بعدين اصبها فى المكينه شكرا لاعدمتكم؟

[sasasasas]

اخوي امسك عليه خط
وشف يمكن يصلح معك

[desert mirage]

إذا انت فاك السيارة وكالة ممكن تمشي عليها 20000كم أو أكثر بكثير ولا ينقص الزيت نقطة واحده ولايضر المكينة
بعدين معروف الدخان الأزرق معناه شمبر ( يعني يحتاج توظيب مكينة قريبا وليس الآن ولكن مستقبلا ) أهم شيء ماتخلي الفلتر يمكث فترة طويلة من دون تغيير ، وانا اشك ان الشخص الذي تغير عنده الزيت يكون غشاش ويحط لك دائماً زيت تقليد وفلتر تقليد مغشوش وهذا اللي يدمر المكينة بسرعة نتيجة الثقه العمياء في ورشة غيار الزيت
نصائح لتغيير الزيت
1ـ اشتر فلتر الزيت الخاص بسيارتك من الوكالة ولاتعتمد على الفلاتر الموجودة في محلات غيار الزيت وراقب عامل الورشة وهو يربطه
2ـ أحسب كم لتر تحتاجه سيارتك من الزيت وهذا تعرفه من الكتالوج المرفق مع السيارة او من الوكالة
3ـ إختر النوع الجيد من الزيوت وراقب العامل الذي يقوم بغيار الزيت واشرط عليه أن يفتح علبه الزيت أمامك ويصبها كلها واحسب عدد العلب
بهذه الطريقة تضمن أن مكينة سيارتك في أمان
وشكرا

[مارشال]

كلامك واضح من بداية الموضوع

دقيقه انت لما تغلق الزيت, تشيكه قبل ماتغلقه ؟؟؟؟؟؟؟؟؟؟

لأن الزيت اذا زاد عن العيار اشد خطوره من انه يكون ناقص
وتصير السيارة تدخن ازرق

اللي واضح انك انت مو قاعد تغلق الزيت انت قاعد تزيده عن حد العيار
ياخي الزيت مايغلق الا للسيارات اللي تنقص زيت من قبل

ارجو التأكد