المساعد الشخصي الرقمي

مشاهدة النسخة كاملة : نبي شوركم ضروووووووووري


قناص الرياض
16/04/2007, 02:26 AM
الله يصبح الجميع بالخير - يا جماعه عندي سلقه كل مواصفات الطيب فيها وفيها سبق خيالي تمشي مع السيارة وأنا أمسسها 75 كلم بدون طلب والأرنب ترده مرتين ثلاث وتشيله بلحالها لكن لا هديتها على ظبي ما أدري وش يجيها ما تطلب الظبي أبد و أنا متأكد لو عدت عديها ما في ولا سلوقي ياخذ الظبي عليها وسدها بحر-نبي ناس من أهل الخبرة يفيدونا-أخوكم قنلص الرياض
عاشق الريان
16/04/2007, 04:07 AM
مساك الله بالخير .... هدها مع سلقان تعرف الظبي ويفضل الظبي يكون عادي مهب قوي او خلها تعقر الظبي وانشالله بتعرفه اكيد بس اصبر عليها وانشالله بتعجبك في المهدات او على كلامك انها قوية لا تفرط فيها ................ وانا حاضر اذا عندك يومين ولا ثلاثة تجينا قطر وابشر بالمهدات او ما تطلع من عندنا الا وسلقتك مب بس عارفة الا انشالله صايدة بعد .........
طح طوح
16/04/2007, 12:17 PM
لله يصبح عليك با النور
اول شئ اذا كانت تجاري السلق تركض معهم مايحتاج هذا كله
وذا كانت ما تجا ريهم حطها او ولا فها مع سلقه تطلب الضبي وطلعهن مع بعض في المقناص حدود 20 يوم ثم هدهن علا الضبي
عشان تركض معها المره لأولا والثانيه والثا لثه تطرحه
اتمنا اكون فدتكم
راعي الرام
16/04/2007, 12:41 PM
هدد لها ظبي في حوش لحلها وشف الفعل بعدين واللة يعينك على المبلغ
ولو قدرت تخلصة منها بدون ضرب السلقة وهذا مهم, على شان تهده لها في الحوش مرتين وثلاث
(القناص)
16/04/2007, 01:19 PM
فك الظبي من عند خشمها وخلها تشوفه
وانشاء الله تبي توسع صدرك
صياد الوعل
16/04/2007, 02:00 PM
تحيه طيبه

مثل هذه الحاله حسب التجربه ,,قد تكون السلقه رابيه مع غنم و حلال بالتالي تعتقد ان الظبي ليس بصيد !!! والاخوان بالمنتدى لديهم افكار ممتازه ,,
سلطان العوني
16/04/2007, 02:08 PM
السلام عليكم
اخوي قناص الرياض
سلقتك يبيلك تودهل مهد على بي بدون ما تشارك تخليها تتفرج وتشوف السلق يوم تطرح الضبي
خلها تتفرج مره وثنتين وثلاث الين تتحمس على طرح الضبي وبشرط تطون مربوطه في الصندوق وعلى كذا
تنولد غريزة طرح الضبي فيها ولا تنسى كرر معها خلها تشوف الضبا السلق تطرحها بعدين
شارك بها في المهدات وشوف كلامي
وان شاء الله تطلع بفايده
وبالتوفيق
عروق الدهنا
16/04/2007, 02:54 PM
اخوي قناص
كلامي من كلام اخوي سلطان السلقه مهيب حاره على الظبي اطلعبه مهدات وخله مربطه الى ماتزبد من الحراره
مرتين ثلاث وش وش اللي يصير


والسلام ختام
ابن برقاء
16/04/2007, 06:36 PM
السلقة رابية مع غنم صح ولا لا ياقناص الشي الثاني لازم يكون معها سلق ثانية عشان تتعلم منهن يهدن وتهد معهن وهذي قد صارت معي اذا السلق ربن مع غنم وتشكر ياقناص الرياض
راعي الفلوجه
16/04/2007, 06:58 PM
ما عاد بقي شي اقوله ..
sasasasas
16/04/2007, 09:48 PM
ما عليه يمكن انها ما تعرف الظبي

يبيلك تهدها مره مرتين ثلاث لين تعرفه
الظبي
وماكل ظبي بينطرح يا ابو النشاما
القحطاني505
20/04/2007, 03:55 PM
ماقصرو الاخوان والله يسهل علييك انشاء الله وتطلب الظبي