المساعد الشخصي الرقمي

مشاهدة النسخة كاملة : سوال عن فاصل السرعه


عبدالرحمن 1
09/04/2007, 01:23 AM
السلام عليكم ورحمة الله وبركاته ابي من اصحاب الخبره الا فاده عن الفاصل حق السرعه هل ازالته لها ضرر على السياره ولا ما منها خطر وهل فصله كايد ولا سهل السياره جيب جي اكس 2007
ولكم تحياتي وارجو منكم الرد سريعا مشكورين
bmw_07450
09/04/2007, 01:30 AM
انشالله الشباب يفيدونك
سلطان العوني
09/04/2007, 01:36 AM
تلقى من يفيدك من اصحاب
ال
جي اكس ار
تقبل مروي
هاوي الله
09/04/2007, 10:31 AM
أنت وش تقصد بالضبط ؟ تبي العداد يتحرك ينزل تحت 190 ؟ أو بدون تحريك العداد ؟

والله ودي أعلمك ومتردد لكن تدري بعلمك واللي الله كاتبه بيصير ولكن إحذر تسلم وانا اخوك .


ناظر تحت السياره من جهة السائق ناظر إلى القير من يوم يشبك في العمود حق الدفرنش الخلفي بتلقى فيش عباره عن ثلاث اسلاك في فيش واحد . حاول إنك تنزعه بشويش ويوجد فيه قفل بلاستيك إضغطه للداخل بعدين إسحب الفيش وتراه قوي شوي .

وإذا سحبت الفيش حاول إنك تغطي الفيش وتحفظه من الأوساخ إحفظ مكونات الفيش اللي في القير والفيش اللي فيه أسلاك وغطها تغطيه جيده حفاظاً عليها من الأوساخ .

وترى العداد ماراح يتعدى 0 كم يعني مهوب متحرك .
الرس999
09/04/2007, 12:22 PM
السلام عليكم ورحمة الله وبركاته
هلا بالجميع
اخوي هاوي هدد
انت ذكرة( تبي العداد يتحرك ينزل تحت 190)
اذا ممكن تفيدنا يعني الفصله تروح والعداد شغال مايهم الكيلو متر اهم شي موشر السرعه يقراء
مشكورين ولا هنتو جميع والي عنده علم لايقصر
هاوي الله
09/04/2007, 02:42 PM
وعليكم السلام ورحمة الله

أخوي الرس999 مرحبا بك

صح أنا أقصد مؤشر السرعه يدق 220 وعداد الكيلو متر شغال أيضاً - هذا ياطويل العمر في الوكاله يسوونه الظاهر بــ 400 تقريباً

أنا قد سألت مهندس تركي في ورشة الجزيره بالخرج قبل سنه تقريباً وأنا معي Gx 2006 وقال إلى ألحين ماجاني الرقم السري حق 2006 من الوكاله لأنه يفصله عن طريق الكمبيوتر .
ويقول المهندس التركي إنه مايقدر يفصل إلا موديل 2000+2001 لأن موجود عنده الرقم السري ( كود نمبر ) الظاهر ماني متأكد إنه قال بــ 350 ريال .
راجح
09/04/2007, 03:01 PM
السلام عليكم ...
فيه بحي الربوة بالرياض محل يفصله لك في غضون خمس دقايق بخمسين ريال ...
بشارع ثلاثين الربوة .. معروف اسم المحل ( 4500 )
بس ما أدري عن gx أنا معي شاص وفصله لي .. وكان معي هايلوكس وفصله لي .. لكن ان كانك بالرياض مر عليه وشف
وان كانك خارج الرياض مريت عليه وعلمتك أو عطيتك رقمه تكلمه ..

وأرجو أن أكون أفدتك وجميع الأعضاء ...
هاوي الله
09/04/2007, 03:16 PM
وعليكم السلام

حيالله اخوي راجح

بالنسبه للمحل 4500 أنا قد مريت عليه ويقول إنه مايقدر يفصل الــ Gx .

تحياتي للشقردي راجح وجميع الأعضاء ,,
عبدالرحمن 1
09/04/2007, 06:56 PM
اخوي هاوي هدد والله ما قصرت بس انا شوي ما فهمت هل عداد السرعه اللي هو النبير معاد يتحرك وباقي الا نبيرات هل هي تشتغل ولا وظغط المكينه وهل هو يظر القير زي ما سمعنا ولا حكي ولك من اجزل الشكر والله يرحم والدينك
وشكرا لباقي الا خوان
هاوي الله
09/04/2007, 08:04 PM
ابشر ولايهمك

بالنسبه لفصلة العداد تجي نوعين :

النوع الأول وهو اللي ذكرته بأول رد لي ويصير عداد السراعه واقف على الصفر يعني مايتحرك والسياره تمشي + عداد الكيلو متر أيضا مايمشي .

النوع الثاني وهو في الوكاله وسبق وذكرته في ردي رقم 6 وهو عن طريق الكمبيوتر برقم سري ويصير عداد السرعه شغال زي أول بس إنه يتعدى الـ 190 اللي كان يوقف عندها أول + عداد الكيلو متر أيضاً شغال زي ماهو أول .

من ناحية ضغط المكينه هل هو يضر ولأ لا ؟ والله أنا ماعندي علم , ولكن نسمع مثل ماسمعت إنه يضر والله أعلم .

على فكره : اللاندكروزر Gx 2006 عند سرعة 210كم يكون ضغط الـ Rpm خمسه إلا نصف سِنه تقريبا .

ملاحظه : بالنسبه للمؤشرات الأخرى هي تكون شغاله لأن مالها أي دخل .

تحياتي ,,
شبح الصحراء
09/04/2007, 10:23 PM
ابشر ولايهمك

بالنسبه لفصلة العداد تجي نوعين :

النوع الأول وهو اللي ذكرته بأول رد لي ويصير عداد السراعه واقف على الصفر يعني مايتحرك والسياره تمشي + عداد الكيلو متر أيضا مايمشي .
...

,,

اذا عداد الكيلومترات ما يمشي فلا انصح بهذه الطريقة لعدة اسباب :
1- هذا غش لأنك أولاً تغش الوكالة في موضوع الضمان وثانياً وهو الأهم تغش المشتري لأنه يظن السيارة جديدة اذا نظر لعداد الكيلومترات والرسول صلى الله عليه وسلم يقول ( من غشنا فليس منا ) .
2- فصله يؤدي إلى الجهل بمواعيد الصيانة وتغيير زيت المحرك والفلاتر وزيوت الجير والسيور فمعرفة قراءة عداد الكيلومترات مهم لمتابعة الصيانة الدورية للسيارة .
3- فصله بهذه الطريقة يؤدي لعدم معرفة سرعة تحرك المركبة ويعرضك بالتالي للمخالفات المرورية .
راجح
09/04/2007, 11:58 PM
أنا ما أعرف بشغلات الـgx ...
لكن أخوي هاوي هدد ما قصر مع الجميع أسأل الله أن لايحرمه الأجر ..
عبدالرحمن 1
10/04/2007, 04:52 PM
انا اشهد انه ما قصر وبيض الله وجهه والله يرحم والدينه ويعطيه الصحه والعافيه وشكرا للجميع
أبو عمر البيضاني
11/04/2007, 02:04 PM
لو سمحتو ياشباب كيف فصل الجرس حق الفكس ار موديل 98م افيدونا بسرعه لو سمحتم