المساعد الشخصي الرقمي

مشاهدة النسخة كاملة : استفسار عن اليايات والمساعدات ؟؟؟


طخيمان
02/04/2007, 11:44 AM
يالربع عندي في اكس ار موديل 95

واذا حملت عليه اغراض البر يطيح من ورا فسألت قالولي احسن شيء اليايات الاستراليه (الصفر)
وهل اليايات تقسي المطب ؟؟
وبالنسبة للمساعدات ركبت لاند 2003 واحس بفرق كبير في المطبات والبطانيج هل تظنون لو اركب مساعدات استراليه أو مساعدات

جبريل انها تفي بالغرض وتريح خاصة في ارض وعرة وصلبة مثل الصمان ؟؟

وتكفون لا احد يقولي بالونات وا كعكات لأني بصراحة ما ارتحتلها من كلام الناس


والله لا يهينكم نبي الفزعة

والله لا يهينكم اسعارها كم تاصل
هاوي الله
02/04/2007, 11:58 AM
اللي أنا خابره إن اليايات الإستراليه يجي لونها اسود وليس أصفر ( الخاصه باللاندكروزر ) اللي عند الرمايه .

الظاهر إنك تقصد المساعدات الإستراليه وهي اللي يجي لونها أصفر .

فيه موضوع لأحد الأخوان عن اليايات وموتره لاندكرورز موديل 94 إذا ماني غلطان وبحاول أطلعه لك على الخيمه الرئيسيه للسيارات .

موفق ,,
مباري الريح
02/04/2007, 12:15 PM
ابو الطواري مســــاء الخيـــــر

يقول المثل اسئل مجرب ولا تسأل طبيب
انا كنت مركب كعكه بموتري باترول ربع همن قلعتهن الله لايردهن قسرن ظهري:D وركبت ياي استرالي وتغير علي الوضع 180درجه:good: لامن مطب ولا من تحميل عفش ولامن ارتفاع مع العلم ان المساعد عندي جبرين
واعرف ناس مهم GX-Rفكه البلون وركبة الياي/ الياي عند الرمايه 520ريال
ونصحيتي لك يخوي ركب ولا تشاور
مع العلم ان لهن ارقام يختلفن ولا اقدر افتيلك لان النيسان غير التايوتا
اتمنى اني افتك وتشرفنا بخدمتك
طخيمان
02/04/2007, 12:29 PM
شكراً

لكل من شارك وننتظر الربع الباقين وهل اركب يايات ومساعدات وللا يايات بس والمقاس اللي تنصحون به كم ولكم جزيل الشكر
kissit
02/04/2007, 12:50 PM
سلام عليكم يااخوان بصراحه انا مركب اليايات الاستراليه من عند الرمايه مع السست ومرتاح عليها وركب معاى كذا واحد وقال انه السياره اريح من قبل ورحت فيها برا فيه حجر ورمل ومافى مشكله بس لازم تحدد الوزن لانه عندهم ثلاث انواع عادى وسط وقوى انا مركب الوسط ورفع السياره 5 سانتى وسيارتى نيسان بترول 2003 وسلامتكم.:D :D
طخيمان
02/04/2007, 02:32 PM
مشكور أخوي على الرد

kissit (http://www.mekshat.com/vb/member.php?u=18885)

بس بسألك هل تحس ان المطب صار اقوى أو ممتاز وهل ركبت مع اليايات مساعدات أم يايات فقط وهل تظن انه يلزم تركيب مساعدات
kissit
02/04/2007, 02:58 PM
والله يا الحبيب كل من ركب معلى قال ان السياره اريح من قبل والاسبوع الماضى كنت وره جوه 70 كليو ارض وعره مره كانت السياره اخر حلوه مع انى محمل السياره بتانكى ماء 145 ليتر وعده بر واربع انفس وكانت اخر حلاه وكان معانا لاندكروز الله يعلم فى حالهم وركب معى صحبنا وشاف الفرق وراعى لاند راح يركب نفس ما ركبت على سيارته اهم شى دور ورشه تعرف كيف تركب وتوزن وسلامتكم.
اخوك ابو عبدالمنعم:D :D
ابونايف الروقي
02/04/2007, 03:51 PM
سلام عليكم يااخوان بصراحه انا مركب اليايات الاستراليه من عند الرمايه مع السست ومرتاح عليها وركب معاى كذا واحد وقال انه السياره اريح من قبل ورحت فيها برا فيه حجر ورمل ومافى مشكله بس لازم تحدد الوزن لانه عندهم ثلاث انواع عادى وسط وقوى انا مركب الوسط ورفع السياره 5 سانتى وسيارتى نيسان بترول 2003 وسلامتكم.:D :D



اخوي انا بركب مساعدات ويايات بس ما اعرف وش المقاسات الزينه انا معي باترول ما ابي ارفعه مره ولا يصير نازل مره وش رايك .
طخيمان
02/04/2007, 11:55 PM
ألف شكر لك أخوي
kissit (http://www.mekshat.com/vb/member.php?u=18885)

والظاهر اني بركب اليايات بس و إن ما ارتحت في المطب زدت عليها المسعدات لأن الهدف ألأول عندي هو عدم نزول السيارة لكن المشكله هالحين في المقاس أنا ما ابيها تكون طويلة مررة ولا تكون طايح

وبالنسبة لأخوي

P52 (http://www.mekshat.com/vb/member.php?u=13124)

والله ما عندي علم يمكن الشباب يفيدونك
طخيمان
03/04/2007, 11:01 AM
اليوم رحت للرمايه

قالي فيه يايات مقاس 865 و 866 ترفع الموتر 4 سم والوزن 200 إلى 250


وقيمتها 1150

4 يايات

وبالنسبه للحموله وش ازين شيء ما يكون مرتفع بقوة ولا يكون طايح يعني وسط بس اهم شيء اذا حملته ما يطيح

والرجاء كتابة المقاس

وفيه شيء يرفع الموتر 7 سم بس والله شكله يطلع رفيع بزود ويضره الهواء بحيث يأثر على التوازن على ما اظن
طخيمان
03/04/2007, 01:18 PM
للرفع الله لايهينكم يا شباب
أبو سرهد
04/04/2007, 11:39 AM
والله يالغالي ال7 سم شكله بيرفع الموتر بزيادة وبيطلع شكله غير مرغوب أما بالنسبة للحمولة وش ازينهن بس اشوف اللي معهم اليايات مرتاحين جدا انا من رايي انك تتوكل على الله وتاخذهن