استفسار للصقاقير

[تالي الاولين*]

.

السلام عليكم

يالربع انا بنشد عن الجير وهل فيه جير شياهين وجير حرار

ووش فرق جير المفارخ عن المطروح

وش تميزبه وماهي عيوبه


اخوكم تالي الاولين

.

[المري]

صحيح يااخي يوجد جير شاهين وجير حر

وهي تمتاز بالسرعه الفائقه ولكنها تتعب بسرعه ولا تشبع .

جير المفارخ : قاموا يلقحون الجير الانثى من الجير الذكر ولكنه يجيك احليو

اما الطرح فانا اعتقد قليل جدا جدا لانه مايعيش الا في المناطق البارده يعنيى لو

جانا هنا يموت من الحر.

[تالي الاولين*]

.


طيب يالمري وش رايك

انا عندي جير حر روسي طرح معي الموسم الى راح والطير جزوم

بس انه مثل ماقلت يفحم بسرعة

وحاط عندة مكيف عشان الجو

طبعاً الطير ماش حساس للامراض تقول شيهانة بحر

وعندي فرخ فارسي ماعلم للحين بس مواريه زينه

وانا ماعاد اقدر على اثنين وش رايك اياهم ابقي




.

[الجرودي]

تبي الصراحه انا عندي اثنين جير حر وطير شمالي
الجير يذيك وقت الصفري والحر لأنه مايداني الحر
لكن على قولتك الفرخ اللي عندك حر واصلي و
يظهر بكر يعني وانشالله انه ابيفعل معاك فعل طيب

[المري]

اسف على التاخير يااخي تالي الاولين


على ماقال اخوي الجرودي الجير اذا جاء الصفري يتعبك خاصه اول الوقت

الجو حار واذا احتر في السيارة قام يكفخ بالبرقع وياذيك واذا طار اشوي تعب

بسرعه , بس اقولك شي الجير اذا بغيته يعجبك لازم تدعيها الصباح واعصير على


علشان ياخذ لياقه.

واذا جيت بتبيع الجير عطني خبر .


هذا وتقبل تحيات اخوك : المري

[الجودي]

أريد شراء الصّقر الجيّد . هل تعتقد أنّك يمكن أن تبيع ألفرخ .

العربيّة غير كاملة لأننيّ أكتب بالإنجليزيّة ثمّ استخدم ترجم لأنّ ليس لديّ برامج عربيّ .

[شَعَّـاااال]

أسمحوا لي بهذهِ المداخله ....

الجير هو عملية تهجين صناعي أو ما يُسمى ((تفريخ )) من أنثى الطير وذكر الشاهين والعكس

وهي بالطبع تكتسب مميزات الام والاب ( السرعه وكبر الحجم ) فهي بسرعة الشاهين

وبحجم الطير الحر .

أحياناً يكون تفريخها في الاسر وهذهِ غير مرغوبه لانها تفقد كثير من المميزات المطلوبه في الطير

مثل الارتفاع وفي أحيان أخرى يتم تلقيح الانثى وإطلاقها في البريه حتى تكبر فراخها وتطير

وتتعلم الصيد من أمها في البيئه الطبيعيه لها ، وبالتأكيد هناك متابعه للام بواسطة أجهزة ترسل

ذبذبات معينه تدل على المكان الذي بنت فيه وكرها وبعدما تطير الفراخ ( الجير ) يتم طرحها وهذا

هو الجير الوحش وهو كما أظن الاكثر رغبه لانه قد أكتسب جميع مواصفات الطير الوحش الذي

عاش في البيئه الطبيعيه له .

أما بالنسبه لعيوبه كما سمعت أنه حساس الى حد كبير مثل الشاهين ولا أعرف غير هذا عنه .



أخيراً أتمنى من الله أن يُلهمك حب طيرك الفارسي لانهن بصراحه مهن حول بعض

ما سمعت اللي يقول (( طيور الحرار اللي على الصيد أدبها .
وأيظاً :: من ماكرٍ ربعه يصيد الحباري .

هذا اللي عندي والله أعلم ولعل فيه فائده أنشاء الله .

[تالي الاولين*]

.

اخوي الجرودي

عزالله انه مايداني الحر


الله يكتب اللي فيه الخير انشاء الله


واشكرك على تعقيبك ورايك


اخوك تالي الاولين


.

[تالي الاولين*]

.


هلا بالمري

لا معذور وانا اخوك

طيب وش رايكم برش الماء عليه من بخاخ سمعت انه يبرد على الطير ويركده


والمشكله بالنسبه لي في جرد الطير او دعوه هي الوقت ماش ماهي على الكيف

بس الله يعين وانا متحمس للموسم الجاي انشاء الله


والله هالحين مامن نية بيع بس لوجد جديد ابشر وانا اخوك



تحياتي وتقديري

.

[تالي الاولين*]

.


هلا يالجودي

والله مثل ماقلت مانويت هالحين بيع


تحياتي تالي الاولين

.

[تالي الاولين*]

.


هلا حي الله برد الحماد

والله وانا اخوك اللي ندور منك ومن الصقاقير المتمرسين

اكثر من مداخله .


اشكرك على هالمعلومات الي اتحفتنا بها

وزدتنا معرفه



اخوك تالي الاولين


.