@أبو زيد@
19/03/2007, 10:16 PM
بسم الله الرحمن الرحيم
السلام عليكم ورحمة الله وبركاته ,,,
أحببت أن اقص لكم عن أمطار يوم الخميس والجمعة التي كانت هي أغزر الأمطار في هذا الموسم وأشدها
على المنطقة الوسطى ,,,
واحببت ان اضع تقرير عن الشعبان اللي سالت ,,,, في المنطقة الوسطى ,,, والعذر ياجماااااعة ,,, من كثر الشعبان اللي مشت ما اقدر احصيها ,,,, واللي موجودة فيها بركة واللي عنده شعبان ماذكرت هنا ,,, يذكرها
ماهي اسباب هذه الامطار الشديدة ؟
كانت أسبابها وبفضل من الله تعالى ( تعمق المنخفض الحراري السوداني ودخول كمية هائلة من الرطوبة الإستوائية على المرتفعات الجنوبية الغربية وتأثيرها على المنطقة الوسطى مع رياح باردة نسرية قادمة من إيران
... أدت إلى تكون سحب ركامية ضخمة وقوية التأثير على المنطقة الوسطى )
بداية بالتوقعات .....
وقد أشارت معظم التوقعات لأمطار غزيرة جدا وعواصف رعدية متواصلة ليوم الثلاثاء وتقل الفرصة يوم الأربعاء ثم تزيد قليلا يوم الخميس ,,,
ومع تقدم الوقت قلت الفرصة بشكل ملحوظ يوم الثلاثاء
بعد ان وصلت فرصة الامطار على الرياض في موقع ( Weather Underground (http://www.wunderground.com/)) إلى 100%
ولكن العلم عند الله تعالى وضعفت الفرصة حتى وصلت إلى 20%
بينما الاربعاء 20% وليلة الأربعاء ترتفع إلى 70% والخميس 70% وليلة الخميس 70%
يعني بإذن الله تعالى ليلة ماطرة ويوم ماطر بشدة ... ورحمة الله واسعة ..
--------------------------------------------------------------------------------------------------------------
بداية بيوم الأربعاء الموافق 12/1/1428هـ - 31/1/2007م ...
كان يوما عاديا كسائر الأيام عدا أن بعض السحب الخفيفة والضعيفة تظهر في السماء ...
وكنت متفائلا بشكل كبير جدا .... وكانت البسمة على وجهي من الإذن إلى الأذن ,,,, وفجأه وقبل المغرب جاءني
اتصال من أحد الإخوة الله يهديه (دايم يضيق صدري)
الصديق : السلام عليكم
السمحان : وعليكم السلام ,,,, هلا والله وش العلوم ..
الصديق : الحمد لله ... أقوووووول شفت ذا السحاب الضعيف ,,,
السمحان : ايه والله اشوفه بس عند الله خير لاتستعجل تونا ... على طاري (وش هواها ؟؟)
الصديق : شمالي غربي والوضع مايهيئ ....
السمحان : عند الله خير لعل الله يحدث بعد ذلك أمرا ... يمكن يتغير الهواء ويحدث اللي ماتتوقعه
الصديق : والله ماظن الهواء ماش ...
السمحان : استعد للبروق الليلة بإذن الله الساعة 7 بعدالمغرب .. (توهقت)
الصديق : وش دراك ؟؟؟؟ .... السمحان : انتظر الساعة 7 وشف بعيونك ان شاء الله
الصديق : نشوف يا سمحااااان .... ,,,, وتجي الساعة 7 ويدق... وش ذا الوهقة ,,, وش بيفكني منه
الصديق : هلا سمحااااااان ,,,, أنا : هلا والله ,,,الصديق : وين بروقك ياالخراط ... أنا : اصبر ان شاء الله
بتجيك العلوم الي تسر .... الصديق : تسن هواها تغير .... أنا : اشوفه بدا يلف ويصير نسري ومعه غبار
الصديق : الله كريم ...
-------------------------------------------------------------------------------------
اشارت الساعة الى التاسعة ليلا ,,, واشوف صور الأقمار الصناعية السحاب جنوب غرب وفيه بروق ,,, وفيه سحابة طيبة حول حلبان ,,, وفيها بروق طيبة ...
كنت متواصل عبر الانترنت واكتب اخبار الجو عندنا في السويدي الغربي ...
مادريت الا واحد يكتب فيه بروق تشاف في الخرج ,,,, طلعت اول مرة وماشفت بروق ,,,, ثم طلعت مرة ثانية وشفت نوضة(ن) قوية للبرق جنوب ,,,, وكنت اكلم واحد ,,,,, وقال بروح للخرج علشان اشوف برووووقهم ..
قلت ماهقيتها منك تروح وتخليني ,,,, مقبولة منك .... قال : يالله بيتكم بعييييييييييييد ... قلت : يله ابطلعلك على الشارع العام بس اهم شيء اشوف البروق ...
قال : يللله استعد خمس دقائق وانا جايك ...
المهم رحنا لم الخرج ونحن في الطريق اشوف البرق وراء المزن ,,, خفيف ... بداينا ندخل في السحاب
واشوف كشح البرق قوي من جنوب وشرق ... وجانا قبل ماندخل في الخرج رش حباته كبيرة بالحيل
واشوف السحاب قام يفهد ويروح شرق واشوف البروق مشرقة كلها ,,,, شوي الا ينشي برق ماشاء الله هو احسن البروق كلها ... برقها حي وزينه ومنظارها يوسع الصدر
طبعا دخلنا الخرج الديره وشفنا الشوارع ماشاء الله مليانه والدنيا تدهر ,,,, واللي يشوف هالمطر
يقول ايه خلاص الرياض غرقت وماتوا اهلها من قو السيل ,,, (خلق وفرق) ,,,, فرق مابين الحي والميت
الرياض جفاف وغبار ,,, الخرج مطر وبروق ورعود طيبة .... والمسافة 80 كم فقط
المهم قعدنا لنا ربع ساعة ,,,, واشوف سحابة تدخل على القمر (على فكرة تراني اخيل زين ,,, ههههه :D )
والاحظ وراها همال ... قلت لخويي بيجي مطر طيب بعد شوي بس ماهوب مطول ... وبعد دقايق جاك وبل من المطر الذي كان غزيرا في البداية ومن ثم خف بسرعة ثم توقفت ... وعادت الشوارع تمشي وتذرف على الخط ,,,
المهم رجعنا للرياض ... الصديق الله يرعاه اخوه يبي يسافر ,,, وقال لازم اودعه ... قلت الله يعينك ويوصله بالسلامه
وجانا علوم ان فيه بروق تنشت شمال غرب الحريق .... وحنا بالطريق نشوف سدا كثيف وقطع صغيرة جدا من السحب
والهواء نسري .... قال خويي وش رايك احطك في مكان مظلم ,, وتشوف البرق بالراحة ... قلت يله وش ورانا خلنا نتفرج ,,, ونوسع الصدر ,,,
المهم قعدت واحتري ذا البرق ,,,, يبطي بس اليا منه ناض مافيه احسن من شيفته ,,, ثم نزل شرق وبدا يحيى ثم عود يخف ....
المهم غيمت فوقنا وصارت خليط سدا كثيف مع سحب منخفضة وكثيفة ...
(ياجاني فرحة ,,, ماجتني من زماااااااااااااااان) ,,, الهوا نسر والسحاب من جنوب غرب خلاص ابشر بالسيل ,,,
المهم جت الساعة 1 في الليل ,,, وماعندي لبس والجو بارد والهواء شاد حيلة بقوة ويكسر العظم ,,,
قلنا خلنا نرقد ورانا صلاة ,,,, وكنت متفائل جدا جدا جدا انه يبي يجي مطر طيب ,,,,
جيت للبيت وفتحت النت ,,, ابي اشوف صور الاقمار والسحاب من غرب وشلونه
وشفت السحاب على نهايته ,,,, طبعا كله سدا سحابة رعدية كانت تبرق بس خفت وصارت سحب منخفضة وكثيفة
جانا رش جدا جدا جدا خفيف ,,,, تنقيط ,,, ثم جلست اطالع النت واناظر اخبار الامطار ,,,
الخميس 13/1/1428هـ - 1/2/2007م ...
الساعة 2 ليلا طلعت اشوف الجو ,,, وشفت السماء حمرررا والسحاب صاك مررره ,,, قلت ماشاء الله ذا السحاب يبرق من حماره وزينه ,,, دخلت مرة ثانية ...
شوي الا اسمع طقطقة في الخارج ,,,, واطلع الا وهي ترش ماشاء الله ,,, واعاين السحاب صاك مرة والرش متواصل ومازالت ترش ويزيد كل شوي ,,
رجعت ابشر الاخوان انها بدت ترش عندنا في السويدي الغربي ,,, والقى واحد من الاخوان جزاه الله خير ,,, منزل صورة للرادار ,,, وتوضح امطار متوسطة قادمة ومتوسعة من شمال ,,,,
المهم والاحظ ان الرش كل ماله ويزيد ويقوى .... وابشر الاخوان ان الرش يزيد وبدا ينقع في الشوارع
وبعض اهل الرياض يسألون ويقولون وينك فيه ,, وين موقعك ,,, وواحد آخر قال الرياض مافيه مطر ماجانا شيء
قلت يا اخي الرياض من الشرق الى الغرب 80 كم ومن الشمال الى الجنوب 80 كم ,,, نبي نغرق ونسيل واللي عنا شمال ماجاهم شيء (هذي مسافة مهيب سهلة)
المهم تحول الرش الى ديمة طيبة والشوارع قامت تدهر والمرازيم قامت تصب والمطر تجيه فترات ويطلع غزير ,,,
يالله من فضلك ,,, المهم وقف المطر عند الساعة 4 الفجر بس السحاب مازال مستمر ,,,,
صليت الفجر ثم رقدت ,,, لان النوم اهلكني والبرد كسر عظمي ,,, وكلمني خويي 3 مرات .. وانا غارق في النوم
قمت حول الساعة 9 الصبح ,,, واشوف المرازيم تصب والمطر واقف ,,, اثر المطر عود يطيح مرة ثانية
والسحاب ماينشاف من كثر النفيض ,,,, عودت احط راسي على الفراش ... وارقد مرة(ن) ثانية
وانا نايم ,,, سمعت قرقعة(ن) قوية ,,, وانقز قلت وش ذا الحس ,,,, واطالع الساعة تشير الى 11 ونص قبل الظهر
.... واطلع اشوف وش السالفة واشوف ظلمة كنك في المغرب ....
شوي الا ويطلع ذا البرق فوقنا ... ثم ترعد رعد طيب بالحيل من صوته تعرف انه رعد السيل ...
بس النفيض كثيف جدا ,,,, مسوي ضباااااااااااب من كثافته
وبدت ترش رش خفيف ,,,, (واطالع السحاب) واستغرب ,,, قلت ذا مهوب مطر ذا السحابة الزينة
وادقق في الغرب واشوف النفيض زي ماتقول ينحاش ولا يهرب من شي وراه
وبدا يطلع لك بياض عجيب كن الشمس طالعة .... عرفت انه هملول بس مادري وش قوته
المهم طاح مطر بداية متوسط ,,,, ثم يشتد
واصبح غزير جدا لدرجة انك تشوف حبة المطر تطمر متر من كبرها
واستمر لمدة 4 دقائق مطر شديد جدا ,,, ثم خف كثيرا ثم توقف ,,,, واشرقت الشمس ولازلت اسمع الرعود الساعة 12 الا ثلث ,,, ظهرا
ويازين ذاك الجو ,,,, يالله مهوب طبيعي .... جو تمام التمام :good: :good: ...... الله يعيده علينا وعلى الجميع ,,,
المهم اذن الظهر ورحنا نصلي واشوف البراحات اللي عندنا صارت بحيرات ,,,, والسحاب تفرق كثيرا وخف ,,
وبعد الصلاة اشوف السحاب بدا يكثر ويتكاثف والسدى بدا يغطي الشمس ,,, سدا طيب بالحيل
كل شوي يجي رش خفيف كل نصف ساعة تقريبا ,,,, الى العصر
وغيمت بالكامل ,,,
بعد الصلاة طلعت واسمع الرعد من سحابة جنوب غرب عنا ,,,, واشوف وراها الهمال ,,,
وطلعت من البيت واروح عندي شغلة وهي تمطر خفيف ,,, وانا في الطريق اشواف الشوارع الي عنا جنوب مشت
والسحاب حدر شرق ,,,, مارجعت من الشغل الا قبل المغرب بثلث ساعة
والجو مظلم والسحاب اسود جهة الجنوب الغربي والغرب والجنوب
والاحظ انها تبرق من جنوب غرب برق بطيء كل 2 دقيقة
المهم دخلت البيت وهي مديمة ,,, وصارت السماء لون واحد والبرق فوقنا خفيف ,,,, والمطر همال ,,
صلينا المغرب والمطر صار ديمة طيبة ,,,, وقررنا أن نجمع المغرب والعشاء
ورجعنا للبيوت والديمة خفت ولازالت ترش ,,,,
وجتني رسالة جميلة جدا ,,, (ابشرك ,,, الله اكبر ,,,, نساح تسيل سيل قوي ,,, والمطر غزير جدا جدا والبروق طيبة بالحيل ) ... نساح منطقة برية جنوب غرب الرياض بـ 40 كم
الحمد لله ,,, على عطائه ومنه وفضله ,,,
شوي واسمع المطر يطقطق على المظلات ,,, وتحول الى ديمة طيبة ,,, ثم الى ديمة غزيرة ,,, ثم أصبح مطر غزير الى غزير جدا ويطلع معه البرق قوي والرعد يون ونين ,,, والمطر همال شديد
خذا له المطر ساعتين على قوته ووقف الساعة 10 تقريبا ,,, وبعد ساعة تقريبا ,,, عاود المطر الهطول بشدة وكان غزير الى غزير جدا ,,, وكان يبرق السحاب اكثر من بروق السحاب اللي قبله ,,
واستمر المطر ساعتين ونصف تقريبا ,,,, وبعدها خف كثيرا ثم توقف عند الساعة 12ونصف والهواء كان جنوب
وكل نصف ساعة تجي رشة تمشي الشوارع وتستمر لمدة نصف ساعة تقريبا
وجت ديمة تقريبا الساعة 2 ليلا واستمرت حتى الفجر ,,,,
وادت هذه اامطار الى صعوبة في السير وتعلق الكثير من الناس في المستنقعات الكبيرة جدا شمال الرياض
وبعض الشوارع جنوب الرياض امثال شارع الابراج ,,,, تحولت الى شعبان ,,, بل أودية من قو المطر
ووصلت كمية الأمطار على الرياض في المتوسط على كافة الأحياء
65 الى 70 ملم .... مع انها اكبر كمية في بعض الاحياء
وعسى الله ان يعيد هالايام من غير شر ,,,,
ويغيث البلاد والعباد ويرزق اخواننا اللي ماجاهم مطر الله يعوضكم بالسيل العام ,,, الله آميييييين
الشعبان تجدونها بالرد الثاني ,,,,,,
تابع ...........................
السلام عليكم ورحمة الله وبركاته ,,,
أحببت أن اقص لكم عن أمطار يوم الخميس والجمعة التي كانت هي أغزر الأمطار في هذا الموسم وأشدها
على المنطقة الوسطى ,,,
واحببت ان اضع تقرير عن الشعبان اللي سالت ,,,, في المنطقة الوسطى ,,, والعذر ياجماااااعة ,,, من كثر الشعبان اللي مشت ما اقدر احصيها ,,,, واللي موجودة فيها بركة واللي عنده شعبان ماذكرت هنا ,,, يذكرها
ماهي اسباب هذه الامطار الشديدة ؟
كانت أسبابها وبفضل من الله تعالى ( تعمق المنخفض الحراري السوداني ودخول كمية هائلة من الرطوبة الإستوائية على المرتفعات الجنوبية الغربية وتأثيرها على المنطقة الوسطى مع رياح باردة نسرية قادمة من إيران
... أدت إلى تكون سحب ركامية ضخمة وقوية التأثير على المنطقة الوسطى )
بداية بالتوقعات .....
وقد أشارت معظم التوقعات لأمطار غزيرة جدا وعواصف رعدية متواصلة ليوم الثلاثاء وتقل الفرصة يوم الأربعاء ثم تزيد قليلا يوم الخميس ,,,
ومع تقدم الوقت قلت الفرصة بشكل ملحوظ يوم الثلاثاء
بعد ان وصلت فرصة الامطار على الرياض في موقع ( Weather Underground (http://www.wunderground.com/)) إلى 100%
ولكن العلم عند الله تعالى وضعفت الفرصة حتى وصلت إلى 20%
بينما الاربعاء 20% وليلة الأربعاء ترتفع إلى 70% والخميس 70% وليلة الخميس 70%
يعني بإذن الله تعالى ليلة ماطرة ويوم ماطر بشدة ... ورحمة الله واسعة ..
--------------------------------------------------------------------------------------------------------------
بداية بيوم الأربعاء الموافق 12/1/1428هـ - 31/1/2007م ...
كان يوما عاديا كسائر الأيام عدا أن بعض السحب الخفيفة والضعيفة تظهر في السماء ...
وكنت متفائلا بشكل كبير جدا .... وكانت البسمة على وجهي من الإذن إلى الأذن ,,,, وفجأه وقبل المغرب جاءني
اتصال من أحد الإخوة الله يهديه (دايم يضيق صدري)
الصديق : السلام عليكم
السمحان : وعليكم السلام ,,,, هلا والله وش العلوم ..
الصديق : الحمد لله ... أقوووووول شفت ذا السحاب الضعيف ,,,
السمحان : ايه والله اشوفه بس عند الله خير لاتستعجل تونا ... على طاري (وش هواها ؟؟)
الصديق : شمالي غربي والوضع مايهيئ ....
السمحان : عند الله خير لعل الله يحدث بعد ذلك أمرا ... يمكن يتغير الهواء ويحدث اللي ماتتوقعه
الصديق : والله ماظن الهواء ماش ...
السمحان : استعد للبروق الليلة بإذن الله الساعة 7 بعدالمغرب .. (توهقت)
الصديق : وش دراك ؟؟؟؟ .... السمحان : انتظر الساعة 7 وشف بعيونك ان شاء الله
الصديق : نشوف يا سمحااااان .... ,,,, وتجي الساعة 7 ويدق... وش ذا الوهقة ,,, وش بيفكني منه
الصديق : هلا سمحااااااان ,,,, أنا : هلا والله ,,,الصديق : وين بروقك ياالخراط ... أنا : اصبر ان شاء الله
بتجيك العلوم الي تسر .... الصديق : تسن هواها تغير .... أنا : اشوفه بدا يلف ويصير نسري ومعه غبار
الصديق : الله كريم ...
-------------------------------------------------------------------------------------
اشارت الساعة الى التاسعة ليلا ,,, واشوف صور الأقمار الصناعية السحاب جنوب غرب وفيه بروق ,,, وفيه سحابة طيبة حول حلبان ,,, وفيها بروق طيبة ...
كنت متواصل عبر الانترنت واكتب اخبار الجو عندنا في السويدي الغربي ...
مادريت الا واحد يكتب فيه بروق تشاف في الخرج ,,,, طلعت اول مرة وماشفت بروق ,,,, ثم طلعت مرة ثانية وشفت نوضة(ن) قوية للبرق جنوب ,,,, وكنت اكلم واحد ,,,,, وقال بروح للخرج علشان اشوف برووووقهم ..
قلت ماهقيتها منك تروح وتخليني ,,,, مقبولة منك .... قال : يالله بيتكم بعييييييييييييد ... قلت : يله ابطلعلك على الشارع العام بس اهم شيء اشوف البروق ...
قال : يللله استعد خمس دقائق وانا جايك ...
المهم رحنا لم الخرج ونحن في الطريق اشوف البرق وراء المزن ,,, خفيف ... بداينا ندخل في السحاب
واشوف كشح البرق قوي من جنوب وشرق ... وجانا قبل ماندخل في الخرج رش حباته كبيرة بالحيل
واشوف السحاب قام يفهد ويروح شرق واشوف البروق مشرقة كلها ,,,, شوي الا ينشي برق ماشاء الله هو احسن البروق كلها ... برقها حي وزينه ومنظارها يوسع الصدر
طبعا دخلنا الخرج الديره وشفنا الشوارع ماشاء الله مليانه والدنيا تدهر ,,,, واللي يشوف هالمطر
يقول ايه خلاص الرياض غرقت وماتوا اهلها من قو السيل ,,, (خلق وفرق) ,,,, فرق مابين الحي والميت
الرياض جفاف وغبار ,,, الخرج مطر وبروق ورعود طيبة .... والمسافة 80 كم فقط
المهم قعدنا لنا ربع ساعة ,,,, واشوف سحابة تدخل على القمر (على فكرة تراني اخيل زين ,,, ههههه :D )
والاحظ وراها همال ... قلت لخويي بيجي مطر طيب بعد شوي بس ماهوب مطول ... وبعد دقايق جاك وبل من المطر الذي كان غزيرا في البداية ومن ثم خف بسرعة ثم توقفت ... وعادت الشوارع تمشي وتذرف على الخط ,,,
المهم رجعنا للرياض ... الصديق الله يرعاه اخوه يبي يسافر ,,, وقال لازم اودعه ... قلت الله يعينك ويوصله بالسلامه
وجانا علوم ان فيه بروق تنشت شمال غرب الحريق .... وحنا بالطريق نشوف سدا كثيف وقطع صغيرة جدا من السحب
والهواء نسري .... قال خويي وش رايك احطك في مكان مظلم ,, وتشوف البرق بالراحة ... قلت يله وش ورانا خلنا نتفرج ,,, ونوسع الصدر ,,,
المهم قعدت واحتري ذا البرق ,,,, يبطي بس اليا منه ناض مافيه احسن من شيفته ,,, ثم نزل شرق وبدا يحيى ثم عود يخف ....
المهم غيمت فوقنا وصارت خليط سدا كثيف مع سحب منخفضة وكثيفة ...
(ياجاني فرحة ,,, ماجتني من زماااااااااااااااان) ,,, الهوا نسر والسحاب من جنوب غرب خلاص ابشر بالسيل ,,,
المهم جت الساعة 1 في الليل ,,, وماعندي لبس والجو بارد والهواء شاد حيلة بقوة ويكسر العظم ,,,
قلنا خلنا نرقد ورانا صلاة ,,,, وكنت متفائل جدا جدا جدا انه يبي يجي مطر طيب ,,,,
جيت للبيت وفتحت النت ,,, ابي اشوف صور الاقمار والسحاب من غرب وشلونه
وشفت السحاب على نهايته ,,,, طبعا كله سدا سحابة رعدية كانت تبرق بس خفت وصارت سحب منخفضة وكثيفة
جانا رش جدا جدا جدا خفيف ,,,, تنقيط ,,, ثم جلست اطالع النت واناظر اخبار الامطار ,,,
الخميس 13/1/1428هـ - 1/2/2007م ...
الساعة 2 ليلا طلعت اشوف الجو ,,, وشفت السماء حمرررا والسحاب صاك مررره ,,, قلت ماشاء الله ذا السحاب يبرق من حماره وزينه ,,, دخلت مرة ثانية ...
شوي الا اسمع طقطقة في الخارج ,,,, واطلع الا وهي ترش ماشاء الله ,,, واعاين السحاب صاك مرة والرش متواصل ومازالت ترش ويزيد كل شوي ,,
رجعت ابشر الاخوان انها بدت ترش عندنا في السويدي الغربي ,,, والقى واحد من الاخوان جزاه الله خير ,,, منزل صورة للرادار ,,, وتوضح امطار متوسطة قادمة ومتوسعة من شمال ,,,,
المهم والاحظ ان الرش كل ماله ويزيد ويقوى .... وابشر الاخوان ان الرش يزيد وبدا ينقع في الشوارع
وبعض اهل الرياض يسألون ويقولون وينك فيه ,, وين موقعك ,,, وواحد آخر قال الرياض مافيه مطر ماجانا شيء
قلت يا اخي الرياض من الشرق الى الغرب 80 كم ومن الشمال الى الجنوب 80 كم ,,, نبي نغرق ونسيل واللي عنا شمال ماجاهم شيء (هذي مسافة مهيب سهلة)
المهم تحول الرش الى ديمة طيبة والشوارع قامت تدهر والمرازيم قامت تصب والمطر تجيه فترات ويطلع غزير ,,,
يالله من فضلك ,,, المهم وقف المطر عند الساعة 4 الفجر بس السحاب مازال مستمر ,,,,
صليت الفجر ثم رقدت ,,, لان النوم اهلكني والبرد كسر عظمي ,,, وكلمني خويي 3 مرات .. وانا غارق في النوم
قمت حول الساعة 9 الصبح ,,, واشوف المرازيم تصب والمطر واقف ,,, اثر المطر عود يطيح مرة ثانية
والسحاب ماينشاف من كثر النفيض ,,,, عودت احط راسي على الفراش ... وارقد مرة(ن) ثانية
وانا نايم ,,, سمعت قرقعة(ن) قوية ,,, وانقز قلت وش ذا الحس ,,,, واطالع الساعة تشير الى 11 ونص قبل الظهر
.... واطلع اشوف وش السالفة واشوف ظلمة كنك في المغرب ....
شوي الا ويطلع ذا البرق فوقنا ... ثم ترعد رعد طيب بالحيل من صوته تعرف انه رعد السيل ...
بس النفيض كثيف جدا ,,,, مسوي ضباااااااااااب من كثافته
وبدت ترش رش خفيف ,,,, (واطالع السحاب) واستغرب ,,, قلت ذا مهوب مطر ذا السحابة الزينة
وادقق في الغرب واشوف النفيض زي ماتقول ينحاش ولا يهرب من شي وراه
وبدا يطلع لك بياض عجيب كن الشمس طالعة .... عرفت انه هملول بس مادري وش قوته
المهم طاح مطر بداية متوسط ,,,, ثم يشتد
واصبح غزير جدا لدرجة انك تشوف حبة المطر تطمر متر من كبرها
واستمر لمدة 4 دقائق مطر شديد جدا ,,, ثم خف كثيرا ثم توقف ,,,, واشرقت الشمس ولازلت اسمع الرعود الساعة 12 الا ثلث ,,, ظهرا
ويازين ذاك الجو ,,,, يالله مهوب طبيعي .... جو تمام التمام :good: :good: ...... الله يعيده علينا وعلى الجميع ,,,
المهم اذن الظهر ورحنا نصلي واشوف البراحات اللي عندنا صارت بحيرات ,,,, والسحاب تفرق كثيرا وخف ,,
وبعد الصلاة اشوف السحاب بدا يكثر ويتكاثف والسدى بدا يغطي الشمس ,,, سدا طيب بالحيل
كل شوي يجي رش خفيف كل نصف ساعة تقريبا ,,,, الى العصر
وغيمت بالكامل ,,,
بعد الصلاة طلعت واسمع الرعد من سحابة جنوب غرب عنا ,,,, واشوف وراها الهمال ,,,
وطلعت من البيت واروح عندي شغلة وهي تمطر خفيف ,,, وانا في الطريق اشواف الشوارع الي عنا جنوب مشت
والسحاب حدر شرق ,,,, مارجعت من الشغل الا قبل المغرب بثلث ساعة
والجو مظلم والسحاب اسود جهة الجنوب الغربي والغرب والجنوب
والاحظ انها تبرق من جنوب غرب برق بطيء كل 2 دقيقة
المهم دخلت البيت وهي مديمة ,,, وصارت السماء لون واحد والبرق فوقنا خفيف ,,,, والمطر همال ,,
صلينا المغرب والمطر صار ديمة طيبة ,,,, وقررنا أن نجمع المغرب والعشاء
ورجعنا للبيوت والديمة خفت ولازالت ترش ,,,,
وجتني رسالة جميلة جدا ,,, (ابشرك ,,, الله اكبر ,,,, نساح تسيل سيل قوي ,,, والمطر غزير جدا جدا والبروق طيبة بالحيل ) ... نساح منطقة برية جنوب غرب الرياض بـ 40 كم
الحمد لله ,,, على عطائه ومنه وفضله ,,,
شوي واسمع المطر يطقطق على المظلات ,,, وتحول الى ديمة طيبة ,,, ثم الى ديمة غزيرة ,,, ثم أصبح مطر غزير الى غزير جدا ويطلع معه البرق قوي والرعد يون ونين ,,, والمطر همال شديد
خذا له المطر ساعتين على قوته ووقف الساعة 10 تقريبا ,,, وبعد ساعة تقريبا ,,, عاود المطر الهطول بشدة وكان غزير الى غزير جدا ,,, وكان يبرق السحاب اكثر من بروق السحاب اللي قبله ,,
واستمر المطر ساعتين ونصف تقريبا ,,,, وبعدها خف كثيرا ثم توقف عند الساعة 12ونصف والهواء كان جنوب
وكل نصف ساعة تجي رشة تمشي الشوارع وتستمر لمدة نصف ساعة تقريبا
وجت ديمة تقريبا الساعة 2 ليلا واستمرت حتى الفجر ,,,,
وادت هذه اامطار الى صعوبة في السير وتعلق الكثير من الناس في المستنقعات الكبيرة جدا شمال الرياض
وبعض الشوارع جنوب الرياض امثال شارع الابراج ,,,, تحولت الى شعبان ,,, بل أودية من قو المطر
ووصلت كمية الأمطار على الرياض في المتوسط على كافة الأحياء
65 الى 70 ملم .... مع انها اكبر كمية في بعض الاحياء
وعسى الله ان يعيد هالايام من غير شر ,,,,
ويغيث البلاد والعباد ويرزق اخواننا اللي ماجاهم مطر الله يعوضكم بالسيل العام ,,, الله آميييييين
الشعبان تجدونها بالرد الثاني ,,,,,,
تابع ...........................