ابي ريكم في تانكي في GXR ؟؟؟؟؟؟؟

[الطير]

تحيه طيبه


معي جيب GXR الا يتبنه تحت وابي اركب تانكي مخفي ولو ماهب كبير لو 50 او 40 لتر بس ابيه مخفي .



هل من فزعه كيف ووين وبكم ؟؟؟؟؟؟؟؟؟؟



لكم تحياتي

[ولد روضة سدير]

يمسيك بالخير ....طبعا في توعين للخزان حسب علمي وفي طريقتين ....1 تحطه مسطح على الدبه(الشنطه) يعني تحط قشك والاغراض فوقه والطريقة الثانيه تحطه واقف بخلف الصف الثاني من المقاعد .....طبعا الطريقه الاول والثانيه لازم تستغني عن صفة المقاعد الخيره ......يعني تقلعها تشيلها.......ولك اجمل تحياتي .................................................. .والسلام ختام

[الطير]

تحيه طيبه


هلا بك اخوي ولد الروضة واشكرك على الرد .


كلامك سليم بس انا ابي افصل تانكيين واحد ثابت في السيارة واحبذ لو يكون تحت .

والاماكن الي تقول ابي افصل فيها توانك مويه وبنزبن بس ماهي ثابته يعني لطلعات الطويله بس يعني اذا بغيت اطلع كم يوم ركبتها .

الي انا ابيه ابي افصل ثبت بس ما لقيت محل وش رايكم وش مشورتكم .




لكم تحياتي

[الشقردي]

السلام عليكم

انا ودي أسألك:
اذا انت من النوع اللي ما يستخدم المراتب الخلفية فكها جميع أو واحد منهم وثبت الاستبنة داخل بطريقة مشابهة للصالون أو الجراند شروكي وفصّل للكفر تلبيسة عشان ما يعدم داخلي الموتر

المطلوب اذا كنت بتتبع مثل هالحل انك تروح لواحد بالصناعية أو الغرابي يظبط لك تثبيت الكفر مثل المواهب اللي بصناعية الرياض
=======
اما اذا ان اللي يركبون معك واجد غير خلفية الجيب بالكامل وخل الاستبنه ورى (على الباب الخلفي يفضل باب شنطة)

في هالحالة بيبلك تدور واحد يبادلك بالخلفية والابواب (وياكثر اللي يدورون خلفية لكزس) أو تشوف لك أحد هالتشاليح.

لاحظ انك في كل الحالتين ممكن تستفيد من المساحة اللي كانت للاستبنه بتانكي مويه 90 لتر بدون ما يسبب لك المشاكل اللي كنت تعاني منها.



مجرد رأي وتراني ما قد جربت هالطريقة

وللاستزادة
http://www.mekshat.com/vb/showthread.php?s=&threadid=6451

[Y&Y_4X4]

شف عاد انا ماخليت شي ادور لهالموضوع حل لاكن ماعندك الا مثل ماقال ولد روضة سدير

او ارجع للرابط الي حطه الشقردي .


وتكفى اذا لقيت حل طيب لاتحرمنا من الاستفادة ...............

[الطير]

تحيه طيبه


اشكر الجميع على الردود والمشاركة .



بس لم اجد ما يرظيني حتى الان من غير قصور بمقترحاتكم .




لكم تحياتي

[الشقردي]

طيب حيرتنا والله!!

ممكن تعيد وش المطلوب بالضبط؟

[الطير]

تحيه طيبه

يعطيكم العافيه مره اخرى .


اولاً يا شقردي انت ومن يقرأء ابي سلامتكم .


ثم ابي تانكي زي الجيوب الي استبنتها فوق ويحطون تانكي مخفي بس ابي هل له مكان او لا ولا ودي والله افك الاستبنه واحطها من داخل لا ني احتاج المرتبه الداخليه بعظ الاوقات .
هل هناك مكان تحت السيارة او لا .


وما رأيكم في التانكي الفيبر ؟؟؟؟؟؟؟؟؟؟؟؟

ووين يفصل فيه وكم سعره .
لكم تحياتي

[Y&Y_4X4]

شكلك ملزم

فيه مكان بس ماهوب تحت الموتر ولاكن فوق في الشبك او السلة او مادري وش يسمونها اهل الرياض تفصل تانكي يركب على ( ايه صح يسمونها عفشه) تانكي صاج ياباني 2 مم طول 115 سم عرض 30 سم ارتفاع 40 سم مع مقدمة منحنية لتخفيف مقاومة الهواء. ولا كن انس سالفة أشيل السبير واحطه في الشنطة وهذي برأيي غلطة كبيرة لما سبق ذكره بالرابط المذكور اعلاه .

ولا يهمك الهرج من طرف التانكي الفايبر او الالمنيوم او غيره لإنه غالي ولا يخدم اي شي يطخه يشقه هذا الالمنيوم واما الفايبر ما ينظف ابد دايم الماء اشهب وطعمه ماهوب الي انت تبي اما الصاج يخدم بأقل تقدير 4 سنين اذا انت تعبي من ماء الرياض الذي يعتبر انه يأكل الحديد اكل اما من غيره اقل شي 6 سنين ويكلفك حول 200 ريال عادي خله بعد 4 سنين يصدي و تغيره وانت الربحان .

واذا لقيت حل غير ما ذكر تكفى لاتخلينا ,,,

[طعس14]

بسم الله الرحمن االرحيم

أخوي الطير: اذا كانت الاستبنة تحت السيارة فماعندي حل الى فوق الشد

واذا كانت فوق فحط تانكي اللمنيوم 80 لتر تراني مجربة من اربع سنوات مايتغير الماء ولو بعد شهرين
وبعدين مايبين وخفيف وزن وصحي ويحطون صاجة تحتة حماية ويسون لة عزل حراري :cool:
بس بالنسبة للسيارة تحتاج اى (كورة علشان شان ترفع الموتر ) والسلام

[Y&Y_4X4]

نعم اوافق اخوي الطعس 14

اذا كان التانكي فوق فا اطلق شي على الاطلاق هو الامنيوم مع حماية كاملة بصاج داير مادار صحيح انه يكلف حول 1400ريال لـ 80 لتر بس الصحيح انه يستاهل.

[الطير]

تحيه طيبه

هلا بالجميع دون الستثناء .


اخوي الطعس وش المقصود بالالمنيم هل هو الصاج الي نعرف ؟؟؟؟؟؟


وكيف يكلف الف واربعمائه ريال ما هب غالي شويات .




لكم تحياتي

[طير الرياض]

السلام عليكم انا معي gxr خلفيه حاط تانكي مويه 105 لتر خلف المرتبه ومرتاح جداً