المساعد الشخصي الرقمي

مشاهدة النسخة كاملة : استشاره في الاندكروزر من 1994..الى...2007


T33
11/03/2007, 01:43 AM
بسم الله الرحمن الرحيم

كيفكم اعضاء منتدانا الغالي

الحقيقه انا ناوي على شراء موتر خاص بالكشتات ومالي غير الله ثم انتم يعني كلامكم من واقع تجربه

راح ينورني بأذن الله ويساهم في شرائي للسياره وارجو الابتعاد عن التعصب لا تقولون نيسان

اوغيره...رجاءءء لاني ناوي على الاندكروزر

السالفه ومافيها اني احترت مابين من يقول خذ موديل 94..97 لانها قويه والدفرنسات فيها مايحتاج:good:

ومابين معارض :no2: يقول الموديلات الجديده اقوى واخف والقديم ثقيل..........

طيب انا في حيره من امري رحت المعارض وحصلت موديل 96 gxr ماشي 107000 والله الموتر عجبني

بس لا زلت في حيره هل اشتريه بمبلغ 58000 هل سعره مناسب؟؟؟

وهل ينفع في البر ولا يمتحنك بالتغريز؟؟؟(في المناطق الجبليه مايحتاج كذه :good:)

الجديد والله ما ادري عنه ودراهمي ماهي حوله وغير ان سواقته ماريحتني واحس انه نازل شوي

ولو طرالي اشتريه (بناء على تجاربكم الشخصيه) راح اخذ اقل نوع حتى لو مستخدم.

طيب ابي النصيحه وياليت الكلام يكون وافي سواء بتحديد الموديل ونوعه وسعر تقريبي

للمستعمل G>GX>GXR>VXR

عشان اكون على بينه (ماخاب من استشار) وشلون اذا كانو اخوانه

شاكر لكم واااسف على الاطاله
عبدالله العمرو
11/03/2007, 02:05 AM
عليكم السلام ورحمة الله ...

شف وانا أخوك :
أنا جربت 89 vx سنتين وجربت 91 vxr اثنعشر سنة ... وجربت 2004 gxr تبي الحقيقة ؟؟

والله كل الأولات ما تقارن بـ2004 gxr الراحة والعزم والممشى والهدوؤ ... وش تبي اكثر من كذا ؟؟؟

وعلى كل حال مد لحافك على قد رجلك ( كرمكم الله ) شف قريشاتك وأنا أخوك وعلى قدّهن اشتر :)

وعليك بالنظيف ابرك من شيٍّ تحط به من الفلوس كثر مشتراه ولا هوب مالي عينك ....

الله يوفقك ويدلك على ما فيه خير ... استخر ربك إذا عزّمت ....
ابرق العزاف
11/03/2007, 03:17 AM
اخي انا جربت 94 vxr تكييف مركزي تانكيين
الى الان معي ممتاز ميه ميه تلفبه البر والبحر وكل الوعر
والطعوس تقول ما شالله ياخذ العقل وبرضه 97 لاتنساه
شكرا
أبـو فـايـز
11/03/2007, 05:37 AM
الموديلات القديمة 97 وتحت فيها دفرنس كامل امامي يعني احسن للبر قوي ويتحمل بس مو مريح مرة
بينما موديلات 98 وفوق تجي دفرنش مع عكوس يعني اريح واثبت في الخط بس في البر اقل تحمل
T33
11/03/2007, 03:20 PM
يعطيكم العافيه

وشاكر ردودكم ولا زلت في انتظار المزيد من الاراء

و وجهات النظر اذا تكرمتو

تحياتي
الذيب الاول
11/03/2007, 09:29 PM
بسم الله الرحمن الرحيم
الختيار موفق في التايوتا الختيار gx_r
افضل شيء ونصيحه اشتر فوق 2002 اجد في المديل وحق بر وديره انتبه تاخذ vx-r تحت 96 :no2:
شكرا




(اخوك الذيب الاول)
بن عدوان
11/03/2007, 10:51 PM
انا معي gxrj المعروف بـ ( جميل ) 2004 شاريه جديد .. وأقولك من واقع تجرب .. اذا انت حول الموديل 2004 .. فنعم المواتر .. ولكن ابعد ثم ابعد .. ثم ابعد عن الجي اكس ار جي ( جميل_ أو المطور ) تراه والله كله ملفق من شركة عبداللطيف جميل .. والله ثم والله .. اول ما فكيته من الوكاله وغسلته تعبت شمعاته الامامية للنور بالماء !!!!

والأضواء الخلفية للبريك والإشارة بعد أشهر .. راح لونها .. فالأحمر صار كأنه ابيض والله المستعان .

ثم ربلة الصدام الخلفية بلاستيك .. أول ما تلامس الرمل راح تقوس ..وتنتفخ كأنها خد وارم .. من رحاة تارسها السوس .

وكل هذه العيوب .. والصناعة التايوانية في هذه الاكسسوارات إلا إن السعر مختلف وانغلبنا فيه والله .. بزيادة أكثر من عشرة ألاف ريال عن الجي إكس ار العايدي الغير مطور .. اللي كل شي فيه شد بلد ..

عموما .. انصحك بالابتعاد عن هذا الطراز ..المطور ..سواء كان جديد أو مستعمل ..

والله معك ..

اخوك بن عدوان
T33
13/03/2007, 11:27 PM
يعطيك العافيه يا الذيب الاول

والله ودي لاكن القريشات ماش ...وشاكر على النصيحه

........

بن عدوان شاكر لك ولاني حوله وصدقت ابو جميل شغال في الاكسسوارات

يضحك على خلق الله
.............................
...طيب

بس ياليت من يقراء الموضوع يعطينا من خبرته ولا يبخل علينا

هل تنصح بموديلات التسعينات ولا ...لا ؟؟؟
ALOTAIBI
14/03/2007, 05:03 AM
تحيه طيبه
حبيبي انا معي 94 جي اكس اشتريته وكاله من عبد اللطيف وعانه ماشي معي وحبيب والا خليت عليه والا محل المملكة لفيتها عليه
وللمعلوميه ترا موديل 94 طلع فيه عيب مصنعي الا وهو الكاربوريتر تعبان خذ كلامي
واثبات على ذلك قدام تقريبا 11 سنه كان الموتر اذا حفيت عليه بالنمر وبعدين وقفة عند اشاره او نقطة تفتيش تقول ديزل يدخن يطلع دخان اسود وهو واقف وديته الوكاله .
واثرالوكاله نزلة اعلان بتغييره مجانا لفتره محدوده وانتهت هذه الفنتره ولا غيرته لاني ماكنت ادري وعقبه غيرتها بنص القيمه
وبغيت النصيحه اخوي لا تاخذ الفي اكس ار جنوط عريضه ما ينفع في البر كذلك الكفر العريض يطلع صوت والسياره تمشي خاصة في الخط
خذ ابو كفرات نحيفه مثل موتري ولا تشاور لا يغرك رزة الفكس ار
وبعد ما تشتريه ركب جنوط شفه ( توبلس) جنوط نيسان مقاس 16j×7
والله موتر كان 94 والا 97 لا تدور موديل دور النضيف
وانتبه الموتر ماشي 5000 والا 500000 لا يغرك المشي سلك العداد يفصل

وتقبل تحياتي
.أبوعبدالرحمن
15/03/2007, 11:52 PM
أقول كلام من أخو لأخو .....
لا تشتري إلا الـــ Vx-r لأنه 8 سرندر
والنصيحة الثانية لا تشتري إلا موديل 2005 أو 2006
الشقردي 12
16/03/2007, 12:55 AM
يا أخوان الرجال يقول قريشاتي ما تطول الجديد وأنتم تقلون له خذ 2004 أو 2005 أو 2006 كم سعر الموديلات الجديدة
وصحيح إن vx-r أحسن من gx-r لأنه 8 سرندر و أرسى وأثبت وأقوى لكن نقول الله يرزقه بالطيب والرخيص ويرزقنا وجميع المسلمين