مشاهدة النسخة كاملة : مشكلة نقص الزيت
صاحب الكشتات
06/11/2017, 06:37 PM
السلام عليكم ورحمة الله وبركاته
ياشباب بارك الله فيكم عندي فتك ينقص زيت الماكينة 400 كيلو علبة ونصف والزيت يقلب لونه اسود ودخان اسود كثيف مع الدعس فقط ولا يوجد تهريبات وغيرت فلتر التبخير ولا فاد رغم ان الفلتر السابق عطلان
افيدوني الله يجزاكم خير
صاحب الكشتات
07/11/2017, 10:39 PM
لا حول ولا قوة الا بالله
ما فيه أحد قدر يفيدنا
عليكم السلام ورحمة الله وبركاته
مالي ذيك الخبرة بالفتك لاكن حسب كلام أخونا أبو سند تعاير زيته الصباح يكون واقف فتره طويلة وإلا مايعطيك العيار الصحيح نهائي
وش نوع الزيت وعياره المستخدم حاليآ؟
جرب زيت نوع أخر مثل سوبر شل إذا كنت تستخدم عيار ثقيل
الدخان الأسود هو السبب في سواد الزيت غير البواجي+فلتر الهوا+تنظيف حساس الهوا والثروتل.
ملاحظة:
إذا مركب عليه هدرز راح ينقص الزيت
صاحب الكشتات
08/11/2017, 10:52 PM
الزيت المستخدم بترومين 20w50 وتم تغيره بتوتال سوبر جيتي ونفس المشكلة تم تغيير البواجي وتنظيف فلتر الهواء والحساس والثروتل
والموتر شد بلد ما عليه هدرز ولا فلتر
إستخدم لتجربة فقط شل سوبر الاصلي20/50 والكمية على كلام أبو سند6،5لتر بدون فلتر و6،8مع فلتر
وشيك على جلد البلوف الصباح أول ماتشغل الموتر شف الشكمان يطلع دخان أبيض ثواني ويختفي وتقدر تقيس ضغط الشنبر بساعة القياس
ونسيت أقولك البارح نظف حساس الشكمان ضروري هذي رابع محاولة أكتب الرد بسبب خلل له فترة بالموقع والشغله مصخت
ابوسند9
14/12/2017, 10:11 PM
ممكن تصور لنا العيار بعد ممشى 400 كيلو
والفتك لازم تعايره بعد اقل شي 4 ساعات
قنياوي
31/12/2017, 10:01 PM
السلام عليكم ورحمة الله وبركاته
كان عندي مشكلة نقص الزيت في الجيب تويوتا جي اكس آر 2003 ورحت للورشة وقال يحتاج تغيير جلد بلوف وفعلا غيرتهن عنده من قريب ويبدو إن شاء الله ان المشكلة انحلت .
Powered by vBulletin® Version 4.2.3 Copyright © 2024 vBulletin Solutions, Inc. All rights reserved, TranZ by Almuhajir