اريد حل لتعليق اليوكون على الرمل

[طلحة]

السلام عليكم
أيها الإخوة لدي المشكلة التالية وأرجو منكم مساعدتي على حلها:
لدي يوكون 2001 ، مشكلته أنه واطي شوي يعني يتعلق على الرمل على طول وعاد ما ينفع معه الدبل ولا الدف ولا الحفر ولا غيره ولدي هنا سؤالان:
1- ما هي أفضل طريقة لرفع الموتر بحيث أتخلص من هذه المشكلة وفي نفس الوقت لا يؤثر كثيرا على مظهر السيارة مع ملاحظة العمر الافتراضي لهذه الطريقة وتكلفتها وموثوقيتها؟
2- إذا تعلقت السيارة وصار الدفرنسين في الرمل والكفرات تدور في الهواء، فهل هناك طريقة لاخراجها غير السحب من سيارة أخرى؟

[jssa]

السلام عليكم
بالنسبة للغراز يمكنك استخدام عفريتة البالون اللي تنغخ بالشكمان واحرص انك تاخد الكبيرة المخصصة لسيارات الدفع الرباعي في الرياض تجدها في الغرابي عند العليان وغيره

[بواسامه]

السلام عليكم
بالنسبة للغراز يمكنك استخدام عفريتة البالون اللي تنغخ بالشكمان واحرص انك تاخد الكبيرة المخصصة لسيارات الدفع الرباعي في الرياض تجدها في الغرابي عند العليان وغيره

صدقك اخوي هذا انسب حل للاعتماد على النفس
ولا السحب مامثله بس اذا لقيته من يسحبك
دائما في البر خذ احتياطاتك كامله لانك الاصل لوحدك لوك في الثمامه:D

[الرسن]

عندك بالون الهدروليك هذا انسب حل متاح لكنه شوي مكلف.
اليوكن مشكلته التعليق اذا تعلق اقعد جنبه وخذ لك كم صوره
مشكلة اليوكن في ثقله.
معالسلامة

[طلحة]

أخوي Jass فكرة روعة وسبق وفكرت بهذا الحل لكن للأسف لم أجد لي مقاسه يركب على شكمان اليوكون كل مقاسات الليات صغيرة حتى مع البالونات الكبيرة، فهل من حل لصغر المقاس؟
اخوي بواسامة نصيحتك واضح أنها من شخص خبير ومحترف بالبر ومشاكله وان شاء الله لن تفارق هذه النصيحة ذهني، جزاك الله خيرا.
أخي الرسن باليت توضيح أكثر عن بالون الهيدروليك ما هي مزاياها وعيوبها؟ وكم تكلف؟ وهل لها تأثير على السيارة من حيث السرعة والرساوة والراحة والأمان والمنظر وغيرها؟ ووين أحصلها؟ وهل جربتها؟ وهل تنصح فيها؟ ومشكور.

[jssa]

اخوي طلحة للتصحيح انا لدي يوكون 2002 وشاريلة عفريتة المنفاخ المقاس الكبير وتركب على الشكمان بس لما يزيد الضغط تفلت ما لك الا تمسكها وتخليك دافها على الشكمان لين ترتفع. العفريتة شريتها من العليان بطريق خريص واكيد بتلقاها في الغرابي بالرياض

[هاوي الله]

إرفع اليوكن بالعفريته العاديه وإدفن رمل تحت الكفرات وإفرش الهوى على 10 وإمش ولا يردك شي

[طلحة]

أخوي jssa مشكور على التوضيح وان شاء الله اليوم انا عند العليان على طريق خريص واباخذ اكبر حجم
اخوي هاوي هدد مشكور على هذا الحل لكن أعتقد ان الطريقة هذي تنفع بالغراز وليس بالتعليقة وبعدين ما تشوف انها متعبة شوي يعني لازم تنزل العفش ثم تطلع العفريته ثم تحفر تحت الموتر ثم تحط العفريتة على خشبة ثم ترفع ثم تدفن تحت الكفر ثم تنزل العفريتة ثم تكرر هالشغلة على كل كفر من الكفرات الأربع ثم ترجع العفريتة ثم ترجع العفش.

[الرهدن]

وعليكم السلام ورحمة الله وبركاته00
ياجماعة الخير 00
لاتقربون هذي البالونة سواء عند العليان أو عند غيره ولاتنصحون أحد بها لأنها بالكاد ترفع الهايلوكس وسوت فيني مقلب على البحر لأني وضعتها في الشكمان ونفخت والله لم تحرك ساكن بل إنقطع اللي ومعي GXR

البالونة الحقيقية والعملية عند الرماية بشارع التخصصي ( 4 طن )
صحيح غالية لكن ترفع أي دفع رباعي وبسهولة بإذن الله من شركة
ARB الإسترالية


وبالنسبة للي عندهم الشكمان مشطوف بالإمكان وضع توصيلة بلحام عند محل الشكمانات وتصير الفتحة دائرية تمامآ ليسهل إستعمال البالونة مستقبلآ لاقدر الله00
.

[المموه]

اولا ـ القياده في الرمال تحتاج الى دقه واختيار صحيح للطريق الذي تسلكه .
ثانيا ـ ترييح الكفرات الى 15
ثالثا ـ اذا كانت السياره طامنه غير الجنوط والكفرات الى كفرات رمليه وارفعها وهذا ماعملته غيرت الجنوط الى 16 والكفرات دنلوب رملي فأرتفعت السياره وارتحت من التعلق .

[ربيع الشتاء]

البالونة الحقيقية والعملية عند الرماية بشارع التخصصي ( 4 طن )
صحيح غالية لكن ترفع أي دفع رباعي وبسهولة بإذن الله من شركة
ARB الإسترالية

.

ممكن تعطينا سعرها الله لابهينك؟؟

[طلحة]

جزاك لله خير اخوي الرهدن
لكنك تأخرت علي شوي لأني رحت اليوم للعليان على طريق خريص وشريت بالون 4 طن ومهيب رخيصة (220 ريال) وهي الحجم الوسط والوحيد اللي عندهم
كم سعر اللي عند الرماية؟ اذا كانت حول هذي فأنا سارجع بالونة العليان وباشتري بالونة الرماية.

[راعي جمس 450]

خذ معك كريييك الله لا يهينك

[طلحة]

صحيح أخوي راعي جمس الكريك مهم في مثل هذه الحالات بارك الله فيك
اليوم رحت للرماية وسألت عن البالون الاسترالي ووجدت أسعارهم خيالية لقيت الحجم الكبير 1150 ريال والوسط (4 طن) بـ 790 ريال. الله يخلي لنا التايواني شاريه أمس (4 طن) بـ 220 ريال فقط وكنت مستغليه بس يوم شفت أسعار الرماية عرفت اني بخير.

[أبن مصاول]

اليوكون ومن تجربه شخصيه أقوى من الاندكروزر بس لا تجيبون لي يوكون أستعمال أمريكي وتقارنونه مع السيارات الأخرى لنه ما يجي من امريكا إلا وأنتم بكرامه...........

أستخدمت الاند كثيرا ولكنه ثقيل وأستخدمت اليوكون وأشهد بالله انه سياره ولكن الفرق هو الشكل فالاند أوجه واجمل هذا اكيد....

ولكن انا معي لاند كروزر وانا اللي فاكه وبعته ما مشى إلا 78000 كيلو ولكن بعد تجربتي لليوكن شفت الفرق لأن الاند لازم تنسم كفاراته للعشرين رطل علشان تطلع به نفد صح.....

أما اليوكون 2006 فأشهد بالله أنه موتر يالربع يطلع النفود بدون تنسيم زي السلام عليكم حتى لو كانت نفود الربع الخالي وقد جربته في نفد غزيره في الأحساء كنت امر عليها بالاند وقد تفوق بمراحل عنه...

أنا أنصح باليوكون 2006 مع أنه ليس معي اآن لأني بعته ولكن أشهد أنه السياره اللي ما خذلتني ........

فخامه من الداخل وتكييف رهيب قوه ومتانه والأرتفاع هو والاند واحد خاصة الـــvxr بس الحاجه اللي قهرتني في البوكووووووووووووون ان مافيه ثلاجه ولا كل شئ فيه من داخل أحسن من الأند كروزر بكثير حتى الهواء إذا نقص في الكفارات عطاك تنبيه..<<<<هذي أهم شي عند أبن مصاول

تحياتي للجميع

[هاوي سلق]

هلا فيك اخوي طلحة وبالاخوان جميع
بالنسبة لرفع اليوكن واللي ماجاوبك احد عليه
تروح لاقرب ورشة لرفع السيارات وراح تلقى تحت السيارة بالنصف مسماريين نازليين شوي تحت خل راعي الورشة يرفعهم لك لكن مايرفعهم الى اقصاهم مرة وبتشوف السيارة ارتفعت عن قبل
وانا مجربها عندي في اليوكن 2005
وبالنسبة للتغريز نسم الهواء الى 25 افضل وخذ معك عدة التغريز اللي يحتلجها اي واحد وهي
1- منفاخ الهوا
2- الكيج
3- والكرييك
4- والقنص

[طلحة]

أخوي هاوي سلق
السلام عليكم
أشكرك كثيرا على فكرتك بخصوص المسمارين والتي أول مرة أدري عنها لكن ما بينت وين مكانها بالضبط وما هي الورشة التي تنصح بها لهذه العملية في الرياض وهل لها تأثير على السيارة يعني ليش ما ربطوا هالمسمارين من بلدها؟
ما هي الكيج؟

[هاوي سلق]

هلا فيك اخوي طلحة
مهمة المسمارين ترفيع وتنزيل السيارة وهم بنصف السيارة تحت واحد يمين والثاني يسار قريبيين من بعض
والكيج هو مقياس الهوا للسيارة اذا ماكان عندك بالسيارة
والوورش اي ورشة تعرف للشغلة هاذي وهي شغله بسيطة ماتاخذ خمس دقايق

[طلحة]

بارك الله فيك أخوي هاوي سلق

[مرقاب]

اضم صوتي الى ابن مصاول اليوكن ياجماعه لو مايجي الا سعره بنصف الvxr جدير بالاختيار والشراء اضف الى ذلك مميزاته وقطعه المتوفره بشركات ومصادر عديده طبعا اقصد موديلات 2006 وقبل وسلامتكم.