المساعد الشخصي الرقمي

مشاهدة النسخة كاملة : استشـــــارة .


مغامر
02/02/2007, 03:17 PM
يامراحب بالذيابة ..

الموضوع ومافيه يا أحلى شباب أني جازم أشري موتر ومحتار مدري وش آخذ ..

كل موتر وبه عذروب فلذلك حبيت اسمع شوركم من واقع التجربة ..

اللي بالبال اشريه جيب جي أكس (( هدد )) قير عادي .. بس كان معي جكس آر تومتيك والصراحة ثقيل مرة ..
ويقولون أن الجي اكس والقير العادي يفرررررق ! صحيح هالكلام ؟

والشي الثاني أنه كبير وبقيمته أقدر اشري جيب ربع مع موتر صغير !

فاللي أبيه منكم يالنشاما تعطونن مميزات الهدد عن غيره مع ذكر عيوبه .. وهل يستاهل من يشريه . ؟

وأيهم أزين أشري هدد ولا موترين بقيمته (( للبر والديرة )) ! ؟


أتمنى أن يكون الموضوع حافل بالردود الثرية .. (( وماخاب من استشار )) .

لكم مني خالص الدعاء .:)
مشعل_1001
02/02/2007, 04:35 PM
هلا اخوي مغامر انا ولله ماعرف وش الهدد بس الي اعرفه ان الجيب الاندكروزر الجي اكس ار الأوتماتيك ثقيل لأن الدبل فيه مشبوك عكس القير عادي واذا تبي نصيحة اخوك اخذ قريشاتك وروح للبريمي وخذلك قير عادي بدون مواصفات جي اكس يسمونه الله يكرمك سلوقي حتي مكيف صحراوي :D ترا امزح فيه مكيف المهم يبي يطلع عليك مع الجمرك 100 الف ريال سعودي موديل 2007 وتعال متر الريضان عليه :bounce::row: :redcar: وترك الربع عنك


اخوك مشعل العتيبي
بدوي جنوبي
02/02/2007, 09:48 PM
يا ناس احط ذاك المبلغ وفي سياره مثل الجيب واخذ 6 سلندر انا اشوف 8 سلندر افضل واقوي

وخذ موتر في البران والخط كمان ..

البنزيم رخص الحين وما عندك اي مشكل هذي وجهة نظري اذا بتاخذ لاند كروزر


بالتوفيق للجميع
مغامر
03/02/2007, 03:11 PM
مشعل_1001 .. ياهلا فيك الهدد هو الجيب الجي أكس خلفية لكزس يجي وارد اليحيى والبريمي .. هااااااه خابر :D

بدوي جنوبي .. نعم الرأي بس الله يرزقنا بوحيدن نظيف .. قل آمين :)

ويييييييييييييييييين الشباب نبي شوركم لاهان الجميع .
هاوي الله
03/02/2007, 03:56 PM
إسأل مجرب ولاتسأل طبيب

كان معي Gxr 2003 بريمي قير عادي وألحين معي Gx ( هدد وارد اليحيى ) وفرررررررررررررررررررررررررق

شااااااااااااااااااااااااسع بين العزم وخُف الموتر مشاءالله على الــ Gx الهدد.

مع العلم إن الــ Gx كان أثقل باالوزن من الــ Gxr . ولكن العزم يخلي الموتر خفييييييف .

أهم الشي الدفلوك والونش لازم تصير موجوده .
مغامر
13/02/2007, 12:07 PM
هاوي هدد / بعدي والله يحقلك تهوى الهدد دام القلب تولع بالمكاشيت .. الله يطعمك من خيره ويكفيك شره .

لكن ياعزيزي الونش اللي اخبر انه يثقل على الموتر ويطيح الوجه وكثيرين اللي تضايقوا منه .. صحيح هالكيلام ؟

شكر ليكـ .
Mr.Patrol
13/02/2007, 12:13 PM
اخوي (مغامر)

من كلامك واضح انك ماودك تصرف المبلغ كله على موتر واحد لذي انصحك ياتخذلك جيب ربع(باترول) ولا هايلوكس دفرنسين طبع 2005

والله اعلم
ولد عنيزة
13/02/2007, 12:39 PM
الخير ياشباب
يابيي خذ هدد بدون ماتسأل موتر بر وديره وماعندك ازين من شكله ومع واحد من العيال يقنص به وكلش جاه مافال اي
وعلى قولك ربع الربع 2007 ب115 الف املط بدون درايش كهرب يعني هندل
والشاصي ب127الف بدون ونش ودفلك وب137الفبه ونش ودفلك
وترى الربع 2006 وصل الحين100 الف مستعمل
هاوي الله
13/02/2007, 02:14 PM
هاوي هدد / بعدي والله يحقلك تهوى الهدد دام القلب تولع بالمكاشيت .. الله يطعمك من خيره ويكفيك شره .

لكن ياعزيزي الونش اللي اخبر انه يثقل على الموتر ويطيح الوجه وكثيرين اللي تضايقوا منه .. صحيح هالكيلام ؟

شكر ليكـ .
حياك الله يامغامر وجزاك الله خير .

بالنسبه للسؤال . الكلام هذا غير صحيح مايثقل على الموتر كثير ولا له شغل بطيحة الوجه وترى إستعماله قليل جداً لكنه ينفع بعد الله في ظروف صعبه .

وإذا استغنيت عن الونش لا تستغني عن الدفلوك ترى الدفلوك مهم جداً .
بوراشد
13/02/2007, 02:52 PM
السلام عليكم ورحمة الله وبركاته

أخي العزيز من ما فهمته أنك تبي موتر لك وللعايلة إذا ماني غلطان فيا أخي الله يرحم والديك روح شوف اليوكن بعينك وجربه وأنشد ربعك اللي حولك عنه ولا قصور فالجماعة بالمنتدى لكن عشان تضبط معك الفكرة والنظرة

أما إن كنت غير متزوج لا والله عينك لا تطيح عن الباثفايندر

(عدم ترشيحي للاند كروزر سببه أنني لا أعرف تفاصيل عنه وبيني وبينكم كنت مطلعة من غراز على البافايندر) :d
مغامر
14/02/2007, 01:24 PM
Mr.Patrol .. هلابك أخوي انا ماعندي مشكلة ادفع كامل المبلغ لموتر واحد .. إذا كان يستاهل !

دواس الضلما .. ويلومونن بالهدد اي والله انك صادق سعره جدا معقول مقارنة بغيره .

جاري البحث :)
ولد عنيزة
14/02/2007, 04:33 PM
اي والله يابيي
نصيحه غير الهدد لادور
هاوي الله
14/02/2007, 06:15 PM
الهدد عن تجربه = علي الحرام إنه يستاهل قيمته

ملاحظه مهمه جداً :

إذا عزمت على شراء الهدد . لا تاخذ الهدد اللي فيه محول حفز ذو الطرق الثلاث .

الهدد اللي بدون محول حفز هو الأفضل من ناحية العزم .

محول الحفز عباره عن كنداسه صغيره تجي مشبوكه في ماصورة الشكمان من تحت .

وظيفة محول الحفز ذو الطُرق الثلاث = تقليل المواد المنبعثه من الشكمان حفاظاً على البيئه . وهو يقلل من عزم الموتر ( يكتم المُحرك ) .
موجود في الفكسار والجكسار ويمكن يتواجد في بعض أنواع
الـ GX ( الهدد ) وبالأخص البريمي يمكن يكون موجود فيه محول الحفز .
مغامر
19/02/2007, 01:58 PM
شكراً للجميع على المشاركة
بدوي جنوبي
19/02/2007, 10:05 PM
يا شباب ترا الجيوب اسمها truck تعني شاحنه وموجوده عند باب السائق في اللوحه المعدنيه

يعني بالعربي سياره ثقيله صح ان العزم يخفف من السياره بس مو للدرجه اللي يبحث عنها السائق

تحياتي
مغامر
02/03/2007, 03:20 PM
بدوي جنوبي (http://www.mekshat.com/vb/member.php?u=32037)

هلابك يالغالي ؛ ووجهت نظر تشكر عليه ..


00 00 00 00 00 00 00 00 00 00 00

(( اللي خابرن هدد للبيع لايبخل علينا ))
q.8
05/03/2007, 03:06 PM
اخواني الفرق بين الهدد والجي اكس ار ان الجي اكس ار دبل مشبوك اما الجي اكس يكون دفع خلفي ,,

وشكرا ,,
Barq al7'eel
09/03/2007, 10:35 PM
الاخ الفاضل مغامر
اقترح انك تحط بالاختيار السفاري 1 عايدي او sgl تراه يطربك بالعزم اذا قصدك موتر بقومه صح ؟!؟!؟

تحياتي
الدحبول
10/03/2007, 03:07 PM
كلام فاضي مكية الهدد GX نفس مكينة GXR والقير والدفرنش
بس الفراق الاكماليات مثل جنوط صدام الخلفي والامامي كفرات خطوط
بين وبينك ال GXR ارغب من GX عندنا في السعودية


هاوي الهدد
كان معي Gxr 2003 بريمي قير عادي وألحين معي Gx ( هدد وارد اليحيى ) وفرررررررررررررررررررررررررق

شااااااااااااااااااااااااسع بين العزم وخُف الموتر مشاءالله على الــ Gx الهدد.

مع العلم إن الــ Gx كان أثقل باالوزن من الــ Gxr . ولكن العزم يخلي الموتر خفييييييف .

لان الGXR موديله 2003 معروف وجنوطه GXR ثقيلة
هاوي الله
17/03/2007, 06:23 PM
كلام فاضي مكية الهدد GX نفس مكينة GXR والقير والدفرنش
بس الفراق الاكماليات مثل جنوط صدام الخلفي والامامي كفرات خطوط
بين وبينك ال GXR ارغب من GX عندنا في السعودية


هاوي الهدد
كان معي Gxr 2003 بريمي قير عادي وألحين معي Gx ( هدد وارد اليحيى ) وفرررررررررررررررررررررررررق

شااااااااااااااااااااااااسع بين العزم وخُف الموتر مشاءالله على الــ Gx الهدد.

مع العلم إن الــ Gx كان أثقل باالوزن من الــ Gxr . ولكن العزم يخلي الموتر خفييييييف .

لان الGXR موديله 2003 معروف وجنوطه GXR ثقيلة

كيف حالك يالدحبول عساك بخير

أجل كلامي فاضي !؟

الكلام الفاضي = هو اللي يقول إن دفرنش الـ GXR نفس دفرنش الـ GX

أنا مركب نفس الجنوط على الـ GXR و الـ GX ونفس الكفرات وزياده على ذلك إن الــ GX استبنتين + ديفلوك

والـ GXR استينه واحده ( خلفية لكزس ) وبدون ديفلوك

هاااااااااه يالدحبول من الأثقل ؟؟؟

النتيجه = عزم الـ GX أفضل بكثييير من عزم الـ GXR

عرفت الحين منهو اللي كلامه فاضي ؟

الله يستر عليك ,,
راعي ساموده
17/03/2007, 08:01 PM
خذ هدد وانت مغمض وبسررررررررررررررررعه

أهم شي دفلوك وونش واستبنتين ( عشان تحط تانكي ماء تحت ) طع شور مجرب ولاراح تندم وتبي تدعيلنا
ويفضل اللون الذهبي ( اليحي ) ممتاز واسعاره جدا معقوله مقارنه بالمعارض الثانيه
راعي ساموده
17/03/2007, 08:04 PM
لحظه لحظه

بالنسبه لكلام بعض الاخوان عن ان الهدد نفس الجي اكس ار هذا غلط
الهدد يفرق بتروس الدفرنس والكارونه وياليت تأكدون من خبراء الجيوب وكيف يفرق استخدامهم بين الجي اكي ار والهدد مع انها نفس الماكينه
راعي ساموده
17/03/2007, 08:08 PM
لحظه لحظه ( هههههههههه )

ملاحظه مهمه كلمة الجيوب تعني ( جي , جي اكس , في اكس ار , ربع , شاص ) فقط ..........................
لاعمري اسمع واحد معه سياره غير هذولي ويقول معي جيب ؟؟؟؟
Mr.Patrol
18/03/2007, 08:53 AM
اخي (راعي ساموده)

فى (جيب) اسمه باترول :good:
وهذا (الجيب) نيسان :good:
و(جيب)النيسان معروف عنه قوي وخفيف فى البر :good:
و(جيب) النيسان مواصفاته كثيره وسعره معقول :good:
و(جيب) النيسان يوصلك لاي محل تبي فى البر :good:
و(جيب) النيسان لقبه فى المنطقه صقر الصحراء:good:
اقصد فى كلامي ان كلمة (جيب):no2: ليست حصريه للتويوتا.
img]http://www.mekshat.com/pix/upload/sign/images/mk37627.gif[/img]