قنبله.......قنبله......قنبله...... مفاجئه البنزين الجديد [الأرشيف]

طائر الباز

30/01/2007, 01:38 PM

يا جماعه الخير بقولكم قصتي مع البنزين الجديد :) :) :)

في التسعيره النيزين القديمه 60 هلله كنت اعبي "فل" التانكين الي في سيارتي ( باترول 98) و يمشيني 600 ال 620 كيلو

وعندما نزل البنزين الجديد , جربت فئه 91 و حبيت اعرف الفرق في المسافه التي سوف اقطعها عند تعبئه "الفل" . علشان طلعات البر الطويله و الخوفه من القطعه

و المفاجئه هي ان البتنزين الجديد 91 مشاني 750 كيلو اي بزياده 25% عن البنزين القديم من ناحيه المسافه طبعآ.

قلت يمكن اني غلطان و سويت التجربه 3 مرات و النتيجه نفسها 750 كيلو.

( فهل اذا عبيت من فئه 95 بيمشيني مسافه 937 اي زياده 25% كما حدث مع فئه 91............ المساله تستحق البحث و التجربه )

وهذي بشري لأهل الباثفيندر الي يعنون من صغر خزان الوقود.

بشكل عام, الزياده التي حدثت معي في عدد الكيلوات لا يمكن تجاهلها لانها زياده كبيره 25% اي 150 كيلو.

هل احد منكم مرت عليه نفس التجربه او عنده معلومات ادق عن صرفيه البنزين الجديد

نقا هشال

30/01/2007, 01:42 PM

هلابك ياغالي

يعطيك الف عافيه

نعم لقد لاحظت ذلك

بنزين 91 اقل صرفيه من 95

مـــسكـــات

30/01/2007, 01:46 PM

تجربة حلوة ،،

وأنا ثبت معي العكس ,,

حيث ان 91 مشاني 350 ...
و95 تقريبا 370 ....

مافيه فرق يذكر ,,

لكن الي بقوله ان الدعسه كانت مختلفه ...

ممشاي على 95 : من 150 الى 160

وعلى 91 : من 130 الى 140

السياره هايلكس غماره .........

عذبني تانكيها ,, صغيييييييييييييير ...

والله يعز عبد الله ..

طارق الحربي

30/01/2007, 02:26 PM

اهم شي ان البنزين هذا نكبنا وبس :)

قالوا عب بنزين 91 للفكس ار

والحين غيروا

عبودكم

30/01/2007, 02:36 PM

وأنا كذلك لاحظت أن 91 أقل صرفية من 95

كيف النشاما

30/01/2007, 02:43 PM

انا ايضا صار معي العكس
منول يمشي 420
والحين 370

البركة

30/01/2007, 02:53 PM

اللي اعرفه ان البنزين الجديد يمشي اقل من السابق بحوالي 10%

المميـز

30/01/2007, 02:57 PM

والله مافيه فرق يذكر بين الجديد والقديم

يمكن انا مالاحظت

طبيب بيطري

30/01/2007, 03:01 PM

لايوجد فارق يذكر

شكرا لكم

المشراق

30/01/2007, 03:09 PM

من رأيي المتواضع نثبت على بنزيننا القديم حتى يثبت الرمي ونعرف مميزات كل واحد وأنا سأل شركة الجميح لأن سيارتي من عندهم وتحت الضمان وما أعطوني كلمة وقالو اصبرشوي 0
ملاحظة أنتبهوا لبنزين 95 ترى المحطات يغشون ويخلطونه بي 91 والسعر 60 هلله , هذا ما احببت الإشارة إليه 0

راعي المستوي

30/01/2007, 03:10 PM

مرحبا بالجميع
فعلا اخوي البنزين 91 اعطاني مسافة اطول مثل ما ذكرت انت تقريبا وسيارتي باترول 2005
وكذلك اخي معه لاندكروزر 1997 واعطاه مسافة اكثر من بنزين 95
عموما توضيح للأخوة : البنزين 95 هو نفسة اللي كنا نعبي منه الأحمر ... والبنزين 91 الاخضر هو الجديد

بارود برنو

30/01/2007, 04:05 PM

ذكرت هذا قبل فتره
وهو ان البنزين 91 اقل صرقيه من 95
التجربه
كانت بموتر 97 هايلكس كربريتر ماهو بخاخ
120 كيلو رايح جاي
كانت الصرفيه 7 ريال
لاكن البنزين القديم 95 صرفيته 10 ريال والتجربه اكثر من 3 مرات ونفس النتيجه
بدون اي كلام البنزين 91 فوق انه رخيص بعد مايسرف
وحمد الله ان الهايلكسات من مديل 96 الى 2007 بنزين 91

طارق الحربي

30/01/2007, 05:59 PM

اذا تبي تعبون عبوا من محطات نفط والدريس فقط

معورفه ومضونه

abo lafi

30/01/2007, 07:12 PM

السلام عليكم

بالنسبه لي لم الاحظ اي فرق يذكر

تــــوني

31/01/2007, 01:19 AM

والله انا عندي كابرس 2004 والله يا جماعه اني نسيت متى آخر مرة عبيته من بنزين 91
وإلى اليوم فوق النص ... ابيه يصرف وعجزت !!!
بس في الهايلوكس2006 مافرق معي كثير ... بس عزمه زان شوي

يا زينه ماينفع يصير قهوه عشان ما تخلص ؟؟

عاشق البران99

31/01/2007, 01:27 AM

نعم صحيح أخي العزيز ،،،

صرفية البنزين الجديد أقل من صرفية القديم وذلك لبعض السيارات وهي السيارات التي يناسبها الجديد ،،،

من واقع تجربة ،،،

حيث لدي سيارتين ( كابرس - وجمس حوض ) يوم صرت اعبي من البنزين الجديد صار يمشيني حوالي 60 كلم زيادة والحمد لله والعزم ماتغير أبد ولاتقطيع ولاكربون ولله الحمد ،،،

عرش السفاري

31/01/2007, 05:39 AM

بالنسبة للباترول قلت الكيلوات عن القديم

من التجربة الاولى..........والثانية...........

ودمــــــــــــــــــتم

فهد325

31/01/2007, 08:29 AM

السلام عليكم ورحمة الله وبركاته
حي الله كلن باسمه
السيارة: هايلكس 2004
حربت بنزين 91 وَ 95
النتيجة: نفس الممشى لا تغيير

ذيب صعفيق

31/01/2007, 08:51 AM

البنزين واحد ولكن يختلف بكمية المادة المضافه-وهي غالية - وكلما زاد الرقم زادة الكمية

ابوشجاع

31/01/2007, 09:18 AM

اوافق على من يقول ان 91 اوفر في الصرفيه

انا لاحظت ذلك ايضا

altheeeb79

31/01/2007, 09:28 AM

بسم الله الرحمن الرحيم

أخي عاشق البران99 ماهو موديل الجمس الحوض اللي عندك وكذلك الكابريس لان عندي جمس حوض وبيوك وأبغى أشوف يناسبه البنزين الجديد الاخضر أوكتين 91 (45هلله) 00والا مايناسب0

ومن واقع تجربه ياأخوان أنا عندي بيوك رود ماستر 92 عبيت من الجديد(الاخضر) أوكتين91 ومليت التانكي ومشاني تقريبا 512كيلو مع العلم أن استخدامي للسياره داخل الرياض فقط وأطول خط سريع أمسكه من كبري الفحص الى طريق الملك فهد (الدائري الشمالى)00 لكن كنت أحس أن السياره لها لقلقه بسيطه جدا وضعف بعزم السياره شوي00

ومن ثم رجعت الى البنزين القديم أوكتين95 وعبيت التانكي ومشاني تقريبا 475 كيلو0000

بصراحه شكيت وقلت معقوله أن البنزين الرخيص(الاخضر أوكتين91) يمشي مسافه أطول من البنزين الغالي(الاحمر أوكتين95)00 وقلت لنفسي أبجرب مره ثانيه 0وعبيت من القديم (الاحمر)أوكتين 95 (60)هلله 000 هذا الكلام قبل كم يوم وبانتظار النتيجه000

العنابي 616

31/01/2007, 11:42 AM

اولا السلام عليكم

ثانيا فعلا البنزين الجديد اوفر وارخص لكن اذا كانت السيارة مصممة على البنزين 95

وعبيتها من البنزين الجديد راح يقل العزم وهذا الكلام من تجربة ومعرفة

ابو شلش

31/01/2007, 12:44 PM

السلام عليكم

يا اخواني اللي يبي يقارن لا يقارن عن سعة التانكي

اللي يبي قارن يعبي مثلا 40 ريال

من 91 او 95 ويشوف الفرق

الضاري

31/01/2007, 12:49 PM

الله يستررررر

أول ما شقت موضوعك ... قنبله .. قنبله

البنزين الجديد

قلت فيه أنفجار

لكن الله ستر وجت الامور سليمه

أما بخصوص البنزين الجديد لم الاحظ فرق واضح بالمسافه

علما بأني اعبي سيارتي نوع91

mhamadcom

31/01/2007, 01:02 PM

يا جماعة خلوها
بنزين ( 91 ) مروح
ولا ينفع ولا بريال
أنواع التفتتفه وأمور ماالله بها عليم

برق شقراء

31/01/2007, 01:48 PM

مشكور أخوي على هالموضوع...
بالنسبة لكلامك ، أرامكو تقول أن ما فيه فرق بين البنزينين في الصرفية إذا كانت مثالاً 91 وعبيت 95 فلن تجد أي فرق، بس أنا أقول يمكن أنت وأنت تسوق كان الهواء معك فتقل الصرفية أما إذا كان الهواء ضدك فمعروف إن الصرفية تبي تلاحظ بشكل ملحوظ...
هذا اللي عندي وجزاك الله خير على الموضوع.
أخوك / برق شقراء...

عاشق البران99

31/01/2007, 05:46 PM

أخوي الذيب ،،،

موديل الكابرس 93 والجمس 2000 ،،،

وكان تبي نصيحتي لاتتعدى الاخظر وبالله التوفيق ،،،

مكيشيت

04/02/2007, 03:04 AM

بسم الله الرحمن الرحيم

انا يا اخوان لاحظت فرق كبير جدا

سيارتي ماكسيما 98 يناسبها اوكتين 91

صراحة صرفيته اقل بكثير من 95

ولاحظت ذلك عند سفري من القصيم الى الرياض حيث وصلت والبنزين فوق النصف وبعد عدة مشاوير داخل المدينة وصلت المسافة الاجمالية ( خط وداخل المدينة ) حوالي 600 كلم الا قليل

ولد شقرا

04/02/2007, 06:19 AM

والله انا اشهد للبنزين ال 91 انه قليل الصرفيه حتى لاحظت عليه لان معي باث فايندر وهبل بي بالصرف ويم استخدمته حسيت بالفرق
لكن بعد ال 140 الى 160 على الخط تكون صرفيته اكثر من ال 95
وبالنسبه للمحطات مثل ماذكر اخوي طارق الحربي وانا مجرب غير الدريس ونفط لاتدور في البنزين مع التجربه....

الكونترولCONTROL

04/02/2007, 06:27 AM

اعتقد ان وقت القياس ليس الآن
=================
انتظروا الحر و الشمس و نرى - إن شاء الله - كم يمكث كل من النوعين في السيارة
==================
اما الآن انا الاحظ انهما مثل بعض 100 %

طلحة

04/02/2007, 07:38 AM

فعلا عندي يوكون 2001 واعبيه بنزين 91 ولاحظت توفير تقريبا 40-5 كيلو

مكحل الحنشان

04/02/2007, 09:20 AM

انا معي باث 2004 الصرفية صارت احسن يوم عبيت 91

التاكسي

04/02/2007, 11:31 AM

:D انا معاكم في ان صرفيه 91 اقل من 95 وجرتها في سياراتي

السفاري 97 بخاخ ولا احسن منه
الكامري 98 بخاخ وتاكسي ولها معي امكثر من 6 سنوات يعني فيها فر كثر ولا احسن منه يطول

وبانسبه للعزم في السيارتين تحسن بشكل كبير وصارت السيارات اخف

:no2: لا ولافيه صرفيه فلوس ولا خساير

ابوفهد5599

04/02/2007, 11:51 AM

روعتنا قنبله قنبله 0 الله يهديك0 المفروض تقول بشرى بشرى 0انا شخصيا اعبي 91 الفرق تقريبا 50 كم 0 :good: :good: :good:

اسير الغربة 1

04/02/2007, 12:01 PM

روعتنا قنبله قنبله 0 الله يهديك0 المفروض تقول بشرى بشرى 0انا شخصيا اعبي 91 الفرق تقريبا 50 كم 0 :good: :good: :good:

bandar2020

04/02/2007, 12:14 PM

انا معي كامري 2006 أربع سلندر واعبيها 91 وفرلي بالفل تقريبا 10 ريال

الأول كان 36 ريال فل وهالحين 26 ريال

والصرفيه أقل من 95 أنصحكم فيهههههه

بس ياشباب أنتبهو تراى في محطات تتلاعب بالعدادات

راعي الطلعات

04/02/2007, 12:23 PM

اما انا فـبنزين 91 مشاني بقرابة 350 او اكثر النوع هايلوكس اقتصادي صراحه بس لازم ان الموتر يستمر عليه

مخاوي السحاب

04/02/2007, 12:35 PM

بالنسبه لي جربته على السياره كامري 2006

ومالاحظت فرق في الصرفيه تقريبا زي بعض

ولكن احب اذكركم بشيئين

الشئ الاول االان الجو بارد والمكيفات مو شغاله وهذا يفرق في صرف البنزين

ثانيا : في الطرق السريعه تختلف صرفيه السياره بين كل مره ومره بسبب هل الهواء مع السياره والا ضدها

وهل يوجد هواء والا الرياح ساكنه وسرعه السياره

لانني اسافر اسبوعيا مع نفس الخط قبل بنزين 91 وفي كل مره يختلف معي الصرف حسب العوامل السابقه

ولكن بشكل عام هي متقاربه الصرفيه ولكن فيه توفير 10 ريال في التعبئه

هذه هي تجربتي وشكرا

وزززززززززز

05/02/2007, 01:07 AM

انا ما لاحظت فرق كبير بين الاتثين في الصرفيه

بس الكلام على ضرره

لأنه قال لي ميكانيكي في احدى الورش - وكان يشتغل عند عبد اللطيف جميل - ان البنزين الجديد خرب مواتر العالم

وتبي تتأكد من هالكلام تأكد من البواجي وشف وش تلاحظ عليها ؟

شـهـاب

05/02/2007, 01:44 AM

انا هايلوكس 2003

اعربي من 91 يمشي معي 460

والاول حوله

الكونترولCONTROL

05/02/2007, 06:21 AM

النايف

05/02/2007, 01:57 PM

بالنسبه لي:
انا معي جي اكس ار 2003 ولقيت الفرق بنفس ماقال طائر البازالواحد وتسعين مايصرف ويمشي اكثر لأنس انا أتعدى سرعة140
وشكراً لكم

((((((((((((((((((( النــــــــــــــــــــــــــــــــــــــــايـــــ ـــــــــــــــــــــــــــف ))))))))))))))))))))

ابوفريح

05/02/2007, 04:50 PM

يا جماعة خلوها
بنزين ( 91 ) مروح
ولا ينفع ولا بريال
أنواع التفتتفه وأمور ماالله بها عليم

:no2: تحذير من الزلل:no2:

اخي الكريم محمد كوم (وجميع الاعضاء)

ارجو ان تركز في ما تكتب وان الله يعلم مافي السماوات والارض ولايخفى عليه شيء

(رب كلمة تهوي بصاحبها في النار سبعين خريفا)

اخوكم الحريص عليكم ابو فريح

ebnjala

10/02/2007, 01:28 AM

نعم بنزين 91 اقل صرف من تجربة
البنزين المخلوط لونه اسود __________ يعني اخضر+احمر صار اسود
قبل يغشون بالقاز اللي هو الكيروسين ويصير البنزين احمر فاتح

حايرالقلم

10/02/2007, 01:38 AM

>>>>>>>يدعي ربه يقول متى نخلص من سالفه 91 و95
>>>>>>>>يتمنى قريب
اي محطه توقف عندها شوف مخك شيقول 91 والا 95 وعب وانتهى

m1m

10/02/2007, 02:11 PM

نصيحة مني كمجرب خطوط ومدن ..

أتكلم عن السفاري البخاج .. مجرب 91 ما يصرف .. على الخطوط .. وفي المدن أكثر صرفية من 95

لكن ذبح السيارة بالكربون والتفتفة عبيت السيارة قرابة 35 مرة أو أكثر من البنزين الـ 91 والسيارة ما خليت فيها شي ما صنفرته على شان يروح الكربون من الديلكو إلى البواجي إلى أسلاك البواجي ..

وقبل ذلك عندما ظهرت التفتفة كان الميكانيكيين يعتقدون الخلل من الطرمبة وتم تغييرها .. ثم تغيير الصفاية ..ولم يتغير شيء .. وبعد صنفرة الديلكو ( شاكوش وغطاء ) راحت .. ولا عقلت عبيت بـ 91 ورجعت التفتفة .. وصنفرتها مرة ثانية .. وقال الميكانيكي لا تعبي إلا 95

أنت عاشر سيارة تجي مليانة كربون ..