دبل اليوكن من يعرف له ؟

[فـــــلاح]

فيه اربع ازرار في اليوكن

الاول مكتوب عليه توماتيك 4

والثاني مكتوب عليه 2 وسهم على فوق

والثالث عليه رقم 4 وسهم فوق

والرابع والاخير عليه رقم 4 وسهم تحت



يا ليت اعرف وظيفة كل واحد منهم

وما هو المناسب وانا داخل البلد هل هو الاول والا الثاني

[ابو خطاب]

الاول مكتوب عليه توماتيك 4
4 تعني دفع بالعجلات الاربعة..هذا الخيار هو دفع رباعي يفصل ويشتغل حسب وضع الطريق وهو يستخدم للطرق الزلقة (ثلج او مطر). لاينصح باستخدامه بالرمال لانه يفصل ويشبك كل شوي حسب وطية الكفر..كانه على رمل متماسك فصل وكانه على رمل شبك.

والثاني مكتوب عليه 2 وسهم على فوق
2تعني دفع بعجلتين فقط...هذا دايم وعادي للخطوط وداخل المدن.

والثالث عليه رقم 4 وسهم فوق ...
دفع رباعي خفيف او سريع ...يستخدم قبل دخول الرمال والطين مادامت السيارة ماغرزت.

والرابع والاخير عليه رقم 4 وسهم تحت
دفع بالعجلات الاربع ثقيل او يسمى بطيء..يستخدم اذا غرزت السيارة وما تحركت من مكانهاسوء طين او رمل ..ملاحظة للحفاظ على عمر التروس والدبل فان الدبل الثقيل لايستخدم الا للخروج من الغراز او للسحب وينصح عدم تجاوز سرعة60 كلم /س وهو معشق.

[علي الشهري]

الغالي فلاح:
أخوي خطاب ما قصر كفى ووفى وبيض الله وجهك ووجهه.
بس فيه إضافة:
الدبل 4 الخفيف أو الثقيل ما تشبكه إلا والسيارة موقفة وفي وضع N
و4 تماتيك ممكن تشبكه والسيارة تمشي

[فـــــلاح]

الله يجزاكم خير

يعني افهم من كلامكم ان السيارة في الوضع الطبيعي وفي الطريق المزفلت احطها على رقم 2

تحياتي

[علي الشهري]

الله يجزاكم خير

يعني افهم من كلامكم ان السيارة في الوضع الطبيعي وفي الطريق المزفلت احطها على رقم 2

تحياتي

نعم ...... هذا هو العلم

[care911]

مع احترامي للاخوان الكاتلوج يقول انك تستطيع ان تحول من 2-4 سهم عالي وبالعكس لاي سرعة .
ولكن من 2-4 سهم نازل يجب ان توقف السيارة N فاضى وتحول من 2-4 وبالعكس.