المساعدات واليايات الصفرا<الاستراليه>

[الباهي]

انا عندي لاندكروزرموديل99 GxR وسمعت عنها وابي اشتريها لاكن ابي اللي عنده معلومات عنهايعلمني
ابي النصيحه تكفون قبل اشتريها


اخوكم
الباهي

[الخبير]

السلام عليكم
كل من سائلته عنها ذمها ، لذلك أنصحك بمساعدات جبريل.

[اسير الصمان]

نظام الاند زي الباثفاندر اقصد بالنسبة للمساعد الامامي حيث انه مساعده يكون على شكل كرسي للياي يعني المساعد يكون داخل الياي زي الهوند مع الاسف وبصراحة انا تعبت من هالمشكلة واخر شي ركبت حق الوكالة مع انه غالي ومهوب قوي اما الخلفي انصحك بالمساعد الاسترالي يركب بالراحة والياي بعد يركب استرالي بالراحة والاسترالي لا يعلا عليه واسئل من تثق به انا مركبة ومريحني خلفي فقط .

[Y&Y_4X4]

اخوي فيه نوعية ممتازة بقوة وتنفخ هواء اذا بغيت ترفع الموتر او تنزلة طبعا الرفع واتنزيل للخلفي فقط الي قدام يسحل الكفرات بس انها غالية شوي عند محل جيوب في الغرابي اعتقد مكتوب على لوحتهم 4×4.

[الباهي]

مشكورين باشباب والله يعطيكم العافيه على هذه النصايح المفيده لي لا شك اني استفدت
كثير انا اشتريت اليايات والمساعدات الاستراليه وهي من نوع يقاله <اولد مان> ومرسوم عليها نعامه صغيره واليايات نفس الماركه تتحمل اكثر من حق الوكاله ب150 كيلوواكثر ارتفاع ب4 سم
وشكرا

[عزيز نجد]

هاه يا خوي الباهي بشر
ترانا ننتظر تجربتك حتى نسوي سواتك
ممكن تعطينا فكره عن السعر والمحل المتوفر فيه هالاسترالي

[الباهي]

عزيز نجد
مساك الله بالخير
ياطويل العمر مابعد اركبهم الى الآن
لان سيارتي مسوي لها صيانه ومابعد تخلص اول ماتخلص راح اركبهاواعلمك النتيجه
بالنسبه لسعرالمساعد الواحد280ريال
واليايات عدد2 بسعر475 تقريبآ

وانهم يستخدمون بالراليات وميزه المساعدات انها نظامين يعني غاز و زيت في نفس الوقت وهذي ميزه جيده
تجدها لدى محل(الرمايه)
ارجو اني وضحت لك الموضوع

اخوك
الباهي