عطل جيب ربع 2005

[العنيد952]

السلام عليكم ورحمة الله وبركاته
عندي جيب ربع 2005 وهو واقف شغله مو صافي واذا هديت بسرعه منخفضه يبدأ ينتع مع العلم انه يمشي الى الفصله طبيعي
وعملت له صيانه
تغيير فلتر البنزين
طرمبة البنزين
بواجي +اسلاك البواجي
تنظيف الثروتل وتنظيف البخاخات
وامس فحصته كمبيوتر وطلع لي حساس الشكمان وحساس قربة الهوا وعطل رمزه P0171 مادري ايش
لكن السياره تحسنت شوي بعد الصيانه ومازال العطل موجود
واتمنى من مرت عليه المشكله يفيدنا وش معنى الرمز P0171

[ابوراكان تبوك]

عنى هذا الكود هو : نسبة خليط < الوقود والهواء > فقيرة اي ان نسبة الهواء اكثر من نسبة الوقود , وهذا التفسير للكود لا يقتصر على تسرب لهواء الفاكيوم من جوين شوته الهواء ومن مكان ما بعد حساس MAF , حيث ان هنالك اسباب اخرى تؤدي الى نفس هذا الخلل وكما يلي :
1- توسخ حساس MAF وهذا بدوره سوف يؤدي الى عدم قراءة كمية الهواء الداخل الى المحرك بالشكل الصحيح
2- توسخ وانسداد مصفي الهواء في الشوته < علبة مصفي الهواء >
3- تسرب لهواء الفاكيوم ما بعد حساس MAF وهذا انت قد عالجته
4- عطل صمام PCV او استعصاء الصمام على وضع الفتح / وهذا بدوره سوف يزيد من نسبة الهواء الداخل للمحرك على حساب نسبة الوقود
5- عطل حساس الاكسجين رقم 1 ويكون موقعه ما قبل دبة التلوث جهة الاسطوانة رقم 1 / اي ان الحساس يعطي اشارة الى الكمبيوتر بان نسبة الهواء ضعيفة او اقل من المطلوب
6- ضعف في بخ البخاخات < النوزلات > اما بسبب توسخها او خلل فيها / هذا يؤدي الى نقص نسبة الوقود وبذلك تكون نسبة الهواء اكبر من نسبة الوقود في الخليط .
7- انسداد في مصفي الوقود وهذا بدوره سوف يقلل نسبة الوقود المجهزة للبخاخات وبالتالي تقل نسبة الوقود الخارجة من البخاخات
كسر او ثقب في انبوب العادم ما بين المحرك وحساس الاكسجين رقم 1 , وهذا يشمل ايضا تسرب للهواء الى داخل انبوب العادم نتيجة تلف كازكيت الدكشن الحار < المتشعب الحار > .


منقول

[ابوراكان تبوك]

الشغله عندك مافية توازن بين الهواء او البنزين هذا قصد الكود

فيه احد الحساسات الايعمل جيدا ويحتاج تنظيف ممكن او فيه انسداد او العكس في فلتر الهواء او فيه تنسيم في الخرطوش اللي جاي من الفلتر الى بوابة الثروتل
اذا ماطلع معك شي المتهم الاخير وبقوة هو منظم البخاخ
افحص ضغط الطرمبة بالكمبيوتر او بالساعه اذا كان فوق الحد الطبيعي او زائد عن الحد المعروف غيره بدون تردد
هذا احد الاسباب لانه منضم البخاخ اذا خرب يصرف بنزين على مزاجه ويسبب لخبطه في توازن الهواء والبنزين اضف الى ذلك يسبب حراره لطرمبة البنزين ولا تطول

انا مستغرب انك ما ذكرت شي عن الصرفيه انا متاكد انه فوق الطبيعي الآن حسب وصفك للمشكله

او العكس انه البنزين قليل أمام الهواء الشغله توازن في توازن هههههههه فتحتار من اللي قطته أكثر

[العنيد952]

الله يعطيك العافيه يابو راكان على الرد والتوضيح
والصرفيه احسها مو زايده الجيب طبيعي بالمشي لكن اذا هديت مررره ينتع واذا كان واقف موصافي لكن بقي نشيك منظم البخاخات لكن وين مكان المنظم

[ابوراكان تبوك]

موجود على مسطرة البخاخات ماتعرف انه خربان الا بالفحص بالساعه او الكمبيوتر
بالنسبة لفحص الكمبيوتر يطلع شرطات
اذا طلع اخضر ومكتوب فوقها nomal فهو ممتاز اما اذا طلع بالاحمر ومكتوب فوقه max غير منظم البخاخ
اما فحص الساعه كل سياره لها مقدار psi اهم شي مايكون اقل من 40 طبعا تفصل لي البخااخات اذا ماكان به مدخل فحص وتشبك الساعه وتفتح السويتش لين تولع اللمبات
عموما فحص الكمبيوتر هو الادق وخصوصا الكمبيوترات اللي تدعم تويوتا
اذا انك مجرد ماتشبك الكمبيوتر في السياره واذا تعرف عليها الحاله وطلع لك معلوماتها فهو:good2: كمبيوتر ممتاز هنا اطلب فحص او تقرير عن
Fuel pump
لاتغير على كلامي قد يكون مافيه اي شيء افحصه فقط
هذا موضوع متكامل للمهندس أصيل الحجازي عن الرقليتر او منظم البخاخ
http://www.mekshat.com/vb/showthread.php?436855-%DF%ED%DD-%CA%DD%CD%D5-%D6%DB%D8-%C7%E1%E6%DE%E6%CF-%E1%D3%ED%C2%D1%CA%DF-%E1%CA%CA%CE%E1%D5-%E3%E4-%C7%E1%CA%DD%CA%DD%C9-%CE%C2%D5%C9-%C8%C7%E1%D3%F5%D1%DA%C2%CA-%C7%E1%DA%C2%E1%ED%C9-77-%DF%E1%E3-%BF%BF%BF%BF%BF%BF%BF

صورة لمنظم البخاخ شوفه قريب الكويلات بظهر المسطره لكن مابتستفيد شيء منه الا بالفحص
http://www.toyota4arab.com/upload/i/00010/q39knske9810_t.jpg