اين ورش اللي تفصل فاصل السرعة في الرياض

[وضاح الرياض]

السلام عليكم
انا عندي جمس موديل 2001 اذا وصل 185 فصل ويضيق صدري وين الورش اللي تحل هذة المشكلة في الرياض ولكم مني كل الشكر والامتنان

[أبو مسفر]

السلام عليكم


انا عندي جمس موديل 2001 اذا وصل 185 فصل ويضيق صدري وين الورش اللي تحل هذة المشكلة في الرياض ولكم مني كل الشكر والامتنان

أعوذ بالله فيه احد ياصل 185 كم في الساعة

اعوذ بالله ياخوي الى وصلنا 140 قمنا نتراعد وانت تبي اكثر من 185 ؟؟؟؟؟!!!!!!!
أعوذ بالله

[ابن موصل]

السلام عليكم ورحمة الله وبركاته

أخـــــــوي وضــاح الريــاض أكيد بتقـول وش عـرف هـذا مسـوي لنا نا صـح ...........
والـله لـو أعرف مكان الورشـة ما أعلمك
أخوي أنا أشوف السرعة والتهور ما فيه خـــير والله فـقـدنا نـــاااااااااااااااااااااااس غـالين
خـــلاص كــافـي حوادث والســبه الســــرعـه
أخــوي وضــاح يالـيت تهــون عن الفــكرة .

[هاوي الله]

أنا والله مثلك ودي أطيييييييييييييييييييير بس الفاصل يقول لاااااااا وألف لااااااا لا تطير ولكن أنا طاير طاير الله لا يعوق بشر &

فيه واحد من الشباب معه هايلكس 2004 يقول رحت للرياض وفصلته بـــ 50 ريال عند شاب قصيمي شغال في محل لزينة السيارات &

ملاحظه : عداد السرعه شغال بعد ماتفصل الفاصل

وصف لي المحل يقول شمال أسواق المجد على الدائري الشرقي يقول حِط أسواق المجد على يدك اليمين وأنت رايح غرب وبتجيك إشاره

لف مع الإشاره يمين وروح شمال سيده وبتجيك إشاره لف يمين وإبتل سيده شرق ( يوجد مطبات ) وتلقاه على يدك اليسار *

وعطنا علومك أول بأول ولا عليك أمر &

[الخادم]

حرام عليك و لا تودي نفسك للتهلكة تراك غالي عندنا

[راجح]

أنا والله مثلك ودي أطيييييييييييييييييييير بس الفاصل يقول لاااااااا وألف لااااااا لا تطير ولكن أنا طاير طاير الله لا يعوق بشر &

فيه واحد من الشباب معه هايلكس 2004 يقول رحت للرياض وفصلته بـــ 50 ريال عند شاب قصيمي شغال في محل لزينة السيارات &

ملاحظه : عداد السرعه شغال بعد ماتفصل الفاصل

وصف لي المحل يقول شمال أسواق المجد على الدائري الشرقي يقول حِط أسواق المجد على يدك اليمين وأنت رايح غرب وبتجيك إشاره

لف مع الإشاره يمين وروح شمال سيده وبتجيك إشاره لف يمين وإبتل سيده شرق ( يوجد مطبات ) وتلقاه على يدك اليسار *

وعطنا علومك أول بأول ولا عليك أمر &



للتوضيح المحل اسمه ( 4500 ) لكن ما أتوقع يفصل الجمس !!!

[هاوي الله]

للتوضيح المحل اسمه ( 4500 ) لكن ما أتوقع يفصل الجمس !!!

يقول طريقته إنه يفك الطبلون وياخذ المجسم حق العدادات داخل المحل ويفصله عن طريق الكمبيوتر .

اخوي راجح الله لايهينك على التوضيح &

عندي استفسار بالنسبه للــ Gx 2006 قير عادي ومركب عليه مثبت سرعه عند فيليب . وش طريقة فصله عند محل الــ 4500 ؟ وبكم سعره ؟

[وضاح الرياض]

اشكر الجميع على الردود بس ترى السرعة ماهي دايم بس الضروف تحدك واعتقد ان المحل اللي وصفة اخوي فتى البران الله لا يهينة ما يفصل الجمس لاني سمعت كم واحد يقول انه مختص في الهايلكس بس

[هلال المطيري]

أنتحار أنتحار أنتحار أنتحار أنتحار الي يتعدا 120 كم ساعه كلام الشيخ أبن باز رحمه الله

[altheeeb79]

بسم الله الرحمن الرحيم

أخوي وضاح 00

فيه محل يفصل اللى تبي ووصفه سهل جدا والكل يعرفه0

مستشفى الرياض المركزي(الشميسي)


تراك ياوضاح غالي عند أهلك وغالى عندنا 000ياليتك تصرف النظر عن الفكره 000


وما فيه ظروف تحدك على السرعه الى(185)

[عرق رملان]

السلام عليكم ورحمة الله وبركاته

أخـــــــوي وضــاح الريــاض أكيد بتقـول وش عـرف هـذا مسـوي لنا نا صـح ...........
والـله لـو أعرف مكان الورشـة ما أعلمك
أخوي أنا أشوف السرعة والتهور ما فيه خـــير والله فـقـدنا نـــاااااااااااااااااااااااس غـالين
خـــلاص كــافـي حوادث والســبه الســــرعـه
أخــوي وضــاح يالـيت تهــون عن الفــكرة .

بيض الله وجهك على النصيحة .. والله يجزاك خير
ما هوب هالي يتعوذ !!!!!!!

[هاوي الله]

يا إخوان ترى ما حنا بنطير دايم إلا في بعض بعض المرات اللي نحتاج فيها للطيران الأرضي ههههه

وسعوا صدوركم وترى بعض المرات لا جات السرعه في وقتها واضطريت إنك تسرع وعيا الفاصل تراك تنقهر ويرتفع ضغطك لا تلومونا أحياناً تجبرنا الظروف للطيران &

[تيتشر]

يكفي سرعه يكفي تهوّر

وش مستعجل عليه وانا اخوك ؟؟؟

افا بس .. المهم لا عاد تكررها

[ك ه ك 777]

السلام عليكم ورحمة الله وبركاته
انا اكثر واحد يوافق علي فصل الفاصل حق السرعه لانه صار معي موقف ما اتمناه يصير مع احد واللي عاقني فاصل السرعه وبغيت اروح ملح بسبب الفاصل

الموقف وكان من قرابت الشهرين الفائته
كنت راجع من روضة الخفس ومعي اثنين كنا كاشتين وجازت لنا القعده لين تالي الليل ورجعنا وكانت الساعه ثنتين ونص او ثلاث فجراً وكنت اسوق علي اقل من مهلي ما تعديت 100كم ولما تعديت محطت خزام اللي في الثمامه كان فيه راعي جمس من الموديل الجديد لونه فضي وعليه طين والتراب مو واضح لا لوحه ولا ركاب لما تعديته حرقني بالنور وانا معي شروكي معدل بس اني مستخدم عقلي وخليت الفاصل ماشلته قلت قوت الموتر ماراح احتاجها الا في القومه والتطعيس(انااشهد انه خاني التقدير) وزاد سرعته راعي الجمس لين صار صدامه في صدامي ويطفي النور انا ما اشوفه اتفاجئ فيه مره يمين مره علي الردميه اضطريت ازود السرعه لانه لمس صدام سيارتي من ورا وبغت تسريبي بس ربك ستر طبعا انا زدت السرعه شوي وهو زاد السرعه انا وصلت الميه واربعين هو صدمني من ورا مارفع رجله فاجبرني اني اعطي موتري اللي في قلبه لين فصل طبعا حاولت اثبت دعستي علي الفصله بس تفاجئت انه يقرب بشكل ملحوض يعني اذا هو يفصل علي 185كم (مثل ماقال راعي الموضوع) فموتري يفصل علي 170كم وصدمني ثاني مره وتأثرت سيارتي وفكرت في الوقفه بما اني دخلت طريق خريص فسويت مراوغه كني بسيد ودخلت الخدمه اللي في اول طريق خريص وانت جاي من طريق البعارين والفروسيه وبلفعل نجحت خطتي بس راعي الجمس اثبت انه (سكران) طلع وهو علي سرعته مع الرصيف وتجاوزني في الخدمه وذب السياره علي وصدم جمب موتري في موتره بس انا كل اللي جاني في الكفرات لانها كانت بارزه عن البدي وصلنا التقاطع حديته عشان يسيد وانا الف يمين لف يمين بعد ماتعدا المثلث المرصوف ورجع علي انا دقيت ريوس وسيدت فكان فيه رجه في السياره قويه بعد الصدمه الاخيره واخلاقي وصلت لصفر وقفت علي طول علي اليمين جاني يمشي الف وشطفني مع لمس للكفر الخلفي هز السياره بشكل مخيف وزحف فيه الجمس وطلع رصيف ورجع للخدمه وعلي دعسته ما وقف وانا دعيت عليه لين قلت بس رغم اني مانيب قليل شر بس سبحان الله راحت السالفه والحمد لله علي السلامه
الشاهد انه لو كان الفاصل مفصول كان ماتعرضت لكل هلخطر وممكن اكثر لان الارض كانت مبللوله يعني الزحفه كانت كل همي وربي ستر علي وعلي اللي معي والحمد لله علي كل حال
ممكن يقول احد السرعه راح تضرك اكثر بما ان الارض فيها ماء بس انا اسرع بسياره عارفها وفي حالي احسن من تصدمني سياره او تحدني وهذا يأثر علي توازن السياره وهي تمشي بشكل كبير وكل شي بيد الله سبحانه

شكراً
*اسف علي الاطاله رغم اني حاولت اختصر

[تيتشر]

ملاحظه : اضيف الى كلام الأخ ك ه ك 777

احيانا تحتاج السرعه لما يكون معاك اهلك وتكون مسافر ويجي احد يتحرش فيك بالخط

[وضاح الرياض]

اشكر الجميع على المشاركة ولكن تراني ماني مراهق زي ماقلت في اوقات اللزوم بس والله لا يحدكم عليها

[راجح]

أخوي :: ( فتى البران ) ..
أنا فصلته بخمسين ريال وياخذ له عشر دقايق إلى ربع ساعة ..

___________________________________


أخوي :: ( وضاح الرياض ) ..
انا ماأدري عن الجمس .. لكن أنا معي حوض وفصلته عنده ..


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــ


أخوي :: ( الذييييب )
الحاجة لفصل العداد والسرعة ليست لتهور ومراهقة .. ولكن إذا دعت الحاجة إلى ذلك ..
يعني ( ماتسوى يروح موترك على جذع ارطى ) :( ..


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــ


وميزة المحل انه في بعض أنواع السيارات يركب لك فاصل ( فيش ) ، يعني إذا احتجت تسرع تفصل الفاصل ( الفيش ) ، واذا خلصت تفصل الفاصل ( الفيش ) وترجع السيارة زي الوكالة ما تتعدى السرعة المحددة لها .. وغير ذلك في حالة فصل العداد يبقى عداد الكيلومترات يعمل ومؤشر السرعة كذلك ..

أرجو أن تعم الفائدة .......

[altheeeb79]

بسم الله الرحمن الرحيم

صاحب الموضوع طرح ماعنده من مشكله ويريد من يساعده فاذا حصل على المساعده المطلوبه فالحمد لله واذا لم يحصلها فالله يعينه 0 وقد قام بالرد عليه الكثير من الاخوان مشكورين وصاحب الموضوع هو وحده من يقرر الردود التي تعجبه أو لاتعجبه00فلقد تقبل كل النصح بصدر واسع ورحب 0مما يدل على حسن تربيته واخلاقه والبيئه التي عاش فيها 0 أسال الله أن يتمم عليه الصحه وأن يحفظه من كل مكروه00


(رد خاص )
من ناحيه ثانيه أكتشفت أنه يوجد أناس دخلوا الموضوع وقلوبهم تمتلئ بالحقد والكره 0 وتراهم يكتبون ردود تدل على صغر عقولهم وقصر عقولهم ونوع البيئه التي عاشوها00 وفعلا ليت العقل (يرجح) على أقوال وأفعال الانسان (اللهم لاتؤخذنا بما فعل السفهاء منا)0

[راجح]

أوافق أخوي ( الذيييب ) على ما قاله .... واعتذر للجميع إن كان في أحد ردودي قسوة ... أو عدم ( ترجيح ) العقل على الأقوال والأفعال ....


والسلااااااام . . . . . . . .

[وضاح الرياض]

الموضوع لازال تحت النقاش

[asmm]

انا لو اعرف محل يزود لك السرعة اكثر كان علمتك
وش عليك منهم
رح للوكالة يفكون هذا التامين
والله يحفظك ويرعاك