كيف طريقة شراء سياره من الامارات

[القزاع]

ودي اشتري لي سياره جمس صالون مستعمل نظيف وموجود في الامارات وكلمت راعيه واتفقنا ولكن كيف يتم بالنسبه لطريقة دفع المبلغ هل يتم تحويل الريال الى درهم قبل السفر او شيكات ابغى تفاصيل كامله لرغبتي في السفربرا في اقرب فرصه لشراء السياره وشكرا لكم

[salllh]

اخي الفزاع
اذهب الي بنك الراجحي واطلب منهم تحويل المبلغ الي معك الي شيك بدرهم الاماراتي علي احدي البنوك التي يوجد فيها حساب لراجحي ثمتاخذ الشيك معك الي الامارات وتصرفه هناك.
حول تختاراقربنك لك الي المدينه الموجوده فيها السياره

ارجو اناكون وفيت .

( الله يعطيك من خيرها ويكفيك شرها )

[القزاع]

الله يعطيك العافيه
وش اقرب بنك لمعارض ابو ظبي
فيه مراكز معتمده لفحص السيارات المستعمله
وش افضل الخطوط للسفر برا الى ابو ظبي

[بواسامه]

هلا باخوي
ممكن يحول الى بنك المشرق اللي هو الراجحي
والورش اللي ممكن تفحص عندها هم بيدلونك عليها ولا تشيل هم
والسفر بر افضل انك تروح بالطياره اذا تيسرلا شي لينك تسهل بموترك الجديد ولا تضطر للشحن
والنصيحه الاخيره
اذا الفارق بسيط عن مواترنا اربح العافيه واشتر من ديرتك
وفقك الله
واي شي تخت الخدمه

[الدحبول]

بعد مايجب السيارة عليه جمارك الفين ريال 2000
وموصفات ب 500 ريال وعمولة بنك الرياض 10 ريال
ولوحات ب 700 ريال
وإذا كان ونيت ب900 ريال

[السنع كله]

وسياراتهم يؤجرنوها على شركات البترول سنة او سنتين بمبالغ كبيرة لكن تجي السيارة ممهون جدفها ولم يمض على موديلها الا سنة او سنتين واي مبلغ يبيعونها هم رابحين وللعلم افحص البدي من اسفل ومن النادر تجد السياره نظيفه وكلامي عن خبره وعرب الشمال هناك لهم اليد الطولى في التزييف واللعب على السعوديين واسواق الامارات كانت منذ سنوات نظيفه قبل دخول هولاء العرب فيها وسمسرتهم ودجلهم اصلحهم الله وهداهم 00وقد جربت المستعمل الامارتي والمستعمل الامريكي فكان الاخير افضل بمراحل ولك ان تذهب الى موردي الامريكي عندنا وتقارن وفقك الله لكل خير

[القزاع]

شكرا لجميع الاخوه اللي شاركو
وشكرا على النصايح وفي الحقيقه انا بدأت افكر في عدم السفر لغرض السياره لاسباب ذكرت في الردود على قول المثل ( ارض بقردك لايجيك اقرد منه )0
وفق الله الجميع ونصايح اعتز فيها

[عاشق سفر]

نصيحة والله نصيحة لا عرفك ولا تعرفني بس يالغالي لا تشتري من غير ديرتك وحتى من المملكة اذا بتشتري لا تشتري الا من مكان قريب منك مو تكون بنجران وتشتريه من عرعر....

انا مرت علي هنا بالسعودية الموتر دخلته الفحص باحد الشركات وطلع مكينته نظافتها 96% ونظيفة وفحصتها مرتين بعد وانهيت اوراقها وشريتها الصبح والمغرب وهي مخبطة وخليت راعي المعرض يوظبها لانه شيء يقهر....

ازين لك لو الموتر يطلع فيه شيء تقدر تتصرف لاكان المكان قريب...

[القزاع]

شكرا لجميع الاخوه اللي شاركو بنصايحهم
فعلا الدنيا بخير
الله يعطيكم العافيه