ماطور ابو جمل ارجوكم افيدوني

[قرم7]

السلام عليكم ورحمة الله وبركاته
يا اخوان عندي ماطور ابو جمل الصغير ضربت علي الفيوز قبل فتره وانقطع السلك
ولكن ماوجدت فيوز تركب عليه ورحت للوكيل الشراع بالغرابي وقال ماعندنا فيوز ولا نبيع الفيوز .


افيدوني وين ألقاها...
ولكم جزيل الشكر

[الحربي حاتم]

هل الماطور يستاهل وكم سعره ومنهو وكيله وكيف صبره وخدمته ؟
وأعذرني أنت جيت تسأل ونشدناك .

[ssmohiny]

الله يدلك ياراعي الماطور..
وان كان لي اقتراح انك تشوف قوة الفيوز وتركب اي فيوز ع السلك وتمشي حالك واذا توفر المطلوب ركبه ..
وانت ياخوي اللي تبي تعرف عن الماطور .. ابوحمل ماعليه كلام اثبت جدارته وتحمله .. وسعره مرتبط بقوته وحاجتك .. مر الشراع وبتشوف طلبك موجود .. عني مجرب واحد مدري وش اسمه من سبع سنين معي وكان عيبه الفلتر بلاستيك .لكن يعطيك عمره ولا قال لا��
والحين خذت التيربو وقيمته 475 .. وفيه واحد اصغر منه شوي ويمدحونه كثير .. قال سعره حول 350 اذا مانيب واهم ..

[طير جراح]

تلقى الفيوز بمحلات زينة السيارات

[فؤاد الزهراني]

السلام عليكم ورحمة الله وبركاته

أخوي الله يدلك على مافيه الخير لك

أنا أستغرب من مقولتك إنك ما حصلت عند الوكيل قطع الغيار

وكان من المفترض عليه كوكيل للمنتج أن يوفر كافة قطع الغيار اللي تخص منتجاتهم

أخوي أما بخصوص الفيوز تحصل الفيوزات عند محلات قطع الغيار

خذ من عندهم علبة فيوزات الحجم الكبير للفيوزات وقيمتها 5 ريال تقريبا تجي فيها فيوزات متعدده

وأظن والله أعلم إن مقاس الفيوز اللي راكب عليها 30 أو 35 اللي لونه أحمر

واذا ما ركب عليه الفيوز من أبسط حقوقك كمستهلك إنك تقدم بلاغ تجاري على وزارة التجارة

بأن وكيل المنتج لم يوفر لك قطع الغيار اللازمه للمنتج




والله ييسر لك الأمر

[ليه يادنيا]

عليكم السلام

اخوي انا قد حصل لي نفس هالموقف ورحت للوكيل الي هو الشراع الي ف الغرابي
ونفس كلامك قال هات الفيوز وحنا نصلحها لك << يقول فيوز ما عندنا :no:

رحت لمحلات قطع الغيار والزينه وحصلت الفيوز عندهم
طبعاً الي عندي الفيوز محترقه والبيت حقها مايع
وشريت من محلات الزين فيوز ببيتها والسلك
وبنفسي قصيت الاول وركبت الجديد ودبلت اللزآق عليه
وإلى الآن وهو سالك معي
وما أحتجت اني اروح للشراع عشان بس يقص السلك ويركتب الجديد الي جايبه انا



حبيت انقل لك تجربتي مع نفس المشكله الي حصلت لك

وسلامتكـ :)

[قرم7]

مشكورين يالغالين على ردكم وتجاوبكم .

[بو يو سف]

تبي النصيحه الغاء الفيوز وصله من غير فيوز
انا الحين لي سنتين و انا استخدمه بدون فيوز ودفع الهوا اقوه