المساعد الشخصي الرقمي

مشاهدة النسخة كاملة : نويت أشتري سلق ..أبي مشورتكم ياأصحاب الخبرة


جنتلمان نجد
15/01/2007, 01:52 AM
بصراحة أنا من هواة البر ..والصيد


وأعتبر جديد بالصيد بالسلق ..ولكن لي أقارب خبراء بهالشئ

................

نويت أشتري سلقه ..وبحط لهــ ــا صور ولبوها ولأمها ..لان صاحبها اللي بشتريه منها


له باع كبير بهالامور .. ومهتم بسلالة السلق اللي عنده وتربيتها

................

المهم ياأعضاء مكشات ..وخاصه أصحاب السلق


كم تسوى السلق الطيب .. ؟!!! .. وطبعا جراوتها كم تسوى..؟ وهل تختلف أسعار الجرو الاول عن الاخير



وهل يوجد تفضيل ..اذا كان ذكر أوانثى ..وايهم أقوى




وهل يوجد نوع أفضل من الاخر ..يعني السلق العربي أو التازي أو الازاوخ الافريقي..؟

...............


واذا شريته .. كيف طريقة نقلة بالمطارات ..؟ وهل عادي دخوله بالسعودية..؟!!


.................

بالله يأصحاب السلق ومن عنده خبره .. أقيدوني وابشرو بعزكم والله بتقرير عن السلق فلته ..لاني أدرس بفرنسا اللحين ولي كم أسبوع أدخل مواقع فرنسية وأشوف سباقات السلق اللي تصير وأنواعها و ودي أشتري واحد


.................
القحطاني505
15/01/2007, 09:06 PM
اخوي تلقى من يهديك انشاء الله احسن من انك تشتري اما على طريقة كيف تجيب السلقان ماعندي خلفيه وحط صورة السلقه والله لايهينك
جنتلمان نجد
15/01/2007, 09:09 PM
للفائدة .. اردت اشراككم ..بما يحدث وراء الكوايس ..:type:



لاني قمت بإستشارة واحد من عيال عمي .. وأرسل لي هالرسالة على الخاص ..



.............................................





.......... السلام عليكم ورحمة الله وبركاته........



هل ألأم وألأب من سلاله معروفه ؟ أي عربيه أو خلاف ذلك ؟



هل الجرواه لها شعر ( أي غزل طويل ) وألا ملساء ؟



هل ألأم وألأب شاركت في مشاركات قويه في السباقات المشهوره في فرنسا ؟



ما هي أطول مسافه شاركت فيها ... 1 كيلو ;) 2 كيلو :) 3 كيلو :D ؟



أذا أجيت على أسئلتي سوف أرد على جميع اسئلتك بالتفصيل .



بارك الله فيك



.................................................. ....





قمت بالرد عليه



.................................................. ..







عليكم السلام ورحمة الله وبركاتة



هلا ومرحبا ..بأبوخالد .. أسفرت وأنور المنتدى بوجودكـ ..



دائمــاُ أسأل أخوي محمد عنك ..ويعطيني أخبارك كلها .. ان شاء الله امورك كلها زينه

...................

فكره وتحمست لها .. ودي أشتري سلق ..وبصراحه العروض واجد هنا بفرنسا .. وتعرف الانترنت ماخلى شئ .. وأنا أبحث عن السلق اللي شاركت بالبطولات وفاز والديها .. الاب والام .. والنوع اللي لقيته ماأدري اذا هو عربي .. بس اللي متأكد منه انه مب الافريقي .. فهو ياعربي أو فارسي



الاب له شعر ..أما الام ملساء .. والجراوى ..ماهي مبينه بالصوره ..ودقيت على راعيها بسأله ..ومارد علي اللحين ..



سابقت بسباقات الحلبه .. وولكن حالياُ ماعرف كم مسافة السباق ..ولكن بأبحث وبراسلك ان شاء الله .. ياليت تعطيني ايميلكـ ..لان دخولك نادر للمنتدى .. وبكذا نقدر نتواصل ..

برفق لك الصور ..





http://www.mekshat.com/pix/upload/images25/mk41231_sal.jpg



http://www.mekshat.com/pix/upload/images25/mk41231_sal2.jpg





و وش نصيحتك لي وانا ابحث عن جراوى السلق ..لان هذا من بين العشرات وبدور غيره

وكيف أعرف العربي منها ..؟





واشكرك مرة ثانيه يابوخالد .. ولنا لقى اذا رجعت السعوديه لاني ودي اشوفك



تحياتي لكـ
حرف العين
16/01/2007, 06:13 AM
السلام عليكم ورحمة الله وبركاتة

اخي الجنتلمان

بلنسبة للسلق الفرنسية سواء النوع الاريش او الاملط فهي من اصل فارسي وليس بعربي وآفضل هاوي رجل يطلق علية اسم (ملك السلق)وهاذه الهاوي يلجاء اليه عموم الهواة بفرنسا لكي ياخذو بارائه في سلقهم واذا حاب اجيبلك رقمه او اسمه او عنوانه راح اسعالك بلي اقدر عليه .

وبلنسبه لكم كيلو يملكون من سد ومدى فيختلف من سلق لاخر فهم نفس العربيات منهم من يملك السبق ومنهم من يملك السد والمدى ويختلف عن سلق الى اخر .

للاختيار اذا كنت عارف مستوى الاب او مستوى الام تقدر من خلال معرفتك الاختيار اي اذا كان الاب هو البطل عليك اختيار انثى اقرب للاب في الشكل ولون واذا الام هي البطلة عليك باختيار اقرب ذكر لها بلشكل ولون .

وشكرا
قنيصان
16/01/2007, 11:56 AM
السلام عليكم ورحمة الله وبركاتة
كيف الحال اخوي ودي قبل ماتشتري السلقة تسئل عن الحكم وردي هاذا للفائدة فقط مهوب قصدي اقهرك
وترا السلق واجد والصيد قليل وصبر ويرزقك الله وحدة بدون شراء والله يوفقك واسفين على الاطالة
واذابغيت انا حاضر
جنتلمان نجد
16/01/2007, 04:41 PM
القحطاني505 .. صحيح اللي قلته..لكن لايمنع اننا نبحث ونزيد المعرفة .. ومشكووور على مرووركـ
....................

حرف العين يعطيكـ العافية على المرور .. وياليت اذا تقدر تجيب رقم ملك السلق ..أكون شاكر لكـ

وهل الرجال فرنسي ..؟
...............................

قنيصان .. كفو وماقصرت..كثر الله خيرك ..

وبالنسبة لـسؤال ..بستفسر ان شاء الله