الفزعه يا اخوان

[اخو نورة]

مساكم الله بالخير جميعاً

وعلى البركة الخير والامطار اللهم اجعله سقيا خير وبركة

اخواني انا عندي نيسان سفاري موديل (98) وذبحني في حاجتيين الى يقدر يساعدني فيها اكون له شاكر وممنون

الاوله : يدخل غبار يعني ان مشيت على خط مهد ان فتحت الشباك مصيبة وان قفلته مصيبتين يدخل غبار من كل مكان ولا ادري وش السالفة

الثانية : الباب الخلفي دايما يعطي انه مفتوح كود انك تخبطة لين يسمعك الى في اخر الشارع علشان يضبط

اخواني انا طالب منكم الفزعة تكفون تراه بهذلني ولكم خالص الشكر والتقدير،،،

اخو نورة - الرياض في 18 رمضان 1422 هـ

[الخبير]

السلام عليكم
انت شفت الربلات و تأكدت منها ، الباب الي ورى لازم تصكه بقوه لكن مهوب مثل ما تقول انت .
انا الي مستغربه انه جديد وفيه هذي الاشياء ؟

[اخو نورة]

هلا وسهلا بالخبير ايه والله تاكدت من الربلات كلها ولاكن المشكله في الغبار يجي من هوايات الظاهر في الجنب وقدام 0 والله الباب ذبحني حيل الله يعينكم علي

[أيمن]

يا أهلا وسهلا بك "أخو نورة"
وتشرفنا بانضمامك إلينا ومشاركتك معنا ..

فقط أحببت تنبيهك أنه تم نقل موضوعك إلى مكانه الخاص وهو (منتدى الميكانيكا والصيانة).

تحيتي

[راعي كيف]

أخوي حياك الله في الحقيقه كثير مايشكون زملآئي كذالك من ماتشكي منه
أما الأولى : يوجد على ماأضن فتحات تحت الصدام الخلفي سدهن وشف البيبان إذا فتحته شف فيه تنسيمات سدهن بشطرطون .
اما الثانيه :الباب الخلفي دايم يعطي مفتوح خويي طلعه من الوكاله وهو كذاء في الحقيقه هو مسكر لاكن نفس الباب مايضغط زين على الزر حط في الجهه المفابله لزر المبه شي بارز بطول حوالى 1.5-2.5 سم يحيث يضغط على الزر ولا يعطي مفتوح.
http://www.mekshat.com/pix/upload/images/jeep10.jpg

[اخو نورة]

هلا والله وغلا اخوي راعي الكيف


عزا الله انك ماقصرت وابجربها اليوم والله يعينك على ان مانفعت


ماقصرت

[الهاوي]

هلا بالجميع
والله ياخو نورة عندي اقتراح ولا يهونون اللي يقرون
رح طالع عمرك بالموتر لورشة النويصر بالصناعية معروف نها التربيط مهوب صاحي
وخلهم يضمنون البيبان ويسكرون الفتحات اللي يجي منها عج .
بس السعر يمكن يصير حليل بس اشكوى لله .:cool:

[اخو نورة]

هلا اخوي الهاوي

ابشرك اعتدل الموتر رحت به لورشة بن مرضاح وسد فتحات وش كثرها وطلع منه غبار يهول العقل وسعره والله موب رخيص 900 ريال


ماقصرتو يااخوان

[الهاوي]

يقولون ياخو نورة ان ورشة النويصر احسن من بن مرضاح وبما انك تعاملت معهم اكيد عنك خبرة افتنا في الموضوع اخوك معه باترول على باب التربيط واقف نهاية الوسم هذا ويقول ودني لتربيط يعني حق طلعتين ثلاث المهم وش رايك في الموضوع
:cool:

[اخو نورة]

السلام عليكم ورحمة الله
شف اطال الله في عمرك بن مرضاح شغله نظيف موب هين واحد من الزملاء سد فتحات الغبار وركبوله ليات في ربلات البيبان علشان مايدخل غبار ودبلو المساعدات شغلهم نظيف
الغبار مع البيبان خذو عليه 700+500=1200
والمساعدات خذو عليه 200 قيمة المساعدات + 1000 تركيب =1200

اما التربيط انا خابرهم من زمان ممتازين حتى انهم يحطون ربلات بين الصدام ويغيرون الجلد كاملة وينتبهون لكراسي المكينة

انا خذو مني 900 لانهم وزنو الباب الخلفي وظهرو غبار من الجوانب وسدو الفتحات يعني زميلي الى سواه عرض ممتاز اما الى بيجي مثلي على قطعة قطعة بيصير السعر مرتفع شوي

والسلام عليكم ورحمة الله وبركاته

[الهاوي]

تسلم ياخو نورة على هالنصيحة والشكر من صميم قلبي ;) :)

[أ ب ت ث ج ح خ]

الباب الخلفي يمكن واحد حاول ينقشة غير القفل والكيلون والغبار تنسيم