وش الحل بكلبليتر للباترول ؟؟

[Sniper 2015]

السلام عليكم ورحمة الله وبركاته ومبروك عليكم هالسنه الجديده والله يجعله سنه خير للجميع عندي باترول 92 بهذلني هالكلبليتر فيه الصرفيه ونتحمله شوي لكن كتمه وتقطيع وبعض الاحيان يطفي ومايشتغل الا بعد مده واذا اشتغل يطلع دخان اسود وش افضل حل قاطع هل اغيره بكلبليتر تويوتا سمعت انه يركب بس يبغاله تعديل شوي او تركيب كلبليتر ايدل بروك حق الجمس انا ابي حل للصرفيه وصفاوه لي وللزمن

[الحميضاني]

السلام عليكم
الكبريتر مو اي واحد يضبطه شف لك ميكانيكي شاطر بالنسبه لكبريتر التيوتا يقولون يركب بس يبي له بعض التعديلات ويفيدونك الاخوان ان شاء الله

[matli]

عانيت قبلك ولا لقيت حل لاكن اذا بتسوي اصلاح هو افضل الحلول . المهم يكون اصلاح اصلي وليس ياباني ابو 50 ريال الاصلي قيمته حول 300 واهم شي تركب الاصلاح عند واحد مختص وفاهم

[الحميضاني]

انا مركب لسيارتي اصلاح التيما خذيته ب25 ريال تجاري والحين له 3سنوات ما غيرته بس سويت له غسيل مره وحده هي على الشغل

[salih100]

كربريتر الالتيما 90 91 يركب وصرفيه اقل لكن العزم يضعف شوي

[الداهي]

ياولد أخذ العلم الوكاد ركب أيدل بروك
بس لازم تركب قاعدة أيدل بروك على ثلاجة الباترول لحيم ألمنيوم عشان يركب الكبريتر
القاعدة سعرها ٢٠٠ واللحيم يأخذ عليك ١٠٠
الكبريتر ركب حجم ٤٥٠ كافي على الباترول
والأيدل بروك غني عن التعريف جودة وكفاءة عاليه جدا ويكد معك
وبالتوفيق

[SGL]

إذا تعرف مهندس يعرف لكربريتر الباترول زين زين توكل على الله وخله يشوف شغله مشكلة الصرفيه حلها بتنظيف وتغير الإبر مشكلة مايشتغل ويشرق حلها بوزن العوامه وﻻزم تكون ليات الكربريتر كلها راكبه وفي مكانها الصحيح مع وزن هوا الكربريتر مضبوط

[Sniper 2015]

وين احصلها فيه ايدل بروك وقواعده وتركيبها وابي اللي استخدمها يعطينا معلومات عن هالكبليتر من ناحية الصرفيه اهم شي عندي والعزم ؟؟؟

[الكدن1]

مافيه شئ لك وللزمن
لكن تستطيع اصلاحه بـــــــــــــ 300 شامل البواجي والبويبينة والبليتين يمشيك سنه او اكثر حسب المحافظة على الفلتر والخرطوش من دخول التراب
اهم شئ واحد متخصص
الكلام عن تجربة مع البواترل
واذا تبي تخفف الصرفيه تركب ابر مازدا لكن يضعف العزم

[Sniper 2015]

سمعت بكبليتر الهايلوكس ٩٨-٢٠٠١ يركب واقل صرفيه صحيح اولا ؟؟ للي مجربين فقط