تكفون اللي مرت عليه نفس حالتي يفيدني بالبرادو

[أبن المدينة]

السلام عليكم ورحمة الله وبركاتة
يارجال انا معي برادو 2013 ستة سلندر
فيه مشكله أنه لو غرز برمله الكفرات ماتدور حتى لو أني داعس عالبنزين آخر شي رغم ان الدبل شغال
وايضاً عند بداية قومة السيارة عالإسفلت اذا بمشي بسرعة صوت الماكينة يخن كنه مكتوم وبعدين يمشي طبيعي ويكون العزم تمام
الموتر انا فاكة وكالة ودخولي للبر نادراً
ارجو الإفادة من اشخاص مرت عليهم هذه الحالة

[ابوراكان تبوك]

هل فيه نظام تراشن؟؟؟

[alwali]

البرادو دفع رباعي
ادخل البر بدون تشغيل الدبل بس اهم شي هواء التواير على ٢٥
سألت واحد من الشباب عنده برادو يقول ماعمري شغلت الدبل

[أبن المدينة]

يا اخوان انا كلامي واضح الترانش وهوا الكفرات ماله علاقه بمشكلتي
مشكلتي ان الكفرات الأربع ماتدور اذا غرز يعني قوة الجيب ماتدور الكفرات
الكفرات ثابته ماتلف

[alwali]

يا اخوان انا كلامي واضح الترانش وهوا الكفرات ماله علاقه بمشكلتي
مشكلتي ان الكفرات الأربع ماتدور اذا غرز يعني قوة الجيب ماتدور الكفرات
الكفرات ثابته ماتلف

اجل طريقة تعشيقك للدبل خطاء لازم تفصل التركشن حتى تدور التواير
اذهب الى اقرب وكيل وهو يعلمك كيف تشغل الدبل

[يالبى الهلا]

افحص عند الوكيل لان المشكلة ضعف في القير

[ابوراكان تبوك]

يا اخوان انا كلامي واضح الترانش وهوا الكفرات ماله علاقه بمشكلتي
مشكلتي ان الكفرات الأربع ماتدور اذا غرز يعني قوة الجيب ماتدور الكفرات
الكفرات ثابته ماتلف

التراكشن لو فهمت طريقة عمله لفهمت اللي انا اقصده

التراكشن هو اللي مايخلي الكفر يدور بوش يعني بالمختصر يحجررررر للموتر


وممكن ضعف بالقير مثل ما افادك لبى الهلا

دوس فرامل ع الاخير وانت معشق بـ 1 او d وادعس بنزين خفيف شوف قوة القير ترفع الموتر او لا
هذا فحص مستعجل للقير
اذا ماتحرك الموتر او اهتز الير ضعيف
اذا القير انت ملاحظ انه قوي افصل التراكشن وجرب موترك في الرمل بدونه

[أبن المدينة]

بإذن الله وجزاك الله خير
انا راح اجرب واعطيك مايحصل معي

[تمضي الايام]

كان معي برادو 2012 وكاله اول مايشم ريحه الرمل يوقف تماما سالت قالو الاي بي اس

لازم يفصل خلال اسبوع بعته

ثقل السياره على ماعتقد الكلتش يحتاج توضيب


بالتوفيق

[alwali]

كان معي برادو 2012 وكاله اول مايشم ريحه الرمل يوقف تماما سالت قالو الاي بي اس

لازم يفصل خلال اسبوع بعته

ثقل السياره على ماعتقد الكلتش يحتاج توضيب


بالتوفيق
الabs ماله شغل هذا حق البريك
انت قصدك التركشن
انا عندي برادو 2012 ادخل فيه البر وما عمري شغلت الدبل
لانه دفع رباعي ومعروف اقوى سيارات الدفع الرباعي البرادو
اذا تعلقت السيارة تشغل الدبل

[ابوراكان تبوك]

تمضي الايام الـ abs ماله علاقه لامن بعيد ولا قريب
عمله عكس التراكشن تماما
يشتغل اثنا۽ ضغط الفرامل فقط
وانا اعتقد انك في ردك تخمن او ماجيت ورشه بس تسمع عن الـ abs وانت لاتعرف وظيفته
ترا اي رد بدون علم انت تتحمله في سبب خساره اخيك فـ رجاء لاتشتت الموضوع

[تمضي الايام]

تمضي الايام الـ abs ماله علاقه لامن بعيد ولا قريب
عمله عكس التراكشن تماما
يشتغل اثنا۽ ضغط الفرامل فقط
وانا اعتقد انك في ردك تخمن او ماجيت ورشه بس تسمع عن الـ abs وانت لاتعرف وظيفته
ترا اي رد بدون علم انت تتحمله في سبب خساره اخيك فـ رجاء لاتشتت الموضوع

حياك ابو راكان
اولا ماكدت ان ال اي بي اس هو السبب انا ذكرت انه قيل لي هذا هو السبب وبعدها بعت السياره كلها قبل اكون زبون للصناعيه

ثانيا لا تحاول تجعل الناس اغبياء وانت الذكي الوحيد بينهم فالتذاكي ادنى درجات الغباء

ثالثا كل ماورد في ردي السابق لم اؤكده بتاتا وذكرت انه قيل لي وان كنت لم تفهم ماكتبته فهذه مشكلتك وحدك ...

اتمنى منك ان لاتسعجل الرد قبل ان تفهم ماتقرأ

اخيرا اقول لك السياره اللي استخدمتها 4 سرندل ولا فيها نظام التراكشن دبل فقط ومشكلتها مثل مشكله سياره الاخ صاحب الموضوع تماما

[أبن المدينة]

يا اخواني انا فصلت الترانش ونفس المشكله
اللي انا لاحظته إن المشكلة ماهو من القير لم ادوس عالبنزين ماتاخذ عزمها على طول الا بعد لحظات كأن الموتر مخنوق وبعدين يفك ويمشي طبيعي
اما اذا كان واقف بغراز يبقى صوت الماكينه ع طول مخنوك وعزم الموتر مايلف الكفرات كأني ماسك بريك
وهو سته سلندر

[صلفيق]

اخوي البرادو المعك نوعه ايش vx .tx
ال vx اضن فيه التراكشن زي vxr والكزس شف فيه زر حق مانع الانزلاق الي مرسوم عليه سياره تفحط قبل تدخل البر وقف وعلي عليه 5 ثواني لين تولع البه بالطبلون علي رسمه سياره تفحط واتكل علي الله طبعن هالنظام يفصل مع الدبل الثقيل من حاله ادا مشكلته مستمره مع الدبل الثقليل شيك علي القير

[أبن المدينة]

ايه نعم اخي فصلت بنفس هذي الطريقة علقت خمس ثواني عالزر الين ولعت اللمبتين البرتقالية
لكن هذا ماله علاقه بمشكلتي
اقولك الموتر عزمه مايقوم ع طول بالبداية المكينة تضعف وصوتها يخن وبعدين تنطلق عادي واذا غرز الموتر خلاص يجلس محله تخن الماكينه والكفرات ماتدووور
في احد فهم قصدي ولا شرحي ماهو واضح ؟

[ateeq7]

اولا اخوي ما وضحة نوع الجير عادي ولا توماتيك
وكم حجم المحرك

[أبن المدينة]

قير اوتوماتك ستة سلندر

[ateeq7]

قير اوتوماتك ستة سلندر
اذا كانتة السيارة عزمها ممتاز في الشارع السيارة مافيها مشكله
اتوقع و الله اعلم ممكن ما تعرف تستخدم الدبل الخفيف و الثقيل
اول شي افحص الدبل كيف تعرف ان الدبل شغال ادخل في باركن او منطقه واسعه عشق الدبل الخفيف و مش الى الامام مع تحريك الاستيرنج الى اليمين كامل والى اليسار اذا حسيت بتحجر او ظهور صوة الاطارات يعني عشق
ثانيا عشق الدبل الثقيل و جرب نفس التجربة ستحس السيارة ثقلة في المشي و لها عزم قوي
في كل الحالتين الان تاكدت ان ماشي عطل مكانيكي
شروط دخول الرملة تنسيم الهواء و هذه تيجي بالخبرة بانواع الرمول وكم قياس الهواء في اماكن 25 كافي ولاكن بعض الماكن لا زم تنزل الهواء اكثر حتى لو اضطريت لنزول 10 و تاخذ معاك موتور هواء احتياط في السيارة
عند التغريز اذا وقفة التواير عن الدوران وشيكة على الهواء او تأكدة من الهواء زايد جرب خليه على الدبل الثقيل دوس بترول بتدريج لتحافظ على دوران الاطار بسرعه بطيئة مع دوران ثابت مع لف الاستيرنج يمين ويسار على الاقل لفتين على كل جهه مع ثبات السرعة
اما اذا سوية كل هذه الاشياء وما صار شيء افحص السيارة لبد يكون هناك سنسر فاقد وضيفت العزم وهذا بيبين بفحص الكومبيوتر و الله اعلم

[hamido]

اصلا اذا غرزت طوالي وانا اخوك حطه بالثقيل وامش على خفيف ولا تراك تستهلك الكلتشات

[أبن المدينة]

جزاكم الله خير وماقصرتوا
اتوقع إني ماقدرت أوصلكم المعلومة بالضبط
الكل يكلمني عن الدبل رغم إني متأكد إنه شغال وأعرف طريقته زين
لكن الدبل ماله علاقه بعزم الموتر على الإسفلت ليش صوت الماكينه ضعيف تحسه مخنوق عند القومه بسرعة وبعد ثواني يمشي طبيعي
والخوف اني اوديها للكميوتر وكل ورشة تقول شي والموتر نظيف وشبه جديد ع يدي وكالة

[ateeq7]

جزاكم الله خير وماقصرتوا
اتوقع إني ماقدرت أوصلكم المعلومة بالضبط
الكل يكلمني عن الدبل رغم إني متأكد إنه شغال وأعرف طريقته زين
لكن الدبل ماله علاقه بعزم الموتر على الإسفلت ليش صوت الماكينه ضعيف تحسه مخنوق عند القومه بسرعة وبعد ثواني يمشي طبيعي
والخوف اني اوديها للكميوتر وكل ورشة تقول شي والموتر نظيف وشبه جديد ع يدي وكالة
اخوي لا توسوس هذه الامور عادية و السيارة لازم تنفحص و افضل شي تفحص بالكومبيوتر حيث السيارات الحديثة لها نظام فحص مربوط بكومبيوتر السيارة اذا انته صاحب السيارة حاس ان السيارة عزمها مش طبيعي فروح عند افضلهم ولو كان اغلاهم حتى لو اضطرية تفحص في الوكاله خذ التقرير و او الاكواد وخبرنا عنها واسال الورشة وان شاء الله تنحل المشكلة و بتوفيق

[ابوراكان تبوك]

الصحيح يا اخوي انه اغلب الظن ضعف في القير. ولا البرادو 6 سرندل معروف عزمه
لو انا في نفس وضعك بكل صراحه
1- اجرب قوة القير في الرمل اذا غرز ما اشبك الدبل اراقب الكفرات الخلفيه هي تحفر او لا
حتى تعرف المشكله هي مقترنه بالدبل او لا
2- اتاكد فعلا انه التراكشن مفصول لو اشيل الكتاوت
3- احاول اعيد برمجة الموتر بفصل البطارية لكن قبل ذلك ابحث عن طريقة برمجتها

البرادو ما اعرف نظام دعسة ينزينه هي اكترونيه حسب علمي واحتمال الشغله برمجه دعسه بسبب تغيير للبطارية سابق واللي يحدث معك مافي تناسق بين الدعسه والقير
غير كذا ماله الا ورشه معروفه يفحصون قوة القير
خلي القير اخر شۑ

[ابوطارش]

قير تماتيك
عندك اوضاع للقيادة
فية مانع الانزلاق لازم تفصل اذا نزلت صحرى حتى لو ماشغل الدبل
بس قبل تدخل غراز شغل الدبل ولابد تعرف كيف تسايس الموتر بالرمل
لاتضغط على الموتر الدبل يستخدم علشان ماتغرز ويرح الموتر مو علشان اذا غرزت تطلع
لانك اذاغرزت والسيرة متكيه على جه بتبلش وبتحتاج دف لك قفل دفرنس

[ابوراكان تبوك]

صحيح يابو طارش
والجيب اصلا اذ غرز وشبكت الدبل لازم ترجع ريوس لو مترين مهما كان نوع السياره الدبل تتضايق اذا عشقت الدبل وكملت قدام على طول

[alwali]

السلام عليكم ورحمة الله وبركاتة
يارجال انا معي برادو 2013 ستة سلندر
فيه مشكله أنه لو غرز برمله الكفرات ماتدور حتى لو أني داعس عالبنزين آخر شي رغم ان الدبل شغال
وايضاً عند بداية قومة السيارة عالإسفلت اذا بمشي بسرعة صوت الماكينة يخن كنه مكتوم وبعدين يمشي طبيعي ويكون العزم تمام
الموتر انا فاكة وكالة ودخولي للبر نادراً
ارجو الإفادة من اشخاص مرت عليهم هذه الحالة

اولا بدل فلتر الهواء يمكن يكون مسكر
واذا موترك ماشي لكثر من 150 الف في صيانه ضروريه تسويها لصدر الماكينة ومنها تضعف العزم

[أبن المدينة]

الموتر ماشي 151، ألف
بس ايش الأشياء اللي تتصين بصدر الماكينة؟
انا غيرت فلتر الزيت للماكينة
وفلتر الهواء
فقط

[ابوراكان تبوك]

اللي اعرفه يا ابن المدينه اذا كان به سير تيمن يتغير كل 100 ألف
الفكسار واللكزس له لمبة تولع كل 100الف لسير التيمن
بعضهم تولع معاه ويفصل اصابع البطارية حتى يعد الموتر من جديد لـ 100الف وهذا خطأ سير التيمن خطير وترا له وزنه تلعب في عزم الموتر واذا انقطع وانت تمشي بسرعه عاليه يضرب الراس وتقفل البلوف على طول

البرادو حسب الكاتلوجات الى حد 2012 جنزير
من 2013 ما ادري عنه

لكن انت تكشفه بنفسك
قارن بين الصورتين عل موترك
الصوره هاذي صدر الموتر حديد معناه ان نظامها جنزير
http://www.assayyarat.com/myimages/Feb12/bader_car_BELT015.jpg

والصوره هاذي بعد صدر المكينه بلاستيك نظامها سير تيمن
http://www.assayyarat.com/myimages/Feb12/bader_car_BELT004.jpg

[أبن المدينة]

بارك الله فيك يابوراكان
اتعبناك
وجزاك الله خير

[أبرق الحيراء]

اخوى ابن المدينة عندى برادو 2004 اتوماتك vx الموهم قبل شهر اذا شغلته وكبست بنزين ابي امشى علي الازفلت احس انه بيوقف وبعدين اذا مشيت عليه عادى يمشى زى الحلاوه المشكلة تجى اذا بكبس بنزين بقوه احسه كانه بيطفي رحت لمهندس قال هذا من طربمة البنزين وغيرتها وغسل تانكى البنزين بعد والحمدالله رجع االموتر زي اول ما ادري اذا كان نفس الي تشتكى من سيارتك ارجو انى افدتك تحياتى لك

[أبرق الحيراء]

وخذ نصيحة شيك علي السير وغيره قبل لا سمح الله ينقطع ويسبب لك مشاكل

[alwali]

المشكلة ان الواحد يطرح مشكلته ولا يتابع علشان الناس تستفيد

[أبن المدينة]

المشكلة ان الواحد يطرح مشكلته ولا يتابع علشان الناس تستفيد


أعتقد إني رديت على مشاركتك وقلتلك الموتر كم ماشي
وكل اللي ردو على موضعي اقولهم جزاكم الله خير كاقصرتم
واعتقد ان اقرب شخص فهم مشكلتي هو العضو أبرق الحياة
وبشيك ع دفع الطرمبة
وبالتوفيق

[ابوراكان تبوك]

أعتقد إني رديت على مشاركتك وقلتلك الموتر كم ماشي
وكل اللي ردو على موضعي اقولهم جزاكم الله خير كاقصرتم
واعتقد ان اقرب شخص فهم مشكلتي هو العضو أبرق الحياة
وبشيك ع دفع الطرمبة
وبالتوفيق

افحصها كمبيوتر شوف ضغطها normal او لا

[الخالدي999]

اخوي الله يعينك اتوقع مشكلتك من الكلتشات ضعيفه الموتر يحن ومايمشي لضعف الكلتشات وتبي تأكد شيك على زيت العقي اذا فيه ريحة حرق اوسواد زايد الله يعينك على توضيب القير

[الخالدي999]

الي فهمته من شرحك للمشكله ان موترك يعجز يمشي بالرمل او بمعنى آخر ضعيف عزمه ويحن اذا دعست بانزين

[أبن المدينة]

بالضبط اخوي الخالدي