نظام الجر. دودج رام ٢٠٠٦

[Salim993]

السلام عليكم ورحمة الله وبركاته
نظام الجر ف الدودج رام ١٥٠٠ موديل ٢٠٠٦ مكينة هيمي يشتغل بواسطة زر ف عصا الجير.. عند تشتغيله تضي اللمبه ف شاشة العداد لكن بدون ما يتفعل كيف عرفت؟؟
من يومين نشبت ف رمله وشايزت الاطارات الخلفيه ( الاطار الايسر معلق نوع ما والاطار الايمن ثقل السياره عليه) الدوران فقط يروح ف الاطار الايسر والايمن ابد ما يتحرك. مع اني مشغل الدبل الثقيل وبعض الاحيان الدبل الخفيف وكلها النتيجه وحده.. اللي اعرفه عن نظام الجر انه يخلي الاطارين يدورن مع بعض بدون زيادة او نقصان عن الاطار الاخر.
وين المشكله؟ واذا انا فاهم عن هذا النظام خطاء اتمنى انكم تنيروني.
ولكم جزيل الشكر

[AL-OTAIBI]

وضح بالمقصود بالجر!! اللي يخلي كفرات السيارة تدور سوا هو نظام الدفلك وليس الجر. يمكن انت ما عندك دفلك بسيارتك

[خالد الفووزان]

فيه نظام التحكم بالجر traction control / ينقل الطاقة الی الكفر اللي عليه الوزن الاكثر و الكفر يدور بسرعة معينة حسب الاحتياج للدوران .
و فيه نظام قفل الترس التفاضلي diff lock / و هذا يقسم الطاقة علی الاربع كفرات و يعني كل كفر 25 % و تدور بنفس القوة و بنفس السرعة بحمل او بدون .

[1824]

وش دخل الجر بالتراكشن كنترول

لخبطتو ام الرجال انت تتكلم عن زر السحب او الجر وهذا مالها دخل في موضوع توزيع القوة على الكفرات ولا شيء هذا يقول للكمبيوتر ياخر التعشيقات عشان السحب او طلوع او نزول المنحدرات فقط ماله دخل في توزع القوة ولا شيء

وفي نظام التحكم بالانزلاق او تراكشن كنترول هذا ينفع في التغريز شي بسيط وليس كبير ولكن ينفع بحالتك التحكم بانزلاق السيارة وتوزيع القوة على الكفرات

وفي الدف لوك وهذا الله يطول عمرك يوزع القوة على الكفرين الي شابكين بدفرنش واحد بتوزيع 50% لكفرين القوة وحدة تنزل معناته عشان تغرز لازم الكفرين كلها تحفر بالتوفيق لك وان شاء الله افدتك واحتمال كبير ما عندك دف لوك الا اذا لقيت زر مكتوب عليه Difflock

[Salim993]

اشكركم جزيل الشكر..
الاخ ١٨٢٤ كلامك يدش الراس فعلا، معاي فالرام زر السحب اللي مكتوب عليه Tow Houl
ولا يوجد دف لوك ولا تراكشن، واحسن دفرينسه عادي ما هو مثل ما خبرني احد الاعضاء ف الرسائل الخاصه ان اسم الدفرينس انتي سبين (anti spin differential) وبالعربي يسمى محدود الانزلاق..
اتوقع هذا الدفرينس ف الدورانجو موديلات( ٢٠٠٤ - ٢٠١٠)

[مجنون جمس]

شكرا للجميع معلومات قييمة

[خالد الفووزان]

نظام القطر = tow haul . T/H
نظام التحكم بالجر = traction control system. TRC-TCS
نظام التحكم بالانزلاق = anti slip regulation. ASR
ASR = TCS .

-اذا كان الزر اللي تقصده T/H فا ما له دخل بالرمل لان وظيفته مثل ما ذكر العضو 1824 .

[Salim993]

نظام القطر = tow haul . T/H
نظام التحكم بالجر = traction control system. TRC-TCS
نظام التحكم بالانزلاق = anti slip regulation. ASR
ASR = TCS .
-اذا كان الزر اللي تقصده T/H فا ما له دخل بالرمل لان وظيفته مثل ما ذكر العضو 1824 .

اشـــــكرك، خلاص وصلت المعلومه
بارك الله فيكم..
اي نعم اقصد T/H