المساعد الشخصي الرقمي

مشاهدة النسخة كاملة : الدودة والا وش السالفة ؟


فـــــلاح
10/01/2007, 06:06 PM
مسيكم بالخير


عندي يوكن 2003

اذا مشيت فيه على ارض مستويه ما فيه احسن منه

واذا مشيت على ارض متعرجه والا فيها مطبات خفيفه وبطانيج تسمع صوت طقطقه عند الدركسون

سألت راعي الورشه قال هذي فضاوه عند العمود حق الدركسون

وقلت وش الحل

قال ما فيه لا حل ولا غيره

لأن الجموس من عام 99 وطالع فيها المشكلة هذي

ولو تغير الدودة عشرين مره ما راح تستفيد

هل كلامه صحيح ؟

وهل فيه حل للمشكلة اللي ذكرتها لكم ؟

أفيدوني بارك الله فيكم
الكونترولCONTROL
10/01/2007, 06:11 PM
يبدو انها جلد المقصات .... و أمرها بسيط
ما دام في الخط موترك راسي فادركسون و الدودة كلها سليمة
=====================================
و ان كنت في الرياض راجع ميزان العضيب يمكن يفيدونك
اما ما لها حل ؟؟؟!!!!!!!!!!!! كلام !!
فـــــلاح
10/01/2007, 06:20 PM
يا مال الغناة

وش دخل المقصات ؟؟؟؟

الصوت اقولك حول الدركسون تسمعه وانت داخل الغماره

عرفت وش اقصد ؟

وانت تمشي على شي مستوي يا سسسلام مابه لا صوت ولا شي

وان جيت تمشي على بطانيج سمعت انواع الطقطقه كن طبلونك مفكوك عشرين مره ولا ربطوا المسامير

ظنك العضيب يضبطها ؟
الكونترولCONTROL
10/01/2007, 06:21 PM
تخصصهم الوزن و كل ما يدور حوله .....
انت وقف عندهم و لا تقول لهم اي شيء
فقط اطلب فحص الموتر عن هذه المشكلة
و لا تجيب لهم طاري عن اي شي
لا دركسون و لا غيره ..... و ان شاء الله يضبطونه و ميزتهم ضمان شهر كامل
و ضمانهم ما فيه لف و لا دوران .....
===============================================
الربذي
10/01/2007, 06:35 PM
السلام عليكم
الله يمسيك بالخير

هل هو دبل
قد يكون العكوس تراه تطقطق
بس اذكر مع اللفات فقط بس رجاء لاتعصب علينا مثل ماعصبت على غالينا كنترول
امل تقبلها بصدر رحب
فـــــلاح
10/01/2007, 06:44 PM
يا مال الغناة مرةٍ اخرى يا الكنترول

والظاهر نبي نمر العضيب ونشوف وش سالفة هالصوت

،،،

الربذي

يا هلا بك والله ، والعكوس مالها دخل

والموتر الله الله دبل بس الصوت اللي اقصده ماله دخل لا فيه عكوس ولا مقصات

الصوت قريب حول الغماره تسمعه وتراه خفيف بس انه قلق

وترى لا عصبنا ولا شي وش بلاك حطيتني معصب ههههههه
الكونترولCONTROL
10/01/2007, 07:09 PM
و انتبه لأجزاء السيارة السفلية
الدعاسات ( السلم ) احيانا الحامل ينكسر او ينحل
الكنداسة و دبتها أحينا مرتخية او مكسورة قاعدتها
كليبرات الفرامل ( تأكد انها مثبته صح )
و أخيرا فحص المساعدات لا يكون واحد منفقع ...
و ليس الدليل انك تسمعه قريب يكون قريب
انا قبل اسبوعين احس طقطقة في خلف يسار الموتر و طلع العكس الأمامي
الأيمن !!!! الجهة المعاكسة تماما لتوقعي و لولا الله ثم اني شفت العكس طالع من
مكانه كان تعبت مثلم ادور المشكلة وين !!!
حط الموتر عند العضيب و لا تحدد لهم اي جهة و لا اي جزء من السيارة
فقط اطلب حل مشكلة الطقطقة !!!!
فـــــلاح
11/01/2007, 02:15 AM
الكونترولcontrol

انت ذيب انا اشهد

ع العموم ان شاء الله بروح للعضيب واسوي مثل ما وصيتني

لا هنت وعسى الجنة منزالك ومن يمر على هالصفحة
مكحل الحنشان
11/01/2007, 03:52 PM
اخوي فلاح انا عندي نفس مشكلتك بالحرف الواحد بس سيارتي سوبربان 2002 والمشكلة طلعتلي يمكن على ال15000 وديته للوكاله قالو لي هذا يحتاج تشحيييم من نوع خاص وبس
وبعدها فقدت الصوت فترة بسيطة ورجعلي مرة ثانية والحين الموتر ماشي 95000 والصوت موجود وكم واحد قالو لي ماعليك الامور تمام بس هذا شي منتشر بالجموس واتوقع ان اليوكون الاخو الصغير للجموس


وشووكرنن
طالب الكلية
30/08/2009, 05:39 AM
السلام عليكم
اخوي فلاح وش صار الان بالسيارة

زينتها

انا عندي نفس الصت
وما ادري وش المشكلة
ونفس الكلام اللي جاك جاني
راعي المجهم
30/08/2009, 06:03 AM
ههههههههههههههه

ياناس أنتبهوا من غش أصحاب الورش وكذبهم الجمسات مافيه الا العافية

لا حد يضحك عليكم

المشكلة من دعسة الفرامل تهتز مع المطبات فقط وعلاجها هنا

ونصيحة لوجة الله ميزان العظييييييييييب حرامية فأحذروهم الكل يشتكي منهم

http://www.mekshat.com/vb/showthread.php?t=204142
سوبر VTC
30/08/2009, 06:27 AM
الموضوع له سنتين و 8 اشهر
و الرجال اخر مشاركه له قبل سنتين 7شهور او اقل
الله ييسر اموره

انا عندي بالجمس
اذا ضربت بطناج
يطلع صوت قرشه خلف الدركسون مباشرة
تقل صوت سبرنقات
طالب الكلية
31/08/2009, 05:10 AM
الصوت مزعجي
واذا فيه امكانية
ممكن اعرف كم جلد المقصات ليوكن 2001
لاني ناوي أغيرها واسوي ميزان مقصات
زاير الغيم
31/08/2009, 06:46 AM
مسامير التوازن تبي جلد أو تغيير
امبراطوور
31/08/2009, 11:28 AM
شيك على الاذرعه
يمكن يبي لها كبس
فيها فضاوه والله اعلم