موتري يوكن 2003 اذا صار حار مايشتغل ولا يدق السلف نهائيآ .. الحل

[الخبوبي]

السلام عليكم جميعآ

عندي مشكلة متعبتني ولا لقيت لها حل .. ابي فزعتكم

اذا طفيت الموتر وهو حار ورجعت ابي اشغله مايشتغل ابدآ ولا يدق سلف نهائيآ

واذا انتظرت دقايق حتى يبرد يشتغل .. علمآ ان البطارية جديدة

وديته لورشة وقالي طبيعي الجموس فيها حساسات اذا كانت حاره ماتشتغل على طول لكن كلامه ما جازلي لأن الموتر معي وكالة ولا صارت المشكلة الا هالفترة

اتمنى من الخبراء يعطوني رايهم

مع تقديري الكامل للجميع

[ابوراكان تبوك]

نفس الجموس القديمه من السلف اذا حمى مايدق لين يبرد تفصل الكهرب الدقمه

[واثق الخطوه-]

غير طرمبة البنزين

[متقاعد مبكر]

المشكله في السلف نظفه وتاكد من الجلبه الي تجي قدام الترس حق السلف

[موتر 2008]

حسب كلام بعض الاخوان .. في طرمبات البنزين للسيارات الجديدة حساس
يطفي السيارة اذا ارتفعت الحرارة ..

و هذا صار معي بأرمادا 2009 كانت تقطع علي السيارة و بالموت تمشي
و طفت علي بالطريق لكن الله ستر اني كنت مهدي السرعه و قريب من الرصيف ..
و خليت السيارة حق نص ساعه و شغلتها و اشتغلت .

ممكن طرمبة بنزين في حالة وحدة فقط ( اذا كان يقطع عليك خصوصاً اذا تبي
تتجاوز او شديت ع موترك )


المهم كيف الحرارة في عداد الرديتر ؟

[أبوعبدالرحمن99]

اللي يقول طرمبة بنزين ، أرجو أنهم يأخذون في الاعتبار ان الرجال يقول السلف ما يدق ،الطرمبة ما تمنع دقت السلف و لكن تمنع تشغيل السيارة، و شكرا

[رفيع المقام]

نعم المشكله تكمن في،السلف ... ولا يمكن تحديد،العطل الا بعد،فكه ..

[موتر 2008]

اللي يقول طرمبة بنزين ، أرجو أنهم يأخذون في الاعتبار ان الرجال يقول السلف ما يدق ،الطرمبة ما تمنع دقت السلف و لكن تمنع تشغيل السيارة، و شكرا




نعم يا غالي ..

نفس اللي حصل لي بالضبط ,
طبعاً طرمبة البنزين في الأرمادا كهربائية
و كلمت مهندس و قال لي ان فيها حساس ما يخليها تشتغل ..

كنت أشغل السيارة و السلف حتى ما يدق !



و أكرر ،

الكلام هذا إذا الموتر كان يقطع وقت زيادة السرعة و الانطلاق

[الخبوبي]

نفس الجموس القديمه من السلف اذا حمى مايدق لين يبرد تفصل الكهرب الدقمه

بيض الله وجهك وكلامك مقنع جدآ خصوصآ اني مغير السلف قبل سنة وانا والله شاك بالسلف انه مو اصلي لكن ماخذه من التقوى على انه اصلي

كل الشكر

[الخبوبي]

غير طرمبة البنزين

اتوقع ان الطرمبه مالها دخل لأن السلف مايدق اصلآ

لو كان يدق ومايشتغل ممكن تكون الطرمبه

بيض الله وجهك ع الرد .. تقديري

[الخبوبي]

المشكله في السلف نظفه وتاكد من الجلبه الي تجي قدام الترس حق السلف

بيض الله وجهك ماقصرت على الرد .. تقديري

[الخبوبي]

حسب كلام بعض الاخوان .. في طرمبات البنزين للسيارات الجديدة حساس
يطفي السيارة اذا ارتفعت الحرارة ..

و هذا صار معي بأرمادا 2009 كانت تقطع علي السيارة و بالموت تمشي
و طفت علي بالطريق لكن الله ستر اني كنت مهدي السرعه و قريب من الرصيف ..
و خليت السيارة حق نص ساعه و شغلتها و اشتغلت .

ممكن طرمبة بنزين في حالة وحدة فقط ( اذا كان يقطع عليك خصوصاً اذا تبي
تتجاوز او شديت ع موترك )


المهم كيف الحرارة في عداد الرديتر ؟




لا مايقطع ابدآ فقط وقت التشغيل والحرارة على النص اذا الموتر يمشي واذا وقفت عند اشارة تعدت النص

كل التقدير والشكر

[الخبوبي]

اللي يقول طرمبة بنزين ، أرجو أنهم يأخذون في الاعتبار ان الرجال يقول السلف ما يدق ،الطرمبة ما تمنع دقت السلف و لكن تمنع تشغيل السيارة، و شكرا


كلامك صحيح 100% :good2:

بيض الله وجهك .. تقديري