المساعد الشخصي الرقمي

مشاهدة النسخة كاملة : الاستغناء عن البطاريات الضافية


شيخ بني تميم
27/07/2015, 02:35 PM
السلام عليكم كيف حالكم ياشباب ان شاء الله بخير كثر الكلام في البطاريات والبطاريات الاضافية وهل بطاريات ابتماء الجافه تغني عن البطاريات الاضافيه ومشاكلها وغلا سعر تركيبها مع وجود جهاز ايكم وإناره ومحول وثلاجة
أبو شيري
28/07/2015, 11:34 PM
اذا كان هناك انارة ومحول وايكوم وثلاجه فمن الافضل تركيب بطاريه اضافيه وترتاح نهائي
وليس شرط بطاريه جافه وأنما أي بطاريه كوريه وهذا عن تجربه شخصيه

لكي تكون مرتاح البال ولا تشيل هم فضت البطاريه أو لا خل الاجهزة تشتغل لين تطفى ولا عندك مشكله وتقوم تشغل السياره وأنت قلبك على كراسيه

من ناحية سعر تركيب الاضافيه ليس مرتفع نوعا ما اذا أكتفتيت بتركيبها بدون تشغيل السياره
كل الشغله كرسي ب 50 ريال ومنظم 300 ريال أمريكي أو منظم رفيق الدرب
وشغل اليد 150 وتمديد سلك ثلاجة وسلك كنود وسلك لمبه ليد وبكل راس سلك فيوز طبعاً


بطارية أوبتيما أغلبها مضروب أبعد عنها غاليه على غير فايده
شريتها من الكويت جديده قبل يفتح لها وكيل عندنا [ العقيلات ] ولا أستفدت منها للثلاجه حاطها اضافيه
ويوم قررت اضعها مكان الاساسيه للتشغيل ما تركب الاصابع الا بترهيم ولا حبيت شغلة الترهيم
فركبتها على صالون أمريكي وهي تركب ممتازة عليه لان يجي فيها الاصبع مسمار
ولكن اذا ماشغلته شهر لابد اشتراك وهم يقولون لو تتركها سنه تشتغل السياره


الان صرت اركب بطاريات كوريه ما تتعدى 260 مع الرجيع كل سنتين احيانا ثلاث والحمد لله
واترك الجافه ام 1150
moath2700
29/07/2015, 05:45 AM
وعليكم السلام ورحمة الله ...

البطاريه الاضافيه شغلتها شغله وفائدتها محدوده ومشكلتها كل سنه تصير تغير بطاريتين افضل حل اشوفه واللي انا استخدمه هو..

الاكتفاء ببطارية السياره ووضع التكاميل عليها من كنود وثلاجه وغيره (((وشراء بطاريه او شاحن متنقل (له عدة اسماء) ويتم شحنه بالبيت ووضعه بالسياره فهو بمثابة اشتراك وتشغيل عليه لمبات وله افياش ليس الصيني اللي يباع بالامارات قصدي لا والف لا (مالكم لوء)

هو شاحن اوبطايه متنقله امريكي ويطلب من امريكا وسعره واصل تقريبا 800 ريال

له عندي اكثر من خمس سنوات وكل بين فتره وفتره اشيك عليه عن طريق لمبات جانبيه تبين مقدار الشحن اللي فيه

وكد شغلت به حراثه وقومه وماتغير من كهربته شي والله الموفق ولكم تحياتي
بن نويشر
29/07/2015, 06:11 AM
بخصوص الثلاجة ينصح تشغيلها من كهرباء مباشر حتى تصل الى درجة البرودة بعد ذلك قم بتوصيلها على بطارية السيارة او المحول .
الشيخ الظريف
29/07/2015, 06:57 PM
ركب بطاريه كوريه ١٢٠ امبير وما فوق وشغل اجهزتك مرتاح بلا بطاريه اضافيه او غيرها
الوانيت1
30/07/2015, 08:51 AM
ركب بطاريه كوريه 120 امبير وما فوق وشغل اجهزتك مرتاح بلا بطاريه اضافيه او غيرها

نعم حل صحيح ورأي سديد و يؤدي الغرض
ويحتاج بس انك تكبر كرسي او مكان القاعده اللي تركب عليها البطارية
لان الحجم لأغلب البطاريات اللي اكبر من 110 امبير راح يكون كبير
و تحتاج ترهم كرسي بطارية اكبر .
و هذا الامر سهل و حسب كل سيارة ......////.
شيخ بني تميم
30/07/2015, 03:43 PM
والله انا لقيت واحد يركب بطاريه با٧٠٠ وكتاوت موب منضم
شيخ بني تميم
30/07/2015, 04:28 PM
ياليت الي يعرف محل رخيص ومضمون يعلمنا
joblak
31/07/2015, 05:52 AM
انا كان ناوي اركب بطارية اضافية لكن بعد الموضوع هذا بتأخر لين اشوف مشاركات الاخوان انا على اساس انه موتر مقناص يعني ثلاجة وكنود ولمبات

اتمنى التفاعل من الاخوان علشان اجزم هل تستاهل اركب ولا لا

شكرا لكم
شيخ بني تميم
31/07/2015, 01:16 PM
انا مريت لي مهندس قال بطاريات الاوبتما تقوم ثلاج وماتشغل السيارة ٨ ساعات وتمشي لاكن سعرها ١١٥٠ والاضافيه راكبه في موترك با٧٥٠ كتاوت وليس منضم وتصير عندك بطاريتين ومرتاح اذا قضت تشغل وقضينا
أبن المدينة
01/08/2015, 11:15 PM
والله انا مركب اضافية ٨٠ امبير وشابك عليها كل الإضافت من ثلاجة وكنود وانوار الليد وما اشيل هم ان السيارة ماتشتغل لأن بطاريتها منعزله تماماً
ولها سنه ونص الحمدلله ما اشتكيت منها
الأكحل
02/08/2015, 05:45 PM
السلام عليكم ورحمة الله وبركاته
ياليت واحد من أهل الخبرة يشرح لنا طريقة تركيب الكتاوت والمنظم ويا ليت يكون بالصور حتى يفيدنا ونرتاح من الغلا والفلسفة
وهل فيه فرق بين المنظم والكتاوت
ودمتم سالمين
ابوحسام9
02/08/2015, 09:05 PM
البطاريه الاضافيه ضروريه لراع البر وخاصه الي يركب ثلاجه واجهزه
اخرى
واجهتني مشكلة وهي تشويشالجهاز الايكوم مع الثلاجه والله العضيم انه
طفشني وزعجني ياليت الي واجهته المشكله وجد حل انه يفيدنا
dc55s
02/08/2015, 10:19 PM
نحتاج من لدية خبرة في هذا المجال يفيدنا
ابن عكاش
03/08/2015, 11:28 AM
السلام عليكم ورحمة الله وبركاتة
بعطيكم وجهة نظري الشخصيه يمكن تفيدكم
بالنسبة للتسليكات الكهربائية الافضل عدم المبالغة الزائدة فيها
الحاجة للبطارية الاضافية للمبات والمحول والآيكوم والثلاجة
اشوف ان لمبات اللد اقتصادية ولا تحتاج بطلرية اضافية
المحول الافضل الاستغناء عنه لأن اصبح كل شي 12فولت
الايكوم غالبا ماتحتاج له الا والسيارة تمشي فمافيه خطر على البطارية
بقي الثلاجة وفي الحقيقة ان اغلب استخدامها في الصيف وتختلف من شخص لشخص فإذا تشوف ان استخدامك لها كثير وماتنزل من السيارة عندك ثلاث خيارات
الاول تركيب بطارية 120امبير نوع جيد مع الحرص على تشغيل السيارة باستمرار
الثانية تركيب بطارية اوبتيما واحرص ان تاخذها من موزع معتمد انتاج جديد
الثالث تركيب بطارية اضافية
مع العلم انك حتى لو ركبت بطارية اضافية لابد من تشغيل السيارة كل ساعتين على الاقل لأن الثلاجة تحتاج كهرب قوي و12فولت ثابته ولا ماراح تبرد والكمبروسر بيطفى
خلاصة الكلام شف حاجتك وشي ولا تبالغ في اشياء ماتحتاجه واستفد من البدائل والوسائل اللي ماتصرف كهرب
بالتوفيق للجميع
أبن المدينة
03/08/2015, 04:12 PM
انا اشغل الثلاجة عالإضافية عشرة ساعات بدون ما اشغل الموتر وماتطفي الثلاجة
شيخ بني تميم
05/08/2015, 04:51 AM
ماشاء الله والله ممتاز
الكدن1
06/08/2015, 01:06 PM
البطارية الاضافية ليست ناجحة وخاصة مع الثلاجة
افضل حل من وجهة نظري تركيب بطارية اضافية لكن لاتشبك عليها الثلاجة بل اجعلها لتشغيل السيارة عند الضرورة فقط
ووصل الثلاجة على البطارية الاساسية لانها افضل بكثير عن الاضافيه
ولا تحتاج تشغيل السيارة في اصعب الظروف الابعد5 ساعات
هذا الكلام من تجربة ومن ملاحظاتي على سيارات زملائي
اما بطارية اوبتيما فليس لها جدوى اقتصاديا لان عمرها 3 سنوات
بل هي تصلح للاحمال الشاقة
Mohammed5d
06/08/2015, 01:45 PM
البطارية الاضافية ليست ناجحة وخاصة مع الثلاجة
افضل حل من وجهة نظري تركيب بطارية اضافية لكن لاتشبك عليها الثلاجة بل اجعلها لتشغيل السيارة عند الضرورة فقط
ووصل الثلاجة على البطارية الاساسية لانها افضل بكثير عن الاضافيه
ولا تحتاج تشغيل السيارة في اصعب الظروف الابعد5 ساعات
هذا الكلام من تجربة ومن ملاحظاتي على سيارات زملائي
اما بطارية اوبتيما فليس لها جدوى اقتصاديا لان عمرها 3 سنوات
بل هي تصلح للاحمال الشاقة

بالعكس انا شابك الثلاجة على الاضافيه ومن اروع مايكون ممكن تمديدك للثلاجة فيه مشكله
أبو شيري
06/08/2015, 04:25 PM
البطارية الاضافية ليست ناجحة وخاصة مع الثلاجة
افضل حل من وجهة نظري تركيب بطارية اضافية لكن لاتشبك عليها الثلاجة بل اجعلها لتشغيل السيارة عند الضرورة فقط
ووصل الثلاجة على البطارية الاساسية لانها افضل بكثير عن الاضافيه
ولا تحتاج تشغيل السيارة في اصعب الظروف الابعد5 ساعات
هذا الكلام من تجربة ومن ملاحظاتي على سيارات زملائي
اما بطارية اوبتيما فليس لها جدوى اقتصاديا لان عمرها 3 سنوات
بل هي تصلح للاحمال الشاقة


راجع نوع البطاريه الاضافيه والمنظم اللي يغذيها من الاساسيه قد يكون هناك خلل او التسليك

لان اعرف الكثير تعمل معه بشكل ممتاز وانا شخصيا تشتغل الى 8 ساعات ولم تطفى ولا تفصل والسياره طافيه

قد يكون هناك عندك مشكله بتعبئتها عبر المنظم
moath2700
06/08/2015, 04:28 PM
هذا الشاحن او الاشتراك الامريكي العملي

http://car-battery-charger-review.toptenreviews.com/clore-booster-pac-review.html



الذي يغينيك بعد الله عن البطاريه الاضافيه ومشاكله ((يكفيك ان البطاريه الثانيه كل سنه تغير بطاريتين ))لكن هذا غير بطاريه واحده اللي هي الاساسيه وهذا الشاحن يبقى معك طول الوقت وعملي هو جدا
moath2700
06/08/2015, 04:33 PM
وهذا اسمه بالانجليزي.

booster pac5000
شيخ بني تميم
07/08/2015, 03:38 AM
بس في اختلافات ناس تقول تقعد سنتين وناس سنه وناس تكمل معهم ثلاث سنوات قد يختلف التمديد ولاسلاك ولاستخدام وانا فكرت في الاضافيه لاني بسوي حركت الشباب تركيب ثلاجة البيت في السيارة
الضرغام@@
08/08/2015, 01:23 PM
السلام عليكم ورحمة الله وبركاته
انا مركب بطاريه اضافيه شغل سوافي ومسلك للثلاجه من البطاريه علطول
ومحول وافياش فقط واشبك الثلاجه عليها تجلس تقريباً ثلاث ساعات وتنسحب
لازم اشغل السياره بعدين غيرت البطاريه بجافه ابتيما وشبكت عليها نفس الثلاجه
وشغلتها ٥ ساعات تثليج طبعاً
اطلعت على بعض المواضيع يقلون اذا جعلت الثلاجه في وضع تبريد تجلس اطول وقت
من وجهة نظري البطاريتين ضروريه خصوصاً اذا كنت من اهل الثلاجات
ثلاجتي الطمره ٥٠ لتر الكترونيه ما ادري تختلف الثلاجات في السحبيه او لا
((( الحر)))
08/08/2015, 02:20 PM
السلام عليكم ورحمة الله
من وجهة نظري ان زمن البطاريه الاضافيه ومحول الكهرباء قد ولى زمانهم بعد ان خرجت علينا لنبات الليد الاقتصاديه والخرافيه .. كذلك مع وجود شواحن الجوالات يو اس بي سواء على الولاعه او ترهيم كذلك مع وجود شواحن سياره لجميع الاجهزه من كمرات وغيره لم نعد بحاجة لمحولات كهرباء وافياش 220 بالسياره.. اما بالنسبه للكنود فليس استهلاكه عالي وتشغيله غالبا يتزامن مع تشغيل السياره ... اما بالنسبه للثلاجه فاغلب من يستخدمها يقوم باطفائها عند توقفه ومن ثم تشغيلها بعد تحركه وتبقى محتفضه بالبروده .. فمن هنا انصح الجميع بعدم المجازفه وخاصة بالسيارات الجديده بتركيب بطاريه اضافيه ومحول كهرباء وتسيكات خطيره . فزمانها قد ولى بخيره وشره.
سليمان VIP
09/08/2015, 01:39 AM
التمديدات والأسلاك الأصلية بإذن الله لن تندم عليها في تجهيز سيارتك
المهم المحل اللي يضبط الشغل صح
ويكون بين البطاريتين منظم لانه يحافظ على البطارية الإضافية من الشحن المستمر
والبطارية الإضافية راحة لك فيما لو تعطلت الأساسية خصوصاً اذا سيارتك اوتوماتيك
المحلات بالرياض كثيرة حسب علمي منها الصبي و سوافي و المنديل
أبو فراس
09/08/2015, 11:11 AM
اذا كان عندك محل للبطارية الاضافية اتكل على الله وركب
في السابق ياما فتحنا الكبوت ونؤشر للسيارات نبي اشتراك
وهالحين يالله من فضلك
شيخ بني تميم
10/08/2015, 05:15 AM
اكيد كل ثلاجه تختلف عن الفولت في شي قليلي وفي شي عالي في اقتصادي وفي عادي
شيخ بني تميم
10/08/2015, 05:17 AM
اي والله ميزت البطاريه الاضافيه تريح كثير وتفكك من الاحراجات وانا ودي اركبها اكثر شي عشان الثلاجه وابسوي حركت الشباب ثلاجة بيت بدال ويكو وطقتها اذا الي حمسني لها اكثر
joblak
14/08/2015, 08:35 AM
يا اخوان هل زيادة امبير البطارية يضر السيارة ؟؟

يعني اشيل بطارية الوكالة واحط مكانها بطارية امبيرها اعلى ؟؟؟؟؟
abo ... ali
17/08/2015, 08:48 AM
السلام عليكم ورحمة الله انا من وجهة نظري اذا كان استهلاكك للكهرباء عالي مثل ثلاجة 50 لتر وفوق ولمبات ذات الواط العالي فانصح بتركيب بطارية اضافيه ومن ورشة متخصصة بالشي هذا اما اذا كان استهلاكك للكهرب عادي مثل ثلاجة 35 لتر وتحت ولمبه واحدة فقط فما عليك الا تركب بطارية اساسية فقط في بداية كل موسم وبحيث تكون البطارية اكبر من حقت الوكالة بفرق بسيط مثل بدل 80 امبير ركب 90 امبير .
مجالس الرجال
17/08/2015, 08:59 AM
يا اخوان هل زيادة امبير البطارية يضر السيارة ؟؟

يعني اشيل بطارية الوكالة واحط مكانها بطارية امبيرها اعلى ؟؟؟؟؟

زيادة الامبير هي زيادة تخزين فقط وعلى كلام اهل العلم انه ماتضر بالعكس افضلك اذا عندك إضافات طبعا الزيادة مثل 15 امبير وفيها حتى ماله ضرر على الدينمو
مارد
18/08/2015, 10:21 AM
فيه عن رفيق الدرب قطعه هي عباره عن كتاوت تركب بين البطاريتين تتحمل 150 امبير فقط تركبها بين البطاريتين وعليها مسمارين واضحين واحد يروح للاساسيه والثاني للااضافيه وسهله مره هو يفصل ويوصل وبه ميزه لاتوجد بالكتاوت العاديه وهي انها مايوصل الكهرب بين الثنين الا يومن السياره تشتغل وهذا سبب مهم جدا
انا مجربه له عندي اربع سنوات وانت تركبه بنفسك ماتحتاج كهربائي
مارد
18/08/2015, 10:24 AM
اسم القطعه بالانقليزي
battery isolator
حط الاسم بقوقل وحط صور وشف الجهاز
مارد
18/08/2015, 10:26 AM
او اكتب بقوقل ( رفيق الدرب كتاوت بطارية )
يطلع لك
واسف للتكرار
سليمان VIP
19/08/2015, 10:44 AM
فيه عن رفيق الدرب قطعه هي عباره عن كتاوت تركب بين البطاريتين تتحمل 150 امبير فقط تركبها بين البطاريتين وعليها مسمارين واضحين واحد يروح للاساسيه والثاني للااضافيه وسهله مره هو يفصل ويوصل وبه ميزه لاتوجد بالكتاوت العاديه وهي انها مايوصل الكهرب بين الثنين الا يومن السياره تشتغل وهذا سبب مهم جدا
انا مجربه له عندي اربع سنوات وانت تركبه بنفسك ماتحتاج كهربائي


نعم المنظم مهم جداً بين البطاريتين
واسمه منظم رفيق الدرب ويوجد منه انواع اخرى
وايضاً عن طريق المنظم تقدر تعمل [ اشتراك ] بين البطاريتين بضغط زر موجود بالجهاز

وله مميزات كثيرة موجوده بالصورة

http://www.travelmate.com.sa/store/pdf/monzm.jpg

واعتقد المشاكل القديمه لللبطاريات الإضافية هي بسبب قطعه تسمى [ الدقمه ]

http://www.mekshat.com/pix/upload04/images178/mk132726_dgmh4.jpg
موسط بستين
13/09/2015, 01:32 PM
على حسب احتياج الشخص وطلعاته من عدمة
مثلا واحد يطلع بالسنة عدد اصابع اليد هذا مايحتاجة ابد
اما الي يطلع كثير ومعه ثلاجة لازم بطارية اضافية
يارجال يسد انك مريح مخك والثلاجة تشتغل فل افراشك ونم والصبح مابه تبونه ياعيال يبي يشتغل الموتر ولا لا
ابوراكان تبوك
13/09/2015, 03:45 PM
نعم المنظم مهم جداً بين البطاريتين
واسمه منظم رفيق الدرب ويوجد منه انواع اخرى
وايضاً عن طريق المنظم تقدر تعمل [ اشتراك ] بين البطاريتين بضغط زر موجود بالجهاز

وله مميزات كثيرة موجوده بالصورة

http://www.travelmate.com.sa/store/pdf/monzm.jpg

واعتقد المشاكل القديمه لللبطاريات الإضافية هي بسبب قطعه تسمى [ الدقمه ]

http://www.mekshat.com/pix/upload04/images178/mk132726_dgmh4.jpg

الدقمه سبب مشاكلها تقلب الكهرب 24

لكن رفيق الدرب ع اسمه :good2:
ابوحسام9
14/09/2015, 08:06 AM
ابو راكان انت متأكد من هلمعلومه ان الدقمه تقلب الكهرب
الى 24
حسب معلوماتي ان الدقمه عباره عن فاصل لا اكثر ولااقل
يفصل البطاريتين عن بعض عند الاطفاء وعند التشغيل يسمح بالشحن
موسط بستين
14/09/2015, 10:44 AM
حسب معلوماتي
الدقمة والكتاوت يفصل البطاريتين عن بعض بعد التطفئة والسويتش على off
اما المنظم يجمع البطاريات مع بعض بعد التطفئة لمدة تقريبا ساعتان او ثلاث تقريبياً
فالي عندة ثلاجة تفصل بعد التطفئة بساعتين مناسب له المنظم
طبعاً المنظم يستشعر الكهرب الموجود بالبطارية الاساسية للتشغيل