أشيروا علي،،، أشتري ال Vxr هذا ولا لا

[بن حـــمـــد]

السلام عليكم

باختصار صار لي ثلاثة شهور وأنا في حيرة

باشتريلي موتر واحترت،

الباترول ديزل وقالولي لا
رحنا للفتك باترول طلع ب 160 ألف السوبر سفاري و 132 الف اللي مافية دف لوك ولازالت متردد جدا تجاهه

واليوم حصلت Vxr موديل 2000 أشهد انه نظييييييييييييييييف تماتيك وخلفية لكزس وجلد ،،، الخ وهو من أحد المعارض وعليه ضمان سنة كاملة ، وبسعر معقول جدا وفي حدود الميزانية

لكنه مواصفات أمريكي وكدت أشتريه لولا أحد الشباب قال هذا ماله قطع ولا يقبل عبد اللطيف جميل تصليحة

فهل أحدكم يدري عنه وهل فعلا ماله قطع، وجزاكم الله خيرا ولا عدمتكم

[بواسامه]

اياني واياك تشتريه
ترى محد يناظره بالسوق
السوق غاض ياغواص بالسعودي والخليجي
والزبون الصامل عسر
خلك بالمواصفات الخليجية ولا تتعداه
اكلمك من خبرة بالسوق

وفقك الله

[الربذي]

وعليكم السلام
هلا اخوي شف لقلك بالنسبه للامريكي طبعا هو مصدر لسوق امريكيه وبعدين مصدر لسعوديه صح
اولا لايباع الا الي يكون اما غرقان في فيضان او مسوي حادث عنيف هذا الاغلب انا اعرف واحد مصدر سيارات وهو من القصيم ولكن يسافر لامريكاء ويجيب سيارات مناك طبعا النظافه انا مجرب معي باث استعمال امريكي بس عيبه يطيح سعره مصمم لاجواهم برد في بعض الولايات وخصوصا الشماليه الحراره على طول النص ولا نظافته تحلف انه ماركبه احد قدامك وكاااااااااااااااااااااااااااااااااااااااااااااااا اااااااااااله وبعدين يكون مصدي غالبا شوري عليك دور سعودي ولا خذلك فتك انشهد انه موتر لكن ابعد عنه تشتريه الحين مثلا 85 او 90 لو تبي تبيعه مااحد يبيه من تقول استعمال امريكي ينحاشون عنك ورايح يبور عندك وتتحسف او تبيع ب ستين او اقل لو من معرضه الى السوق يعني خاذيه ب90 تطب السوق مايتعدى 60 بنفس اليوم
اسال مجرب
القطع نفس السعودي ولي يقول ماله قطع ماعندة سالفه بس يمكن الوكيل اذا عرف يقعد يتضرب عليك بالاسعار انت قل معي فكسار وبس
شوري عليك ابعد عنه
اخوك الربذي

[بن حـــمـــد]

اخواي بو اسامة والربذي جزاكم الله خيرا ولا عدمتكم ابدا

شكلها كذا والله أعلم ولن نخرج عن شوركم

بارك الله فيكم

[راعي الطلعات]

اخوي صراحه دايم احصل واسمع ان الي يشتري سياره مثلا يبانيه ومواصفاتها لدوله ثانيه مايقدر يحصل لها اي قطع غيار وماله داعي ان الموتر يوقف ايام وشهور عند باب ورشه علشان قطعه بسيطه مو متوفره بالمملكه كلها وياله تحصلها بالتشاليح

[salehhd]

السلام عليكم

تبي الشور خلك على الباترول اصرف وهو مايحتاج الى دف لوك

موتر جديد وعلى يدك وكاله ومعروف في البر
وخل عنك وارد امريكا يمكن مثل ماتفضل الشباب من مخلفات الفيضانات
ولا تنسى تستخير

[السنع كله]

من جههة اخرى المواصفات الامريكية للسيارات من خارجها شديدة وتعنتيه حتى لا تنافس االامريكي وخاصة قواعد السلامة انا قد جربت الشفرات الصالون دفرنس وقعد عشر سنين من ابدع مايكون والدفرنسين له اربع سنين وممتاز وكلاهما استعمال امريكي وبامكان من يريد الشراء ان يفحص ويفحص ما دام جاي من الولايات الجنوبيه وهو غالب المستورد من هناك وخاصه مدينة هيوستن 00والخلاصة الجديد الخليجي هو الانسب لاجوائنا والاقل صكة راس

[بوخالد الكعبي]

خلك على المواصفات الخليجيه احسسن قطع الغيار متوفر في كل مكااان 000

[حـاتـم]

والله الشباب ماقصروا

وانا ما انصحك

والله يختارلك الاحسن منه

وشكرا

أخوك / حاتم

[* Storm *]

مالك الى هووو

[بن حـــمـــد]

اخي راعي الطلعات : مثلي مثلك :) بارك الله فيك

أخي صالح : أبدا والله ما لنا غنى عن الإستخارة ، أما بالنسبة للإستشارة ففعلا يكاد الجميع يجمع على الفتك، جزاك الله خيرا.

أخي السنع كله : يبدو كذلك ، جزاك الله خيرا وما قصرت.

أخي بو خالد : أفعل إن شاء الله، بارك الله فيك

أخي حاتم : أشكرك جزيل الشكر وأبشرك تمت الإستخارة والإستشارة وفعلا الله يجيب اللي فيه الخير. بارك الله فيك

أخي مراقب السحاب : إذا قصدك الباترول فشكله كذا والله أعلم ، لا عدمتك.

[قرمزي الجواء]

نصيحه هج عنه وأنصحك بالهدد كانك راعي بر وعائلة

[بن حـــمـــد]

والله أخي القرمزي ان الهدد صراحة سيارة ما عليها كلام لكن ......... أميل بشدة نحو الباترول لأسباب كثيرة منها الشكل وبعدين جير الهدد ما يجي الا عادي على حسب علمي وبصراحة أنا جربته ووجدت انه ثقيل أقصد غيارات الجير ولا ارتحت في ركبته زي الفتك

شاكر ومقدر نصيحتك وجزاك الله خيرا.

[هاوي الله]

والله أخي القرمزي ان الهدد صراحة سيارة ما عليها كلام لكن ......... أميل بشدة نحو الباترول لأسباب كثيرة منها الشكل وبعدين جير الهدد ما يجي الا عادي على حسب علمي وبصراحة أنا جربته ووجدت انه ثقيل أقصد غيارات الجير ولا ارتحت في ركبته زي الفتك

شاكر ومقدر نصيحتك وجزاك الله خيرا.

الهدد يجي أوتوماتيك وأنا متأكد 100%

[بن حـــمـــد]

أخي فتى البران

أشكرك على المعلومة جزاك الله خيرا

على العموم صرفت نظر عن ال Vxr الأمريكي نهائي وبدون رجعة

[hamad_alsaad]

أذا عندك عائلة متوسطة وتبي تستخدم خمس سنوات أو اكثر. اعتقد ان باجيرو موديل 2005 فل كامل عند العيسائي يمكن تاخذه 95 الف ريال او أقل. بعدين رح للتعاونية لتامين شامل وحتى لو رفعوا سعر التأمين ماعندك مشكلة اذا قارنت كم من الفلوس فرق بينه وبين Vxr.
وبذلك تتغلب على اكبر عيب فيه وهو غلاء قطع الغيار الغير مكانيكية في حالة حصول حادث لاقدر الله.يمكن تحصل عندهم او يكون خلصت. على فكرة فيه مزيا يصعب ذكرها من كثرتها. والسيارة تخدمك اكثر من خمس سنوات بدون الحاجه لفني سيارات.

[بن حـــمـــد]

أخي أحمد بارك الله فيك وحفظك

نعم فكرت في الباجيرو وسبحان الله ناوي أمر عليهم اتفرج ويصير خير
ونصيحتك على الراس والعين ومشكور وما قصرت ولا تنسانا من دعائك.

[الربذي]

أخي فتى البران

أشكرك على المعلومة جزاك الله خيرا

على العموم صرفت نظر عن ال Vxr الأمريكي نهائي وبدون رجعة

هذا احسن شي سمعته
تصدق كانه انا اللي يبي يشتريه
اخ لي في الله جاء يستشير اخوانه ويقولون ماخاب من استشار
وانا ياواحد كنت اذا بغيت شي خلاص اصم اذاني ولا اسمع لاحد ينصحوني ويحذروني وخيك مصمم على رايه وبعد تجارب كثيره جدا وعدة سيارات وجدت اني انا الي خسرت وبعدين تحسفت وقمت ياليت ياليت لكن الحين اطرح اي شي ببالي افكر فيه اولا اسوي صلاة استخاره وبعدها سبحان الله يتغير الوضع نهائيا ومرات قليله استشير لكن بعد تجارب عديده اقول ماخاب من استشار والي يركب راسي يتحسف وياخذ درس قاسي
محبك بالله





اللهم انصر اخواننا المجاهدين في كل مكان يارب

[جت كذا]

يالغالي مع احترامي لجميع الاراء اللي طرحت الا ان اللاند كروزر الامريكي لا يفرق عن السعودي اللا في اشياء سطحيه مثل شمعات واصطبات والفرق المهم هو عدم وجود تانكي ثاني للبنزين وعدم وجود ثلاجه في اكثرها واذا كان بسعر رخيص فرق يستاهل فهو ممتاز رغم ان الجي اكس افضل من ناحية قطع غياره وسهولة اصلاحه . والله يوفقك واي استشاره عن اللاند الامريكي فمستعدين واحكي لك عن واقع تجربه .

[بن حـــمـــد]

آمين



أخي الربذي كأنك تتكلم عني، !!! فعلا ما حد يتعلم الا من كيسة، والخلاصة وانا اخوك اللي يسمع الكلام يفلح دنيا واخرة، كما أشكرك أخي على حرصك على مصلحتي بارك الله فيك واحسن اليك

أخي جت كذا ، نعم احسنت ليس به تانكي ثاني ولا ثلاجة وهاذا ايضا ما صدني عنه، وخصوصا أني عانيت من الجيب اللي معي، مافية تانكي ثاني وكل ما كشت ولا رحت رحلات بعيدة اشيل معي جوالين البنزين واحوس فيها، ولهذا قررت أني اصبر واتروى وأفكر ولا أستعجل وأستخير وأستشير وأطول بالي عسى أن أجد ضالتي وحبيبي اللي بعيش معة 15 سنة جاية إن الله أحياني :)

أما بالنسبة للسعر فاللي حصلتة كان ب 83 ألف وهو ما يعتبر زي سعر السوق،

لكن هل من خبرتك جيب الكزس 470 Lx الأمريكي فيه نفس الإختلاف

[طارق الحربي]

بالمرتبه الاولى تأتي السيارات ذات المواصفات الخليجيه

وبالمرتبه الثانيه تأتي المواصفات السعوديه

غيرها لا تاخذ

خذ باترول سفاري او جيب هدد قطري

اما الفكس ار انا معي واحد 2003 سعودي تماتيك موتر ممتاز ماشالله عليه بس عيبه ثقيل ويصرف بنزين اكثر من السته سلندر

[بن حـــمـــد]

صدق من قال "النصيحة بجمل"

أخي طارق الحربي رفعت رصيدي من المعلومات بارك الله فيك، فعلا جلس معي فترة Vxr جير عادي 99 وكان بلاعة بنزين ولكني ضنيت ان سبب الثقل الجير العادي

وأصدقك القول أن الهدد بدأ يلعب في راسي "أعوذ بالله من الشيطان الرجيم" :) !!!! الله يجيب اللي فيه الخير ، وأبشركم الدائرة ضاقت.

[طارق الحربي]

لي الشرف ان اكون قد اثرت في فكرك مجرد فكره بسيطه

فكر بماتحتاج فقط فلا تأخذ اكثر من ما تحتاج

دائما أؤيد فكرة شراء هدد قطري

عملانية + خفة + محرك 6 سلندر + رخيص نسبيا + يحتوي على جميع مواصفات vxr تقريبا

فلماذا لا يفكر فيه كل من يحتار في شراء سيارة ؟؟

[بن حـــمـــد]

صحيح

لا عدمتك