المساعد الشخصي الرقمي

مشاهدة النسخة كاملة : حذفة الباترول مع الدعسة


ذيب العرمه
10/07/2015, 01:54 AM
السلام عليكم ورحمة الله

مساكم الله بالخير .. والعشر مباركة عليكم

يالربع عندي مشكلة في موتري ربع باترول 91

وانا امشي اذا دعست ينقز الموتر يسار واذا فكيت الدعسه رجع سيده > تقول كنه يفرك يسار ما ادري وش علته

واهل الصناعية كل يفتي ويعطينا من كيسه .. قلت مايدوم للصلايب الا اهلها :good: مالنا الا اعضاء مكشات يفيدونا ..

فياليت الي قد مرة عليه هالمشكلة او عنده علم يفيدنا عنه عافاكم الله .

فمان الله
الوسم
10/07/2015, 03:00 AM
شييك على الرباطات الأمامية والخلفية

وإرجع علمنا وش يصير معك ؟؟؟
جني صغير
10/07/2015, 03:04 AM
مساعدات
الجلب

لانه اهم شي بالبدي
ذيب العرمه
10/07/2015, 03:04 AM
حياك الله يالوسم

الرباطات تقصد العمدان الي جهة منها فالدفرنس والجهة الثاني يم القير ؟؟
ذيب العرمه
10/07/2015, 03:05 AM
مرحبا جني الجلب غالبيتها جدد والمساعدات تمام

لكن ابشيك عالرباطات مثل ماقال اخونا الوسم وابرد لكم خبر
ذيب العرمه
10/07/2015, 04:41 AM
عفوا اخوي جني .. وشي الجلب الي تقصدها بالضبط >> توي اجمع:D
درايفر ربع
10/07/2015, 05:41 AM
شيك على رباطات الدفرنس الامامي وعمود التوازن
شيك على صواميل الكفر + اختبر رمانات العكوس ارفع الكفر وحركه هزه بيديك
عبقري91
10/07/2015, 06:18 AM
اغلب هلمشكله تكون من ربطات الدفرنس تجي ثمان حبات ولا تركب غير اصلي
أمير بخلاقي
10/07/2015, 07:25 AM
اخوي انا صارت معي بكامري لا دعست تحذف كأن احد الكفرات الامامية يبي يسبق الاخر وبالاخير طلع ربلات المقص يعني المشكلة تلقاه شغلة ربل ورباطات
ذيب العرمه
12/07/2015, 12:01 AM
السلام عليكم
مساكم الله بالخير

يالربع شيكت على الجلد والرباطات عند كذا ميزان وطلعت سليمه بس لاحظت في ان عمدان الرباطات اذا فريتها بيدي تتحرك شي بسيط يمين ويسار .. وكلهم يقولون ان هذا شي طبيعي لانها ربلات .

علما اني رفعت الموتر من قدام بياي استرالي فصارت الطارة لافه وانا امشي .. فرجعت يايات الوكالة قدام وراحت
اللفه .. وهذا يدل ان الدودة فيها فضاوة .. لان الموتر حتى بياي البلد لافة الطارة يسار شوي .

فما ادري هل الدودة تسبب هالمشكلة ؟
وبعد العيد بإذن الله ابمر الطائر يشوف الدوودة ولي رجعه لكم بإذن الله

واشكر كل الاخوة الي شاركوا عسى الله يرزقكم الجنه.
الوسم
12/07/2015, 05:20 AM
في إنتظارك يا ذيب

ولكن إنتبه من سواقة السيارة

الله يستر عليك ويردك سالم
ذيب العرمه
12/07/2015, 10:27 PM
هلا ومرحبا بك يالوسم

عز الله انك صادق الحذر مطلوب .. وطيت لي جفره في الدايري جمب الصبه وهج بي الموتر الا شوي << حسبي الله على هالمقاول .
.. ياجعلك والديك فالجنه ويجزاك خير .. ولنا رجعه يالشيخ .. استودعتكم الله
الوسم
13/07/2015, 03:48 AM
في حفظ الله .. وحنا في إنتظارك
تبشرنا بإكتشاف المشكلة مع بيان الحل
إن شااااااء الله
ذيب العرمه
25/07/2015, 05:13 PM
السلام عليكم

مساكم الله بالخير .. ابشركم يالربع لقينا حل للمشكلة .. والشكر لكل من شارك واخص بالشكر اخوي الوسم لتفاعله مع الموضوع .

المشكلة صارت من الرباطات الخلفية ١٠حبات .. مع العلم ان كل الي مريتهم قالوا سليمه بحيث ان شكلها من برا تقول بسم الله عليها لحد ينظلها جديدة وتلق :D ولكن بعد ما فكينها وحورفنا فيها اتضح انها متقطعة من الداخل ومافيها الا وحدة مضبوطة والباقي يخلف الله .. والعلم عند الله انها تجارية .. وتم استبدالها با اصلية وانتهت المشكلة ولله الحمد .. وعسى الله يجزاكم خير لمشاركتم

فمان الله .