مشكلة بالفتك 2002

[abokhald-4800]

السلام عليكم ورحمة الله وبركاته حيا الله جميع الشباب الي دخلوا انا ابي استفسر يا شباب انا عندي باترول فتك 2002 وكاله قير تماتيك قبل فتره طويله كانت تجيني حركه وهي بعض الحيان لما اشغل واعشق بوسط البايكه على قدام تحس ان الموتر يرمي نفسه وتسمع صوت من تحتي الموتر ويصير ماسك نمره يعني يقوم بالثاني وتبتل النمره بالثاني ما يعشق لا ثالث ولا يلقم واحد وكان حله اني اطفي الموتر واشغله وتشتغل لمبة الاوتو شيك تقعد تشر شوي ثمن تروح ويزبط تكفون الله لا يهينكم يا شباب ابي الفزعه:(

[ابوسند9]

وعليكم السلام
ابو خالد ,الباكيه عندك كم طولها؟ كيلو ؟
انت تقول ما يلقم ثالث وثاني!
وضح المشكله زين
والصوت كيف؟ صوت ؟ طقه؟
وكيف عرفت انه يقوم با الثاني هو بوسط البايكه؟
وزيت القير هل سبق ان غيرته ؟ ونوع الزيت ؟ ووين غيرته؟وكم كلفك؟ وهل تم تنظيف الفلتر؟
برضو الصباح قبل تشغل افتح غطاء الاديتر وغطاء القربة اللي بجانب البطاريه وشوف الماء هل عليه طبقة زيت ام لا؟
برضو شوف بجانب فلتر الهواء وبالرفرف علبة سودء فيها فيوزات كبيره اي كتاوت عددها 5 فيه 3 لونها ازرق ,اذا لم يسبق لك تبديلها انصحك تبدلها كلها وقبل تبدلها افصل اصابع البطاريه

[F34666]

هذا حساس القير خربان حاول تفصل اصبع البطارية من الليل وشوف يمكن يضبط معك او رح لورشة وغير حساس القير